Manifestazions atuales

Data

08 de otober 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla edizion ai 8 de otober
Iadi y Jites
16.10.
Jita dal Nigerpass a Stanecia/Steinegg
La Lia da Mont de Gherdëina mët a jì n sada na blòta jita saurida da d'autonn, sciche ultima per chëst ann. L sarà da jì n 4,5 ëura. Nfurmazions plu avisa da Monica: 339 6563015. L ie da se nuté sun nchin ai 15.10. tla butëighes Ciofs Inge, Sport Bruno Riffeser y Sport Malsiner. Per chësta jita iel da avëi l green pass.

Cursc
Atualmënter
Curs de yoga por düc
Le curs, tigní da Karin Pizzi­nini, vëgn organisé a San Ciascian vigni mercui dales 19:30 ales 21:00. Por infor­maziuns: 340 1268806.
11. y 12.10.
San Martin: curs da decoré ciandëres
La Uniun dles Patrones mët a jí n curs da decoré ciandëres cun Pia Pedevilla. Al vëgn tigní en lönesc y mertesc ai 11 y 12 d'otober, dales 19:30 ales 22:00, tl Istitut Ladin a San Martin. Infos y iscriziuns pro Paola al 339 8225275. Por tó pert al curs ól ester le green pass.
14.10.
Curs de cujì per chiche scumëncia
»Ie me chëuje mi flucion«, curs de trëi sëires cun Barbara Moroder y Simona Kostner, ai 14, 21 y 28 de utober tla biblioteca S. Durich a Urtijëi, dala 19:00 nchin la 22:00. L ie da se scrì ite nchin n vënderdi ai 8.10. tla biblioteca S. Durich, tel. 0471 797814 o info@biblio.bz . L possa mé fé pea n tanc. Cun green pass.
22.10.
San Martin: curs de pröm aiüt
En vëndres ai 22 d'otober dales 15:00 ales 19:00 vëgnel tigní tl Istitut Ladin a San Martin n curs de pröm aiüt. Referënc é dla Crusc Blancia. Por informaziuns y por se scrí ite pón cherdé sö Gaby al numer 389 0834252. Por tó pert al curs ól ester le green pass. Organisaziun: Uniun dles Patrones.

Dotours
Dutor Gherdëina
L dutor de servisc da n sada ai 09.10. dala 8:00 daduman nchin la 8:00 daduman de n lunesc ai 11.10. ie l dutor Pablo Policastro tl ambulatuere di dutores Kostner/Weber, a Urtijëi tla streda Trebinger 10, tel. 366 3646 254.
Doturs Val Badia
Tla fin dl'edema di 9 y 10 de otober él en sorvisc ti cin' comuns dla Val Badia le dotur Vincenzo Santonocito, Al Plan de Mareo, tel. 351 9208697.

Apoteches
Apoteca Gherdëina
L'apoteca che ie de servisc ora dl orar ordiner de giaurida, da n vënderdi ai 08.10. nchin n vënderdi ai 15.10. ie chëla de Ciastel, tel. 0471 706323 (orar: sa. 8:30-12:00/16:00-19:00, du. 10:00-12:00).
Apoteches Val Badia
L'apoteca en sorvisc fora dl orar ordinar, dal vëndres ai 8 de otober dales 19:00 al vëndres ai 15 de otober ales 19:00, é chëra d'Al Plan, tel. 0474 501240.

Chino
Atualmenter
Al chino de Cianacei
Insnet vender ai 8, en sabeda ai 9 e en domenia ai 10 de otober da les 21:15 se pel veder »Titane« (resservà al publich demò sora i 18 egn). En vender ai 15 e ence ai 16 e 17 de otober da les 21.15 l é »Re­spect« e ai 16 e 17 da les 17:00 l é »Baby Boss2 – Affari di famiglia«.
Atualmenter
Al chino de Tieser
Insnet, vender ai 8 e sabeda ai 9 de otober da les 21:15 e domenia ai 10 da les 20:30 l é »007-No time to die«. Sabeda ai 9 e domenia ai 10 da les 17:30 l é »Paw Patrol, il film« e en jebia ai 14 da les 21:15 l é »La felicità degli altri«.
Uni vënderdi
Literakino
Tla biblioteca S. Durich a Urtijëi iel da udëi uni vënderdi dala 20:30 i films dla lingia dl »Literakino«, ulache l vën baratà ju uni ena films per tudësch y per talian. L pro­gram avisa di films che vën mustrei ie da giapé tla biblio­teca. Ntreda debant, ma cun green pass.

Mostres y Ert
Atualmënter
Al Plan: »Le monn ne basta nia«
Tla Ciasa dl Parch Natural a Al Plan él da odëi la mostra »Le monn ne basta nia« cun retrac de Fabian Haspinger da Türesc. Al mostra sö la merscia che la porsona á lascé tla contrada naturala, fajon sö de vigni sort de strotöres ince te munt. Info: 0474 506120.
Atualmenter
N scrign o na fior
Enscin ai 16 de otober aló da la ostaria Rampeèr de Ciam­pedel l'Istitut e l Museo ladin propon la mostra d'èrt a la reversa, che vegn inaudèda la dì che la vegn serèda. L é fora operes de l'artista ladina Veronica Zanoner Piccoliori.
Atualmënter
Markus Vallazza y Dante
Tla Hofburg a Persenon iel la mostra »Markus Vallazza y Dante. L'opra tla opra«, che ie da udëi nchin ai 07.11. y unirà acumpanieda da plu manifestazions.
Atulamënter
»Metamorphosis« de Simon Oberbacher y Paolo Rossetto
Te Tublà da Nives te Sëlva vëniel giaurì ncuei vënderdi dala 20:30 la mostra de doi artisć che ie nce pra l'Unika, l se trata de Simon Oberbacher de Urtijëi che torna y dl depen­jadëur Paolo Rossetto de Branzoll. Valeria Stuflesser fajerà la ntroduzion ala mo­stra, che resterà davierta nchin ai 31.10. uni di dala 17:00–20:00 (ora che de lu­nesc) y de dumënia danmesdì dala 10:00–12:00.
Atualmenter
Mostra de retrac de la Fondazion Unesco
Fin anché, vender 8 de otober te strada Jumela a Pera, vejin al Molin de Pezol, se pel veder la mostra de retrac di fotografs sostegni­dores de la Fondazion Dolo­mites Unesco.
Atualmënter
Mostra de Max Tosi
Per l'ucajion dl liber nuef unit ora da permò, de Roland Verra n con' dla poejia de Max Tosi, iel unì metù a jì na mostra tla Cësa di Ladins a Urtijëi dedi­cheda a Tosi, ulache l ie nce da audì registrazions audio dl poet. La mostra ie mo davierta nchin n vënderdi ai 15.10., de lunesc dala 9:00-12:00 y 15:00-18:00, de merdi dala 15:00-18:00 y da mier­culdi nchin vënderdi dala 9:00-12:00.
Atualmenter
Cedean al Museo Ladin de Fascia
Enscin ai 9 de otober, dal mèr­­tesc a la sabeda da les 15.00 a le 19.00, l é avert al publich l Museo Ladin a Sèn Jan, olache se pel veder la mostra »Mie Museo. Arpejon per l davegnir« endrezèda per l cedean de la senta espositiva del ICL.
Atualmënter
»Simbol, podëi, movimënt – Tirol tles chertes storiches«
Tl Museum Ciastel Tirol dlun­­gia Maran él da odëi cina ai 21 de novëmber na mostra che pîta na racoiüda de chertes geografiches storiches. Lapró ince zacotan de esponac de localités ladines, cun chertes cënc d'agn vedles.
08.10.
Cuncors de fotografia »Segra Sacun«
Mostra de fotografies dl 22ejim cuncors, che vën metù a jì uni ann dal Fotoclub Gher­dëina per Segra Sacun y che à chëst ann coche argumënt »Mans a blanch & fosch«. Ncuei vënderdi dala 20:00, tla sala dla Lia Mostra d'Ert a Urtijëi, iel la giaurida dla mostra che resterà davierta nchin n lunesc ai 11.10. for dala 10:00-12:00 y 16:00-18:00 y n lunesc dala 9:00-17:00.
16.10.
Mostra de la Veronica Zanoner
Enscin ai 16 de otober aló da la ostaria Rampeèr de Ciam­pedel per endrez del Istitut e Museo ladin se pel veder i chèdres de la artista Veronica Zanoner Piccoliori. L é na mostra a la reversa, ajache la inaudazion sarà la dì che la vegn serèda, en sabeda ai 16 de otober da les 19:00.
Sport
09.10.
Vertical Ciock Vedeler
En sabeda ai 9 de otober la sozietà sportiva 3Esse Soraga endreza la garejèda de corsa sa mont Ciock Vedeler de 3,4 chilometres e 600 metres de dislivel, con partenza da les 14:00 al zenter sportif de Soraga. Iscrizions a info@ 3essesoraga.it. o a la partenza da les 10:00 a les 12:00.
15. y 17.10.
Partides dl HC Gherdëina n cësa
N vënderdi ai 15.10. dala 20:30 tl stadio Pranives de Sëlva saràl la partida dl cam­piunat AHL danter l HC Gherdëina y i Vienna Capitals. N dumënia ai 17.10. dala 18:30 saràl la partida danter l HC Gherdëina y l Jesenice.

Avisc
Atualmënter
Museum Gherdëina, orar da d'autonn
Nchin a mez utober ie l Muse­um Gherdëina tla Cësa di Ladins a Urtijëi daviert da lunesc nchin vënderdi dala 10:00-12:30 y 14:00-18:00. Per vijites ora dl orar reguler y vijites menedes pòssen cherdé su l 0471 797554.
Atualmenter
Cors de ginastica
Dai 28 de setember ai 28 de otober te palestra de la scoles mesènes de Ciampedel vegn endrezà n cors de 10 lezions de ginastica doucia da les 18:45 a les 19:45 e n cors de total body G.A.G. e stretching da les 20:00 a les 21:00 ti dis de mèrtesc e jebia. Info e iscri­zions a Lucia al 348 9363505.
Atualmenter
Ginastica pre-schi
Dai 6 de otober ai 26 de november del 2021 l Ski Team Fascia met a jir l cors de gina­stica pre-schi per duc i bec nia agonisć del ultim an de la scolina, de la scola populères e de la pruma mesèna. Per info e iscrizions scriver a info@skiteamfassa.it o chia­mèr l numer 0462 764111.
09.10.
Marcià Bio
Duman sada sun la Pitla Plaza de S. Antone a Urtijëi, dala 8:30 nchin la 13:00 iel paures dl Südtirol che vënd si prudoc bio y nce la Lia per Natura y Usanzes pieta tëurtes y strudli fac nstësc, pans ntegrei, casta­nies pratedes y l stont dal craut sarà ënghe inò per chiche uel se mplenì si barijel (se nuté su al 334 1630081). N se tën ala normes dl covid.
09.10.
VKE Marcià dl adurvà
L VKE Gherdëina mët inò a jì duman sada dala 13:30 nchin la 16:00 a S. Cristina te sala de chemun l marcià de guant y roba da d'inviern de segonda man, ma mo bona, per mutons da 0-16 ani. L guant y la roba per l marcià possa unì data ju ncuei vën­derdi 08.10. ma l vën prià bel de cherdé su danora l 333 7739605 per fé ora can.
09. y 11.10.
Roba da fé damat a fin de bën
La grupa Gherdëina per l Perù mët inò a jì n stont pra l marcià dl VKE a S. Cristina n sada ai 9.10. y pra l marcià de Segra Sacun ai 11.10., ulache l unirà vendù roba da fé damat de segonda man. Chësta possa mo unì data ju ncuei 08.10. da Andreas Walpoth 3474057104, Sofia Stuflesser 3314158478 y Lucy Perathoner 3319396137.
10.10.
Festa del Rengraziament
L'Union di Ladins de Fascia endreza en domenia ai 10 de otober la Festa del Rengra­ziament. Messa da les 10:00 te gejia de Moena e do picol conzert de la Musega; da les 15:00 te oratorie de la parochia intervent de Roland Verra, rengraziament ai Sorastanc de la Scola, musega con Cian­ton da Marevea e work­shop con i studenc de la Scola Ladina.
12. y 13.10.
Abineda de guant de segonda man
La Lia S. Vinzënt de Bulsan y la Majon dal Guant de Urtijëi mët a jì na azion per abiné adum guant da d'inviern per granc y pitli, ciauzei o nce chëutres, che n possa dé ju tla sala Raiffeisen te cësa de chemun a S. Cristina n merdi dala 14:30-17:30 y n mierculdi dala 9:30-11:30 y dala 14:30-17:30. Infos: 366 4084919.
17.10.
A Penia, Vera e Lorenz col FAI
En domenia ai 17 de otober, en ocajion de la giornèdes del FAI (Fondo Ambient de la Tèlia) da d'uton, l Grop FAI de Fascia e Fiem endreza n program a la descorida di ultimes insediamenc tinsom la val: da doman se l temp permet raida vidèda sal Vera e Lorenz e domesdì a Penia.

Mujiga
09.10.
Rassegna del Coro Nosc
En sabeda ai 9 de otober da les 21:15 te gejia Sèn Vile de Moena l Coro Nosc endreza la 2^ edizion de la rassegna »Ousc da Mont« con i cores »Le Maestà« de Palanzano (PR) e Toano (RE) e »Fiaschi« de Borgo Lares (TN).
16-17.10.
Le Lingue Morte a La Grenz!
La Grenz envia duc ai 16 e 17 de otober a doi apuntamenc de eceion: Armando Rebaudo, Mario Färber e Co. sarà te la senta te strada Saslonch 4 a Moena, a prejentèr l CD »Ensema«, en sabeda da les 9 da sera e en domenia da les 6 da sera. Entrèda debant con tessera ARCI (da poder fèr sul post) e Green Pass.

Religion
Atualmënter
Mësses a Oies
Dai 5 d'otober inant él orars nüs por les mësses tl santuar de Sant Ojöp da Oies sura Badia. Dal mertesc ala do­mënia él vigni de mëssa dales 16:00, le lönesc n'él degöna mëssa.
08.10.
Mparé a cunëscer y dé inant l crëidum ai mutons
Sot al titul »Vië y cëla! Mparé a cunëscer miec nosc crëidum y l dé inant a nosc mutons« vëniel metù a jì na sëira per geni­tores y nteressei dala 20:00 te calonia a Urtijëi, cun Lea y Flavio Goller. Metù a jì dala Union Pasturela Gher­dëina.
09.10.
Ancunté Gejù – Mëssa per families
Duman sada dala 17:00 te dlieja a Urtijëi cun Sn. Pluan Vijo Pitscheider y i mutons y la mutans dla Prima Cume­nion. Duc i jëuni, mutans, mutons, popsc, genitores y nëinesc y laves ie nviei a chësta mëssa per la families.

TELEVIJION
12.10.
Sport ladin
Da les 20:50 ca. N program de Diego Clara y Hartmann Mairhofer, a cura de Leo Senoner.
13.10.
Paladina
Da les 20:50 ca.
14.10.
Nosta scola – atualità dala scoles dla valedes ladines
Da les 20:50 ca. Tl'edizion de utober ti ons fat vijita ala scola mesana de Sëlva, che à scumencià chësc ann de scola cun n cuncors de letura sun l Afghanistan. Tla rubrica sota l udlon iel da udëi la diretëura dla direzion dla scolines »Ladinia«, Hannelore Insam, che ie jita n pension. Ëila conta de si esperienza y si cariera tl mond dla scolina. Leprò ti ons fat vijita ala scolina de Al Plan de Mareo, che deberieda cun l'autra scolines dla Ladinia à metù n droa i criteres nueves per maië sann, bon y naturel te scolina. Tesć y cunzet de Lena Mulser, camera y tai de Hans Peter Karbon, a cura de Alessandro Dapunt.

RADIO
LADINIA LIVE: microfons daverc sun atualità y cultura. Da aldí vigni mertesc y mercui da les 13:45 ales 14:00.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
08.10.
Fé mujiga ie na pascion
Da les 19:05. La Scola de Mujiga de Gherdëina ie si segonda cësa. Da avisa 20 ani incà ie Vinzenz Senoner dire­tëur de chësta istituzion. Doi dejeneis de lëur danter sudes­fazions, deficulteies, buro­crazia, svilup y dantaldut truepa mujiga. Trasmiscion de Bruno Maruca.
09.10.
Stlavité africana tl'America
Da les 19:05. La stlavité, na pratica che é stada prejënta te prësc düc i continënc y te ziviltes antiches, sciöche cala graca, romana, persa, maya o cineja. Tratan l tëmp medie­val y l tëmp modern, é l Africa stada n post de zaco­tan de rutes de comerz de stlafs. Milesc é gnüs deportá tles colonies americanes, atravers l'ozean atlantic. Program de Iris Del Valle.
10.10.
Lecurdanzes de bera Batista da Tieja
Da les 19:05. Bera Batista da Tieja à 94 ani, se lecorda mo drët bën de si vita y de cieche si antenac ti ova cuntà. Te chësta trasmiscion nes cóntel velch dl tëmp dla Opzion, de coche ël jiva a scola y de coche l ova mparà l mestier da fever. (terza pert) Trasmiscion de Sofia Stuflesser.
13.10.
Reijes e buc (3). L prum moviment ambientalist interladin
Da les 19:05. SOS Dolomites l'é stat l prum moviment ambientalist che tolèa ite dut l raion dolomitan. Storia e azions che à portà a fèr crescer la coscienza ambientèla dajan la pruma vijions critiches del svilup turistich. Enlouta tres n referendum l'é vegnù ferà i mondiai de schi te Gherdëina che aldidanchè se à endò candidà per l 2029. L projet pervedèa na candidatura adum con la Val Badia che à però dit de no desmostran concretamenter de voler jir do etres troes. En rejonon con Helmuth Moroder e Elide Mussner. Program de Anna Mazzel.

Sozial
Atualmenter
Laboratories al Bar Educante
L Bar Educante de la Copra­tiva sozièla le Rais al Zenter Cotura a Sèn Jan é avert de lunesc, mercol e vender da les 14:00 a les 18:00 e de mercol ence da les 9:00 a les 12:00. De jebia l'é avert dadoman e da les 9:30 a les 12:00 se pel disnèr e tor pèrt a laboratories col legn de la Coprativa sozièla Oltre.
Atualmënter
Val Badia: Bancareles dl mangé
La Bancarela dl Mangé a Badia é daverta vigni jöbia dales 9:30 ales 10:30, tl frabicat dla Ciasa di Pici a San Linert. La Bancarela dl Mangé da Picolin é daverta vigni vëndres dales 9:30 ales 10:30, tl local dlungia la Ciamena dal Guant.
Atualmënter
Contribuc »Cörs dla Val Badia«
Porsones/Families dla Val Badia á la poscibilité da da­mané do contribuc finanziars por cunc/fatures de bojëgns primars (scialdé, afit, spëises sanitares, de scora, etc.) Le formular por fá domanda ciafon sön www.solidariete.it, an pó ince fá domanda ti ofizi KVW de Badia y Al Plan. Infos: info@solidariete.it
13.10.
Camper per vazins te Fascia
L Comun general fèsc a saer che l'APSS à endrezà ence te Fascia l camper con n dotor per ge dèr l met a duc de fèr l vazin debant e zenza preno­tazion. Do esser stat a Sèn Jan e a Ciampedel, en mercol ai 13 de otober l cam­per sarà a Moena, te Strada Luigi Heilmann, da les 09.00 a les 16.00.
Atualmenter
Terza dosa de vazins te Fascia
Ai 16 e 17 de otober aló dal Distret a Sèn Jan vegn fat la 3^ dosa de vazin per persones scherpentes (dò amancol 28 dis da la 2^ dosa) e sora i 80 egn (dò amancol 6 meisc). L é da se prenotèr sul CUP ONLINE. L Comun general pel didèr chi che à besegn per se pernotèr, chiaman l 0462 764500 con tessera sanitèra.
Atualmënter
Nadel te na scatula dai ciauzei
Nce chëst ann vëniel metù a jì la azion dla pitla scincundes per mutons, che unirà mande­des ti paejes dl'Europa dl Est. Dai 8. nchin ai 11.11. puderàn dé ju la scatules fates ite, tla trëi biblioteches de Gherdëina. Iló iel nce da garat scatules uetes per chiche ne n ëssa nia na adateda. Sun i julantis che vën partii ora iel da giapé nfurmazions plu avisa.
Atualmënter
Cuntribut dl Lont per chiche à pitli mutons
N possa inò fé dumanda per l cuntribut che l Lont cunzed a chiche à pitli mutons. L tëmp revardënt ie l 2022. Per fé dumanda iel da fé ora n terminn pra l KVW sot a www.mycaf.eu. Per la situa­zion economica dla familia adròven la detlarazion EEVE, che possa unì metuda ju debant tla sezion CAF dl KVW. L vën tëut n cunscidra­zion l avëi y l davani dl 2020 sciche nce i sparanies che n à da na pert.
Atualmënter
Detlarazion dla chëutes
L Mod. Reddito/Einkommen (ex Unico) possa mo unì dat ju nchin ai 30.11.2021. N possa fé ora n terminn sot a www.mycaf.eu o nce per telefonn cherdan su l 0471 941704.

Temp Lede
14.10.
Domisdé cun jüc da mësa
La Biblioteca Sas dla Crusc inviëia a n domisdé de aorela cörta cun jüc da mësa por döta la familia en jöbia ai 14.10 tla sënta da La Ila dales 15:30 cina les 17:30. Al rovará adalerch le Spielemobil che metará a desposiziun i jüc.
16.10.
Val Badia: Cëna de chi dl '56
En sabeda ai 16 d'otober vëgnel metü a jí la cëna dla classa de chi dl 1956, che complësc i 65 agn. An s'in­cunta dales 18:00 a Al Plan por tó pert ala mëssa, denan­che jí a se gode na buna cëna tla »BíOstaria« dal Bagn. Por se prenoté él da paié ite 50,00€ sön le cunt IT75Q 08010 59130 000303001814, cun la causala »cëna 1956«, anter i 14 d'otober. Infos pro Gerhard al 335 1050408.

Festes y segres
10.10.
Segra Sacun
N dumënia iel segra sa Sacun, cun mëssa cianteda dala 10:30 tla dlieja da Sacun. L Chemun de Urtijëi mët inò a jì l servisc de taxi debant, da Plaza de Dlieja nchin sa Sacun y de ëuta. I pulmins furnerà dala 8:00 nchin la 15:00 mpue tresora, aldò che l se abina la jënt. N nvieia a se nuzé de chësc servisc nce pervia dla puecia lerch che l ie da lascé i auti sa Sacun.

Galaria retrac