La Usc di Ladins

»Oswald auf Reisen«
Mujiga dal’Urient nchin al Uzidënt cun l Trio Nubium, n vënderdi ai 14.10 dala 20.00 tl Tublà da Nives te Sëlva
L »ultim« ciantadëur dl Südtirol, Oswald von Wolkenstein, à fat truep viages y fej nscila belau da acumpaniadëur turistich per chësc viac de mujiga. Pra l cunzert iel da audì cianzons tipiches che va dal Urient al Uzidënt: dal Südtirol passan per la Talia, la Franzia y la Spania nchin tla Nghiltiera, y dala Grecia nchin tla Persia y inò de reviers. L Trio Nubium (Giti Huber, Martina Schäffer y Konrad Huber) prejenterà chisc pec ciantan y sunan sun d’uni sort de strumënc. Duc ie de cuer nviei, la ntreda ie debant.

»I

• 
•  

View the embedded image gallery online at:
https://www.lausc.it/manifestazions-y-evenc/21280-manifestazions-atuales-speziales#sigProId94dcd641a7

te cumpri jö le nene«
Chësc é le titul dl teater da rí che vëgn porté dant dal »Teater La Pli« chësc altonn. Premiera ai 29 d’otober
Le Teater La Pli á le plajëi da invié ales rapresentaziuns teatrales de chësc altonn. Sön paladina dla Ciasa dles Uniun vëgnel porté dant le toch da ri »I te cumpri jö le nene«, sot la rejia de Hansi Comploi, che á ince fat la traduziun ladina dal toch original »Der verkaufte Grossvater« de Anton Hamik. Premiera cun renfrësch é en sabeda ai 29.10. dales 20:00, les atres rapresentaziuns é en vëndres ai 04.11 dale s20:00, la domënia ai 06.11. dales 15:00, la sabeda ai 12.11 dales 20:00 y la domënia ai 13.11 dales 15:00. Les chertes pó gní apostades danfora al 389 8158382 y vëgn ince venüdes n’ora dan le teater. Sön paladina jobelnëia Franz Rigo, Raimund Palfrader, Patrick Complojer, Maria Mühlmann, Elmar Winkler, Anna Mühlmann, Evelyn Pedevilla y Patrick Comploi.

Conzert d’altonn dla Müjiga da La Ila
Do dui agn de palsa se lascia odëi y aldí la Müjiga da La Ila ai 22 d’otober dales 20:00 tla Ciasa dla Cultura da La Ila cun n dirighënt nü: Konrad Tavella
Al gnará porté dant toc fora de n repertore dër rich che vá dala musiga moderna a toc plü classics, che condüjará le publich tres n iade musical fora por le monn.
Le conzert gnará daurí da »Captain America March«, toch de Alan Silvestri aranjé da Michael Brown y jará inant cun »Pacific Dreams« de Jacob de Haan, »Oblivion« cun solo de clarinet, scrit da Astor Piazzolla y aranjé da B. Moren y Hotline de Lex Abel. Inant podaran aldí »Ponte Vecchio« de Satoshi Yagisawa cun solo de trombëta, »Let me entertain you« de Robbie Williams aranjé da David Campbell y »Concerto d’amore« de Jacob de Haan. Por stlü jö gnaral soné »Marche Du Luxenbourg« de Robert Allmend. Düc é dër bel inviá a gní a d’ascuté sö. Por le sostëgn finanziar vëgnel rengrazié la Cassa Raiffeisen Val Badia y le Consëi Cultural.

Belgian Brass
I Jëuni de Mujiga nvieia a na lingia de 10 cunzerc, l prim de chisc, l »Belgian Brass«, n lunesc ai 17 de utober dala 20:00 tla Cësa de Cultura de Sëlva
L Belgian Brass ie nasciù ora dl cuintet Belgian Brass Soloists da ntlëuta, cun l’idea de purté ite strumënc nueves coche danter l auter percu­scionisć, metan su nsci na majera grupa y ngrandian l urizont artistich dl ensemble.
L cunzert nuef pieta nsci plu dinamic, lian adum deplu genres de mujiga, for tl respet dl pez uriginel. Dal baroch ala Renaissance nchin ala mujiga d’al didancuei: l Belgian Brass ntujiasmea uni publich.
L sarà mesun cumpré na cherta soziela che vel per dui 10 i cunzerc. Granc:des: 90€, Jëuni:es da 14 a 26 ani: 60€. Cumpran na cherta soziela giàpen leprò na cherta debant per un n cunzert. Priesc singul: Granc:des: 18,00 €; jëuni:es da 14 ai 26 ani: 12,00 €.

»Crazy Dolomites Festival«
I Jëuni de Santa Cristina mët a jì ai 21 y ai 22 de utober l »Crazy Dolomites Festival«
Ntan la doi sëires saràl da audì DJs cunesciui coche Matt Joe, Mcmon, NDPC, DJ Pat, bands coche Flying Dutschman Orchestra, The Waydlee y la ciantarina tudëscia Mary.
Leprò saràl l vënderdi da udëi n show de tribut per Giorgio Moroder, cumpanieda da balarins y balarines coreografiches. La festa unirà fata ja Ruacia tl travert dl purtoi Saslonch y scumencerà n vënderdi dala 19:00 y n sada dala 17:00. Per plu nfurmazions pudëis gën cialé ite tla plata Facebook o sun Instagram. I tickets per una o tramedoi sëires pòssen cumpré online o tl local di jëuni Saut a Urtijëi. Da maië y da bever ne manceràl ënghenó. I jëuni de Santa Christina se ncunforta sun vosc unì.

Presentaziun dl liber »Alles wird gut«
Presentaziun dl liber »Alles wird gut – Gespräche mit 90-Jährigen« dl’aturia Astrid Kofler te biblioteca da La Ila en mercui ai 19 d’otober dales 20:00
La Biblioteca Sas dla Crusc inviëia ala incuntada cun l’auturia Astrid Kofler che presentëia so liber »Alles wird gut – Gespräche mit 90-jährigen« te chël che porsones de 90 agn cunta cun sinzirité y buna vëia de süa vita, de ligrëzes y di bi momënc, mo ince de dificoltés y colps dl destin. Tröc di intervistá é ciamó atifs, fej sport, musiga, dëida te uniuns desvalies, se god le tëmp cun la familia o pro na cartada cun i compagns. Ince sce le vita da vigni de vëgn plü sfadiosa y ares vëgn desmentioses, mostra la gran pert de chëstes porsones pesc interna y contentëza. Al dagní ti ciareres cun trancuilité. Na testimonianza por la ligrëza da vire y da rové ite por i agn y ci che cunta veramënter tla vita.