La Usc di Ladins

»I te cumpri jö le nene«
Chësc é le titul dl teater da rí che vëgn porté dant dal »Teater La Pli« chësc altonn. Premiera ai 29 d’otober
Le Teater La Pli á le plajëi da invié ales rapresentaziuns teatrales de chësc altonn. Sön paladina dla Ciasa dles Uniuns vëgnel porté dant le toch da ri »I te cumpri jö le nene«, sot la rejia de Hansi Comploi, che á ince fat la traduziun ladina dal toch original »Der verkaufte Grossvater« de Anton Hamik. Premiera cun renfrësch é en sabeda ai 29.10. dales 20:00, les atres rapresentaziuns é en vëndres ai 04.11 dales 20:00, la domënia ai 06.11. dales 15:00, la sabeda ai 12.11 dales 20:00 y la domënia ai 13.11 dales 15:00. Les chertes pó gní apostades danfora al 389 8158382 y vëgn ince venüdes n’ora dan le teater. Sön paladina jobelnëia Franz Rigo, Raimund Palfrader, Patrick Complojer, Maria Mühlmann, Elmar Winkler, Anna Mühlmann, Evelyn Pedevilla y Patrick Comploi.

»FARBEN« – culëures tl artejanat artistich
N’ucajion di 75 ani dla Lia dl Artejanat Artistich lvh.apa, vëniel metù a jì na mostra tl Ciastel Marec, dai 27 nchin ai 30 de utober
75 ani ie truepes, 75 ani de tradizion y truep proiec, che à purtà pro che l artejanat artistich crësce for plu y plu y devënte n setëur zentrel che cunlieia ert, artejanat y cultura nia mé te Gherdëina, ma te dut l Südtirol. Per festejé chësc aniverser vëniel metù ora a Bulsan, tl Ciastel Marec, na esposizion sun l artejanat artistich. La tematica: »I culëures tl artejanat«. La mostra, metuda a jì dala Lia dl Artejanat Artistich lvh.apa, sarà na bona ucajion per se ancunté danter artejans y artisć, apasciunei d’ert y nteressei a chësc percurs prufesciunel. La naugurazion sarà n juebia ai 27 de utober dala 11:00. N vënderdi dala 20:30 puderan scuté su l cunzert di Jazz Moves cun Norbert Dalsass (l vën lascià ite dala 20:00 inant).

Mareo: Workshop »FamilyPlus«
Incuntada en sabeda ai 22 d’otober dales 15:00, te salf dles manifestaziuns d’Al Plan
Comun, uniuns, popolaziun se porta ite por la cossa forsc plü importanta de na comunité: la familia.
Vare por vare nen vára dl mioramënt dl vire, dl abité y dl lauré te nosc comun, te nosc daciasa.
Adöm orunse formé nosc dagní y chël dles generaziuns che vëgn do. La incuntada por le workshop »FamilyPlus« é chësta sabeda ai 22 d’otober dales 15:00, te salf dles manifestaziuns d’Al Plan.

Sparkasse Challenger Val Gardena Südtirol
L

• 
•  

View the embedded image gallery online at:
https://www.lausc.it/manifestazions-y-evenc/21357-manifestazions-atuales-speziales#sigProIdd2206e3f8e

Challenger di ëi vën metù a jì nce chëst ann tl zënter dal tennis a Runcadic, ntan l’ena dai 23 nchin ai 30 de utober
La mont de pesć ie de bën 45.730 euro. L turnoi di ëi ruva n chëst ann a si 13ejima edizion y l sarà inò n livel scialdi aut, cun partezipanc coche Verdasco (spanuel, n iede nr. 7 dl mond) y Andreas Seppi, che stlujerà ju si cariera cun chësc turnoi. Na gran ucajion per l udëi mo n ultimo iede dal vif.
N sada saràl la semifinela dl singul y la finela dl dopl. N dumënia pona la finela dl singul dala 11.00.
Chertes de ntreda pòssen cumpré online sot a www.tennis-valgardena.com ulache n giata nce nfurmazions plu avisa. Cun la cherta de ntreda puderàn ti cialé dut l di ai juesc y nce da sëira dala 18.00 inant saràl n juech.

Afronté la mort te familia
Referat de Gabriela Mair am Tinkhof en jöbia ai 27 d’otober dales 20:00 tla biblioteca da La Ila
Perde zacai él val’ che alda pro nosta vita, y i ne savun nia co, nia can y gnanca olach’ara podess toché a nos o a valgügn de nosta familia. Por le plü se sintiunse arbandoná, zënza forzes, sotissura y zënza speranza. Ai mituns oresson ti sparagné de te situaziuns dramatiches, i oresson i sconé. Mo por ch’ai sides bugn da lauré sö indortöra le dolur él dër important da i trá ite, te na manira daverta y sinziera y ti dé dantadöt la sensaziun da n’ester nia susc. Le referat de Gabriela Mair am Tinkhof ó nes mostré sciöch’i podun sostigní mituns y families ti momënc plü ri y sciöch’i podun ti sté dlungia.

I ladins y le Secundo Statut d’autonomia
N

• 
•  

View the embedded image gallery online at:
https://www.lausc.it/manifestazions-y-evenc/21357-manifestazions-atuales-speziales#sigProIdd2206e3f8e

bilanz dal punt d’odüda dla mendranza ladina do 50 agn
Le Consëi de Formaziun Badia inviëia dër bel al referat »I ladins y le Secundo Statut d’autonomia«, che vëgn tigní en mercui ai 26 d’otober dales 20:00, te biblioteca a La Ila.
I referënc é Werner Pescosta y Fabian Fistill, che fajará n bilanz dal punt d’odüda dla mendranza ladina.

Cunzert Vienna Clarinet Connection
I Jëuni de Mujiga Gherdëina nvieia al segondo di diesc cunzerc, n juebia ai 27.10.2022, dala 20:00 a Urtijëi tla Cësa de Cultura
Doi tlarinec, n corn a bassët y n tlarinet bas – cun chësta custelazion unica pieta l Vienna Clarinet Connection na bela cumpëida de sonns y n bon balanz danter ndividualità solistica y mujiga da camera. Nscì pieta Helmut Hödl (tlarinet), Rupert Fankhauser (tlarinet), Hubert Salmhofer (corn a bassët) y Wolfgang Kornberger (tlarinet bas) na simbiosa de mujiga metuda adum, mpareda ite y mpru­viseda, cun elemënc de mujiga tlassica, jazz y pop y nce de mujiga d’aldidancuei.
La chertes ie da giapé tla Lies per l Turism de Gherdëina de uni luech.
N possa cumpré na cherta soziela che vel per duc 10 i cunzerc. Adulc: 90,00 €, Jëuni da 14 ai 26 ani: 60,00 €. A cumpré na cherta soziela giapen leprò na cherta debant per un n cunzert. Priesc singul: Adulc: 18,00 €; jëuni dai 14 ai 26 ani: 12,00 €.

Nadel te na scatula dai ciauzei
Nce chëst ann vëniel metù a jì l’azion per ti purté mpue de legrëza a mutons de paejes pueresc. N possa dé ju i pachetli tla biblioteches de Gherdëina nchin ai 11.11.
Te Gherdëina vëniel fat pea pra chësta azion bele da truep ani incà y trueps sà bele nëut y fej pea uni ann. Mpo uelen fé al savëi for inò de chësta scumenciadiva che à chëst ann l motto »Amor se lascia fé ite«. Mutons y mutans che se ncunforta sun chësta scincundes ne n’iel for assé. Pervia dla ujinanza al’Europa dl Est unirà la scincundes mandedes te chisc raions. N possa mplenì una o nce deplu scatules cun de pitla scincundes, scrijan sun na eticheta sce l ie per n mut o na muta y per ciuna fascia de età: 2-4 ani, 5-9 ani o 10-14 ani. Adatà fóssel a les mplenì cun n mescedoz danter cosses per scola, de igiena, velch da guant, ma nce zeche da se tripé ie for bënudù. Sun i julantins o sot a www.weihnachten-im-schuhkarton.org iel da abiné cunsëies n chësc cont. I pachetli pòssen dé ju dai 7 nchin ai 14 de nuvëmber, tla trëi biblioteches de Gherdëina. Iló iel nce da garat scatules uetes per chiche ne n’ëssa nia na adateda.