La Usc di Ladins

Dotours
Dutor Gherdëina
L dutor de servisc da n sada ai 05.11. dala 08:00 daduman nchin la 08:00 daduman de n lunesc ai 07.11. ie l dutor Valentin Tröbinger de Sëlva, tel. 0471/773073 o l 335 6844944.
Doturs Val Badia
Le dotur en sorvisc tla Val Badia, tla fin dl’edema di 5 y 6 de novëmber, é le dotur Alberto Caretta, Badia, tel. 0471 839706 o 380 3161999.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 04.11. nchin n vënderdi ai 11.11. ie chëla de Sëuc, tel. 0471/708970 (orar de giaurida lu-ve 8.30-12.30/15.00-19.00, sada 8.30/12.30. Turnus: 9.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 4 de novëmber dales 19:00 al vëndres ai 11 de novëmber ales 19:00, é chëra d’Al Plan, tel. 0474 501240.

Chino
Atualmenter
Al chino de Tieser
En jebia ai 10 de november da les 21:15 per la rassegna ‘Il piacere del cinema’ l é »Maigret«, vender ai 11 e sabeda ai 12 da les 21:15 l é »Black panter 2-Wakanda forever«, che vegn moscià ence domenia ai 13 da les 16:30 e da les 20:30; sabeda ai 12 a les 17:15 l é »Il ragazzo e la tigre«.

Sozial
Atualmënter
Contribuc »Cörs dla Val Badia«
Porsones/Families dla Val Badia á la poscibilité da da­mané do contribuc finanziars por cunc/fatures de bojëgns primars (scialdé, forza eletrica, afit, spëises sanitares, etc.) Le formular por fá domanda ciafon sön www.solidariete.it, an pó ince fá domanda ti ofizi KVW de Badia y Al Plan. Infos: info@solidariete.it
Atualmënter
Nadel te na scatula dai ciauzei
L’azion per ti purté mpue de legrëza a mutons y mutans de paejes pueresc à bele tradizion. N possa mplenì una o de plu scatules cun de pitla scincundes (adatà fossa n mescedoz danter cosses per scola, de igiena, velch da guant, ma nce zeche da se tripé), scrijan sun na eticheta sce l ie per n mut o na muta. N possa dé ju i pachetli tla biblioteches de Gherdëina nchin ai 14.11..
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Iló ciafa families y porsones che á debojëgn spëisa debann.
Uni merdi
Marënda per i sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Se­niores). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia S. Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à debujën (che à la residënza a Urtijëi).
11.11.
Cujinon deberieda la pizza
La grupa »Deberieda«, na grupa per se ancunté danter persones che à problems psichics o de sozialisazion cun ulenteres, nvieia a fé pizza. N se anconta n vënderdi, 11 de novëmber dala 14:00 dan la Cësa de Paussa a Urtijëi.
12.11.
Duc ensema ativa-ment
La Sociazion Bambi con Sportabili Fascia e Fiem e l didament del Comun General de Fascia met a jir n projet de inclujion travers l sport per sozialisèr e tor ju la barieres. L é 4 apuntament de sabeda dai 12 de november ai 17 de dezember e l é da se scriver ite a Sportabili. Per iscrizions tor contat (ence whats­app) con Manuel al 335 8021459.

Mujiga
05.11.
Laboratorie de musega
L Comun General de Fascia con la Scola de musega Il Pentagramma met dant en sabeda ai 5 de november da les 15:00 te Oratorie de Poza »Jon a ciantèr« n laboratorie de musega per bec dai 5 ai 10 egn con cianties, dessegnes e n picol marendel.
13.11.
Cunzert de Santa Zezilia dla Mujiga de S. Cristina
L cunzert unirà tenì sot ala tematica »Viac ntëur al mond« y sarà ai 13.11. dala 17:00 inant tla palestra de S. Cri­stina. Duc ie nviei de cuer.

Avisc
Atualmënter
Orares zënter furmazion CEDOCS a Bulsan
L secretariat a Bulsan ie da­viert da lunesc nchin vënderdi dala 08:30 nchin la 12:30 y da lunesc nchin juebia dala 15:30 nchin la 19:00. Tel.: 0471 930096
07.11.
Prejentazion dla »Freie Liste de Ciastel«
La lista liedia »Freie Liste de Ciastel« se prejënta n lunesc ai 7 de nuvëmber dala 20.00 tla ustaria »Lamm« via Cuche­neies.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
02.11. y 04.11.
Trascmiscion ladina nueva sun Alto Adige TV: »Emozions«
La trasmiscion ie da udëi uni prim merdi dl mëns dala 20:40 y uni prim vënderdi dl mëns dala 22:00. L ie n program de 30 menuc ntan chël che l vën descric i raions dla Ladinia y si realteies cultureles, stori­ches, soziopolitiches, gastrono­miches y dantaldut populeres.
08.11.
Cult, rituai da inier y incö: L’ordin di iesuic
Dales 20:50 ca. A Desproch, püch dalunc dal zënter, él n convënt che poester ma püc conësc: le colegh di Iesuic, nasciü bele dl 1561. Incö virel chiló incër trënta patri, dui de chisc é ladins: siur Robert Miribung da La Val tla Val Badia y siur Edmund Rung­galdier da Urtijëi/Gherdëna. La storia y la vita te chësc zënter é dër via y dër rica y ince sce al vëgn a mancé tres de plü proi fora por i paisc crësc l’ordin di Iesuic gradual­mënter. Program de Daria Valentin, regia de Hanspeter Karbon, a cura de Alessandro Dapunt.
09.11.
Mendret, lengac de mendranza: paroles che vegn dal cher
Dales 20:50 ca. Te Fascia la tradizion del teater la é muie fona e la deida a tegnìr sù nosc lengaz ladin. Te chesta puntata de Mendret jon a veder coche tras l teater vegn viventé recorc e paroles che fèsc pèrt de noscia identità e, con n servije fat en Corsica, jon a descorir zeche de più sul lengaz bonifacin. Program de Cinzia Pistoia, a cura de Anna Mazzel.
10.11.
Deboriada: L ti mancia mé la parola
Dales 20:50 ca. Unfat sce tieres da pastura, tieres de stala o tieres de cësa, dal Nelitich inant ti tën la cria­tures plu desfrënes cumpanìa ala persona. L raport che uniun à cun i tieres depënd da ulache l sta y percie che l à gën che l cumpani stome ti stebe daujin. Ma chël che vel per duc ie che n tier te dà na gran richëza emotiva, nes fajan datrai deventé monce miëura persones. L tier de cumpoanìa, vëniel dit, ie propi n cumpan a chël che ti mancia mé la parola. Program de Ivan Senoner y Georg Penn, a cura de Leo Senoner.

Radio
Ladinia Live
LADINIA LIVE: microfons daverc sun atualité y cultura. Da audí vigni merdi y mercol da les 13:45 a les 14:00.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
04.11.22
La mpurtanza dla igena di dënz
Dales 19:05. Avëi de biei dënz auza l’autostima, avëi dënz sani alincontra ie de mpur­tanza per nosta vita. Laura Kostner lëura sciche »Dental­hygienikerin« y va ite te chësta trasmiscions sun deplù aspec che à da nfé cun cun la cura di dënz y la prevenzion de malaties. Savais’a che i dënz se fej bele canche l/la pop/a ie mo tl grëm dl’oma. Perchël iel nce mpurtant per l’ëiles che aspieta de cialé sun si dënz. Y nce vel cunsëi pratich nes dà la jëuna de Urtijëi ntan chësta trasmiscion. Tra­smiscion de Georg Mussner.
05.11.
Momënc de vita – intervista a Denis Catenazzi
Dales 19:05. Denis Catenazzi é chersciü sö a Maion de Sote te Ampëz y al é le dirighënt dla Schola Cantorum, le cor de dlijia de Cortina d’Ampëz. La Schola Cantorum complësc en chësc ann 140 agn y Denis nes cunta dl’ativité y dla storia de chësc cor. Al nes cunta ince dles sodesfaziuns y dl’impor­tanza dla musiga te dlijia. N program de Erika Castlunger.
06.11.
L fisioterapist Gregor Comploi
Dales 19:05. Gregor Comploi de Sëlva à mparà a cunëscer si corp tres l sport dl schi che ël praticova da jëun y tosc fovel per ël tler che l ëssa fat l fisioterapist tla vita. Ël conta dl percurs che l à fat per mparé l mestier, di ciamps ulache l vën adurvà fisioterapia y de si sperienzes cun atlec prufe­scionisc’. Trasmiscion de Alex Runggaldier.
09.11.
I sun düc un (4°) Na vita sana e istruzion per duc
Dales 19:05. Na vita sana e l derit a l’istruzion per n be­nesser de duc l é i ponc nr.3 e 4 de l’Ajenda ONU 2030 che se ve sporjon te chest pro­gram olache apede a n cheder generel con dac e consci­derazions aron n eie ascort ence a chel che sozede te nosc raion. L contribut creatif de Stefen Dellantonio à na viesta teatrèla olache la sanità l é na fémena veia e stencèda, l benesser n om pien de sé e de bona voa e l’istruzion na ela zirolenta. Program de Anna Mazzel e Elide Mussner.

Temp Lede
Atualmenter
Escape Room ta Dèlba
»Fora!« l é la pruma Escape Room de Fascia averta te la veia scoles mesènes de Dèlba, per endrez de la Coprativa sozièla INOUT. Per info e prenotazions chiamèr l 366 4246874 o scriver a escape@inoutfassa.com.
10.11.
»Mistiers«: proiet de nrescida
L Istitut Ladin Micurà de Rü à l plajëi de prejenté si ultim proiet de nrescida dal titul »Mistiers«, ai 10 de nuvëmber dala 18:00 tl Istitut Ladin Micurà de Rü te Sëlva. L se trata de films documenteres che dura prësciapuech ot menuc prun y che mostra su de plu erc.
Uni vënderdi
Language Café – talian
N se anconta uni vënderdi de nuvëmber tla biblioteca de San Durich dala 09:00 per s’la ciaculé per talian.
05.11.
Ala descurida dl Rait de San Linert
En sabeda ai 5 de novëmber pón tó pert a na escurjiun da Pedraces cina pro le Lüch de Runch a Badia, olache al vëgn mostré sciöche an se arjigna ca al Rait de San Linert y sciöche al vëgn inforní sö i ciars por la domënia. L’escur­jiun pëia ia dales 14:00 y les prenotaziuns pón fá pro i ofizi turistics dl’Alta Badia.

Sport
Atualmenter
Corsc de bal sui feres
I Pavei d’Arjent endreza n cors da d’uton per i bec de la scolina che vel emparèr a balèr sui feres, ogne mèrtesc e jebia a les 16:00 a les 16:45 al stadie de la giacia de Dèlba. Per info e iscrizions chiamèr Serena al nr 334 9317700.
Atualmenter
Corsc de aviament al hochey
L Hockey Club Fascia Falcons met a jir corsc de aviament al hockey debant per bec dai 5 ai 12 egn. I corsc vegn endrezé te stadie da les 18:15 a les 19:00. Per info e iscri­zions: info@fassafalcons.com o 0462 602499.
Atualmënter
Turnoi de tennis: ITF Men Val Gardena Südtirol
Tl zënter dal tennis de Sëlva vëniel a se l dé la terza edizion dl ITF Men Val Gardena Südtirol Raiffeisen 15.000 $.L turnoi va inant nchin ai 5 de utober y ie na bona ucajion per udëi truep talënc jëuni da dut l mond.
05.11.
HC Gherdëina vs. EC Bregenzerwald
L Hockey Club Gherdëina nvieia ala partida dl Alps Hockey League contra l EC Bregenzerwald, n sada ai 05.11. dala 19:30 tl stadio Pranives te Sëlva.

Teater
Atualmenter
Rassegna de teater
En vender ai 18 de november taca ite la rassegna de teater endrezèda dai Servijes lingui­stics e culturèi del CGF. Prum apuntament con I Bon­temponi te teater de Cianacei da les 20:30 con la comedia »I più bie regai no se i fasc ite mai« che vegn fata ence en domenia ai 20 da les 16:00 te tendon de Poza.
Atualmënter
Teater La Pli: »I te cumpri jö le nene«
Le Teater La Pli inviëia ales rapresentaziuns dl toch da ri »I te cumpri jö le nene«, sot la rejia de Hansi Comploi (original »Der verkaufte Grossvater« de Anton Hamik). Le teater vëgn porté dant les domënies ai 6. y 13.11. dales 15:00 y la sabeda ai 12.11. dales 20:00, te Ciasa dles Uniuns a La Pli. Prenotaziuns al 389 8158382.
05.11. – 15.11.
»Toc Toc« – teater da rì dla Lia dl Teater de Sëlva
La premiere sarà duman sada, 05.11. dala 20:30 tla Cësa de Cultura te Sëlva. Da dedò saràl mo cater reprejentazions, for dala 20:30: ai 9.11., ai 11.11., ai 12.11. y ai 15.11. Cher­tes danora giàpen tl Minishop de Sëlva, 0471 773133 (mé danmesdì).
12.11.
Spetacol de Circensema
En sabeda ai 12 de november da les 20:30 al PalaDolomites de Ciampestrin, per la ras­segna J4J, l jogolieres de Circensema porta dant endo­danef l spetacol »Sogno di una notte di mezza estate« de Shakespeare con la regia de Michela Marangoni.
25/26.11.
Spetacol per la Dì contra la violenza su la femenes
La sociazion Antermoia coi Comuns de Cianacei e Mazin e l Comun General met dant en vender ai 25 da les 20:30 al PalaDolomites e en sabeda ai 26 te chino Marmolèda, per la giornèda mondièla contra la violenza su la feme­nes, l spetacol de Susanna Stur­lese »Il nome potete met­terlo voi« de Mauro Monni, prejentà tel medemo moment te 50 lesc de la Tèlia.

Cursc
Uni vënderdi
Language Café – talian
N se anconta dai 9 de nuvëm­ber inant uni vënderdi de nuvëmber tla biblioteca de San Durich dala 09:30 per s‘la ciaculé per talian cun Patrizia.
07.11.–12.12.
Curs per se njenië ca a parturì
Per ëiles che aspieta y genitores dl daunì, che à l terminn de dezëmber 2022 y jené/ fauré 2023. L‘ancuntedes sarà tl servisc soziel a Urtijëi, dai 07.11. nchin ai 12.12. uni lunesc dala 16.00 nchin la 18:00. Iscrizions: CUPP tel 0471/100100 , 8.00-16.00 da lunesc nchin vënderdi; e-mail vormerkung.bz@sabes.it.
10.11-14.11.
Curs de cujiné per ëi
L KVW de Sëlva mët a jì n curs de cujiné per ëi. L curs unirà tenì tla Cësa de Cultura de Sëlva de ndut 3 iedesc, ai 10.11., ai 11.11 y ai 14.11. for dala 19:00. Per se nuté su: Rosmarie, 333 1671486.
19.11.
Curs de pröm aiüt
Le KVW La Ila organisëia n curs de Pröm Aiüt adöm ala Crusc Blancia, en sabeda ai 19 de novëmber dales 14:00 ales 18:00, tla sënta dla Crusc Blancia Alta Badia a La Ila, str. Boscdaplan 101. Le curs é debann por i scric ite ala Crusc Blancia, por i atri él n cost de 40,00€. I posć é limitá (min 8 – max 16 porsones). Prenotaziuns al 328 8662333 (Annelies) anter i 14 de novëmber.
25.11.
Curs da nodé por scolina y elementara
L’U.S. La Ila mët da jí n curs da nodé por mituns y mitans dla scolina y dla elementara, dai 25.11. inant, vigni vëndres por set iadi indöt. Le curs jará inant cina de jená (nia tratan les vacanzes da Nadé). Iscriziuns ma online, sot a www.uslaila.it.

Mostres y Ert
Atualmenter
Matthias Sieff en mostra a Brescia
Te la galaria d’èrt Gare 82, via Villa Glori 5 a Brescia l é fora la mostra »Firmitas«, ope­res del artist fascian Matthias Sieff. La esposizion é da poder veder enscin ai 26 de novem­ber. Contac: www.gare82.net – info@gare82.net – 348 2669339.
Atualmenter
Mostra de Reinhold Cigolla a Trent
Te Palaz Trentini a Trent per endrez del Consei Provinzial l é stat metù fora na esposizion de operes de Rinaldo Reinhold Cigolla, se n jit del 2020. La mostra, rencurèda da la fia Anastasia Cigolla, resta fora fin ai 26 de november e se pel la veder dal lunesc al vender da les 9:30 a les 18:30 e de sabeda da les 9:30 a les 12:30.
Atualmënter
Mostra persunela de Robert Bosisio
La mostra tla Galaria Doris Ghetta a Puntives sarà davier­ta nchin ai 20 de jené 2023.
Atualmënter
»Danter se paré y azeté« de Josef Kostner
Te sies sales dla Hofburg a Persenon, iel da udëi var per var l svilup artistich de Josef Kostner de Urtijëi (1933 – 2017). La mostra ie davierta nchin ai 06.11. uni di dala 10:00-18:30 (da utober inant nchin la 17:00).
Atualmënter
»Amor, mort y malan. Teater tl Tirol«
L Museum de Ciastel Tirol sëura Maran y l scultëur Wilhelm Senoner de Urtijëi nvieia ala mostra »Amor, mort y malan. Teater tl Tirol« tl »Rittersaal«. La mostra sarà da udëi nchin ai 20.11.
Atualmënter
Mostra »Degenere« de Alexander Staffler
La mostra ie da udëi nchin ai 06.11. tla sala dla mostres tl Circolo basite, da merdi nchin a dumënia for dala 17:00 nchin la 19:00, dumënia sëuraprò dala 10:00 nchin la 12.00. De lunesc iel stlut.

Religion
05.11.
San Ciascian: Preparaziun dl Bato
Geniturs che á n pice viadú da batié, pêrs che aspeta, totes y toc dl Decanat Val Badia é bel inviá ala preparaziun dl Bato, en doman sabeda ai 05.11. dales 15:00 ales 17:00, te salf de calonia da San Ciascian. Prenotaziuns al 334 3200396. Dedô sarál ciamó n pice renfrësch, arjigné ca dala Uniun dles Ëres da San Ciascian.