Manifestazions atuales

Data

15 de fauré 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 15 de fauré
Mostres y Ert
N percors sciamanich tel bosch de Beuys
Tel Museo d'Èrt Contemporana de Ciavaleis l'é la mostra "Walking in Beuys woods" rencurèda da Antonella Palladino e Elio Vanzo: n percors de Hannes Egger sul troi de Joseph Bauys, anter om e natura, te n prozess de consaputa e varijon. Averta de sabeda e domenia h. 15.30-19.00.
"Shapes and colors" de Matthias Sieff
Ncuei vënderdi 15.2. dala 20.30 te Tublà da Nives te Sëlva giaurida dla mostra cun la critica d'ert Mariangela Bognolo. L moster scultëur, che à fat l'Università d'ert a Viena, prejenterà si ert che ie baseda sun l stude dla formes dl corp, zënza abadé massa ala pruporzions y depëntes cun culëures stersc che dà scialdi tl uedl. La mostra resterà davierta nchin ai 10.3. uni di dala 16.00-19.00, mé de lunesc iela stluta.
Mostra de pitures de Herbert Comploj
La pitures a uele y nce pitures monocromes sun l tema "Harmony" ie da udëi mo nchin ala fin de fauré tl Café Surëdl, tla streda Roma 101 a Urtijëi, daviert de lunesc dala 13.00 ala 19.30 y da merdi nchin sada dala 10.00 ala 19.30.
Cëves de Sergio Sommavilla
Per "Kunst im Gange" tla cësa de Chemun a Laion iel da udëi la mostra de Sommavilla, che à vivù te Gherdëina y à fat tlo la Scola d'Ert. Bele da n pez se dàl ju cun cëves. Ora dla ideies metudes ju n iede sun papier vëniel a s'l dé, do avëi laurà n struf lessù, nia portrets ma cëves drët fantajiëusc. Ala mostra pòssen jì a ti cialé canche l Chemun ie daviert.
150 ani dala prima arpizeda de Saslonch
Per l'ucajion de chësc anuel iel da udëi tl raion de jì a pe de Urtijëi na mostra de fotografies che à da n fé cun la arpizedes dl Saslonch dal 1869 incà.
Ivan Lardschneider a Lenzerheide
Tla galaria Pesko tla Voa Principala 56 a Lenzerheide tla Svizra iel da udëi na mostra persunela dl'artista scultëur de Sëlva Ivan Lardschneider, ulache l à metù ora vint de si lëures d'ert ziplei tl lën de linda o jetei tl bront. La mostra resterà davierta nchin ai 10.3., uni di.
La operes de Schweizer a la galarìa Tanart
Insnet, vender ai 15 de firé da les 18.30 a la galarìa Tanart, te Strèda Roma 66 a Cianacei vegn inaugurà la neva mostra de Riccardo Schweizer, pitor e fotograf da Primier, con la partezipazion de Maurizio Scudiero. La mostra é averta dal mèrtesc a la domenia da les 10.30 a les 12.30 e da les 16.00 a les 19.30 fin ai 31 de mèrz.

Televijion y Radio
RADIO
"LADINIA LIVE": Microfons davierc sun atualità y cultura
La trasmiscion ie da audì uni merdi y mierculdi dala 13:45 ala 14:00 sun la frecuenzes de RAI LADINIA
La trasmiscion "DAI CRËPS DL SELA" ie da audì uni di dala 19:05 ala 19:30 sun la frecuënzes de RAI LADINIA
Vender, 15 de furá - Sëlva – la familia tl zënter
L Chemun de Sëlva ti vën scialdi ancontra ala families y bele l fat che te Sëlva paia la families la mëndra tarifa de dut Südtirol per mandé si mutons te scolina desmostra chësc. Sun la scumenciadives che vën pitedes per sustenì la families vëniel rujenà ntan chësta trasmiscion: ghest te studio ie cun l'assessëura al soziel y ala families Christine Senoner. Trasmiscion de Georg Mussner.
Lunesc, 18 de furà - Ladins ai campiunac mondiei de Seefeld
Dai 19 de faurè ai 3 merz iel a Seefeld tl'Austria i campiunac mundiei de schi nordich. Nce te chësta ucajion cun deplù atlec ladins, sies medrë de Gherdëina. Cunscidrazions cun l trainadëur dla naziunela taliana Romed Moroder. Program de Leo Senoner.
Mercui, 20 de furá - Raides: Rodeneck e Eppan depenc a fresch
Tres i depenc a fresch se pel lejer vèlch toch de storia. Insnet Claudia Conta ne conta di depenc a fresch de Ciastel Rodeneck e de chi de la Burgkappelle de Schloß Hocheppan con la Knödelesserin, la magnabales. Enteressant ence l carnascèr deTramin. Program de Anna Mazzel.
TELEVIJION
Mertesc, 19 de furá dala 20:50 - Turism tla Ladinia: La sconanza dl ambiënt
Aldedaincö se prô nia ma porsones privates, mo ince tres deplü strotöres turistiches por la sconanza dl ambiënt, nia ma cun formes de energia alternatives y renovables, mo ince cun n gromun de d'atres piceres cosses, che por tröc é bele deventades n stil de vita. Program de Karin Pizzinini, camera y tai Fulvio De Martin, a cura de Anna Mazzel.
Mercui, 20 de furá dala 20:50 - Trail spezial: Dyonisos rising
La cuinta tlasses dl Lizeum d'Ert Cademia ie la prutagonistes de n proiet de mujiga dedicà ala opres dl cumponist Roberto David Rusconi. A cura de Alexia Grossi.
Juebia, 21 de furá dala 20:50 - Spëisa ladina saus da zacan: Gnoch da ciote y ciajó Puzzone da Moena
Tla trasmiscion Spëisa Ladina an podará descurí ma rezeta de Fascia cun le cogo Stefano Croce dl agritur El Mas da Moena. Al gnará arjigné ca gnoch da ciote cun le ciajó Puzzone da Moena y përs. Le proprietar dl agritur, Michelangelo Croce, mostrará süa ciasa y danter l'ater gnarál baié de tradiziun cun le presidënt dl'Uniun di Ladins de Fascia Fernando Brunel. Program de Concetta Bonaldi, a cura de Anna Mazzel.

Informaziuns plü menüdes söi programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota "Mediateca" y les trasmiscions radio sota "Podcast".

Temp lede
Batadù a ponc
Ai 23.2. dala 14.00 a Runcadic tla Cësa dla Lies mët l KVW de Urtijëi a jì l batadù. N possa se scrì ite dala 13.30 inant y da paië ite iel 10 €. N ne à nia drë de tò pea n cumpani, uniun possa nce fé pea da sëul. N giaperà velch da maië y da bever y l sarà de blòt pesć da vëncer.
Festa da Carnescià cun i Pëufla
N Juebia Grassa ai 28.2. dala 20.00 inant tla sala dla mostres dl Circolo/Lia Mostra d'Ert a Urtijëi festa cun l titul "Heroes of the night". I Pëufla sunerà dala 21.00 inant. Unide duc mascarei. Metù a jì dala Nëus Jëuni Gherdëina.
UML: Cun la liösa a tëmp de löna
L'Uniun Maestri Ladins mët da jí en vëndres ai 15 de forá na serada cun la liösa a tëmp de löna, sön Börz. An s'incunta dales 18:30 sura Fornela. Al sará cëna tla Ütia de Börz y dedô rait cun la liösa. Bëgnodüs é ince chi che ó ma gní a cëna. Cost por la cëna: 20,00€. Infos y prenotaziuns anter i 15 de forá dales 12:00 pro Consolata Nagler al 349/6475339.
"Kids Ski show" a Badia
En mercui ai 20 de forá dales 18:00 él a Badia, jödapé dl lift da La Crusc, n spetacul söi schi cun i mituns. An podará odëi na desmostraziun di mituns dl Ski Team Alta Badia, n valgügn mituns mostrará la tecnica dl telemark y al ne manciará gnanca le grup acrobatich Pirates Freestyle Alta Badia cun sü salc y acrobazies. I mituns pó tó pert al rait a val cun i chentli. Infos y prenotaziuns pro la scora de schi de Badia.
Defileda de Carnescià a Urtijëi – la plu bela mascres vën premiedes
N Juebia Grassa ai 28.2. dala 15.00. Granc y pitli ie nviei a fé pea se lascian tumé ite vel' blòta mascra. La plu beles unirà premiedes sun Plaza de Dlieja, ulache l sarà nce mpue de festa cun mujiga DJ y de bon crafons. De majera grupes o carëc ie priei bel de se nunzië danora tla Lia dl Turism (tel. 0471 777600 o ortisei@valgardena.it.).
L'Uniun Maestri Ladins vá cui schi
L'UML inviëia a n de d'aorela cörta söla nëi, en sabeda ai 23 de forá, tl raiun de Gitschberg-Jochtal, Meransen-Vals. Al é da s'anunzié anter i 20 de forá pro Inge Dejaco, al 339/1696311.

Iadi, jites y escurscions
Cun les ciaspes sön Arparora
La Lia da Munt Ladinia - Val Badia mët da jí en domënia ai 17 de forá na jita cun les ciaspes sön Arparora. Por informaziuns contaté Luigi Dapunt al 348/4096357.
Viac a Praga cun l KVW
La grupa KVW de Gherdëina fej al savëi che chisc dis vëniel tëut su la iscrizions per l viac dai 25. ai 28.4. tla Republica Ceca, ulache n jirà a vijité la ziteies de Pilsen y de Praga cun si bel ciastel, si plazes y puenc. Sun l viac de ëuta fermeràn a Budweis, drët cunesciuda per l pier. Per info o per se scrì ite cherdé su Emmerich Senoner, tel. 335 5713575.
Cun l KVW a Dresden
Dai 7. ai 10.6. (Pasca de Mei) mët l KVW de Urtijëi a jì n viac a Dresden per jì a ti cialé ala truepa marueies dla zità. N furnerà nce cun la berca sun la Elbe da Dresden a Pillnitz y fajerà na jita tl parch naziunel "Sächsische Schweiz". L viac ie daviert a duc! Bele śën pòssen apusté l viac da Reziatours a Urtijëi, tel. 0471 798500.
Jita de schi alpinism tla valeda de Gschnitz
N dumënia ai 24.2. mët la Lia da Mont de Gherdëina a jì n na jita de schi alpinism te Gschnitztal sun l Blaser (2.241 m). L sarà da fe n deslivel de n 1.050 m y da jì n 3 ëura. N possa se scrì ite nchin n vënderdi ai 22.2. da Ciofs Inge, Sport Malsiner (cësa Panaval) y Sport Bruno Riffeser. Per plu nfurmazions cherdé su Arnold al 333 4377171.

Musiga
"Lettere d'amore": conzert dl Pinzimonio Vocale
En domënia ai 24 de forá dales 20:00, te scora de musiga d'Al Plan. Le Pinzimonio Vocale adöm cun le liutist Pietro Prosser y i violinisć Josef Höhn y Andrea Ferroni porta dant musiga profana de Hieronymus Kapsperger, Claudio Monteverdi y d'atri. Al vëgn metü le focus sön les "villanelle", cianties cun contignü popolar a plü strofes cun carater da bal a öna, döes o trëi usc, che gnará portades dant da Gudrun Mayrl, Stefanie Watschinger y Irene Clara. Danterite liará dant Simon Kostner lëtres d'amur.

Avisc
Dé ite la manifestazions te www.manif.it
L Servisc Furmazion Gherdëina uel lecurdé duta la lies che per publiché la manifestazions de auril, mei, juni y lugio tl "Cudejel dla manifestazions", ieles da dé ite nchin ai 3.3. tl portal www.manif.it. La manifestazions dates ite tl Manif vën nce mandedes inant ai media ladins y nsci dates tres y publichedes plu iedesc. Les ruva nce ite tla plates de chemun sce dates ite per tëmp y ëura. Duta chësta formes de retlam ie debant per la lies, perchël nuzëve de chësc servisc!
Senteda generela dla Lia per Natura y Usanzes
Ncuei vënderdi ai 15.2. dala 20.00 tl sotët dla Cësa de Cultura a Urtijëi. Do la prejentazion cun fotografies dl'atività fata y la relazions cun rëndicont de cassa, saràl nce la vela dl cunsëi nuef. Duc i nteressei ie nviei ala sëira y a purté dant minonghes, ideies y prupostes ntan la descuscion.
Di dla porta davierta tl Vinzentinum
Ncuei vënderdi ai 15.2. dala 8.30-12.30 y dala 14.00-17.00 y duman sada ai 16.2. dala 8.30-12.30 à sculées y sculeies cun si genitores la puscibltà de vijité, zënza se nunzië danora, l gymnasium y l internat y se nfurmé n cont de cie che l Istitut pieta.
Udiënzes dla Uniun di Ostis
La Uniun di Ostis HGV tëgn udiënzes ince tla Val Badia, vigni secundo y cuarto lönesc dl mëis, dales 16.00 ales 17.00 tla ciasa de Comun a Badia.
L'Ofize de "Ëres dëida Ëres"
L'ofize a Bornech é da ciafé tla str. Paul von Sternbach nr. 6, info.bruneck@frauenhelfenfrauen.it. Al é davert dal lönesc al vëndres dales 8.30 ales 11.30. Fora de chësc orar, vëgnel tut sö termins sön prenotaziun. Tel. 0474/410303.
Iniziativa di ëi de Puster - MIP
L'ofize dla MIP - Männerinitiative Pustertal dëida i ëi y peri pro caje de devorz, pîta aiüt por ciafé na soluziun te situaziuns de dificolté. L'ofize é da ciafé tl Paternsteig nr. 1 a Bornech y é davert lönesc 14-19h, mercui 14-19h y vëndres 8-12h, telefon: 0474/555848, info@mip-pustertal.it
Concors "Cher e talent"
Fin en lunesc ai 18 de firé se pel se scriver ite al concors giornalistich e fotografich "Cuore e talento" dedicà a la memoria del joen giornalist da Pardac Benjamin Dezulian. Chest an l'é doi categorìes: joegn (14-20 egn) e gregn. Per manèr ite articoi e retrac i enscinué à temp fin ai 17 de mèrz. Info www.cuoretalento.it
Al via i Mondièi te Fascia
Per 10 dis Fascia sarà teater de la competizions di Campionac Mondièi Junior de schi alpin. L'inaudazion de chest event se anunzia desche n gran spetacol che vegnarà endrezà en lunesc ai 18 de firé da les 18.00 te Piaza Marconi a Cianacei. Info e program de la competizions su www.valdifassa2019.com
Mascherèdes ta Penìa
L Grop de la Mèscres de Dèlba e Penìa à endrezà 2 mascherèdes per chest an da Carnascèr. Te la veia scoles de Penìa h. 20.30 vegnarà spilenà ai 28 de firé, jebia grassa, "N pat a vita" de Simon de Giulio e ai 5 de mèrz, mèrtesc gras, "Vic e ac te na cèsa de mac" de Stefen Dell'Antonio Monech.
Radunanza de la Coprativa de Ciampedel
La Coprativa de Ciampedel chiama ite i sozi per sia radunanza generèla en domenia ai 17 de firé da les 15.00 te teater de l'Oratorie. Vegn portà dant bilanz e atività.
Sègra de Sènt'Ugèna
En sabeda ai 16 de firé Comun General e Pro Loco de Vich i endreza la sègra per la Patrona de Fascia. Da les 9.30 da l'oratorie de Vich pea via la procescion fin sa Sènt'Ugèna, olache da les 10 l'é messa grana col Piscop Lauro. Dò messa te Ciasa de Comun a Vich vegn prejentà i dessegnes di studenc che à tout pèrt al concors.

Cursc
Ie pa storia ti pascion?
Ues'a cunëscer la culezions riches dl Museum Gherdëina y dé inant ti savëi? Pona te nvions a fé pea n curs de furmazion, cun pedagoghes y esperc dl Museum, ntan trëi domesdis tl mëns de merz y auril 2019. Per nfurmazions y per te lascé nuté su posses cherdé su nchin ai 28.2. tl Museum Gherdëina, tel. 0471 797554.
Curs per se njenië ca a parturì
Per ëiles che aspieta y genitores dl daunì, che à l terminn de auril/mei 2019. L'ancuntedes sarà tla palestra dla cësa de paussa a Urtijëi, dai 4.3. ai 8.4.2019 uni lunesc dala 16.00 ala 18.00/19.00. Iscrizions: CUPP tel. 0471/457457, 8.00-16.00 dal lunesc al vënderdi; email vormerkung.bz@sabes.it; ëifoma 0471/797778, assistënta sanitera 0471/794290.
Introduziun al biatlon
En mercui ai 20 de forá dales 9:30 án a San Ciascian la poscibilité da imparé adöm cun n maester de biatlon les carateristiches de chësta disciplina. Iscriziuns ti ofizi turistics dl'Alta Badia o diretamënter pro le zënter de paslunch Saré a San Ciascian.
Curs de ladin por prinzipianc
Organisé dal Istitut Ladin Micurá de Rü. Al vëgn tigní dai 11 de merz ai 6 de ma, vigni lönesc dales 19:30 ales 21:00, te Istitut. Infos: 0474/523110 o formaziun.vb@micura.it

Dotors y Apoteches
Dotors
L dutor de servisc te Gherdëina da n sada ai 16.2. dala 8.00 daduman nchin la 8.00 daduman de n lunesc ai 18.2. ie l dutor Michael Trocker de Urtijëi, streda Promeneda, tel. 388 2580002.
Doturs Val Badia: Ti comuns de Corvara, Badia y La Val él en sorvisc tl fin dl'edema di 16 y 17 de forá le dotur Alberto Caretta, Badia, tel. 0471/839706 o 380/3161999. Ti comuns de Mareo y San Martin él en sorvisc le dotur Luca Galiazzo, tel. 342/5181295.
Apoteches
L'apoteca che ie de servisc per Gherdëina, ora dl orar ordiner de giaurida, da n vënderdi ai 15.2. nchin n vënderdi ai 22.2. ie chëla de Ciastel, tel. 0471/706323 (orar: lu-ve 8.30-12.00/15.00-19.00, sada 8.30/12.00. Turnus: sa. 8.30-12.00/16.00-19.00, du. 10.00-12.00).
L'apoteca en sorvisc tla Val Badia, fora dl orar ordinar, dal vëndres ai 15 de forá dales 19:00 al vëndres ai 22 de forá ales 19:00, é chëra da La Ila, tel. 0471/847152.

Sport
Sëires de volley
Uni mierculdi dala 20.15 inant tla palestra dl ITE pieta la Nëus Jëuni la sëires de "pallavolo". Duc ie nviei de cuer a unì a fé pea. L ie debant y n ne à nia drë de se lascé nuté su.
Pudejé da luna colma
N merdi ai 19.2. dala 20.00 nchin la 22.00 nvieia l Schi Club Gherdëina a unì sun Pana a pudejé da luna colma. La ntreda tl zënter de pudejé ie n chësta sëira debant, l mprëst dai schi ie daviert y leprò puderàn se sciaudé pra mpue de vin cuet.
Partides de hockey dl HC Gherdëina
N merdi ai 19.2. dala 20.30 jugherà tl stadio Pranives de Sëlva saràl la partida dl campiunat AHL danter l HCGherdëina y l VEU Feldkirch. N jubia ai 21.2. for dala 20.30 te Sëlva jugherà l Gherdëina contra i "Adler" de Kitzbühel.

Chino
Chino de Cianacei
Insnet, vender ai 15 de firé h. 21.15, en domenia ai 17 e en mercol ai 20 da la medema ora, se pel veder "10 giorni senza mamma". En mercol ai 20 h. 17.15 l'é enveze en program l film de animazion "Dragon Trainer. Il mondo nascosto".
Chino de Tieser
Insnet, vender ai 15 de firé h. 21.15 l'é en program "Green Book".
Chino de Pardac
Insnet, vender ai 15 de firé e en domenia ai 17, h. 21.15 vegn moscià "Ricomincio da me", en sabeda ai 16 h. 17.00 e 21.15 e en domenia ai 17 demò h. 17.00 se podara veder "Remi". En vender ai 22, semper h. 21.15, l'é en program l film horror "Crucifixion".

Sozial
Scontrèdes de auto mutuo aiut
La sociazion Rencureme, col patrozinie del Comun de Sèn Jan, à endrezà na lingia de scontrèdes de auto mutuo aiut con la psicologa Cristina Rizzi per familières e care giver de persones con demenza. L'enconter che vegn sarà en mercol ai 20 de firé h. 20.30 te Ciasa de Noscia Jent a Poza.
Portel de referiment sozièl
Ogne mercol da les 16:00 a les 18:00 te Comun general, te strèda di Pré de Lejia a Sèn Jan vegn metù a jir n portel de referiment sozièl, per problemes de dependenzes o de autra sort, avert a duc e no a paament. Ge vel se prenotèr. Per informazions chiamèr l 370.3004296 o scriver a: sportello.lerais@gmail.com.

Referac
Matrimone y familia al didancuei
N vënderdi ai 22.2. dala 20.00 tl local di jëuni te calonia a Urtijëi, rujenerà l prof. dr. Peter Egger de ciuldì che l matrimone y la familia ie tan mpurtanc y de ce pusciblteies y ce deficulteies che l matrimone cristian porta cun sé. L matrimone ie per seculi stat n bon model de cunvivënza. Ne iel pa śën nia plu atuel o mpo mo?
Prim aiut per pitli
N mierculdi ai 20.2. dala 20.00 tl local Matada tla Cësa de Cultura a Urtijëi dajerà la duturëssa Cordula Weber cunsëies a genitores, nëinesc y laves, de co se astilé te caji de emergënza cun pitli mutons. Metù a jì dal VKE.

Cuncorsc
Val Gardena Shot of the Year
L Freeride Club Gherdëina mët a jì n contest de fotografia y video, pra chël che duc possa fé pea. L'idea ie scëmpla, jì cun i schi te Gherdëina, fé na bela foto o n video, i mandé ite a www.shotoftheyear.com. Chiche vënc uniràl cris ora da na giuria cun gran esperienza tl freeride y freestyle. L pensier do dut chësc ie che l Freeride Club ulëssa purté chësc sport danter i jëuni, ma nce manco jëuni y ti dé n fruz de mutivation deplù per jì ora danter nosc biei crëps.

Teater
Teater "La Mandragola"
Les studëntes y i studënc dla IV Lizeum Linguistich y Lizeum dles Sciënzes Umanes da La Ila inviëia ales rapresentaziuns dl proiet teatral "La Mandragola" de Niccoló Machiavelli, ai 24 y 27 de forá dales 20:00 y ai 28 de forá dales 10:00 danmisdé, tres tla Ciasa dla Cultura a La Ila.

Religion
Pelegrinaji a Medjugorje
Al vëgn organisé dui pelegrinaji: un de 6 dis dai 24 ai 29 d'aurí, n secundo de 5 dis dai 22 ai 26 de ma. Por informaziuns y prenotaziuns cherdé sö le 0471/843077 o 344/2726701.

Galaria retrac