Manifestazions atuales

Data

12 de otober 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 12 de otober
Sozial
Portel de referiment sozièl
Ogne mercol da les 16:00 a les 18:00 te strèda di Pré de Lejia a Sèn Jan per endrez del Comun general de Fascia vegn metù a jir n portel de referiment sozièl avert a duc e no a paament. Ge vel se prenotèr. Per aer informazions chiamèr l 370.3004296 o scriver a sportello.lerais@gmail.com
Scontrèdes del DSA Trentin
L DSA (Desturbes Spezifics de l'Aprendiment) de Fiem e Fascia endreza n'outa al meis scontrèdes de aprofondiment sun empedimenc spezifics de l'aprendiment. Ai 7 de november la pedagogista Sonia Boschetto che rejonarà del Pian Didatich Personalisà te la sala Spazio Giovani de la Scola populèra de Pardac.
Deberieda: jì a spaz y törggelen
N vënderdi ai 19.10. dala 14.00 se ancónten dan la Cësa de Paussa a Urtijëi per jì ora l Pedrutscher a S. Piere a törggelen. "Deberieda" ie na grupa per se ancunté danter persones che à problems psichics o de sozialisazion cun ulenteres. Per nfurmazions tel. 0471 798015. (Respunsabla dla manifestazion: Marlies Piazza).

Religion
Edema dla Fede tla Val Badia: Mësa Torona
En lönesc ai 15 d'otober dales 20:00 él te salf de calonia da Corvara na mësa torona dal titul "Mia fede - al prigo?" Al baiará siur Ulrich Fistill, Valentin Erlacher, Renate Kostner y Paola Tasser.
Edema dla Fede: sëra sön i salms
En mertesc ai 16 d'otober dales 20:00, te dlijia d'Al Plan, cun siur Iaco Ploner
Edema dla Fede: sëra sön la Crejima
En jöbia ai 18 d'otober tla Ciasa J. B. Runcher a Badia, cun Markus Felderer y team.
Edema dla Fede: Nia de parora
En vëndres ai 19 d'otober dales 20:00, te dlijia da La Val. Presentaziun dla pasciun. Ciara ince info cun foto a pert.
Edema dla Fede: conzert
Ai 20 d'otober dales 20:00, te dlijia da San Martin. Al cianta i cors de dlijia da San Martin, La Ila y Lungiarü, y le Cor Ëres Al Plan.
Edema dla Fede: conclujiun
Ai 21 d'otober dales 17:15 s'incunton a Badia por jí en prozesciun cun ciandëres cina Oies. Lassö dales 18:00 funziun de conclujiun.

Mujiga
Le "Lingue Morte" a la Grenz
La sociazion de musega e cultura "La Grenz", taca endò si conzerc te sia senta a La Baita, strada Saslonch a Moena, con n apuntament da no se perder: insnet vender ai 12 de otober da les 21.00 "Enzema alle Lingue Morte", con componenc storics, new entry e special guest per na sera de musega, amisc, "food and drink".
Me+Marie y Andrea Valeri tl Circolo
N vënderdi ai 26.10. tla sala dla Lia Mostra d'Ert a Urtijëi sun Plaza S. Antone, dala 20.00 cunzert cun Andrea Valeri y l sarà nce da audì Stefan Demetz y Marc Perin. N sada ai 27.10. for dala 20.00 cunzert de Me+Marie y l sunerà nce Andreas Kondrak y Marion Moroder, Rachet Branco dl'Austria per jì inant mo cun na aftershow cun DJ Jonas Zimmermann. Chertes danora giàpen a n miëur priesc tla ustaria Pitla Stua a Urtijëi.
"Roberto Cacciapaglia - Quarto Tempo Tour 2018"
N lunesc ai 22.10. a Stanecia tla Cësa de Cultura dala 20.30. Musicist cunesciù per si cumposizions che lieia adum la mujiga eletronica cun chëla tlassica. Do si Tour ti USA ie chësc l sëul cunzert te Europa. Chertes: te duta la Casses Raiffeisen de Südtirol, tla butëighes Athesia y online sot a www.ticketone.it.
Brian Auger y Alex Ligertwood
N merdi ai 23.10. a Stanecia tla Cësa de Cultura dala 20.30. Auger, l Guru dl Hammond che sona al mumënt l orgun eletronich per Zucchero, deberieda cun Alex Ligertwood (ciantarin di Santana) y si band per l prim iede da audì live te Südtirol. Chertes: te duta la Casses Raiffeisen de Südtirol, tla butëighes Athesia y online sot a www.ticketone.it.
"Igudesman & Joo" i doi artisć musicisć
N mierculdi ai 24.10. a Stanecia tla Cësa de Cultura dala 20.30. Aleksey Iguedesman y Hyung-ki Joo mët adum tlassica cun pop y teater. Na sëira de mujiga y matades coche n à dinrer udù. Chertes: te duta la Casses Raiffeisen de Südtirol, tla butëighes Athesia y online sot a www.ticketone.it.
Max von Milland
N juebia ai 25.10. a Stanecia tla Cësa de Cultura dala 20.30. L musicist de Südtirol cun si band prejentea si album nuef "Bring mi hoam". Danora sónel mo la grupa Malù cun Lucia Kastlunger. Chertes: te duta la Casses Raiffeisen de Südtirol, tla butëighes Athesia y online sot a www.ticketone.it.
Blues cun Joe Louis Walker
N vënderdi ai 26.10. a Stanecia tla Cësa de Cultura dala 20.30. La lijënda dl US-Blues per l prim iede te Südtirol. L ie la nuet dl Blues de Steinegg Live cun ghesć coche Nik Lee & The Jingle Fellas, Marco Pandolfi. Chertes: te duta la Casses Raiffeisen de Südtirol, tla butëighes Athesia y online sot a www.ticketone.it.
Conzerc al teater de Pardac
Al chino de Pardac per la rassegna "MusicAutunno" insnet vender ai 12 de otober da les 21.00 l'é en program n conzert con Massimo Priviero, Alex Cambise e Riccardo Maccabruni dal titol "All'Italia. Migrazioni italiane di ieri e di oggi." En vender ai 19 de otober se podarà scutèr enveze Massimo Bubola e sia band con "Da Caporetto al Piave".

Cursc
Berstot criativa per mutons y mutans
Da n sada ai 20.10. inant per sies sades ndolauter, for dala 9.00 ala 11.00 tl Lizeum d'Ert a Urtijëi, nvieia la lia La Vëta mutons y mutans de duta Gherdëina dl'età dla scola mesana a fé pea na berstot criativa. N po' se lascé nuté su nchin ai 13.10. da Karin tl ufize dla NJG, tel. 0471 799006.
Decurazions per la fòsses per Unissant
N sada ai 20.10. dala 14.00 ala 17.00 tla sala dla bibliotech a S. Cristina, cun Jan Moroder dla butëiga Flëures. L ie da se nuté su da Doris al numer 339 5706444. Metù a jì dal KVW S. Cristina.
Curs de Qi Gong - 8 Brokate
I nteressei a chësta sort de ginastica se anconta uni mierculdi dala 20.00 ala 22.00 tla sala Raiffeisen te Chemun de S. Cristina, nchin ai 28.11. cun Rudolf Braunhofer, referënt de „Qi Gong Dolomites". Metù a jì dala Lia Sanynton.
Curs de fotografia y co se deriejer cun l aparat digitel
N vënderdi y sada ai 19. y 20.10. cun Norbert Pitschieler y Paul Walpoth, tla sënta dl Fotoclub a Urtijëi (Lia Mostra d'Ert) n vënderdi dala 20.00 (teoria) y n sada dala 13.00 ala 17.00 (pratica dedora). Da se scrì ite iel da Paul, tel. 339 4800706 nchin n sada ai 13.10., l possa fé pea al plu 10 persones. Da paië ite iel 30 €. Metù a jì dal KVW Urtijëi.
Balé per i 50+
Bai de grupa cun mujiga da dut l mond per ëiles y ëi sëura i 50 ani, cun Greti Mussner. Da n lunesc ai 22.10. dala 17.00 ala 18.00 per de ndut 14 iedesc, for de lunesc tla sala Gisela Moroder tla Cësa de Paussa a Urtijëi. Se scrì ite pòssen tla Butëiga dl Mond a Urtijëi. Metù a jì dal KVW Urtijëi.
Curs per se njenië ca a parturì
Per ëiles che aspieta y genitores dl daunì, che à l terminn de jené-fauré 2019. L'ancuntedes sarà tla palestra dla Cësa de Paussa a Urtijëi, dai 5.11. nchin ai 10.12.2018 uni lunesc dala 16.00 nchin la 18.00/19.00. Iscrizions: CUPP tel. 0471/457457, 8.00-16.00 da lunesc nchin vënderdi; email vormerkung.bz@sabes.it; ëifoma 0471 797778; assistënta sanitera 0471 794290.
Curs de ginastica por pici mituns
Organisé dala Uniun dl Sport San Martin, por mituns da 0 a 6 agn (cina 3 agn acompagná). Al mët man en mercui ai 17 d'otober dales 15:30 ales 16:30, te palestra da San Martin, y vá inant por indöt 6 iadi, vigni mercui dala medema ora. Infos y prenotaziuns al 348/5891620 o diretamënter te palestra. Referënta é Wally Kaser.

Dotors y Apoteches
Apoteches
L'apoteca che ie de servisc per Gherdëina, ora dl orar ordiner de giaurida, da n vënderdi ai 12.10. nchin n vënderdi ai 19.10. ie chëla de Ciastel, tel. 0471/706323 (orar: lu-ve 8.30-12.00/15.00-19.00, sada 8.30/12.00. Turnus: sa. 8.30-12.00/16.00-19.00, du. 10.00-12.00).
L'apoteca en sorvisc tla Val Badia, fora dl orar ordinar, dal vëndres ai 12 d'otober dales 19:00 al vëndres ai 19 de otober ales 19:00, é chëra d'Al Plan, tel. 0474/501240.
Dotors
L dutor de servisc te Gherdëina da n sada ai 13.10. dala 8.00 daduman nchin la 8.00 daduman de n lunesc ai 15.10. ie l dutor Michael Trocker de Urtijëi, streda Promeneda, tel. 388 2580002.
Doturs Val Badia: Le dotur en sorvisc tl fin dl'edema di 13 y 14 d'otober, ti cin' comuns dla Val Badia, é le dotur Luca Galiazzo, tel. 342/5181295.

Iadi, jites y escurscions
Jita y törggelen cun la Lia da Mont de Gherdëina
N sada ai 20.10. furnons dlongia Vöran, ulache pion via de viers dl "Knottenchino", da dedò jons inant nchin al luech "St. Ulrich" dlongia Mölten, ulache l sarà na mujiga y pudon törggelen. Deslivel 400 m y da jì za. 4,5 ëura. N possa se scrì ite nchin ai 18.10. da Ciofs Inge y da Sport Malsiner "cësa Panaval" a S. Cristina.

Mostres y Ert
Ars Sacra
Ert cuntemporana tla dliejes. Ivan Lardschneider, AliPaloma & Daniele Alessi, Marianna Gostner, Thomas Huck, Giancarlo Lamonaca se cunfruntea cun cin dliejes dla Val dl Isarch: la dlieja de Ciastel, chëla de Milland, la dlieja de S. Bastian a Tluses, chëla de Jevun y de Laion, dai 13. ai 30.11. N sada ai 13.10. dala 11.00 uniràl fat la prejentazion tl Museum dla zità de Tluses, ulache l sarà nce na mostra n chësc cont.
Atelier daviert
Elisabeth Frei nvieia de cuer al di dl Atelier daviert n ucajion dl 14ejim di dl'ert cuntemporana, duman sada ai 13.10. dala 10.00 ala 18.00, a Laion tl raion artejanel Gornegg 17.
Matthias Sieff a Riva del Garda
L zipiador fascian Matthias Sieff met fora sia operes a Riva del Garda te la Sala Civica "G. Craffonara" Giardini di Porta Orientale. L'esposizion, dal titol "Antichi caratteri contemporanei" resta averta enscin ai 31 de otober, duc i dis h. 10.00-13.30 e 17.00-20.30.
"L ritm dl vester" atelier daviert
N ucajion dl 14ejim di dl'ert cuntemporana n sada ai 13.10. gëura Wilhelm Senoner si atelier tl Typak Center a Urtijëi, streda Arnaria 9, dala 10.00 ala 18.00 y nvieia ala mostra "L ritm dl vester" y a na vijita te si atelier.
Fazions de bënulëi
La mostra de pitura "affective effects" di artisć Philipp Messner, Dejan Dukic, Julia Frank y Martina Steckholzer, tla Galaria Ghetta a Puntives Sud 8, cureda da Sabine Gamper, ie da udëi nchin ai 30.11. da merdi nchin vënderdi dala 15.00 ala 18.00 o scenó cherdan su danora l numer 366 1500243.
"act" de Helmar Demetz
La mostra de opres d'ert de Helmar Demetz de S. Cristina ie da udëi tl Café Surëdl a Urtijëi tla streda Roma, da lunesc nchin sada dala 10 ala 19.
Walter Moroder "Sun Plaza"
A Milan tl Spazio Minimal tla streda Ventura 6 iel na mostra persunela dl artista de Urtijëi, che ie da udëi nchin ai 10 de nuvëmber.
Oraries del Museo Ladin de Fascia
La senta zentrèla del Museo Ladin de Fascia a Sèn Jan resta averta enscin ai 31 de otober, con l'orarie da d'uton: dal mèrtesc a la sabeda da les 15.00 a les 19.00.

Temp lede
"Festa Steinegg Live"
N dumënia ai 21.10. dala 10.30 inant tla cësa de cultura de Stanecia, festa cun lianies blances y pier de selin, bal dl domesdì y program per mutons, cun la "Südtiroler Tanzlmusig", i "Goldrieder" y "Bobby-Live".
Törggelen cun i Jëuni dla Lia da Mont y i Jëuni de Sëlva
Nvion bele śën al Törggelen urmëi cunesciù n sada ai 10.11. S'ancunton dala 18.00 dala Betula a n aperitif y furnon cun la curiera de linia dala 19.30 ora Solaion per jì dal Putzerhof a törggelen. Dala 1.00 uniràl i taxi che nes menerà, chiche uel a Laion al Schmierberball, o de reviers te Gherdëina. Per chëi che vën cun diendl o brea de pel iel da paië 35 € per la cëina cun vin y ega y taxi, per i autri 40 €. Pudëis ve scrì su da Daniel (3339454642) o Karin (3924387958) o da zachei di doi cunsëies nchin ai 7.11..
Line Dance - invit da gní a balé
Le Consëi de Formaziun da La Val inviëia a plü serades da balé "line dance" cun Giovanna Moling. La pröma é incö vëndres ai 12 d'otober dales 20:00, te salf dles manifestaziuns da La Val. An s'incunta spo ciamó ai 26/10, ai 9, 16 y 23 de novëmber. Informaziuns y prenotaziuns pro Giovanna al 338/1249472.
Sëra de biodanza
Le Centro Hòdo, www.centrohodo.com, organisëia na sëra de biodanza cun Angelo Palfrader, a Al Plan de Mareo, tl salf dla scora mesana basite, en mercui ai 17 d'otober dales 20:00. Infos y prenotaziuns al 333/4383509, mail: angelopalfrader@virgilio.it, www.biodanzaitalia.it
De dles biblioteches 2018 - presentaziun
En gaujiun dl De dles biblioteches 2018, inviëia la Biblioteca Sas dla Crusc da gní a ti ciaré a n teater de ambries por mitans y mituns, en sabeda ai 20 d'otober dales 15:00, te biblioteca a La Ila.
20° Top Wine
Doman sabeda ai 13 de otober da les 10.00 a les 17.00 al Refuge Maria sun Sas Pordoi la SITC endreza la 20^ edizion del Top Wine 2950, la degustazion de vins più auta del mond. Con passa 20 cèvenes regionèles e una del Piemont e amò l chef Paolo Donei de Moena e l Pastificio Felicetti de Pardac. Info: 0462.601178 o info@valdifassalift.it

Teater
"Achtung Deutsch" a S. Cristina
L pez de teater da rì, chëst ann tla rujeneda tudëscia, mparà ite dala Grupa de Teater de S. Cristina sot ala regia de Erich Meraner, sarà da udëi n dumënia ai 14.10. dala 18.00, n mierculdi ai 17.10. dala 20.30, n merdi ai 23.10. dala 20.30, n sada ai 27.10. dala 20.30 y n dumënia ai 28.10. dala 18.00 te sala de Chemun a S. Cristina. Chertes danora pòssen apusté tla Boutique Parisienne, tel. 0471 793334.
"La chëuta di vedli mutons"
Chësc ie l pez de teater che vën purtà sun palch dala Grupa de Teater de Sëlva, sot ala regia de Wally Mussner y Bernardette Senoner, da udëi mo chësta sada ai 13.10. dala 20.30, te cësa de cultura de Sëlva. Chertes danora pòssen apusté tla butëiga Minishop de Rudi Avi te Sëlva o cherdan su l numer dla butëiga 0471 794085.

Radio y Televijion
RADIO
"LADINIA LIVE": Microfons davierc sun atualità y cultura
La trasmiscion ie da audì uni merdi y mierculdi dala 13:45 ala 14:00 sun la frecuënzes de RAI LADINIA
La trasmiscion "DAI CRËPS DL SELA" ie da audì uni di dala 19:05 ala 19:30 sun la frecuënzes de RAI LADINIA
Vender, 12 de otober - L prëmi Euregio ai fredesc Moroder
Trasmiscion de Simon Moroder.
Domenia, 14 de otober - I "Watussi" – Grupa storica de Gherdëina (segonda pert)
Trasmiscion de Tobias Dellago.
Mercui, 17 de otober - La Musega Auta Fascia à dat fora n Cd nef
Program de Anna Mazzel.
Juebia, 18 de otober - Conserves
Program de Sara Frenner.
TELEVIJION
Mertesc, 16 de otober dala 20:50 - Cult rituai da inier y incö: neté l'anima
Gonot ne pënson nia che l'anima á avisa tan debojëgn da gní netada sciöche la ciasa te chëra che an vir. Ne se delibrëion nia di pinsiers y dles emoziuns che an ne adora nia plü o che se á trasformé te valch de negatif, se le porton para sciöche n pëis. Impormó canche an impara da lascé jí, da se neté, éson bogn da vire lisiers y contënc. Program de Daria Valentin y Hanspeter Karbon, a cura de Alessandro Dapunt.
Mercui, 17 de otober dala 20:50 - Df: dut feminin. Generazions, leames e fujions
Program de Olimpia Rasom, a cura de Anna Mazzel.
Juebia, 18 de otober dala 20:50 - Arpejuns, monumënc de ert y storia: Les capeles y i anteriöi te Fodom
Te Fodom él valgünes capeles y anteriöi che nes cunta nia ma la devoziun y la fede dla comunité da inlaota, mo ai nes fej ince conësce les fraziuns dl comun de Fodom dalunc da La Pli o da Rèba. Vigni capela y anteriöl á na süa storia particolara y á albü na gran importanza por la popolaziun da inlaota y valgügn de chisc á ciamó aldedaincö n significat particolar por la comunité. N program de Erika Castlunger, camera y tai de Hans Peter Karbon, a cura de Alessandro Dapunt.

Informaziuns plü menüdes söi programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota "Mediateca" y les trasmiscions radio sota "Podcast".

Referac
"Zënza scioldi deguna festa"
N mierculdi ai 17.10. dala 20.00 tla sala Raiffeisen te chemun de S. Cristina cun Werner Niederbrunner dla cunsulënza dla Caritas per chëi che à debic. Tratà uniràl argumënc coche: Co possa pa la familia ntervenì tl ciamp dl'educazion finanziela? Cie dëssa pa i pitli mparé canche la se trata de manejé i scioldi? Cunsum y debic pra i jëuni y n.i.. L ie na sëira de nfurmazion per jëuni, genitores, maestri y nteressei, y fej pert dl proiet "Unì granc" dla NJG y l Servisc Soziel.
Sëra d'informaziun sön le davagn de basa
Le Consëi de Formaziun y la biblioteca "Angelo Trebo" d'Al Plan inviëia a na sëra d'informaziun sön le davagn de basa por düc (por tod. Grundeinkommen). N bel some o na idea che vá debojëgn por combate meseria y mudé le sistem sozial? An s'incunta en jöbia ai 18 d'otober dales 20:00, te biblioteca d'Al Plan. Referënt é Sepp Kusstatscher.
La desposiziun dl paziënt: dërt da vire, dërt da morí
Chësc é le titul de n referat cun le dr. Marco Pizzinini, che vëgn tigní en lönesc ai 15 d'otober dales 20:00, te salf de comun altaite a La Val. Al gnará dé informaziuns sön la desposiziun dl paziënt (Patientenverfügung). Organisaziun: KVW
Olá ciafi pa aiüt? I sorvisc soziai dla comunité comprensoriala
En mertesc ai 16 d'otober dales 20:00 él tla biblioteca da Calfosch na serada de presentaziun di sorvisc soziai dla comunité comprensoriala de Puster. Referëntes é Sabine Federa - responsabla d'La Spona y Siglinde Erlacher - responsabla dl Raiun Sozial Val Badia. Organisaziun: Consëi de Cöra.

Prejentazions
Liber per mutons "Flurina y l ucel salvere"
N mierculdi ai 24.10., n ucajion dl „Di dla biblioteches", prejenterà la Union di Ladins de Gherdëina chësc liber per mutons tla biblioteca ladina „anda Malia da Cudan" tla Cësa di Ladins dala 17.00 nchin la 18.00.
La fertuna sta tl cë
N sada ai 20.10. dala 20.00 tla bibliotech O.v. Wolkenstein te Sëlva prejenterà Christine Wunsch l liber de alenamënt per plu mumënc de fertuna tla vita da uni di.

Segres y festes
Segra da Lungiarü
Sabeda ai 13 d'otober dales 21:00 inant festa tl tendun cun DJ Rudyru y DJ Pives. La domënia ai 14 dales 8:15 mëssa te dlijia, dales 10:30 matinée tl tendun y dales 11:30 inant poscibilité da joré cun le jolier. Dales 13:00 gnarál daurí le ciantun da se depënje sö por i mituns y al sonará la musiga da Unterdarching (Paiern), dales 15:00 musiga cun Oswald y dales 16:30 sona i Vollgas.

Avisc
Marcià di libri adurvei de Segra Sacun
N lunesc ai 15.10. dala 8.00 ala 18.00 y n merdi ai 16.10. dala 8.00 ala 12.00 y dala 14.00 ala 18.00 tla Cësa de Cultura a Urtijëi dan l ufize dla Lia dl Turism mët la trëi biblioteches publiches dla valeda nce chëst ann a jì l marcià di libri adurvei, che unirà vendui a 1 € per liber. I scioldi trac ite unirà inò dac ora per l bën dla trëi biblioteches.
Roba da fé damant per n bon fin
La Grupa Gherdëina per l Perù arà inò n stont sun Marcià de Segra Sacun, cun juesc y roba da fé damat de segonda man. I scioldi trac ite tuleràn per ti judé a mutons che n à debujën. Chiche ëssa velch da dé ca ie prià bel de l purté a Urtijëi da Lucy y Stefan Perathoner tla str. Roma 32b, da Helma y Andreas Walpoth tla str. Purger 61, dala familia Stuflesser tla str. Digon 18 o diretamënter sun marcià. De gra de vosc aiut! Info: Sofia 3314158478.
Cunsëies dla Zentrela di Cunsumadëures
N vënderdi ai 19.10. dala 15.00 nchin la 17.00 sun Plaza Nives te Sëlva, saràl l Mobil dla Zentrela di Cunsumadëures de Bulsan, che vën a dé nfurmazions d'uni sort. Metù a jì dal KVW de Sëlva.
La Crëusc Blancia ve mëina a lité
N dumënia ai 21.10. dala 7.00 nchin la 21.00 ti pieta la Crëusc Blancia a duc i litadëures che ne n'ie nia boni de jì, de se lascé mené debant da cësa nchin tl local de vela y inò ndëur. Chësc servisc muessa unì apustà danora, cherdan su l 0471 444444 (o fax 0471 444370) nchin n vënderdi 19.10. dala 17.00.
Ciamena dal guant a Picolin
Le Grup Ciamena dal Guant i recorda ala jënt la poscibilité da dé jö y jí a se chirí fora guant, vigni jöbia domisdé dales 14.00 ales 16.00, tla vedla ciasa de Palsa a Picolin. An pó dé jö guant, mo ince linzos, cisces, pezes da mans, guant da dessot, coltrines, tovaies, cutres, cialzá, etc. Döt dess ester nët y intier.
Udiënzes dla Uniun di Ostis
La Uniun di Ostis HGV tëgn udiënzes ince tla Val Badia, vigni secundo y cuarto lönesc dl mëis, dales 16.00 ales 17.00 tla ciasa de Comun a Badia.
L'Ofize de "Ëres dëida Ëres"
L'ofize a Bornech é da ciafé tla str. Paul von Sternbach nr. 6, info.bruneck@frauenhelfenfrauen.it. Al é davert dal lönesc al vëndres dales 8.30 ales 11.30. Fora de chësc orar, vëgnel tut sö termins sön prenotaziun. Tel. 0474/410303.
Repartiziun prestaziuns a Picolin: vigni de davert
L'ofize dla repartiziun prestaziuns (Ex - Krankenkasse) tl distret sozio-sanitar a Picolin é indô davert vigni de: lönesc, mercui y vëndres dales 9:30 ales 12:45; mertesc y jöbia dales 8:00 ales 12:45.
Corsc de ingleis
La Biblioteca de Sèn Jan endreza corsc de ingleis dai 29 de otober ai 28 de november. La lezions sarà de lunesc e de mercol: h. 19.00-20.30 l cors per prinzipianc e h. 20.30-22.00 l cors mesan. L cost l'é 70 euro per i sentadins de Sèn Jan e 90 per i etres. Info te biblioteca, tel. 0462.763062, mail: vigodifassa@biblio.infotn.it.
Regoeta fer veie te Fascia
En sabeda ai 20 de otober i volontadives di gropes miscionaries Freinademetz e Mato Grosso i passa a Vich, Poza, Pera, Soraga, Mazin, Ciampestrin e Fontanac a tor sù fer veie e metèi per didèr la miscions. I passa ence ti etres paìjes de Fascia o su apuntament chiaman Pietro al 338.1125392 o Franco al 335.5956009.
Cognoscion nesc ucìe
En mercol ai 17 de otober h. 20.45 te sala del Consei a Cianacei, Luigi Marchesi e Simone Tenan rejona de la pèrt che à l pich per arsegurèr la biodesvalivanza di ucìe de nosc bosch. L'é l'ùltima de 3 scontrèdes dal titol "N sgol anter pré e crepes" per endrez de la Rei de la Resserves, col Comun general de Fascia e l MUSE.
Scontrèdes con la Sociazion Fassa
Apuntamenc de la Sociazion Fassa per prejentèr candidac e programes per la litazions. En lunesc ai 15 e en mèrtesc ai 16 de otober h. 20.30 respetivamenter te sala del Consei a Ciampedel e a Cianacei. En jebia ai 18 h. 21.00 sera finala te sala grana de la Scoles a Moena col candidat president Maurizio Fugatti.
L Moviment Ladin de Fascia se prejenta
L ML de Fascia prejenta si candidac e so program per la litazions di 21 de otober: insnet vender ai 12 de otober a Ciampedel, en lunesc ai 15 a Moena, en jebia ai 18 a Cianacei e en vender ai 19 de otober a Poza. Duta la scontrèdes é te la sales del Consei de Comun da les 20.30.

Chino
LiteraKino, proiezion de films per granc
Tla Bibliotech San Durich a Urtijëi vëniel mustrà ncuei vënderdi ai 12.10. dala 20.30 n film tla rujeneda tudëscia. N vënderdi ai 19.10. saràl da udëi n film per talian. L program plu avisa di films che unirà mustrei proscimamënter ie da udëi tla bibliotech, ulache l ie nce julantins da pudëi se tò pea.
La Ila: incö n film por mituns
Le Consëi Cultural de Badia inviëia da gní a ti ciaré al film "Wonder", incö vëndres ai 12 d'otober dales 17:00, tla Ciasa dla Cultura a La Ila. Le film insëgna da n'avëi nia preiudizi sce valgügn ciara fora atramënter.
Chino de Tieser
En vender ai 12 de otober da les 21.15 e en domenia ai 14 h. 20.30 vegn moscià "A Star is born". En sabeda ai 13 h. 21.00 se pel veder enveze l spetacol de mesega e teater de la filodramatica de Lizzana "Sorelle. Dio vede e provvede!". En mercol ai 17 h. 21.15 l'é en program "Mr. Long"; en jebia ai 18 e en vender ai 19 h. 21.15 "Johnny English colpisce ancora".
Chino de Pardac
Al chino de Pardac per la rassegna "MusicAutunno" insnet vender ai 12 de otober da les 21.00 l'é en program n conzert con Massimo Priviero, Alex Cambise e Riccardo Maccabruni dal titol "All'Italia. Migrazioni italiane di ieri e di oggi." En vender ai 19 de otober se podarà scutèr enveze Massimo Bubola e sia band con "Da Caporetto al Piave".

Sport
Corsc del Ski Team Fascia
L Ski Team Fascia met a jir n cors de ginastica per jir coi schi per bec de la populères dai 9.10 ai 5.12: de mèrtesc te palestra a Vich h. 17.00-18.00, de mercol te palestra a Ciampedel h. 16.30-17.30. Cost 35 euro. Enscinuazions a info@skiteamfassa.it con dac e rezepis de paament. Info: 0462.764111.
Turnoi de tennis di ëi ATP Challenger
Ncuei vënderdi 12.10 dala 11.00 inant iel i cherc de finela dl singul y la semifineles dl dopl. Duman sada, 13.10. scumëncia la partides dala 14.00 cun la semifineles de singul y la finela dl dopl. N dumënia ai 14.10. dala 14.00 finela dl turnoi singul. Per la partides de n sada y dumënia saràl da paië 15 € de ntreda.
Partida de hockey dl HC Gherdëina
Duman sada ai 13.10. partida dl campiunat AHL, ulache l HC Gherdëina jugherà n cësa contra la scuadra de Zell am See, dala 20.30 tl stadio Pranives de Sëlva.
Pìcol mercià del Ski Team Fascia
L Ski Team Fascia met a jir l Pìcol mercià de èrc e mondures durèdes, en sabeda ai 20 de otober te Oratorie de Poza. L'é avert da les 9.00 a les 18.00 e da les 9.00 enscin les 14.00 se pel consegnèr la roba da vener. Domesdì vegn enjignà ence castagnes e most per duc.

Galaria retrac