Manifestazions atuales speziales

Data

11 de jené 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 11 de jené
Jita cun la peves tl Iran cun l Damawand
Dai 16 nchin ai 29 de merz 2019
La scola de alpinism Catores mët a jì n bel viac de schi alpinism tl Iran, ulache l vën jit sun l crëp plu aut dl Iran, l Damawand 5.671 m.
Jiron a ti cialé ala ziteies de Tehran y Tabriz y n pudrà nce jì a nudé tla "hot spring".
L se trata de na jita plutosc ria.
Per plu nfurmazions pudëis cherdé su l mëinacrëp Hubert 335 6380061.

Curs de pudejé 2019
La Scoles de Schi de Gherdëina mët a jì chësc curs uni sada domesdì te Val te Sëla
L curs de pudejé scumëncia n sada ai 12.1. dala 14.00 te Val y dura nchin la 16.00.
L curs ie per duc i mutons y la mutans dla scoles elementeres y mesanes de Gherdëina. L vën nsenià la tecnica de basa y la tecnica liedia per 8 sades alalongia, fajan juesc y vel' pitla jita te Val.
N puderà nce purvé a stlupeté tl ban' dal scies de biathlon!
Chëi che uel fé pea à mé drë de se prejenté n sada domesdì mpue dan la 2 domesdì te Val.
Nfurmazions plu avisa giàpen: per la Scoles de Schi de Gherdëina da Arnold Runggaldier 335 6600933 o da Karin Moroder 346 4121787.
Da paië ite iel 80 €, per mpresté l material da pudejé 40 €.

La Val: conzert de musiga classica
Musizisć dla Orchestra Giovanile Luigi Cherubini de Riccardo Muti y le grup "Ressonn" inviëia bel a n conzert de musiga classica, ai 16 de jená dales 20:30, te dlijia da La Val
Le conzert vëgn tigní en mercui ai 16 de jená dales 20:30, te dlijia da La Val. N cuartet de violes y n sestet de possaunes portará dant toc aranjá da Brahms, Bruch, Mozart, Saint-Saëns, Bach, Mahler, Cespo, Verhelst. Sides les violes che les possaunes é stromënc che á n corú de sonn che i somëia ala usc dla porsona. Chëstes döes formaziuns cheriará porchël n sonn particolar y plëgn.

Cursc da jadiné
L'Ice Club Alta Badia organisëia cursc da jadiné por prinzipianc y progredis
Por mituns y mitans dai 4 agn insö. I cursc jará inant por za. 3 mëisc. Le curs por mituns che sá bele n pü' da jadiné mët man ai 14 de jená dales 16:00 y jará inant vigni lönesc y/o vigni mercui dales 16:00 ales 16:45. Al é la poscibilité da fá un o dui iadi al'edema.
Le curs por prinzipianc vëgn tigní n iade al'edema. Por i plü pici (mituns dla scolina) mët man le curs en jöbia ai 17 de jená y jará inant tres la jöbia dales 15:30 ales 16:15. I plü gragn, aladô dl numer de scric ite, gnará despartis al lönesc o mercui dales 16:00 ales 16:45.
Le cost dl curs é de 110,00€ por un n iade al'edema y 180,00€ por dui iadi. Informaziuns y iscriziuns cherdé sö o scrí anter i 12 de jená al 333/2930586 (Renate).

Sant Antone a Antermëia
Le paisc d'Antermëia s'arjigna ala festa de patrozine, en jöbia ai 17 de jená
Sciöche al é usanza, organisëia la Ploania d'Antermëia ince chësc ann la tradizionala festa a onur de Sant Antone abat, patron dla ciaussa y dla dlijia d'Antermëia. La festa sará en jöbia ai 17 de jená a Antermëia.
Le program dl de mët man dales 9:00 cun la Corona y spo dales 9:30 la santa mëssa a onur dl Sant. Inant vára domisdé cun le Batadú de Sant Antone, tl salf dles manifestaziuns. I cartadus s'abina dales 14:00. Al ne gnará nia ma carté, mo al sará ince la poscibilité da davagné de bi pesć cun na ola dla fortüna y d'atri jüc. Düc é bel inviá da tó pert. Les entrades dla manifestaziun vá a fin de bëgn, por la dlijia dl paisc d'Antermëia.