Manifestazions atuales speziales

Data

01 de fauré 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 1 de fauré
Dé dla porta daverta tal Vinzentinum
Le gymnasium da Porsenú rich de tradiziun se prejentëia
En vëndres, ai 15 de forá dales 8.30 ales 12.30 y dales 14 ales 17 y en sabeda, ai 16 de forá dales 8.30 ales 12.30 vëgnel metü da jí tl Vinzentinum a Porsenú dis dla porta daverta. Scolares y scolars cun sü geniturs pó vijité, zënza s'anunzié danfora, le gymnasium y l'internat y s'informé sön les ofertes dl Istitut. Dal altonn 2013 incá vëgnel tut sö tal internat ince mitans.
Istitut Episcopal Vinzentinum
Scora Mesana | Gymnasium | Internat
Strada Prener 37, I-39042 Porsenú
Informaziuns por ladin sora la ćiasa: www.vinzentinum.it/lad

Nessa&Band y Blue Folks sona tl SaJ.un
1.st.friday.live.session@saj.un, incö vëndres al 1. de forá dales 21:00 inant
Pro le proscim conzert tl Zënter Cultural SaJ.un incö al 1. de forá, sarál da aldí dales 21:00 inant le grup ladin "Nessa&Band", che portará dant cianties de stil jazz, blues, soul y pop. Ai á ligrëza da sperimenté cun la musiga moderna y sona y cianta te süa manira toc conesciüs.
Le conzert vá inant cun la band "Blue Folks". Le ciantarin Manuel Gruber, le chitarist Thomas Mitterhofer, le pianist Leonhardt Kinzel y le baterist Jakob Reiterer sona y interpretëia cianties de grups rock che é jüs tla storia ti ultims dezens. L'entrada é debann.

Show sön i schi a Corvara
En lönesc ai 4 de forá: desmostraziuns cun schi y brëia, acrobazies tl aier y ince n spetacul cun la liösa a motor
La Scora de Schi da Corvara-Ladinia, en colaboraziun cun l'Assoziaziun Turistica da Corvara, mët da jí en lönesc ai 4 de forá na skishow sön la pista Abrusé dlungia le lift Boé a Corvara. I maestri dla scora de schi fajará na desmostraziun dles tecniches dl jí cun i schi, dal schi alpin al telemark y ince le jí cun la brëia do le ritm dla musiga. Implü sarál ince l'acrobatic ski & snowboard team Pirates che mostrará de vigni sort de acrobazies tl'aria. Le publich podará te chësta ocajiun amiré i salc y le spetacul rich d'adrenalina dl campiun de liösa a motor Alex Ploner da San Ciascian. La manifestaziun mët man dales 21:00 y sambëgn ne manciarál nia tröp devertimënt y musiga cun le DJ.

Campionac europeics a La Val-Lungiarü
Tl secundo fin dl'edema de forá 2019 á i paisc da La Val y Lungiarü l'onur de ospité la cuarta ediziun di campionac europeics de liösa alta y de liösa da fëgn
Plü de 200 atlec da plü paisc dl'Europa rovará alerch a se mosoré sön la pista dla liösa "Do Juvel" a Lungiarü, por se porté a ciasa le titul de campiun. L'evënt, organisé dala Uniun dl Sport da La Val en colaboraziun cun les uniuns dl paisc, mët man le vëndres sëra ai 8 de forá dales 18:00, tl zënter a La Val cun la zerimonia ofiziala de daurida y jará spo inant la sabeda da doman dales 8:30 a Lungiarü, cun les gares por le Gran Pest d'Europa sön la pista "Do Juvel". La sabeda sëra dales 17:00 se sposta la festa tl salf dles manifestaziuns da La Val cun la premiaziun y l'estraziun di petorai por les finales dla domënia. La festa gnará acompagnada dala band "Sunnseitbrass", formada da set talënc de stromënc a fle de Südtirol. Dales 21:00 jará inant la festa cun la EM-after race party, abelida dala band todëscia de musiga popolara da festa "Besenskracher"!
Les finales di campionac europeics dla domënia ai 10 de forá metará man dales 10:00 a Lungiarü y jará inant sön le domisdé cun la premiaziun finala y festa de conclujiun tl tendun jödapé dla pista.
En gaujiun de chësc fin dl'edema de sport, á i organisadus lauré fora n program de cornisc spezial, por ti porté dant ai ghesć da foradecá la cultura y les tradiziuns de nostes valades ladines. Do les gares, tignides ia por le de a Lungiarü, podará i apascioná tó pert ales premiaziuns ofiziales sciöche ince ales after-race parties tl "EM-Village" a La Val.
Emoziuns, tenjiun, campiuns dla liösa, musiga y tröp devertimënt Ves aspeta de forá a La Val y Lungiarü en ocajiun di campionac europeics. Düc é dër bel inviá!