Manifestazions atuales speziales

Data

12 de november 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla edizion dl 12 de november
Le cör é n organn che afascinëia
Edema dla sanité te Mareo: Pröm apuntamënt, pröm referat, che trata le motor de nosc corp, le cör.
Le cör é n organn afascinant. Al é l'organn che dá y tol la vita. Le cör é indere »ma« n muscul, che mëss lauré döta la vita. N cör sann é la basa por na vita sana y lungia. L'in­cuntada á desco obietif da conësce i »socrëc« por mantigní le cör en forma y schivé les patologies dl cör.
Referënt te chësta pröma serada dla Edema dla sanité 2021 é le dotur da San Martin de Tor Felix Pescoller, spezialist de cardiologia interventistica/implantistica a Balsan.
Le referat é söl program en lönesc, ai 15 de novëmber 2021, dales 20:00, a Al Plan de Mareo tl salf dla Cassa Raiffeisen.

1 ann – 365 dis. Vigni de é (mia)na chance
Edema dla sanité te Mareo: L'alenadëssa mentala Dagmar Insam nes cuntará dles poscibilités y chances che nes capitëia de por de
Chances nes incunta vigni de, vigni chance é na ocajiun da nes condü adalerch mudaziuns y da les mëte en pratica. Adoran dërt nüsc sënsc y manires menüdes de lingaz te situaziuns importantes, y se spostan o nia se spostan ti areai de confort cuotidians, adöm cun n cör davert y te ones naturales sintides, podunse ciafé, tó sö y trasmëte chances nöies zënza nes scombussolé. Chësta serada dess ester na chance por impulsc razionai nüs y promöie la forza mentala, por tigní bot plü saurí ala cuotidianeité.
La referënta é Dagmar Insam de Gherdëna, alenadëssa mentala y coachera.
Le referat é söl program en mertesc, ai 16 de novëmber 2021, dales 20:00, a La Pli de Mareo tl salf dles manifestaizuns.

Do corona: co dessera pa jí inant?
Edema dla sanité te Mareo: Manfred Schweigkofler dá consëis a jogn y manco jogn dles poscibilités che i un ciafé tres la crisa
Vigni crisa é sambëgn ince na chance da ponsé sura y mëte en pratica mudaziuns. Co sará pa le monn do le scassarot da corona? Ci podunse pa imparé, ci com­petënzes ado­runse pa por afronté muda­ziuns. Ci nen sarál pa indoman di jogn y di mituns, te na com­plessité che i ne conesciun nia ciamó daldöt?
Manfred Schweigkofler é espert de cultura, ert y comunicaziun. Al é sté moderadú tl radio, ciantarin rock y joblere de teater, y sambëgn regist de teater y festivai de balet a Balsan y te d'atri posć europeics. Al é n ispiradú multicreatif, por economia, politica, scora y sozieté, y praticadú por competënzes de inovaziun, firmes y teams. N alenadú por entusiasm, y mentor.
Le referat é söl program en mercui, ai 17 de novëmber 2021, dales 20:00, tl salf dles manifestaziuns a Rina.

Se sté bun te tëmps de crisa
Edema dla sanité te Mareo: Siur Tone Fiung nes cunta dles crises dla vita desco poscibilités
I viun te n tëmp particolar. La pandemia s'á porté te na situaziun de crisa che é da afronté. Sciöche la maiú pert dles crises, é ince chësta crisa inaspetada por düc.
Al vëgn dit che te vigni crisa él ince na chance. Te chësc referat gnarál porvé da mostré sö les poscibilités che an á por podëi afronté cun serenité les crises de nosta vita.
Siur Tone Fiung é assistënt spiritual dles families, consulënt de familia, rector dla Ciasa de formaziun »Haus der Familie« sön Renon.
La serada cun siur Tone é söl program en jöbia, ai 18 de novëmber 2021, dales 20:00 a Al Plan, tl salf dla Cassa Raiffeisen.
Düc i referac vëgn tignis tl respet dles regoles varëntes cuntra le Covid-19, entrada ma cun pass vërt y mascherot!
I atri dui referac dla Edema dla sanité é söl program en vëndres ai 19 de novëmber y en sabeda ai 20 de novëmber 2021. Ai gnará presentá (chiló tl program dles manifestaziun de La Usc di Ladins) te otedé!

Cunzert dl'Orchestra Haydn
Chëst iede tl'Aula Magna dla scola elementera de Urtijëi, n juebia ai 18.11. dala 20:30
Per la lingia di cunzerc di Jëuni de Mujiga de Gherdëina saràl da audì n juebia l cunzert daniëura drët aspità dl'Orchestra Haydn de Trënt y Bulsan, che sona chëst iede sot ala bachëta de Yaniv Dinur, n diretëur de orchestra israelian, che à scumencià si cariera nterna­­ziunela bele cun 19 ani.
Sciche solist saràl chëst iede l pianist cunesciù y pluripremià Jean-Efflam Bavou­zet, a chël che n puderà ti scuté su tla prima pert dla sëira pra l Cunzert per tlavier y orchesta nr. 22 in Es-Dur, KV 482, de Wolfgang A. Mozart.
Do chël lascerà l'Orchestra Haydn nce audì la Sinfonia nr. 1 in C-Moll, Op. 11 de Felix Mendelssohn Bartholdy.
La chertes de ntreda ie da giapé pra la cassa o danora tl ufize dla Lia per l Turism de Urtijëi.

»Vagonstila« te Tublà da Nives
N vënderdi ai 12 de nuvëmber dala 20:00
N ucajion di 60 ani da canche l'ultima ferata suflova tres Gherdëina ite y ora, fóssel unì metù a jì tl 2020 l proiet dal titul »La ferata – danter passà y daunì« cun na na lingia de manifestazions. Pervia dl'aria che suflova ntan chësc ultim ann y mez, ie l proiet unì śarà ite y restà sun na scina morta ... Purempò fòvel doi persones che jiva for inò cun la ferata y chisc doi pensova do adaut. Sce ëis l bunder cie che ti jiva tres l cë a chisc doi ntan che i furnova a ..., sëis nviei de cuer a unì ala sëira leterera »Vagonstila«.
I doi scritëures Ivan Senoner y Rut Bernardi lascerà inò rundenì l sciblé dla ferata che nes menerà te n daunì nuef.
La sëira leterera sarà ai 12 de nu­­vëmber dala ot da sëira te Tublà da Nives te Sëlva. La ntreda ie debant, ma l ie da resservé danora la lueges scrijan a info@tubladanives.it o 333 7166471 (WhatsApp).
L vën lecurdà che n possa mé jì ite cun l »green pass«.

»Fanis« te Tublà da Nives
N vënderdi ai 19 de nuvëmber dala 20:00
L mond dla lijëndes dla Dolomites ie n mond scialdi faszinënt y tres mujiga y letura purverà l'atëura Ulrike Scheidle y l musizist Florian Kmet a crië n'atmo­sfera misteriëusa, na simbiosa danter paroles y sonns, che nes traspurterà tl Rëni de Fanes. Moltina cunësc la cianties da zacan che se arleva dal lech y tla berca de arjënt àuden d'uni sort de meludies che cunedësc l daunì ...
La performance ie ora dla pëna de Anita Pichler y la raprejentazion sarà n vënderdi, ai 19 de nuvëmber dala ot da sëira te Tublà da Nives te Sëlva. La ntreda ie debant, ma la lueges ie da resservé danora scrijan a info@tublada nives.it o 333 7166471 (WhatsApp). L vën lecurdà che n possa mé ite cun l green pass.