La Usc di Ladins

Dis dla dlavea te Sëlva
N sada y dumënia ai 22 y 23 de jené tla Pitla Sala te Cësa de Cultura
L Chemun de Sëlva mët à jì doi dis, ulache n possa jì a se lascé fé la dlavea contra l coronavirus, tla Pitla Sala te Cësa de Cultura te Sëlva, trame­doi dis, sibe ai 22. che ai 23.01.2022, dala 8:00-13:00 y dala 14:00-17:00.
L ie da se lascé nuté su danora: online sot a https://sanibook.asdaa.it o www.selva.eu y scenó per telefonn 0471 100999 da lunesc nchin vënderdi dala 8:00-16:00.
N muessa avëi pea la tessera sanitera y n documënt d'identità.
I formuleres da scrì ora pòssen nce se ciarië ju danora sun la plata internet dl chemun.

Curs de Telemark a La Ila
N curs por prinzipianc y progredis. Trëi sëres de forá, sön la pista »Doninz« a La Ila
La Uniun Sport La Ila – seziun telemark, mët a jí n curs de tele­mark por prinzipianc y progredis. Tó pert pó düc chi che á interes da vaghé les prömes otes te chësc sport. Le pröm iade vëgn le curs tigní en mercui ai 2 de forá dales 20:00 ales 22:00, sön la pista »Doninz« a La Ila. Le curs vá spo inant ciamó dui iadi, le mercui ai 9 de forá y le mercui ai 16 de forá, tres dala medema ora. Le cost é de 60,00€ (20,00€ vá sciöche iscriziun al'Uniun Sport La Ila). Les iscriziuns vëgn tutes sö tres Whattsapp pro Arthur al 329 8627658.

Cursc da jadiné
L'Ice Club Alta Badia organisëia cursc da jadiné por mitans y mituns da 4 agn insö
Ai 24 de jená mët man i cursc da jadiné por mituns y mitans, che jará inant por 3 mëisc. Le curs é ponsé por mituns y mitans dai 4 agn insö, che oress imparé da jadiné o che sá bele n püch.
Al sará tres le lönesc y le mercui dales 16:00 ales 16:45 por mitans y mituns che vá a scora, y le mertesc y la jöbia dales 15:30 ales 16:15 por mitans y mituns dla scolina.
Le cost por trami i cursc é de 200,00 euro. Al é ince la poscibilité da fá ma un n iade al'edema, al cost de 130,00 euro. Düc i mituns y dötes les mitans che á vëia da jadiné dess s'anunzié.
Por informaziuns y prenotaziuns prëibel cherdé sö o scrí anter i 22 de jená al numer 333 2930586.
»Der Kontrabass« de Patrick Süskind
Teater per tudësch tla sala dl Circolo/Lia Mostra d'Ert a Urtijëi n sada ai 29.01.2022 dala 20:00
Teater cun Markus Westphal – Praxenknecht y regia de Alexandra Wilke.
N berba che sona l violon, da talënt ma cioch, rejona de si vita y l ie da rì! Ma si laudes per la mujiga se muda for plu tl cuntrer: ël ie perdrët n artist da n carater stlut y zënza crëta tl daunì, da puech talënt, che ne ti mpossa nia a si strumënt, a si lëur y si colegs de gran inuem. Cun n grum de pier cëlel de cumbater la suta che l patësc y la frustrazion per l'urchestra. Si sëul sentimënt positif ie mo per la jëuna sopranista Sarah. Ma ëila ne l vëija nia. Povester assé che chësc se muda nsnuet: ntan che l se njënia ca per l spetacul, se damàndel cie che l suzedëssa sce, dan che l'urchestra scumëncia, svaiessel ora si inuem adaut te sala...
Ntreda cun dunfierta liedia. Prëibel apusté danora la lerch: tel. 377 5936350.