Manifestazions atuales speziales

Data

08 de merz 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 8 de merz
Show sön i schi a Corvara
En lönesc ai 11 de merz: desmostraziuns, acrobazies, adrenalina cun la liösa a motor. Y lapró ince la poscibilité da davagné de bi pesć
La Scora de Schi da Corvara-Ladinia en colaboraziun cun l'Assoziaziun Turistica da Corvara-Calfosch mët da jí en lönesc ai 11 de merz na acrobatic ski show sön la pista Abrusé a Corvara. Dales 21:00 inant podarán odëi i maestri dla scora de schi che mostra les tecniches dl jí cun i schi sciöche ince n rait a val' cun i chentli. Implü podará i spetadus amiré les acrobazies dl "Pirates freestyle team". Le highlight dl acrobatic ski show sará "The big challenge", la desfida anter roda, snowboard, schi y telemark. I spetadus podará scomëte sön ci meso de trasport che rovará por pröm al travert, davagnan de bi pesć. Ince le campiun de liösa a motor Alex Ploner da San Ciascian lasciará le publich zënza fle cun sü salc tl'aria. Sambëgn ne manciarál nia tröp devertimënt y musiga dal DJ.

Dales Faroer cina tl'America
Le Fotoclub Val Badia inviëia en jöbia ai 14 de merz dales 20:30, tl Istitut Ladin a San Martin, a na proieziun de fotografies de Paul Erlacher dal titul "Söl iade... Impresciuns dales Faroer cina tl'America".
Paul Erlacher nes porta te trёi realtés che afascinëia dër i fotografs dla natöra: les isoles Faroer, l'Islanda y l'America. Tla pröma pert sarál da odëi les Faroer y l'Islanda cun sü contrasć che fej odëi i bi corusc stersc dl nord. Tla secunda pert pón imparé da conësce na realté desfarënta cun d'atri paesaji y n'atra vegetaziun.
Paul Erlacher é un di fotografs conesciüs dla ValBadia y á bele davagné n gröm de pesć tl monn dla fotografia. Le team dl Fotoclub s'la conforta da podëi ves saludé a chësta sëra.