Manifestazions atuales speziales

Data

17 de setember 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla edizion dl 17 de setember
Prozesciun a Oies
L'Uniun Ëi Val Badia inviëia düc i ëi y i jogn
Sciöche al é usanza da plü agn inviëia l'Uniun Ëi Val Badia düc i ëi y i jogn ala prozesciun da Badia a Oies, en vëndres ai 24 de setëmber 2021 dales 19:30 da dlijia de Badia demez.
La prozesciun vëgn fata cun linternes y ciandëres.


"Lostriades – percursc de nëif"
Le moto dla mostra temporana nöia tl Museum Ladin Ciastel de Tor a San Martin descrí l'inventiva y le svilup por se möie d'invern, por debojëgn y tëmp lëde
La tematica dla esposiziun che gnará daurida te otedé tl gran salf dl Museum Ladin de Tor a San Martin é la mobilité sön la nëi tles valades ladines. La mostra fej pert dl ann tematich dediché al proiet »mobilité-trasport-transit« dé dant dala Euregio Tirol Südtirol Trentin. Da se möie tla nëi lascion do pedies, striares che nes cunta de laurs da paur, devertimënt, sport mo ince de vera y de strades y auti. Lostriades, ostriades lasciades do da liöstri, nes mostra insciö i percursc tla nëi che le curadú Paolo Vinati ó nes cunté.

La mostra é da podëi vijité debann (cun le green-pass) le 24.09.2021 dales 15.00 ales 20.00 tl Museum Ladin Ciastel de Tor. Ara restará da odëi cina al 26.08.2022, tres debann, tratan i orars de daurida dl museum.


Cursc da jadiné
L'Ice Club Alta Badia organisëia cursc da jadiné
En lönesc, ai 20 de setëmber, mët man i cursc da jadiné por mituns y mitans, cursc che jará inant por 3 mëisc alalungia. Le curs é ponsé por mituns y mitans dai 4 agn insö che oress imparé da jadiné o che sá bele n püch. Al sará tres le lönesc y le mercui dales 16:00 ales 16:45 por les mitans y mituns che vá a scora, y le mertesc y la jöbia dales 15:30 ales 16:15 por les mitans y i mituns dla scolina. Le cost por trami i cursc é de 200,00 Euro. Al é ince la poscibilité da fá un n iade al'edema, iló é le cost de 130,00 euro. Düc i mituns y dötes les mitans che á vëia da jadiné dess s'anunzié. Por informaziuns y prenotaziuns prëibel cherdé sö o scrí, anter i 15 de setëmber, al numer de telefon 333 2930586.


Max Tosi y si amor per l ladin
Prejentazion dl liber de Roland Verra »Prim sintom d'autonn–Cunsunanzes poetiches cun Max Tosi« y giaurida dla mostra dedicheda a Max Tosi
N vënderdi ai 24.09. dala 17:00 tla Cësa di Ladins a Urtijëi nvieia l Istitut Ladin Micurá de Rü deberieda cun l Museum de Gherdëina y la Union di Ladins de Gherdëina ala prejentazion dl liber de Roland Verra y ala giaurida dla mostra de Max Tosi, ulache l sarà nce mesun audì registrazions audio dl poet Max Tosi. L sunerà danterite Martín Bonilla Vela, chitara y liut.
La mostra resterà davierta nchin ai 2 de utober 2021, de sada dala 15:00-18:00, de lunesc dala 9:00-12:00 y 15:00-18:00, de merdi dala 15:00-18:00 y da mierculdi nchin vënderdi dala 9:00-12:00.

Ntreda ala prejentazion mé cun green-pass y sun anunziazion, tel. 0471 794268


Degustaziun de bira artejanala
Ultima cërcia de bira artejanala en vëndres ai 24 de setëmber tl Ciastel Colz a La Ila
Le Ciastel Colz a La Ila fajará por l'ultim iade en chësc isté da cornisc al apuntamënt cun la degustaziun de bira artejanala de Südtirol, en vëndres ai 24 de setëmber dales 17:00. Le produtur presentará instës les carateristiches de süa bira tla curt dl ciastel y i partezipanc ará la poscibilité da ciarcé deplü sorts de bira. Por tó pert ala degustaziuna mësson se scrí ite te un di ofizi turistics dl'Alta Badia anter le de denant. L'iniziativa vëgn metüda da jí tl respet dles regoles preodüdes y al vëgn damané le green pass por podëi tó pert.


DOLOMITALE Filmfestival Gherdëina
Dai 21. nchin ai 26.09.2021 tla Cësa de Cultura a Urtijëi
L festival sarà inò n mumënt de ancunteda di amanc dl film y per chiche fej nstësc films. La jirà inò de films documenteres che se dà ju cun l raion dla Elpes, de films curc de Südtirol ma nce de d'autri films dla Elpes.
Lerch per se mustré giaperà nce jëuni che à fat i prim vares te chësc ciamp.
Chësc l program di films che unirà mustrei

- Merdi 21 de setëmber
dala 20:00: »die letzten Österreicher« cun Lukas Pitscheider

- Mierculdi 22 de setëmber
dala 20:00: »The trouble with Nature« cun Illum Jacobi

- Juebia 23 de setëmber
dala 20:00: »My Upside Down World« cun Angelika Rainer

- Vënderdi 24 de setëmber
dala 14:00: »Masterclass« cun Kalman Nagy
dala 16:00: »Things like«
dala 17:00: »Paradise«
dala 20:00: »Storie dai boschi di castagni« cun Marina Gumzi

- Sada 25 de setëmber
dala 10:00: filmbrunch tl Soviso cun mujiga de Ivan Schenk
dala 14:00: »Life in three voices« n prejënza dl regist
dala 15:00: »Favoriten« n prejënza dl regist
dala 16:00: »Kühe auf dem Dach« cun Aldo Gugolz
dala 18:00: cumpetizion di films curc
dala 20:00: »Wild republic«
dala 22:00: premiazion

- Dumënia 26 de setëmber
dala 14:00: »Der Albtraum der Schamanen« cun Natalie Halla
dala 17:00: » Wood«
dala 20:00: »The red house« cun Robert Peroni

Nfurmazions d'uni sort iel nce da giaté sot a www.dolomitale.com


Nuet longia dla Dliejes
»Se sentì da cësa te dlieja« n dumënia ai 19.09. dala 20:00 inant y nce n mierculdi ai 22.09 y n vënderdi ai 24.09. te dlieja S. Durich a Urtijëi y n sada ai 26.09. a Runcadic
N dumënia ai 19.09. dala 20:00 vëniel giaurì la rëjes dla dlieja de Urtijëi. Sn. Pluan Vijo Pitscheider fajerà na pitla ntroduzion y cunterà dla storia dla dlieja dla pluania. N jirà inant cun la spligazion dla pitures y scenes bibliches dla cupules, che vën iluminedes una al iede. Danterite suneràl Otto Dellago y l Cor di Ëi cianterà tla capeles da les pertes.
Davia che l orgun ie l strumënt dl ann, saràl Agnes Irsara che sunerà y dajerà desmustrazion dla pives y di reghistri. Theodor Rifesser cunterà dla storia dl orgun n generel, ma nce plu avisa de chël te dlieja S. Durich. Da udëi nce l film documenter de coche l ie unì fat l orgun.
Cun na ciantia cianteda da duc deberieda finerà via la sëira stajan mpue n cumpania sot al moto »surëdl, ega, aria«, i elememënc che lascia pro la vita sun nosta tiera y che l crësce la blava, che l pech Überbacher à trasfurmà te pan che vën pità n chësta sëira, y la vinies coche chëles dl cunvënt de Neustift.

N mierculdi ai 22.09. dala 17:30 te dlieja S. Durich se trateràla dla »dlieja ududa cun i uedli di mutons«. Sculeies dla scola mesana à nrescì do n con' dla dlieja de Urtijëi y à fat n pitl film dainora. La maestres Michi Sotriffer y Agnes Irsara nvieia duc i sculeies y genitores a unì.

N vënderdi ai 24.09. dala 17:00 te dlieja S. Durich spiegherà Sn. Digan Vijo Pitscheider la mëssa cun l aiut di ministroc y se nuzan de simbui y si senificat. La santa mëssa ie na festa y n mumënt de ancunteda cun Gejù.

N dumënia ai 26.09. dala 20:00 tla dlieja de Runcadic. Sun l argumënt de »varenté l crià«, vëniel metù a jì na funzion per i jëuni, ulache l cianta y sona na grupa de Runcadic. Jëuni y manco jëuni de dut l decanat ie nviei.