Manifestazions atuales

Data

13 de mei 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla edizion dl 13 de mei
Apoteches
Apoteca Val Badia
L'apoteca en sorvisc fora dl orar ordinar, dal vëndres ai 13 de ma dales 19:00 al vëndres ai 20 de ma ales 19:00, é chëra da San Martin/Picolin, tel. 0474 523020.
Apoteca Gherdëina
L'apoteca che ie de servisc ora dl orar ordiner de giaurida, da n vënderdi ai 13.05. nchin n vënderdi ai 20.05. ie chëla de Sëlva, tel. 0471 795142 o 333 1776615 (sa. 8:30-12:30 y 15:30-18:30; du. 8:30-12:30).

Dotours

Doturs Val Badia
Le dotur en sorvisc tla Val Badia, tla fin dl'edema di 14 y 15 de ma é la doturia Marga­rete Mahlknecht, La Val, tel. 349 0667034 o 0474 523018.
Dutor Gherdëina
L dutor de servisc da n sada ai 14.05. dala 8:00 daduman nchin la 8:00 daduman de n lunesc ai 16.05. ie l dutor Simon Kostner de Sëlva, stre­da Nives 2, tel. 347 2297492.

Avisc

Atualmënter
L'Ofize de »Ëres dëida Ëres«
L'ofize a Bornech é da ciafé tla str. Paul von Sternbach nr. 6, info.bruneck@frauen­helfenfrauen.it. Al é davert dal lönesc al vëndres dales 8:30 ales 11:30. Fora de chësc orar, vëgnel tut sö termins sön prenotaziun. Tel. 0474 410303.
Atualmënter
Iniziativa di ëi de Puster – MIP
L'ofize dla MIP – Männer­initiative Pustertal dëida i ëi y peri pro caje de separaziun y pîta aiüt te situaziuns de dificolté. L'ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Tel. 0474 555848, info@mip-pustertal.it
Atualmenter
I amisc de la besties chier volontadives
La sociazion di Amisc de la besties de Fiem la vel se slarièr fora de più ence te Fascia e la domana che chi che à a cher la besties, soraldut i giac, i se meter a la leta per fèr pèrt de la squadra de Fascia. L é da tor contat con la referentes Miriam (333 7205413) o Karol (339 3455713).
Atualmenter
L ben-stèr de la comunanza
L'Azienda Sozio Sanitèra del Trentin con l'ACAT de Fascia e autra istituzions endreza n cors de sensibilisazion e formazion sul sistem ecologich-soziel per l benstèr de la comunanza dai 23 ai 27 de mé fora Ciavaleis con atestat finèl. Ge vel se scriver ite per i 13 de mé. Info: Apcat Trentin ODV, tel. 0461 914451 (Silvia Colleoni).
Atualmenter
Cors per operatores turistics de Fascia
L'Apt e l Comun General endreza n cors formatif per bote­ghieres e operatores turi­stics sul contat col publich, tecniches e strategies per otimisèr l lurier e valorisèr elemenc e cultura del post. I apun­tamenc é te Comun General de Fascia ai 18 e 30 de mé e ai 7 de jugn. Iscrizions te ofize di foresć de Poza, infopozza@fassa.com, tel. 0462 609670.
13.05
Sera con P. Hugo su Kimbondo
L Grop Miscionarie Freina­demetz envia duc a la scon­trèda con P. Hugo Rios, respon­sabol de la miscion de Kimbondo (Rep. Dem. del Congo) che insnet vender ai 13 de mé da les 20:30 te oratorie de Poza l rejonarà de la situazion te la pediatria e orfanotrofie olache l era Betty Sommavilla da Ciampedel.
14.05
Dì ecologich a Moena
En sabeda ai 14 de mé da les 9:00 a les 12:30 l Comun de Moena met a jir l dì ecologich per neteèr l paisc e sensibilisèr la comunanza al respet del am­bient. L é da se troèr te piaz de Navalge e se tor do n pe de maneces. Duc i senta­dins é envié a tor pèrt; se pel confermèr la partezipazion a segreteria@comune.moena.tn.it .
14.05
Dì ecologich a Sèn Jan
En sabeda ai 14 de mé l Comun de Sèn Jan met a jir l dì ecologich per neteèr l paisc. I volontadives cogn se troèr da les 8:30 te un di 3 ponc de binèda: Cotura per Vich, Piciocaa per Pera e tendon manifestazions per Poza. Vegnarà dat fora mane­ces e sac e vardà l numer di partezi­­panc che da mesdì ciaparà da marena te tendon.
14.05
Regoeta de fer del Grop Freinademetz
En sabeda ai 14 de mé l Grop Miscionarie Freinademetz/Mato Grosso passa ti paijes de Pera, Poza, Vich, Mazin e Soraga a tor su fer e metai. Vegn domanà de meter fora la roba apede strada jà da doman. Per i autres paijes chia­­­mar l 335 5956009. Dut l vadagn serf a didar i miscio­naries e chi che à de besegn.
20.05.
L'Uniun Maestri Ladins festejëia 60 agn
L'UML – Uniun Maestri Ladins tëgn en vëndres ai 20 de ma dales 16:00 süa festa por i 60 agn dla uniun, tl salf dl Istitut Ladin a San Martin de Tor. Do le salüt dla presi­dënta y dles autorités sarál siur Tone Fiung che tëgn le referat »Le valur dles uniuns por la sozieté«. Dedô vëgnel pité na picia cronica di ultims 10 agn, denanco passé ai rengraziamënc y al renfrësch.
Nchin ai 21.05.
»Diggy-Treff« ancuntedes digiteles
Ëis'a dumandes n con' de vosc computer, programs o la nstalazion de na software? Tulëde pea vosc fonin, tablet o laptop y unide te biblioteca T. Gruber a S. Cristina. De merdi dala 15:00-18:00 y de sada dala 9:00-12:00 sarà l espert Werner Messner iló a ve judé. Chësc servisc, metù a jì dal KVW de S. Cristina, ie debant y n ne à nia drë de se lascé nuté su.
22.05.
Ancunteda de vëiduns y vëidues y persones sëules
N dumënia che vën dala 9:30 inant saràl tla Cusanus Aka­demie a Persenon inò chësta ancunteda dl KVW cun n bel program danter santa mëssa cianteda, n referat, mujiga, marënda y sté n cumpania, nchin ntëur la 15:00. Da Urti­jëi demez vëniel furnà cun auti privac o la curiera de linia. Nteressei a jì pea possa se lascé nuté su da Annemarie Piccolruaz Pasquazzo, tel. 334 9041200.

Chino
Atualmenter
Al chino de Tieser
Insnet, vender ai 13 da les 21:15 e domenia ai 15 da les 20:30 l é »Downton Abbey II«. Sabeda ai 14 da les 21:15 l é »Doctor Strange nel multi­verso della follia«; semper sabeda ai 14 e domenia ai 15 da les 17:30 l é »Hopper e il tempio perduto«. Vender ai 20 da les 21:15 l é »Downton AbbeyII«.
Uni vënderdi de mei
LiteraKino te bibliotech
Sëires de chino tla biblioteca S. Durich a Urtijëi, n vënderdi ai 13., 20., 27.05. dala 20.30. L program di films che unirà mustrei ie da udëi te biblioteca, ulache l ie nce julantins da pudëi se tò pea.

Temp Lede

14.05.
Balé y devertimënt per mutons y mutans
Dala 14:00 nchin la 16:30 sun plaza de chemun de Sëlva, mët l VKE Gherdëina a jì n program cun d'uni sort de ativiteies per duc i mutons y duta la mutans, cun Isabell Senoner.
14.05.
Festa dla cultures
Sun Plaza de Dlieja a Urtijëi, duman sada dala 14:30, cun prejentazion dla tradizions y de cianties de paejes desferënc, atività per mutons, cërcia de cafeies, buffet cun spezialiteies nternaziuneles. L sarà na bela ucajion per mparé a se cunë­scer, ciaculé y sté deberieda. Metù a jì dala Consulta per l'Integrazion y la biblioteca S. Durich. Da bur' tëmp sarà la manifestazion tla Cësa di Cungresc.
16.05.
Cunësces'a bele?
La biblioteca O.v. Wolkenstein de Sëlva mët a jì ntan l mëns de mei, uni segondo lunesc na manifestazion per mutons. N lunesc ai 16 de mei dala 15:00 cunterà Patrick Pera­thoner ora de si liber »Le avven­ture colorate di Lillo«.
21.05.
Marcia dala Poza
N sada che vën tla streda Nives te Sëlva. Marcià tradiziunel, ulache l Cor de dlieja y la grupa di Alpini dà nce orar da maië y da bever.
24.05.
Verzon dala craitles
N merdi ai 24 de mei vëniel jit, cun l KVW de Sëlva, a ti cialé al verzon dala ierbes y craitles »Pflegerhof« a Ciastel, ulache la patrona cunterà y spiegherà dla plantes d'uni sort. da maië y da bever.
22.05.
Garejeda cun i tractors
I paures jëuni Sëlva mët a jì n dumënia che vën sun Plan de Gralba l Geotrac Supercup. I tractors vën metui a despusi-zion. N scumëncia dala 10:00 cun la iscrizions sun l post, da paië ite iel 20€ per una categuria y 35€ per doves. L ie plu categuries per tractor y transporter. Per fé pea muessen avëi la patent aldò. Dan la garejeda, ntëur la 10:45 pòssen mo se cialé ju la trassa.

Mujiga
13.05.
Conzert d'aisciöda dla Müjiga Calfosch/Corvara
Incö vëndres ai 13 de ma tëgn la Müjiga Calfosch/Corvara so conzert d'aisciöda. Le conzert mët man dales 20:30 tl salf dles manifestaziuns da Corvara. Düc i amanc dla musiga é dër bel inviá da gní a ascuté sö le conzert y passé na serada en compagnia dles beles melodies.
14.05.
Cunzert di studënc dl Conservatorio C. Monteverdi de Bulsan
Duman sada dala 17:00 tla sala da cunzert dla Scola de Mujiga a Urtijëi. L se trata de n cunzert de mujiga tlassica de livel aut. L sarà da scuté su pec de Andre Jolivet, Jaques Ibert, Robert Schumann y d'autri, y nce da audì la sculea de Urtijëi Marie Stuflesser al flaut traviers, che studieia te chësc conservatore.
14.05.
Conzert de la Musega da Vich
La Musega da Vich porta dant sie »Conzert d'Aisciuda« en sabeda ai 14 de mé da les 21:00 te tendon de la manife­sta­zions.
14.05.
»Sonns d'aisciöda« a San Ciascian
La Musiga da San Ciascian inviëia al conzert d'aisciöda, en sabeda ai 14 de ma dales 20:30, tla Ciasa J. B. Rinna a San Ciascian. An podará aldí toc tradizionai y moderns, sot la direziun dl dirighënt nü Davide Donazzolo da Ampëz. Pro n toch sonará ince i pici musicontri che impara.

Religion

14.05.
Ancunté Gejù
Duman sada dala 17:00 te dlieja a Urtijëi cun Sn. Pluan Vijo Pitscheider. Duc i jëuni, mutans, mutons, popsc, geni­tores y nëinesc y laves ie nviei a chësta mëssa per la families.
23. – 24.05.
Pelegrinaje a Maria Stein y Maria Plain
Le KVW da San Ciascian orga­nisëia ai 23 y 24 de ma n pelegrinaje a Maria Stein y Maria Plain, cun siur Degan Iaco Willeit. Le cost é de 70,00€ por sté suranöt cun gosté, lapró vëgnel 50,00€ por la coriera. Prenotaziuns anter i 15 de ma pro Christoph al 333 7219535.

Sozial

Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Iló ciafa families y porsones che á debojëgn spëisa debann.
Atualmënter
Contribuc »Cörs dla Val Badia«
Porsones/Families dla Val Badia á la poscibilité da dama­né do contribuc finanziars por cunc/fatures de bojëgns primars (scialdé, forza eletrica, afit, spëises sanitares, etc.) Le formular por fá domanda ciafon sön www.solidariete.it, an pó ince fá domanda ti ofizi KVW de Badia y Al Plan. Infos: info@solidariete.it
19.05.
Grupa "VE Judon" - sëira de nfurmazion
N juebia dala 20:30, tla Cësa de Cultura de Sëlva. Do mez ann dal scumenciamënt de si atività de ulentariat uel la Grupa ti pité ai zitadins de Gherdëina y de si frazions ntëurvia n valguna nfurmazions plu avisa n con' dl lëur y de si vester a despusizion dla cumenanza y respuender nce a dumandes.

Cursc

18.05.
Badia: imparé da fá sciablones por l'iluminaziun
Por l'iluminaziun dl paisc de Badia en San Iaco, en gaujiun di 50 agn da prou de siur degan Iaco Willeit, vëgnel organisé n curs de trëi sëres por fá sciablones por finestres (Transparentbilder). Le curs é ai 18, 24 y 25 de ma, tla Ciasa Runcher a Badia. Infos y prenotaziuns pro Magdalena al 339 7214375 (ince tres Whatsapp). Organisaziun: Consëi de Formaziun Badia
21.05.
Calfosch: imparé da conësce alpacas y lamas
Le Consëi de Formaziun Corvara mët a jí n curs cun Daniel Fasolo, por imparé a conësce alpacas y lamas, co se raporté cun i tiers, coriosités y ater. An s'incunta en sabeda ai 21 de ma dales 14:00 ales 17:30 a Calfosch, tla str. La Poza 3. Prenotaziuns al 346 7915927 (max 12. porsones). Al vëgn damané na picia spënora.
Nchin ai 26.05.
Café dla rujenedes
Tla biblioteca S. Durich a Urtijëi vëniel tenì ntan l mëns de mei: de merdi l café dla rujenedes per tudësch cun Ivana y per nglëisc cun Niky y Martina, de mierculdi per talian cun Patrizia y de juebia per spanuel cun Chiara. La ancuntedes scumëncia for dala 9:30. N possa unì zënza se nuté su danora.

Teater

13.05.
NavalGEI a teater
Insnet, vender ai 13 de mé te teater de Navalge da les 20:45 l é la compagnia fascèna »Trei carc de ora« che porta dant »Do l vièl del saer«. Info e biliec al ofize Perle Alpine, www.visitmoena.it.
Concursc
23.07.
Cuncors de fotografia
»Levé y jì dojù dl surëdl te Gher­dëina«, chësc ie l argu­mënt dl cuncors de fotografia metù a jì dal cunsorz turistich Dolomites Val Gardena y daviert a duc. N possa fé pea debant y la fotografies (al plu trëi) te n format via y ca, 3.000 x 2.160 Pixel y 300 dpi, muessa unì mandedes ite tres wetransfer nchin ai 23.07.22. Nfurmazions plu avisa sot a www.valgardena.it/photocontest .
29.05.
L/a miëur/a cunditer/a per hobby
Chëi y chëles, sëura i 18 ani cun residënza te Südtirol, che à legrëza a fé tëurtes per hobby, ma ne à deguna furma­zion prufesciunela de chësta sot, possa mo mandé ite nchin ai 29.05. na fotografia de si plu bela tëurta cun na descri­zion curta a info@100grad.it. L ie de biei pesć da vëncer. Plu nfurmazions sot a www.gustelier.it .

Referac

13.05.
Mareo: ultima serada dl'Edema dles Families
L'Edema dles Families te Mareo vá a piz incö vëndres ai 13 de ma. Dales 20:00 él söl program tl salf dles manife­staziuns d'Al Plan le referat »Doing Family: wie Familie heute gelingen kann«, cun Johanna Brunner.
13.05.
La Ila: referat »Trading & Investing«
Dl tema »Trading & Investing« nen vára te n referat incö vëndres ai 13 de ma dales 20:00, tl Zënter dla Jonëza y Cultura Saj.un a La Ila. Adöm cun Gunde Bauhofer dla Zentrala di consumadus y Michael Terzer – consulënt independënt dl patrimone, jarán ite sön sistems, funziona­mënt y prighi.
13.05.
10 agn Lia da Munt: referat cun alpinisć
La Lia da Munt Ladinia – Val Badia festejëia iniann sü 10 agn, cun deplü serades. La proscima é incö vëndres ai 13 de ma dales 19:30, tl Tennis Boulder Center a Corvara. Gabriel Tschurtschenthaler & partner cunta dl Cerro Torre da n ater punt de odüda, l'arpizadú de profesciun Michael Piccolruaz cunta de sües esperiënzes »da Gherdëna a Tokyo«.
17.05.
Mental training tl sport
N merdi dala 20:00 tla sala Raiffeisen tla cësa de chemun a S. Cristina rujenerà la esperta Monika Niederstätter de chësc argumënt. Nviedes ie duta la lies dal sport y apasciunei de sport d'uni sort. Metù a jì dal Istitut Ladin Micurà de Rü.
20.05.
Pasciuns: Anna Pedevilla y Christof Hainz
Tla cornisc dles manife­staziuns por i 10 agn Lia da Munt Ladinia, vëgnel metü a jí en vëndres ai 20 de ma dales 19:30 tl salf dles manife­staziuns d'Al Plan na serada cun Anna Pedevilla che cunta dl trail running – la pasciun da salté sö por munt, y l'alpi­nist Christoph Hainz, tlamé »Der Zinnen Mann«.

Iadi y Jites

19.05.
A ti cialé ai tieres salveresc
La Lia da Mont de Gherdëina mët a jì n juebia na jita a Rocca Pietore, per jì a ti cialé ai tieres salveresc. Per plu nfurmazions y per se nuté su pòssen cherdé su Tullio al 335 6583216.
18.05.
Jita tla Val di Non
Cun la grupa »Nëus jon pa bel plan« dla Lia da Mont de Gherdëina, n mierculdi che vën. L sarà da fé n deslivel de za. 400 m y da jì za. 4,5 ëura. L ie da se nuté su da Ciofs Inge a Urtijëi. Per plu nfurma­zions pòssen cherdé se Valentin al 338 8362004.
21.05.
Dal lech de Ledro a Riva
La grupa Nëus Granc y Pitli dla Lia da Mont de Gherdëina mët a jì chësta jita per families. L vën furnà duc deberieda cun la curiera. Da jì iel n 10 km (za. 3 ëura) cun n deslivel de 600 m juvier. Se scrì ite nchin n mierculdi ai 18.05. da Sandra tres WhatsApp al 333 6168855
22.05.
Sun la Karnspitze de Sarntal
La Lia da Mont de Gherdëina mët a jì na blòta jita, ulache l sarà da jì n 5 ëura cun n deslivel de 900m. Se scrì ite da Ciofs Inge nchin n juebia 19.05. Per nfurmazions cherdé su Jessica al 338 7925509.

Televijion

17.05.
Pizes dla Ladinia – Vajolet campaní Delago
Dales 20:50 ca. Cun Alex Vinatzer. Program de Manfred Stuffer y Hanspeter Karbon, a cura de Alessandro Dapunt.
18.05.
INTEGRA – Profil de Lois Anvidalfarei
Dales 20:50 ca. N film de Massimo Vegetti, produziun Museum ladin Ciastel de Tor, a cura de Alessandro Dapunt.
19.05.
Df – L cust de se n jir
Dales 20:50 ca. Te la storia troon esperienzes de eles che les é sin jites per besegn de lurèr, per soravivenza ma ence per ambizion e spirit de aven­tura. Na trasmiscion che met al luster l tema de l'emigra­zion de la eles vedù tras i eies de femenes che à abù l coraje de sin jir ma ence de vegnir deretorn a cèsa. Program de Cinzia Pistoia, a cura de Anna Mazzel.

Radio

Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
15.05.
I »Curnacins« pëia inò l jol
Dales 19:05. Da plu de 35 ani iel te Gherdëina la lia »Curna­cins« che se dà ju cun l aero­mo­delism. L presidënt Ivo Demetz y l cunselier Armin Runggaldier nes fej cunëscer chësta pascion de mëter adum y de fé julé julieres y joleri. Tra­smiscion de Simon Moro­der.
18.05.
Fascegn. Retrac de jent da zacan
Dales 19:05. L nef liber metù adum da l'Union di Ladins de Fascia é vegnù sport tel cheder di la scomenzadives de l'Aisciuda Ladina. Se trata de na regoeta rencurèda da Nicoletta Riz che bina adum passa 250 retrac de jent de Fascia: maridoc, baschies, raides sa mont, families, mo­menc de comunanza e auter che te passa 20 egn é vegnui metui su la rubrica »Chi el pa?« de la Usc di Ladins. Program de Anna Mazzel.
18.05.
Letradura sucrëta?
Dales 13:45. Simposium sun la traduzion dla letradura rumancia di Grijons y ladina dla Dolomites. En rejonon cun Rut Bernardi, conduzion Anna Mazzel.

Mostres y Ert
Atualmënter
»Vitae Cyclus«
La vita se damanda n svilup, na ucajion de pudëi se miuré. Chësc ie n zitlus che se fej uni di da nuef. La mostra de Mi­chael Rifesser, tla sala dla Lia Mostra d'Ert a Urtijëi, resterà davierta nchin ai 22.05., da merdi nchin dumënia dala 16:00 nchin la 19:00 y da vënderdi nchin dumënia nce dala 10:00 nchin la 12:00.
Atualmënter
Fusties de n corp
Mostra de pitures de Edith Insam de Urtijëi per »Kunst im Gang-e« tla cësa de che­mun a Laion. L se trata de lëures da culëur, forma y stru­tura, ulache la artista, muvan da dessënies de act, ruva nchin al'astrazion tl rafiguré l corp dla persona. Da udëi nchin ai 19.08. ntan l orar de giau­rida dl Chemun.
Atualmënter
»Danter se paré y azeté«
Te sies sales dla Hofburg a Persenon, iel da udëi var per var l svilup artistich de Josef Kostner de Urtijëi (1933 – 2017). La mostra resterà da­vier­ta: nchin ai 06.11. uni di dala 10:00-17:00; da juni nchin ala fin de setëmber iela davierta n'ëura deplù, plu avisa nchin la 18:30.

Galaria retrac