La Usc di Ladins

Dotours
Dutor Gherdëina
L dutor de servisc da n sada ai 22.10. dala 08:00 daduman nchin la 08:00 daduman de n lunesc ai 24.10. ie l dutor Michael Trocker de Urtijëi, streda Promeneda, tel. 388 2580002.
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 21.10. nchin n vënderdi ai 28.10. ie chëla de Ciastel, tel. 0471/706323 (orar: lu-ve 8.30-12.00/15.00-19.00. Turnus: sa. 8.30-12.00/16.00-19.00, du. 10.00-12.00).

Apoteches
Apoteca Val Badia
L’apoteca en sorvisc fora dl orar ordinar, dal vëndres ai 21 de otober dales 19:00 al vëndres ai 28 de otober ales 19:00, é chëra da La Ila, tel. 0471 847152.
Doturs Val Badia
Le dotur en sorvisc tla Val Badia, tla fin dl’edema di 22 y 23 d’otober, é la doturia Margarete Mahlknecht, La Val, tel. 349 0667034 o 0474 523018.

Mujiga
21.10.
Sera evergreen a La Grenz
En vender ai 21 de otober a La Grenz a Moena conzert de la cover più cognosciudes e aprijièdes con la bela ousc de Dario Defrancesco compa­gnèda da la chitara de Matteo Rossetto, la tastieres de Michele Casciaro, l bas de Michele Bazzanella e la bateria de Henri Chalet. Da les 20:00 aur bar e cojina, da les 21:00 taca l conzert.
22.10.
Cunzert: 50 ani Cor Sasslong
N ucajion di 50 ani dl Cor Sasslong uniràl metù a jì n cunzert ai 22.10 dala 18:00 inant tla palestra de Santa Cristina.
27.10.
Conzert per cor e orchestra
L Ensemble Canticum Novum endreza en jebia ai 27 de otober da les 21:00 te gejia parochiala de Moena l conzert per cor e orchestra de èrches con la Kammerochester an der Tu de Darmstadt de la Germania coi diretores Arndt Heyer e Ilario Defrancesco.

Referac
24.10.
»La ert da abracé n cactus«
En lönesc ai 24.10. dales 19:30 organisëia le Sorvisc ai Jogn le referat online dal titul »Über die Kunst, einen Kaktus zu umarmen«, olache ara nen vá dla eté dla puberté cun so potenzial de conflit danter jonins y gragn, y dles posci­bilités de comunicaziun y acompagnamënt. Referënta é Iris van den Hoeven. Le link por tó pert é https://us06web.zoom.us/j/87104763454
25.10.
»Dà na ucajion a ti vita, renforzete cun cieche te fej cuntënt«
L referat cun Stefan Braito vën metù a jì dala y te la biblioteca Tresl Gruber, n merdi ai 25 de utober dala 20:00 (l dura plu o manco 1,5 ëura).
25.10.
»La mort – so o nemica?«
Le KVW y le Consëi de Formaziun da La Val mët a jí en mertesc ai 25 d’otober dales 20:00 tl salf dles uniuns a La Val le referat dal titul »La mort – so o nemica? Reflesciuns y esperiënzes söl travert de nosta vita«. Referënt é don Paolo Renner, le referat é por talian.
26.10.
»Sterch sciöche n liun«
Le Sorvisc ai Jogn Val Badia inviëia en mercui ai 26.10. dales 19:30 al referat online »Sterch sciöche n liun« cun la pedagoga Tanja Fischer. Le referat é por geniturs de mituns cina 10 agn y personal insegnant. Al gnará baié de co che geniturs pó ti trasmëte ai mituns plü crëta te se instësc, te sü sentimënc y capazités. Le link por tó pert é https://us06web.zoom.us/j/89708253561

Sport
Atualmenter
Corsc de bal sui feres
I Pavei d’Arjent endreza n cors da d’uton per i bec de la scolina che vel emparèr a balèr sui feres, ogne mèrtesc e jebia a les 16:00 a les 16:45 al stadie de la giacia de Dèlba. Per info e iscrizions chiamèr Serena al nr 334 9317700.
Atualmenter
Corsc de aviament al hochey
L Hockey Club Fascia Falcons met a jir corsc de aviament al hockey debant per bec dai 5 ai 12 egn. I corsc vegn endrezé te stadie da les 18:15 a les 19:00. Per info e iscri­zions: info@fassafalcons.com o 0462 602499.
29.10.–05.11.
Turnoi de tennis: ITF Men Val Gardena Südtirol
Tl zënter dal tennis de Sëlva uniràl a se l dé la terza edizion dl ITF Men Val Gardena Südtirol Raiffeisen 15.000 $, ai 29 de utober dala 09:00 inant. L turnoi va inant nchin ai 5 de utober y ie na bona ucajion per udëi truep talënc jëuni da dut l mond.

Chino
Atualmenter
Al chino de Tieser
Insnet, vender ai 21 de otober da les 21:15, sabeda ai 22 da les 17:00 e da les 21.15 e domenia ai 23 da les 20:30 l é »Black Adam«, en jebia ai 27 de otober da les 21:15 l é »Alcarràs-L’ultimo racconto«.

Religion
23.10.
Mëssa de conclujiun dla Edema dla Fede
La Unité Pastorala Val Badia inviëia ala mëssa de conclujiun dla Edema dla Fede, en domënia ai 23 d’otober dales 16:00 a Oies. Bele dales 15:15 pëia ia la prozesciun da Badia demez.

Cursc
25.10.
Curs de yoga
Curs de yoga cun Alexis Bassetto, tl salf panoramich dla Ciasa dla Cultura a La Ila. Le curs mët man ai 25.10. dales 19:45 y vá inant vigni mertesc y jöbia, por 11 iadi fina al 1. de dezëmber. Al costa 165,00€ por düc i scric ite ala Uniun Giulan. Iscri­ziuns tres e–mail a book@altabadiabalance.com o tres sms al 340 8279116.
27.10.
Yoga por ëres che aspet
Curs de yoga por ëres che aspeta, cun Alexis Bassetto, insegnanta spezialisada te yoga tla gravidanaz y do le sté de pert. Le curs mët man ai 27.10. dales 18:00 a La Ila, y vá inant 6 iadi (cost 90,00€ cun iscriziun ala Uniun Giulan). Iscriziuns tres e–mail a book@altabadiabalance.com o tres sms al 340 8279116.
07.11.–12.12.
Curs per se njenië ca a parturì
Per ëiles che aspieta y genitores dl daunì, che à l terminn de dezëmber 2022 y jené/ fauré 2023. L’ancuntedes sarà tl servisc soziel a Urtijëi, dai 07.11. nchin ai 12.12. uni lunesc dala 16.00 nchin la 18:00. Iscrizions: CUPP tel 0471/100100 , 8.00-16.00 da lunesc nchin vënderdi; e-mail vormerkung.bz@sabes.it.

Temp Lede
Atualmenter
Escape Room ta Dèlba
»Fora!« l é la pruma Escape Room de Fascia averta te la veia scoles mesènes de Dèlba, per endrez de la Coprativa sozièla INOUT. Per info e prenotazions chiamèr l 366 4246874 o scriver a escape@inoutfassa.com.
Atualmënter
Culinarium Urtijëi
De plu restauranc de Urtijëi pieta na bela esperienza culinaria ntan l mëns de utober. Na cëina rafineda, spëisa tradiziunela o pizza? Pudëis mé crì ora danter la truepa strutures dl Culinarium Urtijëi. La strutures che fej pea ie da abiné sot a www.valgardena.it.
21.10.–22.10.
»Crazy Dolomites Festival«
I Jëuni de Santa Cristina mët a jì chësc festival ai 21 y ai 22 d’utober ja Ruacia tl travert dla pista Saslonch. L scu­mencerà n vënderdi dala 19:00 y n sada dala 17:00. La chertes per una o tramdoi sëires possen cumprè online o tl local di jëuni »Saut« a Urtijëi. Da maië y da bever ne manceràl ënghe no nia.
22.10.-29.10
Ena de cures y aurela curta
L KVW de Sëlva pieta da sada ai 22.10 nchin sada ai 29.10. inò n’ena de cures y aurela curta a Montegrotto Terme tl Hotel Antoniano****. L unirà furnà da Sëlva demez cun la curiera. Per se lascé nuté su iel da cherdé su Rudolf Mussner, al numer 335 6380973. L possa nce unì pea chi che ne n’ie nia cumëm­ber:ra dl KVW de duta Gherdëina.
25.10.
Radunanza de la Monti Pallidi
En mèrtesc ai 25 de otober da les 20:30 te sala Simonin Maza la sozietà sportiva Monti Pallidi da Moena chiama ite la radunanza di sozi. Te chesta ocajion sarà ence la premiazion per l bando ‘scola sport 21/22’.
Uni mierculdi
Language Café – nglëisc
N se anconta uni mierculdi de utober tla biblioteca de San Durich dala 09:30 per s’la ciaculé per nglëisc cun Nicky y Martina.
Uni vënderdi
Language Café – spanuel
N se anconta uni vënderdi de utober tla biblioteca de San Durich dala 09:30 per s’la ciaculé per spanuel cun Chiara.

Sozial
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Iló ciafa families y porsones che á debojëgn spëisa debann.
Atualmënter
Contribuc »Cörs dla Val Badia«
Porsones/Families dla Val Badia á la poscibilité da da­mané do contribuc finanziars por cunc/fatures de bojëgns primars (scialdé, forza eletrica, afit, spëises sanitares, etc.) Le formular por fá domanda ciafon sön www.solidariete.it, an pó ince fá domanda ti ofizi KVW de Badia y Al Plan. Infos: info@solidariete.it
21.10.
Cors Crousc Checena
L Comitat CRI de Fascia e Fiem endreza n cors per volontadives. Bèsta aer 14 egn compii e voa de se meter en jech. Prejentazion vender 21 de otober da les 20:30 te la senta de Ciavaleis, via Roma 6. L cors sarà en pèrt en prejeza e en pèrt online, fin ai 16 de november. Info: 0462 764031; mail: amminis trazionecrifassafiemme.it; whatsapp: 333 6940354.
21.10.
Törggelen a Laion – Knollhof
La grupa Deberieda mët a jì n »törggelen« ncuei, 21 de utober a Laion. N se anconta dan la Cësa de Paussa dala 14:00. Gën sce lascëis a l savëi sce sëis leprò.
25.10.
Scontrèda con la Sociazion Parkinson
En mèrtesc ai 25 de otober da les 15:00 te sala grana del Comun General de Fascia vegn prejentà la Sociazion Parkinson de Trent ODV acioche la persones con Parkinson de Fascia posse cognoscer sia atività e la oportunuitèdes de didament. Prenotazion fin ai 21 de otober al 0462 764297 o per mail a: sociale.cgf.tn.it.
Uni merdi
Marënda per i sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia S. Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à debujën (che à la residënza a Urtijëi).

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
21.10.
L »Cor Sasslong«, 50 ani de mujiga
Dales 19:05. A S.Cristina iel ai 22 y ai 23 de utober na gran festa sun l program, nfati l »Cor Sasslong« festejea i 50 ani y chësc cor di ëi ie na lia mpurtanta per la cultura musichela dl luech y nia me. L ie na lia che dà inant legrëza, na lia che tën adum ulache l ie daniëura unì dat pëis ala mujiga ma nce ala bona union, al respet y ala cumpania. Per rujené mpue plu sun la storia, l’atività, l bel cianté ons nvià te studio trëi cumëmbri dl cor, l presidënt Lukas Pera­thoner, l dirighënt Samuel Runggaldier y Willy Rung­galdier, che ie una dla seves dl cor y che ie stat giutalalongia nce dirighënt. Trasmiscion de Georg Mussner.
22.10.
Momënc de vita – intervista a Elena Salvagni
Dales 19:05. Elena Salvagni é nasciüda y chersciüda sö a Cortina d’Ampëz, olache ara laora tla sënta ampezana dl Istitut Cultural Ladin Cesa de Jan. Elena nes cunta dl’ati­vité dl Istitut, olache ara laora da 10 agn inca y dles tradiziuns y usanzes de Ampëz. N program de Erika Castlunger.
26.10.
I sun düc un (2) Rei de sostenibilità de Südtirol
Dales 19:05. La Rei de soste­nibilità de Südtirol l é na plataforma ledia e indi­pen­denta da partic e enteresc privac che se met dant de fèr cognoscer i 17 obietives de la Nazions Unides con l’obietif de meter en rei la socia­zions,organisazions e gropes de la sozietà zivila te n con­front costrutif e lascer cogno­scer la scomenzadives e i evenc di partner. Program de Anna Mazzel e Elide Mussner.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
25.10.
Dolomiti Unesco – Ala descurida di crëps slauris sön le Dolomites World Heritage Geotrail
Dales 20:50 ca. Le Dolomites World Heritage Geotrail é n percurs a lungia destanza che condüj fora por döta la storia geologica dles Dolomites. Al é tröp deplü co na sëmena da munt. Nia ma nes lascel udëi les plü beles contrades dles Dolomites te so guant d’alde­daincö, mo al nes condüj ince zoruch tl tëmp, por nes fá capí sciöche döt chësc é nasciü y s’á mudé tl tëmp. Nes pormetan de ti ciaré a ci che i un incër nos ia cun d’atri edli, udëi süa forza, mo ince süa fragilité, y capí che i messun düc lauré adöm por preservé süa belëza.Program de Karin Pizzinini, a cura de Anna Mazzel.
26.10.
Musical »Ujöp da Oies«
Dales 20:50 ca. Program de Alessandro Dapunt.
27.10.
EURO – trasmisciun d’economia
Dales 20:50 ca. De Diego Clara y Hartmann Mairhofer, a cura de Leo Senoner.

Iadi y Jites
22.10.
Viac a Gardaland
L local di jëuni SAUT mët a jì n viac a Gardaland per sculeies:ées dala segonda scola mesana insù. L unirà pià via dala 09:00 te Sëlva, a S. Cristina dala 09:05 y dala 09:15 a Urtijëi. De viers de cësa uniràl muet ntëur la 19:00. La iscrizions vën tëutes su tl ufize dla Nëus Jëuni. Da paië ite iel 40€ o 13 ponc JAWA.
13.11.
Iade a Abano Terme
Dala Val Badia demez cun coriera vëgnel metü da jí n iade de palsa y cura a Abano Terme, dai 6 de novëmber ai 13 de novëmber 2022. Infor­ma­ziuns plü avisa pó interes­sades y interessá pié do pro Monica, al tel. 0474 590069.

Avisc
Atualmënter
Museum Gherdëina
L Museum tla Cësa di Ladins a Urtijëi ie daviert dal lunesc nchin a n vënderdi, dala 10:00-12:30 y dala 14:00-18:00. Sada danmesdì dala 10:00-12:30. Per vijites ora dl orar reguler y vijites menedes pòssen cherdé su l 0471 797554. Plu nfurmazions sot a www.museumgherdeina.it.
21.10.
80 egn Scola d’Èrt
En vender ai 21 de otober con scomenz da les 16:00 te Scola d’Èrt vegn orì la aules e i laboratories artistics, vegn inaugurà la mostres ‘80+1’ e ‘Enrosadira’, da les 18:00 prejentazion del nef Liceo col Sorastant e do moment de musega con ‘Cianton da marevea’.
21.10.
Premiazion Shop&Art Urtijëi
La premiazion sarà ai 21 de utober dala 17:30 tl zënter de Urtijëi. L lëur plu bel unirà premià da na giuria. Sëuraprò uniràl nce dat n pest ala nstalazion liteda dal publich, ulache sibe l lëur lità che zachei dal publich (trat ala busca) puderà vëncer de biei pesć.
22.10.
Convegn de la Scola d’Èrt
En sabeda ai 22 de otober da les 9:00 a les 13:00 te senta de la Scola Ladina de Fascia vegn endrezà l convegn dal titol »Prospetives e orizonc neves del design e de la èrts feguratives tel panoram daldi­danché« coi reladores Flamia Giorda, Ernesto L. Franca­lanci, Annamaria Addabbo, Kuno Prey e Aron Demetz.
22.10.
Marcià dl adurvà
L VKE Gherdëina mët a ji nce chëst ann l »Marcià dl adurvà, ma mo da pudëi avëi«, n sada ai 22 de utober dala 09:00 nchin la 12:30, tla Cësa de Chemun a Santa Cristina.
23.10.
Festa del Rengraziament
La Festa de l’Union di Ladins de Fascia sarà chest an ai 23 de otober a Ciampedel, dedichèda al Socors da Mont. Da les 8:45 defilèda da Piaz Veie fin te gejia; da les 9 Messa zelebrèda da don Mario. Dapò te tendon de Ischia conzert de la Musega de Poza, aperitif, descorsc e marena e domesdì mesa torona sul Socors e rengraziament a la 3 Stazions de Fascia.
07.11.
Prejentazion dla »Freie Liste de Ciastel«
La lista liedia »Freie Liste de Ciastel« se prejënta n lunesc ai 7 de nuvëmber dala 20.00 tla ustaria »Lamm« via Cucheneies.

Mostres y Ert
Atualmënter
Mostra persunela de Robert Bosisio
La mostra unirà naugureda n vënderdi ai 21 de utober dala 18:00 tla Galaria Doris Ghetta a Puntives y jirà inant nchin ai 20 de jené 2023.
Atualmënter
Shop&Art Urtijëi
Plu o manco 50 artisć:tes mët ora si lëures te de plu vedrines de butëighes de Urtijëi. Chësta nstalazions sarà da udëi nchin ai 30 de utober.
Atualmënter
»Danter se paré y azeté« de Josef Kostner
Te sies sales dla Hofburg a Persenon, iel da udëi var per var l svilup artistich de Josef Kostner de Urtijëi (1933–2017). La mostra ie davierta nchin ai 06.11. uni di dala 10:00-18:30 (da utober inant nchin la 17:00).
Atualmënter
»Amor, mort y malan. Teater tl Tirol«
L Museum de Ciastel Tirol sëura Maran y l scultëur Wilhelm Senoner de Urtijëi nvieia ala mostra »Amor, mort y malan. Teater tl Tirol« tl »Rittersaal«. La mostra sarà da udëi nchin ai 20.11.
Atualmënter
Mostra »Degenere« de Alexander Staffler
La giaurida ie ncuei, 21 de utober dala 20:30 tla sala dla mostres tl Circolo. La mostra sarà da udëi nchin ai 06.11., da merdi nchin a dumënia for dala 17:00 nchin la 19:00, dumënia sëuraprò dala 10:00 nchin la 12.00. De lunesc iel stlut.
Atualmënter
»Après Ski«
La mostra de Felix Malnig, Haldis Scheicher y Roland Ferrigato ie da udëi te Tublà da Nives te Sëlva nchin ai 30.10, uni di dala 16:00 nchin la 19:00. De lunesc iel stlut.