Manifestazions atuales

Data

11 de jené 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 11 de jené
Mostres y Ert
N percors sciamanich tel bosch de Beuys
Tel Museo d'Èrt Contemporana de Ciavaleis se pel veder la mostra "Walking in Beuys woods", rencurèda da Antonella Palladino e Elio Vanzo. N percors de Hannes Egger sul troi de Joseph Bauys che se dejouc anter om e natura te n prozess de consaputa e varijon. Averta de sabeda e domenia con orarie 15.30-19.00.
Nesc artisć a la galarìa TanArt
Te la galarìa TanArt, Strèda Roma 66 a Cianacei, se pel veder la operes de pitores e scultores de nosc raion. Anter i etres Adolf Vallazza, Othmar Winkler, Josef Costazza, Inge Detomas, Matthias Sieff, Luigi Pederiva e Giuseppe Soraperra. La é averta duc i dis fora che de lunesc h. 10.30-12.30 e 16.00-19.30.
"Hüllen-Involucri"
Mostra de Astrid Gamper te Tublà da Nives te Sëlva da udëi mo nchin n dumënia ai 13.1. uni di dala 16.00-19.00. Astrid Gamper ie de Persenon y à studià grafica y design a Freiburg. Te Tublà da Nives móstrela lëures sun papier, che se raida dut ntëur ala pel sciche metafora dla vita te duta si mpurtanza y funzion.
Scultures de dlacia
Tl raion da jì a pe de Urtijëi uniràl ziplà dai 14. nchin ai 19.1. tla dlacia. Sun nvit dla Lia dl Turism saràl doi scultëures da tlo che crierà tla dlacia cin pusciblteies per se senté ju.
Roba da fé damat de Gherdëina y dla Ruscia
Tla sala Luis Trenker tla Cësa de Cultura de Urtijëi iel da udëi la mostra "juech - ert", ulache n mët a cunfront la vedla roba da fé damat russa cun chëla de Gherdëina. La mostra ie da udëi nchin ai 16.1. da lunesc nchin vënderdi dala 16.00-19.00 y de dumënia dala 11.00-19.00. Ntreda debant.
Mostra de criples tl Museum Gherdëina
L ie da pudëi amiré criples de valor artistich, la Adurazion baroca di Trëi Rëiesc ora dla dlieja da Sacun, la gran cripl autere cun truep motifs zipleda da Luis Insam y na lingia de figures che fej luné ora i sentimënc di pastri y rëiesc ntëur al Bambin y zipledes te Gherdëina ti seculi passei. L Museum a Urtijëi ie daviert dal merdi al vënderdi, dala 14 ala 18.

Avisc
Orar dla Bibliotech San Durich
La Bibliotech San Durich de Urtijëi fej a l savëi che ntan l mëns de jené 2019 réstela śareda de vënderdi domesdì.
Udiënzes dla Uniun di Ostis
La Uniun di Ostis HGV tëgn udiënzes ince tla Val Badia, vigni secundo y cuarto lönesc dl mëis, dales 16.00 ales 17.00 tla ciasa de Comun a Badia.
L'Ofize de "Ëres dëida Ëres"
L'ofize a Bornech é da ciafé tla str. Paul von Sternbach nr. 6, info.bruneck@frauenhelfenfrauen.it. Al é davert dal lönesc al vëndres dales 8.30 ales 11.30. Fora de chësc orar, vëgnel tut sö termins sön prenotaziun. Tel. 0474/410303.
Iniziativa di ëi de Puster - MIP
L'ofize dla MIP - Männerinitiative Pustertal dëida i ëi y peri pro caje de devorz, pîta aiüt por ciafé na soluziun te situaziuns de dificolté. L'ofize é da ciafé tl Paternsteig nr. 1 a Bornech y é davert lönesc 14-19h, mercui 14-19h y vëndres 8-12h, telefon: 0474/555848, info@mip-pustertal.it
Ujes averc a la Rosa Bianca
L'Istitut la Rosa Bianca Weisses Rose vel se fèr cognoscer a scolees e families. Te la senta de Ciavaleis en lunesc ai 14 de jené da les 14.30 vegn endrezà i laboratories per i scolees.
Ujes averc a la Scola Ladina
Anché vender ai 11 de jené da les 14.00 a les 18.00 e doman, sabeda ai 12 da les 8.00 a les 12.00 e da les 14.00 a les 17.00 tel chèder del projet "Ujes averc" scolees e families pel descorir la proponetes didatich-formatives de la Scola Ladina te la sentes di Licees Artistich, Scientifich e Ladin di Lengac a Sèn Jan.

Radio y Televijion
RADIO
"LADINIA LIVE": Microfons davierc sun atualità y cultura
La trasmiscion ie da audì uni merdi y mierculdi dala 13:45 ala 14:00 sun la frecuenzes de RAI LADINIA
La trasmiscion "DAI CRËPS DL SELA" ie da audì uni di dala 19:05 ala 19:30 sun la frecuënzes de RAI LADINIA
Vender, 11 de jená - Agorà: Scola y mesums multimediei (segonda pert)
Co mpera pa ncueicundi i sculeies y studënc y se nuzi pa nce di mesuns moderns de comunicazion per fé i duvieres de scola? L smartphone y l internet à bele giapà si lerch te scola, a ciuna regules dëssen pa se tenì, iel pa diretives o ie pa chisc mesuns da pruibì? Ghest te studio ie la dr.a Claudia Schrott, diretëura dla direzion raionela de Sëlva y S. Cristina. Trasmiscion de Ivan Senoner.
Domenia, 13 de jená - Teo Mahlknecht y si vacia nterativa
Ël se à fat n inuem per si lëures tl lën che à n cuntenut ironich, n mond fantastich dl scultëur Teo Mahlknecht de Urtijëi. Ël ti sofla ite na ana vivënta a si creatures de lën y a chël che ti cëla ti mucia suvënz l rì, scebën che l messaje che Teo uel dé ie scialdi deplù. L ultimo gran lëur ie na vacia nterativa ulache n vëija duta la digestion y d'autra funzions y chësc tier de lën ie unì apustà da n museum dal lat a Mosca tla Ruscia. Trasmiscion de Sofia Stuflesser.
Mercui, 16 de jená - Nepal: Attilio Dantone conta l'esperienza che ge à mudà la vita
Attilio Dantone tel 2015 l'à volù coronèr so ensomech de jir a fèr n trekking tel Nepal, n viac che à mudà del dut sia maniera de viver ajache l se à troà aló tel moment del gran tremoroz. Alò l'à perdù doi compagnes de viac e dò la sperduda e la meseria che l'à vivù l'à abù l besegn de contèr e soraldut de didèr la jent lavia. Dò aer binà adum tropes didamenc l'à dezidù de fèr su na na scola e adum con Stefen Dell'Antonio Monech scriver n liber per lascèr sia testimonianza. Program de Anna Mazzel.
TELEVIJION
Mertesc, 15 de jená dala 20:50 - Sport ladin – mensil de sport tles valades ladines
De Diego Clara y Hartmann Mairhofer, a cura de Leo Senoner.
Mercui, 16 de jená dala 20:50 - Cult rituai da inier y incö – Sant Antone Abat
Sant Antone ê n sant sön chël che i paurs tignî plüdadî cotan. Al ê chël che stravardâ stala y majun da de vigni sort de mai. Dantadöt a Antermëia, dlijia dedicada a Sant Antone, gnôl zacan tigní gran festa en chësc de. Ciamó aldedaincö se recordon dl patron, ince canche le santú toma ite ia por la edema. Program de Daria Valentin y Hanspeter Karbon, a cura de Alessandro Dapunt.
Juebia, 17 de jená dala 20:50 - Tles avënes dl Opera de Stat de Viena
André Comploi, responsabl dl'ufize stampa dla „Wiener Staatsoper", nes condüj fora por i salamënc y ezezionalmënter do les cultrines de öna dles paladines de lirica plü importantes al monn. Ambries de n gran passé y sfumatöres de n prejënt important, nes porta sön les pedies de deplü personalitês ladines. Program de Esther Videsott.

Informaziuns plü menüdes söi programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota "Mediateca" y les trasmiscions radio sota "Podcast".

Cursc
Curs de jì cun la peves
I jëuni dla Lia da Mont de Gherdëina mët a jì n curs de jì cun la peves cun i mëinacrëp, ai 19 y 20 de jené. Ai 18.1. saràl mo na sëira de teoria per giapé duta la nfurmazions de cie che n adrova dut per scumencé a jì cun la peves. Plu nfurmazions giapëis da Daniel, cherdan su l numer 333 9454642.
Curs per se njenië ca a parturì
Per ëiles che aspieta y genitores dl daunì, che à l terminn de auril/mei 2019.
L'ancuntedes sarà tla palestra dla cësa de paussa a Urtijëi, dai 4.3. ai 8.4.2019 uni lunesc dala 16.00 ala 18.00/19.00. Iscrizions: CUPP tel. 0471/457457, 8.00-16.00 dal lunesc al vënderdi; email vormerkung.bz@sabes.it; ëifoma 0471/797778, assistënta sanitera 0471/794290.
Curs de ginastica por jogn
Organisé dala Uniun dl sport da San Martin, por jogn da 9 a 14 agn, cun Tobias Costalunga. Al fajará parkour, basket, volley, palé y deplü. Le curs mët man indoman sabeda ai 12 de jená, por 8 iadi, tla palestra da San Martin, tres dales 10:00 ales 11:30. Cost de 10,00€ plü la cherta dl'Uniun dl Sport. Pröm iade debann. Infos y prenotaziuns le pröm de o pro Maria Rubatscher al 339/6211647.
Curs de zumba fitness
Organisé dala Uniun dl sport da San Martin, cun Viola Vlckova. Le curs vëgn tigní vigni mertesc y vëndres dales 18:30 ales 19:30 te palestra da San Martin. An mët man ai 8 de jená, por 10 iadi. Cost 50,00 € plü la cherta dl'Uniun dl Sport. Pröm iade debann. Infos y prenotaziuns le pröm de o pro Maria Rubatscher al 339/6211647.
Introduziun al biatlon
En mercui ai 16 de jená dales 9:30 án a San Ciascian la poscibilité da imparé adöm cun n maester de biatlon les carateristiches de chësta disciplina. Iscriziuns ti ofizi turistics dl'Alta Badia o diretamënter pro le zënter de paslunch Saré a San Ciascian.
Al Plan: ginastica de prevenziun
La Uniun dles Ëres d'Al Plan mët da jí la ginastica de prevenziun cun Marlene Trebo. An mët man en mercui ai 16 de jená dales 18:00, te palestra d'Al Plan. Ara vá inant vigni mercui, por indöt 10 iadi. Prenotaziuns al nr. 348/3140415.

Dotors y Apoteches
Dotors
L dutor de servisc te Gherdëina da n sada ai 12.1. dala 8.00 daduman nchin la 8.00 daduman de n lunesc ai 14.1. ie l dutor Michael Trocker de Urtijëi, streda Promeneda, tel. 388 2580002.
Doturs Val Badia: Ti comuns de Corvara, Badia y La Val él en sorvisc tl fin dl'edema di 12 y 13 de jená le dotur Guido Caretta, Calfosch/Corvara, tel. 0471/836870 o 337/616080. Ti comuns de Mareo y San Martin él en sorvisc le dotur Luca Galiazzo, tel. 342/5181295.
Apoteches
L'apoteca che ie de servisc per Gherdëina, ora dl orar ordiner de giaurida, da n vënderdi ai 11.1. nchin n vënderdi ai 18.1. ie chëla de Sëlva, tel. 0471/795142 o 333/1776615, (davierta dala 8.30 - 12.30).
L'apoteca en sorvisc tla Val Badia, fora dl orar ordinar, dal vëndres ai 11 de jená dales 19:00 al vëndres ai 18 de jená ales 19:00, é chëra da Corvara, tel. 0471/830237.

Chino
Chino de Tieser
Insnet, vender ai 11 de jené h. 21.15 se pel veder "Macchine mortali", en sabeda ai 12 de jené h. 17.00 l'é "Il ritorno di Mary Poppins" e h. 21.15 "Macchine mortali". En domenia ai 13 de jené h. 17.00 l'é "Ralph spacca internet" e h. 21.15 "Il testimone invisibile". En jebia ai 17 de jené per la sajon de prosa se pel veder l spetacol de teater "Strappatempo".
Chino Cianacei
Insnet, vender ai 11 de jené h. 21.15 vegn moscià "Bumblebee", en domenia ai 13 de jené h. 21.15 l'é "Ben is back", en mercol ai 16 de jené h.17.00 l'é "Ralph spacca internet" e h. 21.15 "Aquaman".

Sport
Campionac taliegn di Studafech
Dai 14 ai 19 de jené te Fascia l'é la 35^ edizion di Campionac taliegn di Studafech de schi, brea, paslonch e schi alpinism. La gares sarà sun Aloch, sun Ciampedìe e Bufaure, sun Rodela, su la pista de la Marcialonga da Poza a Fontanac, da Pian de Frataces al Salei per l schi alpinism. Info su www.studafech.com.
Sun Sèn Pelegrin la Copa Europa de eles
Dai 15 ai 18 de jené sul portoi la VolatA sun Sèn Pelegrin l'é doi test-event con doi gares de schi de eles de Copa Europa de discesa che orirà l gran event di Mondièi Junior de schi FIS dai 18 ai 27 de firé. Info www.usmontipallidi.it
Sun Ciampedìe 3° Memorial Lino Trottner
En sabeda ai 12 de jené sun Ciampedìe l grop di Alpins da Vich endreza l 3° Memorial "Lino Trottner". La garejèda de slalom lèrch taca ite da les 9.45, pel tor pèrt i Alpin e i amisc tesseré e no. L Memorial vegn dat al grop col maor numer de ponc. Info e iscrizions: info@scuolascivigo.com o tel. 0462 763125.
Doi garejedes FIS di jëuni sun Piz Sela
N sada y dumënia ai 12. y 13.1. mët l Schi Club Gherdëina a jì doi garejedes de slalom lerch per i aspiranc y juniores, mutans y mutons. L unirà pià via dala 9.30 daduman cun la prima manche y dala 12.00 cun la segonda. L fajerà pea i miëur jëuni de Südtirol, ma nce atlec y atletes de plu nazions. La premiazion sarà ntëur la 14.00 dan la ustaria Val Pudra sun Plan de Gralba.
Partides de hockey dl HC Gherdëina
Duman sada ai 12.1. dala 20.30 tl stadio Pranives de Sëlva partida dl campiunat AHL danter l HC Gherdëina y l Jesenice.
"Xtreme Up" sun Ciampinëi
N sada ai 19.1. pieràn via dala 18.30 te Sëlva ta Frëina per jì su per l purtoi dla Trëi, cun la peves, cun la ciaspes, i grifs y n.i. nchin suinsom Ciampinëi pra la furnadoia. L ie da fé 2.320 m cun n deslivel de 720 m. La festa de premiazion unirà fata ta La Stua. Per se scrì ite y per nfurmazions plu avisa: www.xtreme-up.it.

Sozial
Portel de referiment sozièl
Ogne mercol da les 16:00 a les 18:00 te Comun general, te strèda di Pré de Lejia a Sèn Jan vegn metù a jir n portel de referiment sozièl, per problemes de dependenzes o de autra sort, avert a duc e no a paament. Ge vel se prenotèr. Per informazions chiamèr l 370.3004296 o scriver a: sportello.lerais@gmail.com.

Temp lede
Batadù dla Lia da Mont
Duman sada ai 12.1. mët la Lia da Mont de Gherdëina a jì si batadù tradiziunel da 32 tla ustaria Pramulin, sëura la stazion japé de Col Raiser. L sarà da vëncer de blòt pesć. N possa se nuté su iló dala 5 da sëira inant. Per nfurmazions pudëis cherdé su Tullio al numer 335 6583216.
Freestyle skishow
N lunesc ai 14.1. dala 21.30 sun l purtoi da Frëina te Sëlva cun l Freeride Club Gherdëina. L sarà na sëira drët spetaculera cun vin cuet per duc.
Usservé la stëiles y galassies
N merdi ai 15.1. dala 21.00 dal hotel Interski a S. Cristina. A uedl y nce tres telescops pòssen ti cialé al ciel de nuet cun si stëiles, planec y galassies. N astronom fajerà nce na pitla prejentazion cun diapositives y dajerà stlarimënc. L ie da se nuté su nchin al di dant dala 6 da sëira tla Lia dl Turism de S. Cristina, tel. 0471 777800.
Jí cui schi da sëra
En mercui ai 16 de jená dales 20:00 ales 22:00, án la poscibilité da jí cui schi ince da sëra, sön la pista Doninz tl zënter da La Ila. Por podëi anuzé le lift, mësson avëi na cherta dai schi de plü dis.
Roda cun la gücia
En jöbia ai 17 de jená án la poscibilité da se fá na roda cun la gücia trata dai ciavai tl scür dla sëra. An s'incunta dales 20:45 pro la plaza da parché dlungia le Badia Pub a Pedraces, por jí do l'ega devers La Ila y indô zoruch. Prenotaziuns ti ofizi turistics dl'Alta Badia.

Cuncorsc
Val Gardena Shot of the Year
L Freeride Club Gherdëina mët a jì n contest de fotografia y video, pra chël che duc possa fé pea. L'idea ie scëmpla, jì cun i schi te Gherdëina, fé na bela foto o n video, i mandé ite a www.shotoftheyear.com. Chiche vënc uniràl cris ora da na giuria cun gran esperienza tl freeride y freestyle. L pensier do dut chësc ie che l Freeride Club ulëssa purté chësc sport danter i jëuni, ma nce manco jëuni y ti dé n fruz de mutivation deplù per jì ora danter nosc biei crëps.
Concors "Cher e talent"
L'é temp fin ai 10 de mèrz per tor pèrt a la II edizion del concors giornalistich e fotografich "Cher e talent" dedicà a la memoria del joen giornalist da Pardac Benjamin Dezulian. Chest an l'é doi categorìes: una per joegn (14-20 egn) e una per gregn. Se pel manèr ite articoi o ence retrac. Per info www.cuoretalento.it

Galaria retrac