Manifestazions atuales

Data

21 de jené 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla edizion dl 21 de jené
Dotours
Dutor Gherdëina
L dutor de servisc da n sada ai 22.01. dala 8:00 daduman nchin la 8:00 daduman de n lunesc ai 24.01. ie l dutor Giu­liano Piccoliori de S. Cristina, tel. 0471 792282 o 348 3301004.
Doturs Val Badia
Tla fin dl'edema di 22 y 23 de jená él en sorvisc ti comuns de Mareo y San Martin le dotur Vincenzo Santonocito, Al Plan, tel. 351 9208697. Ti comuns de Badia, Corvara y La Val él en sorvisc le dotur Martin Spechtenhauser, La Ila, tel. 0471 844200.

Apoteches
Apoteca Gherdëina
L'apoteca che ie de servisc ora dl orar ordiner de giaurida, da n vënderdi ai 21.01. nchin n vënderdi ai 28.01. ie chëla de Urtijëi, tel. 0471 796125 (orar de giaurida sa. 8:00-12:00, 15:00-19:00; du. 09:00-12:00, 15:00-19:00).
Apoteches Val Badia
L'apoteca en sorvisc fora dl orar ordinar, dal vëndres ai 21 de jená dales 19:00 al vëndres ai 28 de jená ales 19:00, é chëra da San Martin/Picolin, tel. 0474 523020.

Avisc
Atualmënter
Orar Museum Gherdëina
L museum tla Cësa di Ladins a Urtijëi ie daviert nchin ai prim d'auril, for da merdi nchin vënderdi dala 14:00 nchin la 18:00. Per vijité l museum iel da mustré su l super green pass (2G) y avëi la mascherot FFP2.

Televijion
25.01.
Reijes fones avertes al mond
Da les 20:50 ca. Te nosc Ra­ion, la cultura l'à reijes fones, bones de se slarièr fora te n muie de setores e de esser l fondament de idees che met adum tradizion e inovazion. Muie l'é la persones che con sie talent porta inant i valores soc de noscia identità e trope l'é la scomenzadives che vegn portèdes inant per fèr a na vida che la cultura sie zeche de publich, de avert e a dispo­si­­zion de duc. Program de Cinzia Pistoia, a cura de Anna Mazzel.
26.01.
Trail spezial
Da les 20:50 ca.
27.01.
Euro – trasmisciun d'economia
Da les 20:50 ca. De Diego Clara y Hartmann Mairhofer, a cura de Leo Senoner.

Teater
26.01.
Sajon de teater de Fiem
En mercol ai 26 de jené da les 21:00 te teater de Tieser la compagnia Arditodesìo porta dant »La grande nevicata dell'85« test de Pino Loperfido, con Mario Cagol e Alessio Zeni.

Radio
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
21.01.
Arpé y spartì
Da les 19:05. Arpé ie zeche de bel ma suvënz vëniel nce a s'l dé situazion ncompres can­che l se trata de spartì aja­che duc ulëssa avëi rejon. L aucat dr. Christoph Pera­thoner stlarënsc mpue la cue­stion y mostra su coche n pudëssa ressolver vel' situa­zion. Trasmiscion de Simon Moroder.
22.01.
Momënc de vita – Intervista a Stella Palla
Da les 19:05. Stella Palla é nasciüda te Fodom, a Salejei de Sot, olache ala vir ciamó aldedancö. Stella á lauré tröc agn te comun de La Pli de Fodom y conësc insciö dër bun süa valada y la comunité. Stella Palla nes cunta ince de süa uma Rosa Pellegrini y de atres porsones de Fodom, che s'á de jö tröp cun la cultura y la storia fodoma. N program de Erika Castlunger.
26.01.
Scric, conties e poejies – mizacoles de letradura per duc (1)
Da les 19:05. Con chesta lingia de programes ve sporjon mizacoles de letradura tres stories, contìes e poejies. Sco­menzon con l'opera pruma de Armin Chiocchetti tolan fora doi contìes dal liber »L segnor de Dolèda e autra contìes«. La pruma »Cialar tel davegnir« l'é mingol n intro­duzion al liber, la seconda spieia l mudament de l'econo­mia te nos raion col titol »A la fin del mondo«. Program de Anna Mazzel co la colabo­razion de Fabio Chiocchetti.

Mostres y Ert
Atualmenter
Matthias Sieff met fora a Busan e a Trent
Tel Four Points by Sheraton a Busan fin ai 23 de firé l é la esposizion »Presenze« de Matthias Sieff. La scultures del artist fascian é fora fin ai 27 de firé ence a Trent tel Palaz de le Albere te la mostra »Selvatici e Salvifici« dedichèda a Mario Rigoni Stern, olache l é ence operes de Adolf Vallazza.
Atualmënter
Alpaca y ert
Mostra de sbetri dl Perù metu­da a jì dala grupa Gherdëina per l Perù tla sala dla Lia Mostra d'Ert a Urtijëi sun Plaza S. Antone, davierta mo nchin n dumënia ai 23.01. for dala 9:30-12:00 y 15:00-19:00, de vënderdi y sada nce dala 20:00-22:00. Cumpran n prudot fat a man, cun amor y dedizion dal'ëiles dl Perù, pòssen ti dé n gran sustëni.
Atualmenter
Museo Ladin de Fascia
L Museo Ladin é avert dal lunesc a la sabeda da les 15:00 a les 19.00. Vijites vidèdes per gropes su prenotazion al 0462 760182.

Cursc
07.02.
Curs de ladin gherdëina per se njenië ca al ejam de trilinguism
Curs metù a jì dal Istitut La­din Micurà de Rü cun Marco Forni. L vën tenì online tres zoom, dai 07.02. inant per de ndut 6 iedesc, for de lunesc y de mierculdi dala 17:00-19:00. L ie da se scrì ite nchin ai 03.02. cherdan su l 0471 794268 o mandan na e-mail a erna@micura.it. Priesc: 45 €.

Sport
Atualmënter
Plaza dala dlacia Setil
La plaza dala dlacia a Urtijëi ie davierta da lunesc nchin vënderdi dala 14:00–18:00 y de sada y dumënia dala 10:00–12:00 y 14:00–19:00. L ie nce mesun se mpresté ora i jadins.
Atualmënter
Xtreme Up, desdit!
La garejeda de sauté da mont su, da Sëlva nchin suinsom de Ciampinëi su per l purtoi dla Trëi, sun l program per n sada ai 29 de jené da sëira, ie per ntant unida desdita.
23.01.
10. Memorial Simona Senoner
L Schi Club Gherdëina mët a jì na garejeda de saut y cum­binazion nordica a livel naziu­nel per mutons danter 8 y 14 ani. La garejedes tl zënter nor­dich sun Mont de Pana scumëncia dala 9:30 chëles de saut y ntëur la 11:30 chëles de pudejé. Nvion duc i apasciunei de sport a unì a cialé pro y a fé tifo.

Sozial
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Iló ciafa families y porsones che á debojëgn spëisa debann.
Atualmënter
Contribuc »Cörs dla Val Badia«
Porsones/Families dla Val Badia á la poscibilité da da­mané do contribuc finan­ziars por cunc/fatures de bojëgns primars (scialdé, afit, spëises sanitares, de scora, etc.) Le formular por fá domanda ciafon sön www.solidariete.it, an pó ince fá domanda ti ofizi KVW de Badia y Al Plan. Infos: info@solidariete.it
2022
Feries de paternità dal 2022 inant
Duc i peresc che ie dependënc tl setor privat à dal 2022 inant la ublianza giuridica de se tò diesc dis de feries per la pater­nità, ti prim cin' mënsc de vita dl pop o dla popa. Chisc dis vën paiei al 100%. La dumanda ie da dé ju al/a datëur/a de lëur.
2022
Detlazaion RED 2021
L KVW ti à mandà n comu­nciat a si tlienc/tes che à da fé la detlarazion RED. Chësta ie da fé nchin al plu tert ai 28 de fauré. Per n terminn iel da cherdé su tl ufize dl KVW, tel. 0471 941704 o online sun www.mycaf.eu.
2022
Detlarazion ISEE 2021
Da jené inant iel mesun fé la detlarazion ISEE nueva, che valerà pona nchin ai 31.12. 2022. N la adrova danter l auter per fé la dumanda per l cuntribut per chiche à mu­tons »assegno unico«. Na lista de chël che n adrova per chësta detlarazion iel da giaté sot a www.mycaf.eu.
28.01.
Deberieda: domesdì de juesc
N vënderdi ai 28.01. dala 14:00 se ancónten dan la Cësa de Paussa a Urtijëi per jì pona te sala de chemun a fé juesc. »Deberieda« ie na grupa per se ancunté danter persones che à problems psichics o de sozialisazion cun ulenteres. Per nfurmazions: Stefania Giacoppo tel. 0471 798015. Respunsabla da manifestazion: Silvia Schenk.

Chino
Atualmenter
Al chino de Cianacei
Insnet, vender ai 21 de jené da les 21:15 vegn moscià »L'ultimo giorno sulla terra«, che sarà da poder veder ence en sabeda ai 22 e en domenia ai 23 da la medema ora. En sabeda e en domenia da les 17:00 enveze l é en program »Il lupo e il leone«. En lunesc ai 24 da les 21:15 se podarà veder »The Naked Mountain«, documentarie per ingleis con sot titoi per talian.
Atualmenter
Al chino de Pardac
En sabeda ai 22 e en domenia ai 23 de jené da les 21:00 l é »Me contro te – persi nel tempo«.

Temp Lede
Atualmënter
Jí cui schi da sëra
Vigni mercui de jená podarán jí cun i schi ince da sëra, dales 20:00 ales 22:00, sön la pista »Doninza« a La Ila. An adora le skipass che vel plü dis.
25.01.
Sommelier sön pista
En mertesc ai 25 de jená podarán jí cui schi y degusté vins dl Südtirol te döes üties, adöm cun n sommelier y n maester de schi. An s'incunta dales 13:45 söinsom Piz La Ila. Informaziuns y prenota­ziuns anter le de denant ti ofizi turistics dl'Alta Badia.
26.01.
Descurí le monn dl biatlon
Vigni mercui de jená, le pro­scim iade ai 19, él la poscibilité da imparé les regoles dl biatlon adöm cun n maester. An s'in­cun­ta danter les 9:30 y les 11:00 pro le zënter de paslunch a San Ciascian. Prenotaziuns al cost de 10,00€ ti ofizi turistics dl'Alta Badia, anter le de denant.
26.01.
»Nos Ladins« cun Peter
En mercui ai 26 de jená pón fá na escurjiun cun i schi fora de pista, adöm cun Peter, por descurí posć ascognüs y sües stories. An pëia ia dales 9:00 dala scora de schi de Badia. Por tó pert ala escurjiun mës­son se scrí ite ti ofizi turistics dl'Alta Badia. Al vëgn damané le green pass renforzé.
26.01.
N bun tê cialt
En mercui ai 26 de jená án la poscibilité da tó pert a na degustaziun de tê dl »Lü de Pincia« d'Al Plan. An s'incunta tl Sporthotel Panorama a Corvara, plü avisa tla »Stüa Ladina«, dales 17:00. Por tó pert él da se scrí ite ti ofizi turistics dl'Alta Badia. Al vëgn damané le green pass renforzé.

Religion
28.01.
Messa ladina en onour de San Freinademetz
En vender ai 28 de jené da les 18:00 él tla gliejia de ploania da Persenon la messa ladina en onour de Sant Ujöp Freinademetz. A gauja dles restrizions per l Covid ne saràl baldi nience chest ann dedò l renfresch tradizional te calonia. Chi che deida cianté, é enviés a na picera proa da les 17:00 te calonia.

Galaria retrac