Manifestazions atuales

Data

15 de messel 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla edizion dl 15 de messel
Dotours
Dutor Gherdëina
L dutor de servisc da n sada ai 16.07. dala 08:00 daduman nchin la 08:00 daduman de n lunesc ai 18.07. ie l dutor Valentin Tröbinger de Sëlva, tel. 0471 773073 o l 335 6844944.
Doturs Val Badia
Tla fin dl’edema di 16 y 17 de messé él en sorvisc ti co­muns de Mareo y San Martin le dotur Vincenzo Santono­cito, Al Plan, tel. 351 920 8697. Ti comuns da La Val, Badia y Corvara él en sorvisc le dotur Guido Caret­ta, Badia, tel. 0471 839706 o 380 3161 999.

Apoteches
Apoteca Gherdëina
L’apoteca che ie de servisc ora dl orar ordiner de giaurida, da n vënderdi ai 15.07. nchin n vënderdi ai 22.07. ie chëla de Fie, tel. 0471 725373 (sa. 8:30-12:30, 16:00-19:00, du. 10:00-12:00; stlut mierculdi domesdì).
Apoteca Val Badia
L’apoteca en sorvisc fora dl orar ordinar, dal vëndres ai 15 de messé dales 19:00 al vëndres ai 22 de messé ales 19:00, é chëra d’Al Plan, tel. 0474 501240.
 
Mujiga
15. y 16.07.
Festival Gadersound a Pidrô
Ai 15 y 16 de messé vëgnel tigní ti Plans dl Galber a Pidrô le festival »Gadersound«, cun musiga reggae y folk. Infos sön le program sön la plata www.gadersound.it
17/21.07
Martina Iori e Francesca Bertazzo sa mont
En domenia ai 17 de messèl per JMMJ sun Costabela da les 12:00 (se l é burt da les 15:00 al Hotel Arnica sun S. Pelegrin) Martina Iori ciantarà compagnèda a la chitara da Jonar Metsäkylä. En jebia ai 21 da les 12:00 te Fuciada l é Francesca Bertazzo Hart con Roberto Gorgazzini e Enrico Tommasini.
19.07.
Corvara: conzert de clavier
Les jomelines Eleonora y Beatrice Dallagnese tëgn n conzert de clavier, en mertesc ai 19 de messé dales 21:15, tl salf dles manifestaziuns da Corvara.
19.07.
Conzert de Paolo e Gabriele Bernard
En mèrtesc ai 19 de messèl da les 21:00 te chino Marmo­lèda conzert al piano de Paolo e sie fi Gabriele Bernard.
20.07.
Sëira folcloristica
La Lia dl Turism de Santa Cristina nvieia a na sëira de mujiga y bal cun la Böhmische de S.Cristina, l cor »Sasslong« y la grupa bal polpuler de Urtijëi. Dala 21:00 tl zënter Iman.
21.07.
Conzert dla Musiga da La Val
En jöbia ai 21 de messé dales 21:00, tl salf dles manifesta­ziuns »Dumëne Moling«.
21.07.
Cunzert dla Mujiga de Sëlva
La Mujiga de Sëlva nvieia a si cunzert, n juebia ai 21.07. dala 21:00 sun Plaza de Che­mun.
21.07.
Cunzert dla Mujiga da Bula
La Mujiga da Bula nvieia a si cunzert, n juebia ai 21.07. dala 21:00 sun Plaza de Dlieja de Urtijëi.
23.07.
Conzert del Ensemble Canticum Novum
En sabeda ai 23 de messèl da les 21:00 te gejia de Dèlba conzert »Fra Cieli e Terre – Il canto sacro nei 5 continenti« del Ensemble Canticum Novum.

Televijion

19.07.
Pizes – La pitla piza de Lavaredo cun Karin Piazza
Dales 20:50 ca. Program de Manfred Stuffer y Hanspeter Karbon, a cura de Alessandro Dapunt.
20.07.
Spëisa ladina, saus da zacan – Gnoch cun sgrijorun y zigher
Dales 20:50 ca. Tla proscima trasmisciun de Spëisa Ladina gnarál arjigné ca na derzada a Col Santa Lizia pro le resto­rant Belvedere de Roberto Agostini. Adöm a d’ël gnarál cujiné gnoch cun sgrijorun y zigher. Inultima Giulia Tasser cuntará val’ dla tradiziun y dla cultura dl post. Dl pro­gram se fistidiëia Anna Mazzel, idea y conduziun de Concetta Bonaldi y regia y camera de Agostino Fuscaldo.
21.07.
Padre G.Detomaso miscionare tl’Etiopia
Dales 20:50 ca. Program de Anna Maria Fiung y Georg Penn, a cura de Alessandro Dapunt.

Radio

LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
17.07.
La vies fieredes
Dales 19:05. La Lia per l Turism de Sëlva se à sëuran­tëut l lëur de manutenzion dla via ferata »Pößnecker« y à nce finanzià la via nueva »Furcela de Saslonch«. L pre­sidënt Christoph Vinatzer y l mëinacrëp Ivo Rabanser nes conta dla mpurtanza turi­stica de chësta nfrastru­tures ma nce de dut l lëur che l ie dovia per la mantenì y garantì nscila ai arpizadëures segu­rëza. Trasmiscion de Alex Rung­galdier.
20.07.
Saon, na neva mostra scientifica
Dales 19:05. La sociazion »Inout« à endrezà a Vich na mostra che met dant enigmes, jeghes e laboratories dal titol »Matematica trasparenta desche boles de saon« co la colaborazion de DiCoMatLab de l’Università de Trent, l dozent G. Häusermann e l grop Level up de Trent. Vijita virtuèla tres l percors espositif coi joegn de Inout.  Program de Anna Mazzel.

Sozial

Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Iló ciafa families y porsones che á debojëgn spëisa debann.
Atualmënter
Contribuc »Cörs dla Val Badia«
Porsones/Families dla Val Badia á la poscibilité da da­mané do contribuc finanziars por cunc/fatures de bojëgns primars (scialdé, forza eletrica, afit, spëises sanitares, etc.) Le formular por fá domanda ciafon sön www.solidariete.it, an pó ince fá domanda ti ofizi KVW de Badia y Al Plan. Infos: info@solidariete.it
Uni merdi
Marënda per i »over 60«
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Se­niores). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia S. Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à debujën (che à la residënza a Urtijëi).

Sport

Atualmenter
La Fiorentina a Moena
Fin ai 24 de messèl la Fioren­tina se arcedea a Moena e do fin ai 7 de aost rua la pruma squadra de eles. Doman, sabeda ai 17 de messèl da les 16:15 vegn jià fora l triangolar contra l Brianza Olginatese e l Sanvitese.
15/16/17.07.
DoloMyths Run
Anché, vender ai 15 de messèl l é la DoloMyths Run Vertical Kilometer. I coridores ponta demez da Ciasates, i va sun Crepa Neigra sul Vièl de la Sita e deretorn te Ciasates. Sabeda ai 16 l é la Sellaronda Ultra Trail e la Half Trail din­torn l Sela e domenia ai 17 l é la Skyrace, 22 chilome­tres da Cianacei sun Piz Boè.
16.07.
Dolomyths Run – Sellaronda Ultra Trail
La gara da salté »Dolomyths Run Sellaronda Ultra Trail« incër le grup dl Sela pëia ia en chësc ann da Corvara, plü avisa en doman sabeda ai 16 de messé dales 5 da doman. An pó ince ma fá mez le percurs, pian ia dales 9:00 da Cianacëi demez. Infos sot a www.dolomythsrun.it
16. y 17.07.
»Rookies Cup« a San Ciascian
Sön le tru dla roda Cör y Avëna di Bike Beats Movimënt de Piz Sorega vëgnel metü a jí ai 16 y 17 de messé gares dla roda por mituns dles cate­gories U10 y U19. Infor­maziuns sön www.rookiescup.bike y iscriziuns sot a rookies cup@moviment.it
17.07.
Spezia-ASV Stegen
La scuadra de Seria A, AC Spezia Calcio, che se njënia iust ca te Gherdëina per la sajon che vën, fajerà n juech contra l ASV Stegen, n du­mënia dala17:00 tl ciamp da Mulin da Coi. Ntreda 5€.
23.07.
Torné de nöt »Pradel Cup«
En sabeda ai 23 de messé dales 17:00 inant, tl ciamp dal sport a San Martin. Al vëgn soghé cun scuadres de 4+1. Infos y iscriziuns anter i 20.07. pro Giovanni al 345 5859796. L’iscriziun costa 100,00€ a scuadra.

Cursc

29.08.-02.09.
Depënjer sun Resciesa
L curs de acuarel cun Ottavia Demetz vën metù a jì da n lunesc 29 de agost nchin n vënderdi ai 2 de setëmber, dala 09:00 nchin la 17:00. L vën jit alalergia a depënjer y l ie adatà per chi che ti savëssa bel a depënjer ma ne sà nia co scumencé. Per nfurmazions plu avisa pòssen cherdé su l 333 9984830.

Segres y Festes

16-17.07
Segra de Santa Cristina
Sada dala 18:00 mujiga cun la grupa Volkspartie. Dumënia dala 9:30 santa mëssa cun cor y urchestra, da dedò defi­leda cun la Mujiga de S. Cri­stina y la trohtes nchin pra l zënter Iman. Dala 11:00 sona Die Hoderlumpm , dala 18:00 l Odles Sound. L unirà nce pità da bever y da maië.

Chino
Atualmenter
Al chino de Tieser
Anché, vender ai 15 de messèl e lunesc ai 18 da les 21:15 l é »Thor: Love and Thunder«, sabeda ai 16 da les 16:45 l é »Jurassic World« e da les 21:15 l é »Elvis«, mèrtesc ai 19 da les 21:15 l é »Lunana«, jebia ai 21 da les 17:30 l é »Peter va sulla luna« e da les 21:15 l é »Thor: Love and Thunder«.
Uni juebia
Chino per mutons y mutans
La biblioteca San Durich a Urtijëi nvieia al chino per mutons y mutans, uni juebia nchin ala fin de agost dala 17:00. L program ie da giapé te biblioteca.

Avisc

Atualmenter
I amisc de la besties chier volontadives
La sociazion di Amisc de la besties de Fiem la vel se slarièr fora de più ence te Fascia e la domana che chi che à a cher la besties, soraldut i giac, i se meter a la leta per fèr pèrt de la squadra de Fascia. L é da tor contat con la referentes Miriam (333 7205413) o Karol (339 3455713).
Atualmenter
Fascia per l’Ucraina
La sociazions e chi che se cruzia del azet di enfughé te val fèsc a saer che no serf mas­saria o roba che se tegn al lonch, ma per poder pro­veder magnadiva frescia chi che vel didèr i pel dèr na bona­man sul cont avert aposta: IBAN: IT80E 08140 05725 00000416 5241, causala ANA Pozza – Emergenza Ucraina. Devalpai!
Atualmënter
Raida di mejes sa Sacun
L Museum Gherdëina mët a jì uni mierculdi nchin ala fin de setëmber na vijita ai mejes de Mëune y Peza y ala dlieja da Sacun. La raida de mez n di scumëncia dala 09:00 tl Museum a Urtijëi cun na ntroduzion y fina sa Sacun dala 13:00 sa Somont pra la curiera. L vën furnà su cun l citybus. Nfurmazion y iscri­zion: tl Museum Gher­dëina a Urtijëi, tel. 0471 797554, info@museum gherdeina.it, www.museum gherdeina.it
Atualmënter
Museum Gherdëina inò daviert
L Museum tla Cësa di Ladins a Urtijëi ie daviert dal lunesc nchin al vënderdi, dala 10:00-12:30 y dala 14:00-18:00. Sada danmesdì dala 10:00-12:30. Per vijites ora dl orar reguler y vijites menedes pòs­sen cherdé su l 0471 797554. Plu nfurmazions sot a www.museumgherdeina.it.
Atualmënter
L’Ofize de »Ëres dëida Ëres«
L’ofize a Bornech é da ciafé tla str. Paul von Sternbach nr. 6, info.bruneck@frauen helfen frauen.it. Al é davert dal lönesc al vëndres dales 8:30 ales 11:30. Fora de chësc orar, vëgnel tut sö termins sön prenotaziun. Tel. 0474 410303.
Atualmënter
Iniziativa di ëi de Puster – MIP
L’ofize dla MIP – Männer­initiative Pustertal dëida i ëi y peri pro caje de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lö­nesc y mercui dales 14:00 ales 19:00, le vëndres dales 8:00 ales 12:00. Tel. 0474 555848, info@mip-pustertal.it
18.07
Reuniun dla fraziun da San Ciascian
En lönesc ai 18.07 dales 20:30 inviëia la fraziun da San Ciascian döta la popolaziun a na reuniun tla Ciasa dles Uni­­­uns, olache al gnará fat pro­­postes por le svilup dl paisc. Ala serada tolarál ince pert l’assessur provinzial Daniel Alfreider y le presidënt dla Cooperativa Turistica Alta Badia Christian Pescollde­­rungg.

Iadi y Jites

23-24.07.
Jita cun la roda da mont
Jita de doi dis cun la roda tla Val di Non. L prim di iel da fé 45km cun n deslivel de 400m suvier y l segondo di 50km y da furné dantaldut juvier y ala ndrëta.
19-21.08.
Jita cun la Lia da Mont
La Lia da Mont mët a ji na jita tla Lechtaler Alpen, da n venderdi 19 nchin n dumënia ai 21 de agost . Per rejons de urganisazion prion bel de ve nuté su nchin n juëbia ai 21 de lugio scijan na mail a arthurprinoth@hotmail.com o sun WhatsApp al numer 328 914 6844. Per nfurma­zions pudëis cherdé su Monica al 339 656 3015.

Concursc

23.07.
Cuncors de fotografia
»Levé y jì dojù dl surëdl te Gher­dëina«, chësc ie l argu­mënt dl cuncors de fotografia metù a jì dal cunsorz turistich de Gherdëina y daviert a duc:tes. N possa fé pea debant y la fotografies (al plu trëi) te n format de 3.000 x 2.160 pixel y 300 dpi, muessa unì mandedes ite tres we­transfer nchin ai 23.07. Nfur­mazions sot a www.valgardena.it/photo contest.

Leteratura

21.07.
Prejentazion de libri
La Lia dl Turism de Urtijëi nvieia a de plu prejentazions de libri ntan chësc instà. La  prima ancunteda »Un libro - una montagna - incontri con l’autore« ie n juebia ai 21.07. cun Lilly Gruber, dala 17:30 te sala de Chemun de Urtijëi.

Temp Lede
Atualmenter
Escape Room a Dèlba
Via per dut istà l é avert Fora!, la pruma Escape Room de Fascia, te la veia scoles mesè­nes de Dèlba, per endrez de la Coprativa sozièla INOUT col sostegn del Museo Ladin. Info e prenotazions al 336 4246874 o escape@inoutfassa.com.
Atualmenter
Mostra »Saon«
Enscin ai 20 de aost te la scoles populères de Vich se pel veder la mostra scientifica »Saon« endrezèda dai joegn de INOUT. Duc i dis sa les 16:00 a les 19:00 e da les 20:30 a les 22:30.
Atualmenter
Giramuseo per la families
Enscin ai 5 de setember te Museo Ladin de Fascia a Sèn Jan vigni mèrtesc da les 17:00 vegn endrezà na raida guste­gola per gregn e picoi te la sales del Museo a Sèn Jan, per viver na esperienza neva. Prenotazion de obligh al 0462 760182. Cost 3 euro, debant con Guest Card de Fascia.
Atualmenter
Conties depentes te Museo
Enscin ai 5 de setember te Museo Ladin de Fascia vegn portà dant n laboratorie de ceramica per gregn e picoi dai 11 egn en su, rencurà da »ELEL« per creèr de picola operes d’èrt ispirèdes a la conties tradizionèles ladines. Vigni lunesc da les 16:00 a le 19:00, priesc 20 euro e preno­tazion de obligh al 0462 760182.
Atualmenter
L Museo Ladin de Fascia
La sales del Museo Ladin de Fascia a Sèn Jan é avertes al publich enscin ai 10 de setem­ber duc i dis da les 10:00 a les 12:30 e da les 15:00 a les 19:00. De jebia da les 17:00 l é la vijita vidèda con preno­tazion al 0462 760182, cost 5 euro (entrèda e vijita), debant con Guest Card de Fascia.
Atualmenter
Sezions del Museo: l Malghier
La sezion del Museo de Fascia dedichèda a la produzions dal lat e formai é averta enscin ai 10 de setember dal lunesc a la sabeda da les 16:00 a les 19:00. De vender da les 17:00 l é la vijita vidèda a la esposi­zion (per rejons sanitères no se pel veder la pèrt produtiva). Prenotazion al 0462 760182, cost 3 euro, debant con Guest Card de Fascia.
Atualmenter
Sezions del Museo: l Molin de Pezol
La sezion sul teritorie del Museo Ladin de Fascia te Strada de Jumela 18 a Pera é averta enscin ai 10 de setember dal lunesc a la sabeda a les 10:00 a le 12:00 e da le 16:00 a le 19:00. De mercol da les 17:00 l é la vijita vidèda con con prenotazion al numer 0462 760182. Cost 3 euro, debant con Guest Card de Fascia.
Atualmenter
Sezions del Museo: l Segat
La sezion sul teritorie del Mu­seo Ladin de Fascia dedi­chèda al bosch e si lurieres te Strada Ruf de Ruacia 7 a Poza (visavì l Hotel Valacia) é averta enscin ai 10 de setember dal lunesc a la sabeda da les 16:00 a les 19:00. De sabeda da les 17:00 l é la vijita vidèda debant con con prenotazion de obligh al numer 0462 760182.
Atualmenter
Sezions del Museo: La Sia
La sezion sul teritorie del Museo Ladin de Fascia te Strèda de Ciamp Trujan 30 a Penìa é averta al publich enscin ai 10 de setember dal lunesc a la sabeda da les 10:00 a le 12:00 e da le 16:00 a le 19:00. De mèrtesc da les 11:00 l é la vijita vidèda con con prenotazion al numer 0462 760182. Cost 3 euro, debant con Guest Card de Fascia.
Atualmenter
Sezions del Museo: l Stònt
La sezion del Museo de Fascia su la postazion de trata al tulac di Standschützen te Strèda de Pent de Sera a Ciampedel é averta fin ai 10 de setember dal lunesc a la sabeda da les 16:00 a les 19:00. De lunesc da les 17:00 vijita vidèda con prenotazion al numer 0462 760182. Cost 3 euro, debant con Guest Card de Fascia.
Uni lunesc
Kids Night
La Lia dl Turism de Sëlva nvieia a na sëira de juesc y devertimënt per i mëndri y la mëndres. Dala 20:30 nchin la 22:30 sun Plaza Nives te Sëlva.
Uni lunesc
Tradizion y artejanat de Gherdëina
Dala 20:30 sun Plaza Stetten­eck a Urtijëi, desmustrazion de ziplé, turné, fé zandli y trohtes.
Uni lunesc
Tradizion te Gherdëina
La Lia dl Turism y la Lia Guant dala gherdëina de Urtijëi nvieia ala sëires tl raion da jì a pe, ulache l sarà da udëi la bela trohtes. Dala 20:30 nchin la 22:00.
Uni merdi
Marcià di paures y di artejans a S. Cristina
Uni merdi dala 19:00 inant, nchin ala fin d’agost, prejen­terà artejans si ert y paures si prudoc fac n cësa tl raion da jì a pe a S. Cristina. Sambën ne manceràl nia mujiga dal vif y l unirà uni ena prejentà n auter ert tradiziunel de Südtirol.
Uni juebia
Juesc y striunëc cun Mago Bryan
N’ëura de devertimënt per mutons, n juebia dala 17:30 sun Pra da Nives te Sëlva y dala 20:30 tl zënter Iman a S. Cristina.
Uni vënderdi
Butëighes daviertes da sëira
Nchin ala ai 19 de agost tenirà la butëighes de Urtijëi y de Sëlva daviert uni vënderdi sëira, dala 21:00 nchin la 22:30.
17.07.
Sègra de Fontanac
En domenia ai 17 de messèl vegn fat sègra a Fontanac per la Madona del Chermin. Messa grana da les 9:30 e sobito do conzert de la Musega Auta Fascia.
17.07.
La Val: maratona »Tru di pra«
En domënia ai 17 de messé pón tó pert ala maratona por escurjionisć, che pëia ia dales 8:30 dal zënter da La Val y condüj do le Tru di Pra. Por tó pert él da se scrí ite tl ofize turistich da La Val. Da sëra vëgnel tigní na cëna cun spezialités ladines, tl zënter dl paisc.
18.07.
Eco-hiker
En lönesc ai 18 de messé dales 16:00 vëgnel tigní l’escurjiun Eco-Hiker, n’iniziativa liada al’eco-sostenibilité te nostes munts. Tratan na escurjiun acompagnada da Sciaré cina ala munt de Valparola, pó i partezipanc dé so contribut romenan sö i trus. Por tó pert pon se scrí ite pro un di ofizi turistics dl’Alta Badia o sön la plata internet www.alta badia.org.
18.07.
Ti ciaré ales stëres
Tratan i mëisc de messé y agost án la poscibilité da jí a ti ciaré ales stëres adöm cun Julian, apascioné y espert de astronomia. En lönesc ai 18.07. se incunton dales 22:00 a Sciaré por descurí le cil, i planëc y les stëres. Prenota­ziuns sön la plata internet www.altabadia.org o ti ofizi turistics dl’Alta Badia.
19.07.
Yoga cun gosté
Düc i amanc dl yoga é inviá a tó pert a na leziun de chësta pratica adöm cun Alexandra, maestra zertificada IYENG AR® YOG. La leziun vëgn tignida ai 19.07. alaleria sön Piz Sorega dales 07:45. Dedô ciafa i partezipanc le gosté pro la ütia Las Vegas. Prenota­ziuns sön la plata internet www.altabadia.org o ti ofizi turistics dl’Alta Badia.
19.07.
Laboratore por mituns
Tl parch di tiers a Calfosch vëgnel tigní ai 19 de messé dales 15:00 inant n domisdé por mituns dai 4 ai 12 agn. Adüm cun Silvia podarán se fá na linterna a forma de n tier de bosch. Sce al é bur’ tëmp, s’incunton tl salf dles manifestaziuns da Corvara. Al vëgn damané la presënza de n adult. Prenotaziuns sön www.altabadia.org o ti ofizi turistics dl’Alta Badia.
20.07.
Domisdé di mituns
Mituns da 4 a 10 agn á la po­­­­sci­­­­bilité da tó pert a n domisdé di mituns tl Museum Ladin Ursus ladinicus a S. Ciascian. En mercui ai 20.07. dales 17:00 podará i mituns vijité le museum y dedô tó pert a deplü ativités manuales y creatives. Iscriziuns tl ofize turistich da San Ciascian.
20. y 21.07.
Nos Ladins: i stödafüch y le ziplé
L’iniziativa »Nos Ladins« vá inant cun dui apuntamënc. En mercui ai 20 de messé dales 20:00 án la poscibilité da conësce plü davijin i stöda­füch, adöm cun Pual – vizeco­mandant di Stüdafüch da La Val. En jöbia ai 21 de messé dales 15:00 pón imparé deplü sön l’ert dl ziplé adöm cun Matthias, a La Ila. Prenota­ziuns sön www.altabadia.org o ti ofizi turistics dl’Alta Badia.
21.07.
Spetacol comich al PalaDolomites
La sociazion culturèla Anter­moia col Comitat manife­stazions de Mazin endreza en jebia ai 21 de messèl al PalaDolomites da les 21:00 l spetacol de mimo e comizità de la compagnia ucraina Dekru, venjidores al Festival mondial del Circo de Mosca e al Festival de Clown e Mimi de Odessa.
22.07.
Badia: vins alaleria
Tla bela culissa da La Crusc vëgnel tigní ai 22 de messé na degustaziun de vins blanc de Südtirol, acompagnada da spezialités dl post. La degusta­ziun mët man dales 14:30. Lapró sarál ince n sommelier. Prenotaziuns sön www.alta badia.org o ti ofizi turistics dl’Alta Badia.
23.07.
Marcià di pulesc
L VKE y l Podl met a jì n mar­­­cià di pulesc per mutons y mutans fat da mutons y mutans. Dala 15:00 nchin la 18:00 sun Plaza Rezia a Ur­tijëi, ulache mutans y mutons pieterà cosses de segonda man.
23.07.
La alpinistes Favè e Felicetti
En sabeda ai 23 de messèl da les 21:00 te piaz de Ciampedel scontrèda con la doi alpinistes fascènes Marika Favè e Gior­gia Felicetti. Se fossa catitemp l vegn fat te teater.
25-29.07.
Zumba per mutons y mutans
Metù a jì dal VKE, tla scola mesana de Sëlva cun Isabell. Per la chertes y per plu nfur­mazions cialé do sun la plata www.vke.it (sezion: Gröden-Programm) o nce sun Face­book y Instagram.
05.08.
VKE-Fantasy Festival
Metù a jì dal VKE, te Sëlva. Domesdì iel sun Pra da Nives da fé juesc y da pastelné. Da sëira dala 20:30 inant iel sun Plaza de Chemun n musical per duta la familia, dal inuem »La fabbrica dei sogni«.

Referac

18.07.
A Poza scontrèdes coi autores
En lunesc ai 18 de messèl da les 21:00 te piaz de Comun a Poza apuntament con la rassegna »Te piaz d’istà« con Virna Pierobon. Terza scon­trèda con l alpinist Fabrizio Silvetti e sia impresa sul Ama Dablam, projet umanitarie. Se fossa catitemp te sala de Consei.
18/20.07.
Ispirazions d’istà
Per Ispirazions d’istà en lunesc ai 18 de messèl te teater de Ciampedel da les 21:00 »Deci­sioni umane e intelli­genze arti­­ficiali« con p. Paolo Benan­ti, Alessandro Quat­trone e Enrico Blanzieri. En mercol a 20 de messèl da les 21:00 te chino Marmolèda »Pace, la grande utopia?« con Marco Tarquinio e l Piscop de Trent Lauro Tisi.
21.07.
A Cianacei Campo Base
En jebia ai 21 de messèl da les 21:00 te piaz Marconi a Cianacei prum apuntament de Campo Base con la proie­zion del docu-film su la vita e l alpinism de Pierluigi Bini. Sobito do debatit con i mena­crepes Almo Giambisi, Tone Valeruz e Bruno Pederiva.

Mostres y Ert

Atualmenter
Mostra de Igi Pederiva
Te la galaria TanArt de Cia­nacei enscin ai 31 de messèl se pel veder la mostra antolo­gica del maester Luigi Pede­riva, Igi pitor da Soraga, averta da les 10:30 a les 12:30 e da les 16:00 a les 19:30.
Atualmënter
Mostra »Tamersc« a Al Plan
Cina ai 31 d’agost él da odëi a Al Plan la mostra »Tamersc« dl artist iapanesc Asami Kato. Sües operes é metüdes fora sön paiun d’Al Plan, te Ciasa dl Parch Natural (dal mertesc ala domënia dales 9:30 ales 12:30 y dales 14:30 ales 18:00) y ince tles üties tai Tamersc (dal orí al florí dl sorëdl).
Atualmënter
Corvara: Mostra dles Dolomites tratan la vera
Tl salf dles manifestaziuns da Corvara él da odëi cina ai 22 de messé la mostra dedi­cada ales munts tratan la Pröma Vera dl Monn. La mostra é daverta vigni de dales 8:00 ales 12:00 y dales 15:00 ales 19:00. La domënia dales 9:00 ales 12:00 y dales 16:00 ales 18:00.
Atualmënter
Mostra de Arnold Huber
»Da udëi« ie l titul dla mostra de Arnold Huber tl Café Surëdl a Urtijëi tla streda Ro­ma. La mostra resterà davierta nchin ai 22.07. da lunesc nchin vënderdi dala 09:00 nchin la 19:00.
Atualmënter
Mostra »gemEinsam«
Tla Lia Mostra d’Ert a Urtijëi. L se trata de n proiet metù a jì deberieda cun la lia dl Renon »Wegmacher«, ulache l mët ora Cornelia Lochmann, Fanny Fazekas, Sophie Makil y Alexander Thiel tla sala dl Circolo a Urtijëi. Pitura y per­formance, figures de fanta­jia, nstalazions y stampes che conta na storia, de chësc vàla tla mostra, che sarà da udëi nchin ai 10.07. dala 17:00-19:00, de vënderdi nce dala 20:00-22:00 y de dumënia nce dala 10:00-12:00. De lunesc iel stlut.
Atualmënter
»Amor, mort y malan. Teater tl Tirol«
L Museum de Ciastel Tirol sëura Maran y l scultëur Wilhelm Senoner de Urtijëi nvieia ala mostra »Amor, mort y malan. Teater tl Tirol« tl »Rittersaal«. La mostra sarà da udëi nchin ai 20.11.
Atualmënter
Bienela Gherdëina
Ai lëures metui ora tla sala Trenker tla cësa di cungresc y tl ex hotel Ladinia pòssen jì a ti cialé uni di, ora che de lunesc, dala 10:00-12:00 y 15:00-19:00 (ntreda sala Trenker 5€, sot a 14 ani de­bant). Tl Ciastel de Gherdëina pòssen ite, ora che de lunesc, for dala 10:00-12:30 y dala 14:00-16:30. L vën nce pità vijites menedes ala mostres y nce ala jita artistica sal lech da Lagustel, che n possa apusté danora sot al 338 9224921.
Atualmënter
»Danter se paré y azeté« de Josef Kostner
Te sies sales dla Hofburg a Persenon, iel da udëi var per var l svilup artistich de Josef Kostner de Urtijëi (1933 – 2017). La mostra ie davierta nchin ai 06.11. uni di dala 10:00-18:30 (da utober inant nchin la 17:00).
Atualmënter
Fusties de n corp, de Edith Insam
Mostra de pitures de Edith Insam de Urtijëi per »Kunst im Gang-e« tla cësa de che­mun a Laion. L se trata de lëures da culëur, forma y stru­tura, ulache la artista, muvan da dessënies de act, ruva nchin al’astrazion. Da udëi nchin ai 19.08. da lunesc nchin vënderdi dala 8:00-12:00, de juebia nce dala 16:00-18:30.
Atualmënter
Diego Deiana tl Ciastel Prösels
La mostra »Uniti-Vereint-Tenì adum« ie metuda adum da lëures, bas-reliefs, che l artist Diego Deiana à fat ntan l tëmp dla gran stluta. Per ti cialé ala mostra iel nce da fé pea la vijita meneda tl Ciastel Prösels a Fie. Davierta nchin ala fin de agost, uni di ora che de sada dala 11:00 nchin la 17:30 (medemi orares dl Ciastel).
Atualmënter
L nia cunesciù y l chiet tl spazium
Mostra de Peter Demetz tl Tublà da Nives te Sëlva. L artist de Urtijëi prejënta figu­res te n mez relief: doves, trëi, suvënz nce sëules, te n ambient crià da d’ëiles. Orares dla mostra: da merdi nchin du­mënia 16:00-19:00; de mier­culdi, vënderdi y dumënia nce 20:30-22:00.
Atualmënter
2nd creation – artificial intelligence
Mostra coletiva sun la tematica dla nteligënza artifiziela cun i artisć Mirijam Heiler, Valeria Stuflesser, Lena Geiser, Duo-Josefa Schundau/Kira Krüger, Marlies Baumgartner, Ali Paloma, Simon Perathoner, Harald Plattner, Manuel Van der Veen, Duo – Maximilian Willeit/Manuel Resch, Peter Senoner, Hannes Egger, Christian Bazant-Hegemark y Tino-Roberto Bors. La mostra resta davierta nchin ai 6 de agost, dal lunesc ala sada, dala la 16.00 ala 19.00
Atualmënter
Mostra tla Galaria Doris Ghetta
Mostra coletiva »Erosive For­ces Shape (Inner) Land­scape« cun lëures de Francesco Ber­telé, Milena Bonilla, Arturo Hernández Alcázar, Arnold Holzknecht, Alexandra Kadze­vich, Vibeke Mascini y Finbar Ward.
Atualmënter
Mostra de Willy Verginer »Il giardino perduto«
Tla dlieja San Barnaba de Bondo, tla provinzia de Trënt iel da udëi na mostra persunela de Willy Verginer dal titul »Il giardino perduto«. La mostra resterà davierta nchin ai 28 d’agost 2022, duc i dis ora che de lunesc, dala 10:30 ala 12:00, dala 17:00 ala 19:00 y dala 20:00 ala 22:00.
23.07.
»Da stlupé dal rì«
Cunfruntazion danter ar­tisć:tes o nterprec:tes cun poejies, cianté o suné, teater o cabaret, depënjer o cun na fotografia, dessëni o carica­tura, ziplé, balé o vel’ autra matada. Do la raprejentazions cunzert di Pëufla. N sada sëira ai 23.07. sa Pilat a Urtijei.
25.07.
Mostra tl Cafè Surëdl
L Café Surëdl nvieia a na mostra de Horst Steinhauser dal titul »Mein liebstes Hob­by«. La mostra sarà da udëi dal 25.07. inant, for dal lunesc nchin de vënderdi, dala 09:00 ala 19:00.

Galaria retrac