Manifestazions atuales

Data

19 de november 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla edizion dl 19 de november
Dotours
Dutor Gherdëina
L dutor de servisc da n sada ai 20.11. dala 8:00 daduman nchin la 8:00 daduman de n lunesc ai 22.11. ie l dutor Simon Kostner de Sëlva, stre­da Nives 2, tel. 347 2297492.
Doturs Val Badia
Tla fin dl'edema di 20 y 21 de novëmber él en sorvisc ti cin' comuns dla Val Badia le dotur Guido Caretta, Cal­fosch/Corvara, tel. 0471 836870 o 337 616080.

Apoteches
Apoteca Gherdëina
L'apoteca che ie de servisc ora dl orar ordiner de giaurida, da n vënderdi ai 19.11. nchin n vënderdi ai 26.11. ie chëla de Ciastel, tel. 0471 706323 (orar: sa. 8:30-12:00/16:00-19:00, du. 10:00-12:00).
Apoteches Val Badia
L'apoteca en sorvisc fora dl orar ordinar, dal vëndres ai 19 de novëmber dales 19:00 al vëndres ai 26 de novëmber ales 19:00, é chëra da La Ila, tel. 0471 847152.

Referac
24.11.
»Làsceme (nia) ora! Ti mëter n limit ai mutons tl'età dla junëza – ie pa chël perdrët mesun?«
Stersc tres la vita: cun la refe­rënta Christa Ladurner (Fo­rum Präven­tion) n mier­culdi dala 20:00, tla sala dla Lia Mostra d'Ert a Urtijëi. Ntan chësta sëira giaperàn truepa nfurmazions de co se cum­purté tla situazions desferëntes cun i mutons y la mutans.
29.11.
»Tré su mutons y jëuni zënza viulënza«
Stersc tres la vita: cun la refe­rënta Sara Tauber, n lunesc ai 29 de nuvëmber dala 20:00, tla sala dla mostres dla Lia Mostra d'Ert a Urtijëi. Co dëssen pa se cumpurté danter genitores y mutons per schivé viulënza y situazions stres­sedes?

Chino
Atualmenter
Al chino de Pardac
En sabeda ai 20 de november da les 21:00 e ence en domenia ai 21 da les 17:00 se pel veder »I'm Zlatan«. En sabeda ai 27 da les 21:00 e en domenia ai 28 da les 20:30 se podarà veder »Io sono Babbo Natale«.
Atualmenter
Al chino de Tieser
Insnet vender ai 19 e en sabeda ai 20 de november da les 21:15, e ence en domenia ai 21 da les 20:30 se pel veder »Ghost­busters Legacy«. Domesdì da les 17:00 en sabeda ai 20 e en domenia ai 21 vegn moscià enveze »Ainbo – Spirito dell'Ama­­­zonia«. En mercol ai 24 da les 21:15 »Il silenzio grande« e en jebia ai 25 da les 21:00 l spetacol de teater »Segantini. Paesaggi di luce«. Da vender ai 26 se podarà veder »Madres paralelas«.

Religion
20.11.
»What's up – Cie uel pa Idie te dì«
Duman sada dala 18:00 te dlieja de Sëlva, mëssa di jëuni cun Sn. pluan Ivo Costanti. Cun la SKJ de Sëlva /S. Cri­stina y la grupa de preghiera de Gherdëina.
27.11.
»Jesus, Kids & Teens«
A duc i mutons y jëuni, dala terza elementera inant y duc chëi dla mesana! Da nëus ëis la puscibltà de viver l crëidum deberieda te na cumunità. Fajeron de biei workshop, adurazions, l sarà nce aurela curta cun devertimënt y muvi­mënt, chiet y reflescion, refe­rac nteressanc. Te sala dla »Jung­­­schar« te calonia de Sëlva, n sada che vën dala 16:30.

Teater
19.11.
»Fanis« te Tublà da Nives
Ncuei dala 20:00. Ntreda debant. Lueges da resservé: info@tubladanives.it o 333 7166471 (WhatsApp). L mond dla lijëndes dla Dolomites ie scialdi faszinënt y tres mujiga y letura purverà l'atëura Ulrike Scheidle y l musizist Florian Kmet a crië n'atmosfera mister­iëusa, danter paroles y sonns, che nes traspurterà tl Rëni de Fanes.
20.11.
Teater »L'èlber conta«
Doman, sabeda ai 20 de novem­ber da les 20:30 a La Gran Ciasa a Soraga per endrez del Comun general de Fascia vegn portà dant l teater »L'èlber conta – Le lëgn cunta« di Bontemponi con David Dorich e Simon Kos­tner, test de Vigilio Iori e regia de Ilaria Chiocchetti.
23.-28.11.
»Inier mo cumpanies, ncuei fulestieres«
Chësc ie l pez de teater che vën purtà dant dala grupa dl Teater de Urtijëi sot ala regia de Astrid Rabanser y Patrick Perathoner, tla cësa de cultura a Urtijëi ai 23., 25., 26. y 28.11. for dala 20:00, ora che n dumënia ulache n mët man dala 18:00. Deplù sun www.theatergroeden.com, ulache n possa nce apusté la chertes.
26/28.11.
A teater con La Mizacoles
En vender ai 26 da les 20:30 e en domenia ai 28 de novem­ber da les 15:30 te teater de Ciampedel La Mizacoles met dant l toch de teater »Te stua de Cechov« con regia de Loreta Florian. La comedia vegn fata ence en vender ai 3 de dezember da les 20:30 al chino de Cianacei.

Televijion
23.11.
Monumënc de ert y storia – La dlijia de S.Cristina
Da les 20:50 ca. La dlijia de Santa Crestina é na dlijia rica de storia y dër interessanta dal punt d'odüda dl'archite­töra, deache ala é gnüda restau­rada y ingrandida deplü iadi. Ala vëgn bele nominada te n urbar dl 1277 y tl 1433 él rové adalerch le pröm prô y la dlijia é deventada curazia. N program de Erika Castlun­ger, camera y tai de Hans Peter Karbon.
24.11.
Trail spezial – Mosaich 200 egn »Sonon e conton noscia storia«
Da les 20:50 ca. La musega da Vich a portà dant sia storia lengia 200 egn e prejentà so CD nef con un spetacol de mu­sega e raprejentazion di ave­­nimenc che a segnà sia atti­­vità e la vita de la comunan­za. A cura de Cecilia Mazzel.
25.11.
EURO – trasmisciun d'economia
Da les 20:50 ca. De Diego Clara y Hartmann Mairhofer, a cura de Leo Senoner.

Radio
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
24.11.
Pacha Mama – Fech
Da les 19:05. Pacha mama l'é la mere tera tel lingaz quecha e so segnificat più sot l'é chel de recognoscer, valori­ser e rispeter la mere tera che ne desc dut chel che aon de besegn per viver. Cater l'é i elemenc fondamentai:fech, ega, aria e tera. Te na lingia de programes jiron a descuer­jer aspec poetics, filosofics ma ence problematics de chisc elemenc con Stefen Dell'An­tonio. Te chest program rejo­naron del fech, element de vita,distruzion ma ence tra­sfor­mazion, purificazion e pascion. Program de Anna Mazzel.

Prejentazion
27.11.
Prejentazion dla DVD »Paladina Virtuela«
N sada che vën dala 20:00 tl self dla mostres dl Circolo/Lia Mostra d'Ert a Urtijëi. Tl tëmp dla pandemia à la Lia tëut su doi scumenciadives che spiedla la situazion te na maniera artistica, n iede l liber cun lëures d'ert y śën nce na DVD per tò ite nce l'ert performativa de mujiga, bal y teater, ulache l à fat pea 11 grupes y nterprec da tlo.

Temp Lede
23.11.
Cunësces'a bele?
La biblioteca O.v.Wolkenstein de Sëlva mët a jì n merdi dala 16:15 nchin al 17:15, n do­mesdì per mutons, ulache l vën liet dant la storia de »I viaggi di Giovannino Perdi­giorno« y d'autres per talian, cun Barbara Fingerle. L possa fé pea al plu 10 mutons. L ie da se nunzië danora te biblio­teca, tel. 0471 772181.

Cursc

24.11.
English Café
Cunversazion per nglëisc, cun Edmund Dellago, dala 9:30 nchin la 11:00 tla biblio­teca S. Durich a Urtijëi. Per nfurmazions, tel. 0471 797814. Cun pas vërt.
04.12.
Roba dëucia cun Manuel Marzari
La Nëus Jëuni Gherdëina nvieia duc al curs de fé roba dëucia cun Manuel Marzari n sada ai 4 de dezëmber dala 9:00 nchin la 12:00 tla cësada­fuech dla sënta. Iscri­zions y nfurmazions giapëis cherdan su te ufize al 0471 799006.

Mujiga
21.11.
Cunzert de S. Zezilia dla Mujiga de Sëlva
N dumënia che vën dala 18:30 tla Cësa de Cultura de Sëlva.
21.11.
Pitl cunzert dl cor de dlieja de Sëlva
N unëur de S. Zezilia nvieia l cor de dlieja a n pitl cunzert n dumënia te dlieja riesc do la santa mëssa dla 9:30.

Sozial
Atualmënter
Contribuc »Cörs dla Val Badia«
Porsones/Families dla Val Badia á la poscibilité da da­mané do contribuc finanziars por cunc/fatures de bojëgns primars (scialdé, afit, spëises sanitares, de scora, etc.) Le formular por fá domanda ciafon sön www.solidariete.it, an pó ince fá domanda ti ofizi KVW de Badia y Al Plan. Infos: info@solidariete.it
19.11.
Deberieda: fajeron la pizza
Ncuei vënderdi dala 14:00 se ancuntons dan la Cësa de Paussa. »Deberieda« ie na grupa per se ancunté danter persones che à problems psi­chics o de sozialisazion cun ulenteres. Per nfurma­zions: Stefania Giacoppo tel. 0471 798015. Respunsabla da mani­festazion: Silvia Schenk.

Mostres y Ert
Atualmënter
»Morphem« de Ottavia Demetz
Tla sala dl Circolo a Urtijëi iel mo da udëi nchin n dumë­nia 21.11. la mostra dla artista de Urtijëi, davierta uni di dala 10:00-12:00 y 17:00-19:00, de vënderdi nce dala 20:00-22:00. Pertes dl corp vën jun­te­des te na maniera morfo­logica y nia naturela, plu des­sënies se mescëida te n prozes de cuntinuità che semea zënza fin.
Atualmënter
I pitli dla scolina
»Esprescions dla mutans y di mutons dla Scolina Salieta«, chësc ie l titul dla mosta da udëi tl Café Surëdl a Urtijëi tla streda Roma 103, da lunesc nchin vënderdi dala 9:00 nchin la 19:00.
Atualmënter
Aron Demetz, Arnold Holzknecht y d'autri
»The Missing Majority« ie l titul dla mostra de Mercedes Azpilicueta, Aron Demetz, Margarethe Drexel, Arnold Holzknecht, Tonico Lemos Auad y Marinella Senatore, ulache i se dà ju cun l vedl savëi y pratiches liedes ala natura, che vën śën inò a lum. Tla galaria Ghetta a Puntives, davierta da merdi nchin vënderdi dala 15-18.
Atualmënter
Mostra »Lostriades – percursc de nëif«
Tl Museum Ladin Ciastel de Tor a San Martin él da odëi cina ai 26 d'agost 2022 la mostra »Lostriades–percursc de nëif«, che se dá jö cun laur, mobilité y ativités tla nëi tles valades ladines.
Atualmënter
Mostra »100 agn Musiga San Martin de Tor«
Tl Museum Ladin Ciastel de Tor él da odëi cina ai 7 de jená 2022 na mostra sön la storia dla Musiga da San Martin de Tor.
Atualmenter
Vallazza e Sieff en mostra a Trent
Te Palaz de le Albere a Trent l é orì la mostra »Selvatici e Salvifici« su la besties de Mario Rigoni Stern per i 100 egn del scritor, con operes de 14 artisć, anter chisc i scultores ladins Adolf Vallazza e Matthias Sieff. Averta enscin ai 27 de firé, da les 10:00 a les 18:00 (19.00 de festa) fora che de lunesc.

Sport
21.-27.11.
Turnoi de tennis ITF dl'ëiles
Tl tennis curì de Runcadic, saràl n dumënia dala 9:00 inant la partides de cualifica­zion. N lunesc domesdì meteràn man cun l tabelon prinzipel per jì inant duta l'ena cun la semifineles n vënderdi y la fineles pona n sada ai 27.11. Ntreda debant ma cun green pass.
25.11.
Partides dl HC Gherdëina n cësa
N juebia ai dala 20:30 tl stadio Pranives de Sëlva saràl la par­tida dl campiunat AHL danter l HC Gherdëina y l Renon.

Avisc
Atualmënter
Variora a Piculin
Ince de novëmber vëgnel fat les variores Covid a Picolin, vigni sabeda dales 8:00 ales 13:00 ma cun la prenotaziun, y dales 14:00 ales 17:00 zënza prenotaziun. Al vëgn fat la 1. y 2. dosa Pfizer por düc chi sura 12 agn. Al é ince la posci­bilité da fá la terza dosa por jënt sura i 60 agn. Danter la 2. y la 3. dosa mëssel passé alman­co 6 mëisc. Adöm cun la terza dosa pón ince fá la variora dles coies.
16-23.11.
Scontrèdes su la gestione economica di hotie
Va inant la scontrèdes de Apt de Fascia, con Cassa Rurala Dolomites, Comun general e sezions Asat e Unat, de mèrtesc da les 17:00 te sala del Consei de Comun de Sèn Jan, su la gestione economica di hotìe. Ai 23 de november vegnarà rejonà de la pianifi­cazion economica e bancaria e ai 30 se sera su con l'avertura del capital a etres sogec.
20.11.
Radunanza de la Neva UAL
En sabeda ai 20 de november da les 17:00 te sala de Consei de Comun de Sèn Jan vegn endrezà la radunanza de la Neva UAL. La vegn manèda fora en streaming ence su Facebook e YouTube.
22.11.
Prevenzion di tumores al piet
En lunesc ai 22 da les 20:30 te sala del Consei de Comun de Sèn Jan l Comun General de Fascia endreza na sera su la prevenzion del tumor al piet en colaborazion con la LILT e la PAT. Tol pèrt l pre­sident de LILT Trentin Mario Cristofolini e l dr Mar­co Pellegrini de l'U. O. Seno­logia Clinica de Trent.
22.11.
Radunanza di Fitacartieres
En lunesc ai 22 de november a La Gran Ciasa a Soraga da les 20:30 vegn chiamà ite la radunanza di Fitacartieres de Fascia con relazion de la presidenta, bilanz e litazions del nef diretif.
Dai 22.11.
San Miculau
Fajon al savëi che da n lunesc inant pòssen apusté San Miculau che vën a ve crì ora per la cëses. Per Urtijëi: cherdé su dala Nëus Jëuni Gherdëina al 0471 799006 dala 10 inant. Per S. Cristina: cherdé su l Cor di Jëuni al 333 5491707. Per Sëlva: cherdé su tla Lia dl Turism al 0471 777900. La lies se ncunforta dassënn a ve fé na pitla legrëza.
25.11.
Descorion i documenc del ICL
En jebia ai 25 de november da les 18:00 l Istitut Cultural Ladin porta dant na scontrèda per descorir endodanef si archivies storich, leterèr e fotografich e per cognoscer sie sistem de consultazion digitèl.
27.11.
Senteda generela dla Lia da Mont de Gherdëina
N sada che vën dala 20:00 tla cësa di cungresc a Urtijëi, cun vela dl cunsëi nuef. Daujin ala relazions dl'atività uniràl nce mustrà fotografies dla jites y l unirà premià i cumëm­bri che ie bele giut scric ite. N puderà nce cumpré l bolin dl AVS y CAI dl ann 2022. Per unì ala sentea iel da avëi l green pass.

Galaria retrac