06.06.
Ancuntè Gejù – Santa Mëssa per families
L Cunsëi de pluania de Urtijëi nvieia de cuer duc i jëuni y la jëunes, mutons y mutans, genitores y nëinesc ala S. Mëssa dla families, ai 6 de mei dala 17.00 te dlieja de Urtijëi. Referënt: Vijo Pitscheider
06.05.
Al Plan: Preparaziun dl Bato
Geniturs che á n pice viadú da batié, pers che aspeta, totes y toc dl Decanat Val Badia, é bel inviá ala preparaziun dl Bato, en doman sabeda ai 6 de ma dales 15:00 ales 17:00, te salf de calonia a Al Plan. An stlujará jö cun n pice renfrësch, arjigné ca dala Uniun dles Ëres. Prenotaziuns al numer 328 0717796.
Sozial
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Iló ciafa families y porsones che á debojëgn spëisa debann. Ala bancarela pó s’oje la jënt di comuns de Badia, Corvara y La Val.
Uni merdi
Marënda per i sëura 60
La Lia Sarëinn nvieia duta la jënt sëura i 60 ani de Gherdëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su al numer de telefon: per Urtijëi l 335 1031751, per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia S. Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à debujën (che à la residënza a Urtijëi).
Referac
02.05.–20.05.
»Diggy Treff« – ancuntedes per cuestions digiteles
L KVW Urtijëi mët a jì deplù ancuntedes cun l referënt Werner Messner per respuender a d’uni sort de dumandes che reverda l computer, l zeluler, l tablet y la nstalazion de prugrams. La sëires ie debant. De ndut iel mo 5 ancuntedes che vën fates tla biblioteca de San Durich a Urtijëi: for de merdi (dala 14:30–17:30) y de sada (09:00–12:00): 06.05., 09.05., 13.05., 16.05., 20.05.
10.05.
La Ila »Le monn digital di jogn y
View the embedded image gallery online at:
https://www.lausc.it/manifestazions-y-evenc/23526-manifestazions-atuales#sigProId9146f153f7
https://www.lausc.it/manifestazions-y-evenc/23526-manifestazions-atuales#sigProId9146f153f7
Chësc é le titul de na sëra de informaziun por geniturs, che vëgn metüda a jí en mercui ai 10 de ma dales 19:30,
tl Saj.un a La Ila. Referënc é Maddalena Valentini y Emanuel Gravino.
Publizistica
05.05.
Prejentazion dl liber »L pitl pëcalën«
La biblioteca »San Durich« a Urtijëi nvieia ala prejentazion dl liber per mutons »L pitl pëcalën«, cun Anna Laimer y Johanna Kostner, ncuei vënderdi ai 5 de mei dala 15:00 tla biblioteca San Durich. N espert cunterà nce zeche dl pëcalën.
Chino
Atualmenter
Al chino de Cianacei
Insnet, vender ai 5 de mé da les 21:15 l é »Guardiani della galassia vol.3« che vegn moscià ence doman sabeda ai 6 e en domenia ai 7 semper da les 21:15. En domenia ai 7 de mé da les 17:00 l é »Maurice, un topolino al museo«.
Avisc
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 e de domenia da les 13:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698343) y Methilde (tel. 335 6977604).
Atualmënter
Ciamena dal guant
La Ciamena dal guant sará inant daverta por se chirí fora guant, mo al vëgn perié da ne porté nia plü guant dala fin de ma inant, deache la Ciamena dal guant messará plü inant porvé da se chirí n’atra sënta. Sce zacai ess locai adatá da mëte a desposiziun, ési dër bel periá da se lascé adintëne pro la Ciamena dal guant. Plü inant gnarál lascé alsavëi sciöche ara vá inant.
Atualmënter
L’Ofize de »Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP–Männerinitiative Pustertal dëida i ëi y peri tl caje de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
05.05
Conferenza sul bilinguism
Anché vender ai 5 de mé domesdì da les 17:30 tel chèder de l’Aisciuda Ladina, te Sorastanza de la Scola Ladina de Fascia a Sèn Jan vegn tegnù na conferenza de la professora Antonella Sorace dal titol: »Bilinguism, na richeza da fèr crescer«; na ocajion per emparèr, sensibilisèr e se baratèr idees e esperienzes.
06.05.
Rumon su nosc luech
L Chemun de Sëlva nvieia, deberieda cun la Lia per l Turism, a fé pea pra l di ecologich: »Rumon su nosc luech”« n sada, ai 6 de mei. N se anconta te Sëlva, dan la Cësa de Cultura Oswald von Wolkenstein, dala 08:00 daduman.
06.05.
Bagn tel bosch
En sabeda ai 6 de mé a Vich con scomenz da les 13:30 Katiuscia Rasom endreza na atività de ‘Bagn tel bosch’ per cognoscer miec la natura e nos enstesc. L’atività dura 3 ores. Per info e prenotazions: katiusciarasom@gmail.com o messajes whatsapp al 339 3377940.
06.05.
Paroles e notes per Fascia
Tel chèder de l’Aisciuda Ladina doman, sabeda ai 6 de mé da 16:00 te chino Marmolèda de Cianacei, vegn endrezà n moment de letradura con letura de tesć de Stefen Monech e de musega con Noemi Iori, la ciantarines de Cianton da marevea e la Musega Auta Fascia. La festa se sera su con n picol marendel e na viva.
10.05.
Ferata Trent-Penìa
En mercol ai 10 de mé da les 20:30 te sala de consei de Comun de Sèn Jan la sociazion Transdolomites prejenta l studie svizer de valutazion de la ferata Trent-Penìa e la ipoteses de percors.
17.05.
L becherle
L Comun de Moena e l Cai Sat Grop da mont de Moena endreza en mercol ai 16 de mé da les 20:30 te sala de consei na scontrèda sul becherle, na picola bestiola che fèsc gregn dans a nosc bosch.
Mujiga
05.05
Conzert
View the embedded image gallery online at:
https://www.lausc.it/manifestazions-y-evenc/23526-manifestazions-atuales#sigProId9146f153f7
https://www.lausc.it/manifestazions-y-evenc/23526-manifestazions-atuales#sigProId9146f153f7
En vender ai 5 de mé, tel chèder de l’Aisciuda Ladina, per endrez del Istitut Cultural Ladin e de la Scola de Musega »Il Pentagramma« te teater Navalge a Moena da les 20:30 vegn portà dant n conzert con operes amò inedites de Ermanno Zanoner del Gabana, en èrt Luigi Canori.
13.05.
Conzert d’Aisciuda
La Musega de Vich porta dant en sabeda ai 13 de mé da les 21:00 te tendon de la manifestazions l Conzert d’Aisciuda.
13.05.
La Val: conzert d’aisciöda
La Musiga da La Val á le plajëi da invié a so conzert d’aisciöda, en sabeda ai 13 de ma dales 20:30, te palestra da La Val.
Cursc
02.05. - 20.05.
»Diggy Treff« - ancuntedes per cuestions digiteles
L KVW Urtijëi mët a jì deplù ancuntedes cun l referënt Werner Messner per respuender a d’uni sort de dumandes che reverda l computer, l zeluler, l tablet y la nstalazion de prugrams. La sëires ie debant. De ndut iel mo 5 ancuntedes che vën fates tla biblioteca de San Durich a Urtijëi: for de merdi (dala 14:30 - 17:30) y de sada (09:00 - 12:00): 06.05., 09.05., 13.05., 16.05., 20.05.
Mostres y Ert
Atualmënter
Mostra Helau
La Union di Ladins de Gherdëina nvieia de cuer a unì a ti cialé ala mostra »Helau - Jì a tré zedules«, tl foyer y tla biblioteca Anda Malia da Cudan tla Cësa di Ladins a Urtijëi. Metù ora iel fotografies, ciapiei, gurmiei y rames. La mostra ie davierta nchin ai 12 de mei ntan i orares de ufize: lunesc dala 8:00 - 12:00 y dala 14:00 - 18:00, merdi dala 14:00 - 18:00, mierculdi, juebia y vënderdi dala 8:00 - 12:00.
Atualmënter
Mostra Scola Prufesciunela
La lia Mostra d’Ert - Circolo nvieia ala mostra dla Scola Prufesciunela per l Artejanat Artistich Cademia, tl self dla mostres dla Lia Mostra d’Ert, che jirà inant nchin ai 14 de mei, dal lunesc nchin al vënderdi 17:00–19:00 y de sada y dumënia 10:00–12:00 y 17:00–19:00.
Atualmënter
Mudazion – mostra tla furtëza de Furtëza
L’UNIKA nvieia de cuer a unì a ti cialé ala mostra »Mudazion« tla furtëza de Furtëza, che jirà inant nchin ai 4 de juni.
Atualmënter
Mostra de Indra Moroder »I uedli di lëns«
La mostra tl zënter culturel Tublà da Nives te Sëlva resterà da udëi nchin ai 12.05., uni di dala 15:00 nchin la 18:00. De lunesc iel śarà, coche nce ai 25.04..
Sport
Atualmenter
Atletica per bec e gregn
La US Monti Pallidi en colaborazion col Ski Team Fascia à endrezà n cors per fèr atività fisica, jir a corer e se arcedèr. L vegn metù a jir d’aisciuda e d’uton, de lunesc e de jebia da les 17:30 a les 18:45 a Poza, da oril fin de jugn e de setember e otober; l cost l é 90 € per bec e 100 per gregn. Info e iscrizions al 0462 574101.
13-14.05.
Copa Tèlia de rampinèda
L Val de Fascia Climbing e la Federazion de Rampinèda Sportiva Talièna endreza ai 13 e 14 de mé la Copa Tèlia Lead de rampinèda. En sabeda ai 13 lo da la palestra Adel con scomenz da les 14:30 l é la calificazions Lead de ic e eles, en domenia ai 14 da les 10:00 semifinèles e da les 15:30 finèles. L Val de Fascia Climbing festeja ence si 25 egn de atività.
Teater
06.05.
Te Navalge a teater
L Comitat manifestazions de Moena, ensema al Comun, endreza la rassegna de teater »NavalGei a teater«. L secondo apuntament é doman, sabeda ai 6 de mé da les 20:45 con la compagnia de teater GAD zità de Trent che porta dant »Medico per forza«.
06.05.
»Nona Nunzia« a Poza per Bambi
Doman, sabeda ai 6 de mé te teater del oratorie de Poza da les 20:30 spetacol de teater »Una nonna di troppo« con Mario Cagol en colaborazion col Comun de Sèn Jan e la Parochia. Se pel comprèr l biliet dantfora (€ 10) te la boteighes de sfoes de Ettore e Carpano a Poza. Chel che vegn ite va a la sociazion Bambi.
12.05.
Musical a Cianacei
La sociazion Antermoia endreza en vender ai 12 de mé da les 20:30 te chino Marmolèda de Cianacei l musical »Il giro del mondo in 80 minuti« de la Filodramatica Lucio Deflorian de Tieser. Se pel ite zenza paèr.
Temp Lede
Atualmënter
LiteraKino
Tla biblioteca San Durich a Urtijëi uniràl mustrà films per tudësch y talian, ai 05.05. y ai 12.05., for dala 20:00. L program di films ie da abiné te biblioteca.
10.05.
Letura
View the embedded image gallery online at:
https://www.lausc.it/manifestazions-y-evenc/23526-manifestazions-atuales#sigProId9146f153f7
https://www.lausc.it/manifestazions-y-evenc/23526-manifestazions-atuales#sigProId9146f153f7
La autëura Hilde Insam lijerà ora de si liber per mutons:ans (cun dessënies de Maria Pezzedi) n mierculdi ai 10 de mei dala 15:00, tla biblioteca Tresl Gruber de S. Cristina. La ciantia »Ninna Nanna« cun paroles y meludia de Hilde Insam unirà cianteda dal Cor di mutons de Sëlva cun Pauli de Santuel.
11.05.
Domisdé cun jüc da mësa
La Biblioteca Sas dla Crusc inviëia a n domisdé d’aorela cörta cun jüc da mësa por döta la familia, deboriada cun le »Spieleverein Dinx«. An s’incunta en jöbia ai 11 de ma dales 15:30 ales 17:30, te biblioteca a La Ila. Na bela ocajiun por imparé jüc nüs, che an pó ince se impresté fora.
Univënderdi de mei
»Coffee Talk« per spanuel tla biblioteca San Durich
Ntan l »Coffee Talk« a Urtijëi uniràl rujenà spanuel uni vënderdi dl mëns de mei, for dala 10:00. Na cunescënza de basa dla rujeneda ie bënududa.
Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
09.05.
Sport ladin
Da les 20:50 ca. Trasmisciun de Diego Clara y Hartmann Mairhofer, a cura de Leo Senoner.
10.05.
Stefan Planker tl Museum di Sudec Tudësc a Minca
Da les 20:50 ca. Dò 19 ani a cë dl Museum Ladin Ciastel de Tor à Stefan Planker, tl 2021, tëut su la ncëria dla direzion dl Museum di Sudec Tudësc de Minca. Na istituzion che tematisea la storia y la cultura dla populazions de rujeneda tudëscia urigineres di raions dla Boemia, dl Mähren y dla Slesia dl sud. Na ndesfideda prufesciunela mpurtanta, dalonc da cësa y dala realtà ladina, tl cuntest dla gran zità y capitela dl Bayern. Program de Leo Senoner.
11.05.
Nosta scola
Da les 20:50 ca. Tl’edizion de mei ti ons fat vijita ala scola mesana de Sëlva, ulache i sculeies dla terza tlasses da ora la zaita dla scola SMAL. Tla rubrica sota l’udlon nes conta Isabella Marchione, nsenianta de ladin, di proiec de teater tla scola elementera y mesana de Fodom. Leprò sons jic a ti cialé ai dis dl turism tl ITE de Urtijëi, ulache i sculeies dla sezion turism se damanda coche la jirà inant cun l turism te Gherdëina. Tesc’ y cunzec de Lena Mulser, camera y tai de Hans Peter Karbon, a cura de Alessandro Dapunt.
Radio
Atualmënter
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00
09.05.
Festival poesia ladina SAAV
Da les 13:45. Ghesc: Carlo Suani e Rut Bernardi. Conduzion Anna Mazzel.
Atualmënter
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA
05.05.
Helmut Senoner y la tradizion religëusa
Da les 19:05. Danter la truepa pascions dl diretëur de scola n pension Helmut Senoner de Sëlva iel nce chëla dla cultura y dla tradizions. Ti dajon na udleda ala tradizions religëuses, les paredlan a coche les fova zacan y coche les se à mudà al didancuei, cun l ejëmpl de Sëlva y si dlieja dla Madona. Senoner dij nce la sia n con‘ de ciun che ie pa l daunì, ciunes la perspetives dla Dlieja ntenduda coche cumenanza y coche istituzion. Na trasmiscion de David Lardschneider.
06.05.
Sharenting
Da les 19:05. Sharenting, na parora ingleja sura le fenomen de partí online, da pert di geniturs, imajes, videos y informaziuns che reverda sü mituns o mitans. Prighi? Deplö. Conseguënzes? Nia da sotvaluté. Chësc y deplö podares ascuté tratan la trasmisciun. Program de Iris Del Valle.
07.05.
Te stua de… David Senoner
Da les 19:05. Suvënz va n viac a finé iló ulache l fova pià via. Nscila iela nce stata pra David Senoner, n jëunn de Sëlva, che fova ruvà ti USA per jì cun i schi finan pona tl’Australia a lauré te na ustaria y te na mpreja che fej pan y a fé l trainadëur de schi tla Nueva Zelanda. Sën iel inò ruvà de reviers a cësa, cun na fëna y cun n lëur nuef. Na cunteja nteressanta, plëina de sperienzes y ndesfidedes, ulache l se deriëjer da sëul tucova pra la vita da uni di. Trasmiscion de Simon Moroder.
08.05.
Na muntaniola coche cumpània
Da les 19:05. Annita Delucca de Sëlva à fat na amezizia dl dut particulera. Per bën 6 ani ie Titola, na muntaniola che vivova sota Piz Ciavazes, ai piesc dla grupa dl Sela, stata si cumpània. Bën 257 iedesc ie Annita jita a la crì y l ie nasciù n raport strënt y dl dut speziel danter na persona y n tier salvèr. Program de Leo Senoner.
10.05.
Tripartizion ladins (3) – Manifestazions per l Unità Ladina e referendum soramont
Da les 19:05. L spirit unitar anter i ladins dla Dolomites é scialdi stat vif da la pruma manifestazions sul jouf de Sela del 1946 a chela del 1996 olache sot al moto »Inant adum« i ladins à domanà amò de poder ster adum tel medemo raion. Chesta domanda se à concretisà ence tel referendum di ladins da soramont tel 2007 ma nia se à moet. Tel cheder de la Region Trentin Südtirol ti ultimes egn é stat enrescì per ruèr a na mudazion del Statut de Autonomia ma ence chiò senza ejic. Program de Anna Mazzel e Andy Rossi.
11.05.
Ert y manualité, le artejanat de nüsc raiuns: Le tescere
Da les 19:05. Da na fira de lin a na tovaia, tres n torá y la forza di brac: insciö se desfirâ le laur dl tescere zacan. Incö se é chësc tröp mudé, mo l’ert de chësc mistier vir inant. N program de Sara Frenner.
Dotours
Dutor Gherdëina
L dutor de servisc da n sada ai 06.05. dala 08:00 daduman nchin la 08:00 daduman de n lunesc ai 08.05. ie l dutor Simon Kostner de Sëlva, tel. 347 2297492.
Doturs Val Badia
Le dotur en sorvisc ti cin’ comuns dla Val Badia, tla fin dl’edema di 6 y 7 de ma, é la doturia Lodovica Mattioni, La Ila, tel. 328 8590842.
Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 05.05. nchin n vënderdi ai 12.05. ie chëla de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 5 de ma dales 19:00 al vëndres ai 12 de ma ales 19:00, é chëra da La Ila, tel. 0471 847152.
Segres y Festes
6/7.05.
Sègra de Ciampedel
En sabeda ai 6 e en domenia ai 7 de mé vegn fat sègra a Ciampedel jun Ischia. En sabeda l tendon aur da les 10:30, dal mesdì musega con la Böhmische da Vich, da les 15:00 manovra di Studafech, domesdì e da sera musega fin tèrt. En domenia messa grana da les 9:00, marena con la Musega Auta Fascia e i Pazedins, domesdì jeghes e devertiment.
