La Usc di Ladins

Dotours
Dutor Gherdëina
L dutor de servisc da n sada ai 08.10. dala 08:00 daduman nchin la 08:00 daduman de n lunesc ai 10.10. ie l dutor Simon Kostner de Sëlva, tel. 347 2297492.
Doturs Val Badia
Le dotur en sorvisc tla Val Badia, tla fin dl’edema di 22 y 23 d‘otober, é le dotur Edoardo Agreiter, San Martin de Tor, tel. 0474 523315 o 333 1380852.

Apoteches
Apoteca Gherdëina
L‘apoteca che ie de servisc ora dl orar ordiner de giaurida, da n vënderdi ai 07.10. nchin n vënderdi ai 14.10. ie chëla de S. Cristina, tel. 0471/ 792106 o 333/1776615 (orar de giaurida 8.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 14 de otober dales 19:00 al vëndres ai 21 de otober ales 19:00, é chëra da Corvara, tel. 0471 830237.

Temp Lede
Atualmenter
Escape Room ta Dèlba
»Fora!« l é la pruma Escape Room de Fascia averta te la veia scoles mesènes de Dèlba, per endrez de la Coprativa sozièla INOUT. Per info e prenotazions chiamèr l 366 4246874 o scriver a escape@inoutfassa.com.
14-16.10
La Bira te Fascia rua a Poza
L Festival de la bira artejanèla da mont é endò vertech per sporjer l apuntament spetà per cercèr la produzions de calità tel nef event da d’uton. Anché, vender ai 14 e sabeda ai 15 de otober l tendon de Poza sarà avert da les 16:00 a les 24:00, en domenia ai 16 da les 10:00 a les 20:00. No mencià.
14-15.10
Top Wine sun Sas Pordoi
Anché, vender ai 14 e sabeda ai 15 de otober al Refuge Maria sun Sas Pordoi 22^ edizion del Top Wine, la degustazion de vins più auta del mond. Ai 14 da les 14:00 a les 16:30 Masterclass sul Teroldego; ai 15 da les 10:00 a les 17:00 Simposio Top Wine col top de calità enogastro­nomica. Info e prenotazions: www.valdifassalift.it
15.10
Giornèda FAI a Meida
En sabeda ai 15 de otober da les 10 da doman per la giornèda FAI d’uton se pel tor pèrt a la vijita vidèda a la gejia de Sèn Nicolò a Poza e al veie Molin de Sas. No sef se prenotèr ma l é da se troèr te Piaz de Sèn Nicolò da les 9:45. Se l é n muie de jent vegnarò fat na seconda vijita da les 11.
22.10.-29.10
Ena de cures y aurela curta
L KVW de Sëlva pieta da sada ai 22.10 nchin sada ai 29.10. inò n’ena de cures y aurela curta a Montegrotto Terme tl Hotel Antoniano****. L unirà furnà da Sëlva demez cun la curiera. Per se lascé nuté iel da cherdé su Rudolf Mussner, al numer 335 6380973. L possa nce unì pea chi che ne n’ie nia cumëm­ber:ra dl KVW de duta Gherdëina.
01.10.-23.10.
Culinarium Urtijëi
De plu restauranc de Urtijëi pieta na bela esperienza culi­naria ntan l mëns de utober. Na cëina rafineda, spëisa tradiziunela o pizza? Pudëis mé crì ora danter la truepa stru­­tures dl Culinarium Urti­jëi. La strutures che fej pea ie da abiné sot a www.valgardena.it.
21.10.
Törggelen a Laion – Knollhof
La grupa Deberieda mët a ji n »törggelen« ai 21 de utober a Laion. N se anconta dan la Cësa de Paussa dala 14:00. Gën sce lascëis al savëi sce sëis leprò.
Uni mierculdi
Language Café – nglëisc
N se anconta uni mierculdi de utober tla biblioteca de San Durich dala 09:30 per s’la ciaculé per nglëisc cun Nicky y Martina.
Uni vënderdi
Language Café – spanuel
N se anconta uni vënderdi de utober tla biblioteca de San Durich dala 09:30 per s’la ciaculé per spanuel cun Chiara.

Sozial
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Iló ciafa families y porsones che á debojëgn spëisa debann.
Atualmënter
Contribuc »Cörs dla Val Badia«
Porsones/Families dla Val Badia á la poscibilité da damané do contribuc finan­ziars por cunc/fatures de bojëgns primars (scialdé, forza eletrica, afit, spëises sanitares, etc.) Le formular por fá domanda ciafon sön www.solidariete.it, an pó ince fá domanda ti ofizi KVW de Badia y Al Plan. Infos: info@solidariete.it
Uni merdi
Marënda per over 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia S. Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à debujën (che à la residënza a Urtijëi).
15.10.
Scontrèda su la deprescion
Ai 15 de otober l é la dì per la prevenzion de la deprescion. Te la sala conferenzes de la fondazion Caritro a Trent (via Calepina 1) la sociazion AMA col Comun de Trent e autra istituzions endreza da les 17:30 na scontrèda publica per rejonèr de la deprescion, cognoscer chest problem e saer a chi domanèr aiut.
21.10.
Cors Crousc Checena
L Comitat CRI de Fascia e Fiem endreza n cors per volontadives. Bèsta aer 14 egn compii e voa de se meter en jech. Prejentazion vender 21 de otober da les 20:30 te la senta de Ciavaleis, via Roma 6. L cors sarà en pèrt en prejeza e en pèrt online, fin ai 16 de november. Info: 0462 764031; mail: amministra zionecrifassafiemme.it; whatsapp: 333 6940354.

Chino
Atualmenter
Al chino de Tieser
Insnet, vender ai 14 de otober da les 21:15 e domenia ai 16 da les 20:30 l é »Moonage daydream«, sabeda ai 15 da les 17:15 e da les 21:15 e domenia da les 17:15 l é »Il ragazzo e la tigre«, jebia ai 20 da les 21:15 l é »Tuesday Club«.
15.10.
»Joe der Film«
L film de Südtirol »Joe der Film« unirà mustrà n sada ai 15.10. dala 18:00 y dala 20:30 te Cësa de Cultura Oswald von Wolkenstein te Sëlva (y nia a Urtijëi, coche l fova udù dant).

Mostres y Ert
Atualmënter
Mostra de chertes dala front
L se trata de chertes che Louis Riffesser da Maciaconi à mandà a cësa ntan si perjunia tla Ruscia tla Prima Gran Viera tl 1915. La mostra ie da udëi tla biblioteca Tresl Gruber a Santa Cristina nchin ai 16.10. ntan i orares de giaurida (de lunesc iel stlut).
Atualmënter
Après Ski tl Tublà da Nives
Mostra de Felix Malnig, Haldis Scheicher y Roland Ferrigato tl Tublà da Nives te Sëlva. La mostra jirà inant nchin ai 30.10, uni di ora che de lunesc dala 16:00 nchin la 19:00.
Atualmënter
»Danter se paré y azeté« de Josef Kostner
Te sies sales dla Hofburg a Persenon, iel da udëi var per var l svilup artistich de Josef Kostner de Urtijëi (1933–2017). La mostra ie davierta nchin ai 06.11. uni di dala 10:00-17:00.
Atualmënter
»Amor, mort y malan. Teater tl Tirol«
L Museum de Ciastel Tirol sëura Maran y l scultëur Wilhelm Senoner de Urtijëi nvieia ala mostra »Amor, mort y malan. Teater tl Tirol« tl »Rittersaal«. La mostra sarà da udëi nchin ai 20.11.
21.10.
Mostra persunela de Robert Bosisio
La mostra unirà naugureda n vënderdi ai 21 de utober dala 18:00 tla Galaria Doris Ghetta a Puntives y jirà inant nchin ai 20 de jené 2023.
21.10.
Premiazion Shop&Art Urtijëi
La premiazion sarà ai 21 de utober dala 17:30 tl zënter de Urtijëi. L lëur plu bel unirà premià da na giuria. Sëuraprò uniràl nce dat n pest ala nstala­zion liteda dal publich, ulache sibe l lëur lità che n zachei dal publich (trat ala busca) puderà vëncer de biei pest.

Sport
Atualmenter
Corsc de bal sui feres
I Pavei d’Arjent endreza n cors da d’uton per i bec de la scolina che vel emparèr a balèr sui feres, ogne mèrtesc e jebia a les 16:00 a les 16:45 al stadie de la giacia de Dèlba. Per info e iscrizions chiamèr Serena al nr 334 9317700.
Atualmenter
Corsc de aviament al hochey
L Hockey Club Fascia Falcons met a jir corsc de aviament al hockey debant per bec dai 5 ai 12 egn. I corsc vegn endrezé te stadie da les 18:15 a les 19:00. Per info e iscri­zions: info@fassafalcons.com o 0462 602499.
15.10.
HC Gherdëina vs. EHC Lustenau
L Hockey Club Gherdëina nvieia ala partida contra l EHC Lustenau n sada, ai 15 de utober dala 19:30 tl stadio Pranives te Sëlva.
23-30.10.
Sparkasse ATP Challenger
L Tennis Club Urtijëi mët nce chëst ann a jì l turnoi »ATP Challenger« di ëi, dai 23 nchin ai 30 de utober tl Zënter dal Tennis a Runcadic. L sarà inò n niveau scialdi aut a livel mundiel, cun partezipanc coche Verdasco (spanuel, n iede nr. 7 dl mond) y Andreas Seppi, che stlujerà ju si cariera cun chësc turnoi.

Mujiga
22.10.
Cunzert: 50 ani Cor Sasslong
N ucajion di 50 ani dl Cor Sasslong uniràl metù a ji n cunzert ai 22.10 dala 18:00 inant tla palestra de Santa Cristina.

Cursc
Atualmënter
Multiski á daurí les iscriziuns
Le Ski Team Alta Badia organisëia ince en chësc invern »Multiski« por mituns y mitans dai 6 cina ai 9 agn. Al ne vëgn nia ma pité schi, mo ince ativités sportives alternatives sciöche snowboard, jadiné, hockey, paslunch, freestyle y telemark. Infos y iscriziuns: info@skiteamaltabadia.it.
07.11.–12.12.
Curs per se njenië ca a parturì
Per ëiles che aspieta y genitores dl daunì, che à l terminn de dezëmber 2022 y jené/ fauré 2023. L’ancuntedes sarà tl servisc soziel a Urtijëi, dai 07.11. nchin ai 12.12. uni lunesc dala 16.00 nchin la 18:00. Iscrizions: CUPP tel 0471/100100 , 8.00-16.00 da lunesc nchin vënderdi; e-mail vormerkung.bz@sabes.it.
22.10
Curs de ultim aiüt
Les infermieres dl Raiun Sanitar Val Badia mët a jí n curs, olache an impara da socodí y da ti sté dlungia tla dërta manira a porsones che é tl morí. Le curs vëgn tigní anter 2 iadi: – A Badia, Ciasa Runcher, ai 22.10., dales 8:00 ales 12:00; prenotaziuns anter i 21.10. al 0474/586155, 8:00–9:30. – A San Martin, Istitut Ladin, ai 19.11., dales 8:00 ales 12:00; prenotaziuns anter i 18.11. al 0474/586128, dales 8:00 ales 9:30.
25.10.
Curs de yoga
Curs de yoga cun Alexis Bassetto, tl salf panoramich dla Ciasa dla Cultura a La Ila. Le curs mët man ai 25.10. dales 19:45 y vá inant vigni mertesc y jöbia, por 11 iadi fina al 1. de dezëmber. Al costa 165,00€ por düc i scric ite ala Uniun Giulan. Iscri­ziuns tres e–mail a book@altabadiabalance.com o tres sms al 340 8279116.
27.10.
Yoga por ëres che aspet
Curs de yoga por ëres che aspeta, cun Alexis Bassetto, insegnanta spezialisada te yoga tla gravidanaz y do le sté de pert. Le curs mët man ai 27.10. dales 18:00 a La Ila, y vá inant 6 iadi (cost 90,00€ cun iscriziun ala Uniun Giulan). Iscriziuns tres e–mail a book@altabadiabalance.com o tres sms al 340 8279116.

Avisc
Atualmënter
Museum Gherdëina
L Museum tla Cësa di Ladins a Urtijëi ie daviert dal lunesc nchinn vënderdi, dala 10:00-12:30 y dala 14:00-18:00. Sada danmesdì dala 10:00-12:30. Per vijites ora dl orar reguler y vijites menedes pòssen cherdé su l 0471 797554. Plu nfurmazions sot a www.museumgherdeina.it.
Atualmënter
Picolin: portina por assistënza y cura
La Portina por l’assistënza y cura á orars nüs. Sëgn ésera daverta trëi iadi al’edema: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa.
Atualmënter
L’Ofize de »Ëres dëida Ëres«
L’ofize a Bornech é da ciafé tla str. Paul von Sternbach nr. 6, info.bruneck@frauen­helfenfrauen.it. Al é davert dal lönesc al vëndres dales 8:30 ales 11:30. Fora de chësc orar, vëgnel tut sö termins sön prenotaziun. Tel. 0474 410303.
Atualmënter
Iniziativa di ëi de Puster – MIP
L’ofize dla MIP – Männer­initiative Pustertal dëida i ëi y peri pro caje de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Tel. 0474 555848, info@mip-pustertal.it
Atualmënter
Contribuc ala »Sconanza di tiers«
I tiers á ma n travert su: scinché amur. Por se tó cura di tiers damana la uniun »Sconanza di tiers« dla Val Badia y de Puster do contribuc de buna man. Por gní mëmbri dla uniun pón paié ite n iade al ann 25,00€ sön le cunt IT 05 Q 08035 58242 000300 209953. Por infos: Petra Alfreider, tel. 335 238 095 o https://tierschutzvereinbrune ck.it.
15.10.
Regoeta de fer per solidarietà
En sabeda ai 15 de otober da les 8 inant i volontères del Grop Miscionarie Freina­demetz-Mato Grosso passa a tor su fer e metai ti paijes da Soraga a Fontanac. Vegn domanà de meter fora la roba apede strèda. I va ence ti etres paijes de Fascia se avisé l di dant ai numeres 335 5956009 (Franco – Pera) o 335 7417183 (Luigi – Cianacei).
15-16.10.
25 egn de fradaa
Ai 15 e 16 de otober l Comun de Sèn Jan festeja l cedean con Remseck am Neckar. Ai 15 da les 11 benvegnù a la delegazion todescia, descorsc e saluc sul Pont Remseck a Vich; da les 16:00 raida do l Troi de la Musega fin sun Ciaslir. Ai 16 de les 10:00 messa te gejia de Pera e da les 11.30 zerimonia te Comun de Sèn Jan.
16.10.
Ancunteda danter culeziunisć:tes
N se anconta n dumënia, 16 de utober dala 08:00 ala 13:00 tl foyer dla Cësa de Cultura Luis Trenker a Urtijëi.
23.10.
Festa del Rengraziament
La Festa de l’Union di Ladins de Fascia sarà chest an ai 23 de otober a Ciampedel, dedichèda al Socors da Mont. Da les 8:45 defilèda da Piaz Veie fin te gejia; da les 9 Messa zelebrèda da don Mario. Dapò te tendon de Ischia conzert de la Musega de Poza, aperitif, descorsc e marena e domesdì mesa torona sul Socors e rengraziament a la 3 Stazions de Fascia.

Referac
14.10.
La familia se müda – se maridé o vire adöm?«
Le KVW y le Consëi de Formaziun da La Val mët a jí incö vëndres ai 14 d’otober dales 20:00 tl salf dles uniuns a La Val le referat dal titul »La familia se müda – se maridé o vire adöm? Ci convëgnel pa?«. referënt é l’avocat Christian Pedevilla, che mostra sö les desfarënzies danter se maridé o vire adöm.

Religion
17.10.
»Olá este pa? Baia Signur, i t’ascuti«
Chësc é le titul dl referat cun Sr. Miriam Volgger y Matthias Kuppelwieser, en lönesc ai 17 d’otober dales 20:00, te salf de calonia da San Cia­scian. Organisé dala Unité Pastorala Val Badia, tla cornisc dla Edema dla Fede.
18.10.
Serada sön »Ujöp da Oies«
En mertesc ai 18 d’otober dales 20:00 él te dlijia da Oies na serada cun discusciun y cianties dal titul »Teater musi­cal Ujöp da Oies – ma n evënt o pól nes dí val’ deplü?« Ala pert él partezipanc, organisa­dus, apascioná. Sëra orga­nisada dala Unité Pastorala Val Badia, tla cornisc dla Edema dla Fede.
19.10.
San Martin: La parora ai jogn
En mercui ai 19 d’otober dales 20:00 él tl salf di stödafüch da San Martin la serada »La parora ai jogn – Reflesciun sön la fede, la dlijia, la vita y l’amur« – por jogn y manco jogn, cun Christian Ferdigg. Sëra organisada dala Unité Pastorala Val Badia, tla cornisc dla Edema dla Fede.
23.10.
Mëssa de conclujiun dla Edema dla Fede
La Unité Pastorala Val Badia inviëia ala mëssa de conclujiun dla Edema dla Fede, en domënia ai 23 d’otober dales 16:00 a Oies. Bele dales 15:15 pëia ia la prozesciun da Badia demez.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
18.10.
Sport ladin
Dales 20:50 ca. Program de Diego Clara y Hartmann Mairhofer, a cura de Leo Senoner.
19.10.
Spëisa ladina, saus da zacan: Bales da fié pro le Lüch Ciablun
Dales 20:50 ca. Adöm cun le cogo Felix Dapoz gnarál cojiné bales da fié cun üs frësc dl lüch da Mirió. Dl program se fistidiëia Anna Mazzel, idea y conduziun de Concetta Bonaldi y regia y camera de Agostino Fuscaldo.
20.10.
Tassìe – La musega n strument de legreza
Dales 20:50 ca. La reijes de la storia musegala te noscia valèdes les é zis fones e les ne conta na pèrt emportanta de noscia identità. La musega apontin la é al zenter de l’entress de tropes ladins e, tant zacan che anchecondì, la caraterisea n aspet culturèl de gran valuta. Te chesta neva puntata de Tassìe jon a veder coche i joegn musizisć vif chesta realtà vardan colungn che l é sies pensieres en cont de chest. Program de Cinzia Pistoia, a cura de Anna Mazzel.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
14.10.
30 ani Eurac
Dales 19:05. L dutor Werner Stuflesser de Urtijëi fova da scumenciamënt, da canche l fova unì metù su la »Euro­päische Akademie« dl 1992, leprò, n iede sciche diretëur y pona sciche presidënt. Plu inant àn mudà l inuem te Eurac y ncueicundi ie chësta istituzion de gran mpurtanza per si atività scientifica. L dut. Stuflesser nes conta dl fin de chësta istituzion, di proiec che l ie unì metù a jì y de ciche l ie tan unì arjont te chisc trent’ani. Trasmiscion de Simon Moroder.
19.10.
I sun düc un (1)
Dales 19:05. Te na lingia de programes jiron do ai 17 obietifs luré fora da la Nazions Unides te l Ajenda 2030 per n svilup sostegnibol che ne reverda duc e à l fin de muder l model de svilup per n mior davegnir economich, sozial e ambiental. Te chest prum program dejoujaron l’empor­tanza e l coleament de duc chisc obietifs con eie ascort a Südtirol che à metù a jir na rei per la sostenibilità e Chri­stian Trebo de la sociazion Be the Change ne contarà vèlch del projet Mitmach- Region olache tol pèrt ence raion de Puster. Program de Anna Mazzel e Elide Mussner.

Iadi y Jites
15.10.
Jita dla Lia da Mont cun törggelen
La Lia da Mont nvieia a na jita danter Gossensaß y Sterzing. Da fé saràl za. 350 m de deslivel y da jì feter 4 ëura. Ala fin uniral mo jit a »törggelen«. Per plu nfurma­zions: Monica al 339 6563015. Per se nuté su: Ciofs Inge a Urtijëi, Sport Bruno Riffeser te Sëlva y Sport Malsiner cësa Soriva.
22.10.
Viac a Gardaland
L local di jëuni SAUT mët a jì n viac a Gardaland per sculeies:ées dala segonda scola mesana insù. L unirà pià via dala 09:00 te Sëlva, a S. Cristina dala 09:05 y dala 09:15 a Urtijëi. De viers de cësa uniràl muet ntëur la 19:00. La iscrizions vën tëutes su tl ufize dla Nëus Jëuni. Da paië ite iel 40€ o 13 ponc JAWA.
13.11.
Iade a Abano Terme
Dala Val Badia demez cun coriera vëgnel metü da jí n iade de palsa y cura a Abano Terme, dai 6 de novëmber ai 13 de novëmber 2022. Informaziuns plü avisa pó interessades y interessá pié do pro Monica, al nr. tel. 0474 590069.