Manifestazions atuales

Data

15 de merz 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 15 de merz
Avisc
A Ciavaleis Dorfmann rejona de l'Europa
Insnet vender ai 15 de mèrz h. 20.30 tel Palaz de la Magnifica Comunità de Ciavaleis per endrez del Rotary Club Fiem e Fascia vegn metù a jir na scontrèda con Herbert Dorfmann dal titol: "Luci e ombre dell'Europa nell'esperienza di un parlamentare di una Regione auronoma". Duc é envié.
Ejames de ladin
L'é avert i termins per se scriver ite ai ejames de ladin ti desvalives livìe. La domana cogn ruèr ite dant dai 29 de mèrz, portèda a man te Comun general o manèda ite per fax, racomenèda con avis de retorn o posta eletronica zertifichèda enjontan l rezepis de paament. Info e formuvlères te Comun General o a l'albo de l'ent.
Audizions del conseier ladin Luca Guglielmi
L conseier ladin Luca Guglielmi tol dant la jent ogne lunesc h. 9.15 te Comun de Mazin, h. 10.15 te Comun de Ciampedel, h. 11.15 te Comun de Cianacei; ogne vender h. 9.15 te Comun de Sèn Jan, h. 10.15 te Comun de Soraga e h. 11.15 te Comun de Moena.
La Cripl dla Pascion tla dlieja de Urtijëi
Nchin ai 21.4. iel da pudëi amiré daujin al Drap dla Pascion da Sacun nce la "Cripl dla Pascion" tla Capela dl Sacro Cuer de Gejù tla dlieja de Urtijëi. Chësta mostra la vita de Gejù dala nasciuda nchin ala mort y ressurezion. Vijita acumpanieda for de merdi dala 5 ala 6 domesdì y plu avisa ai 12, 19, 26 de merz, ai 4 y ai 16 de auril.
Detlarazions dla chëutes
Bel plan iel inò da pensé ala detlarazions dla chëutes. L KVW fej a l savëi che per la detlarazions de davani (mod. 730 o mod. davani 19) ie si ufize per n aiut n cont dla chëutes gën a despusizions. N prëia bel de fé ora per tëmp y ëura n termin te un di ufizies dl KVW. Chësc pòssen resservé nstësc, 24 ëura sun 24 y zënza messëi aspité giut al telefonn, sot a www.mycaf.eu. Sambën iel inant mesun fé ora l terminn per telefonn, cherdan su l 0471 941 704.
Borsa de lëur per studënc
Chieres'a n lëur? O es'a n lëur da pité a studënc dla tlo? Jan ite sun la plata www.njg.it posses crì o pité n lëur ntan dut l ann dajan ite ti dac. Nvion duc y dutes a se nuzé de chësc servisc. N possa nce passé diretamënter te ufize dla NJG, ulache duta la dumandes y pitedes de lëur vën publichedes sun na gran tofla. Per nfurmazions plu avisa: tel. 0471/799006 o info@njg.it.
La Comunanza Ladina a Bulsan invieia a la radunanza generala
Dutes les ladines y duc i ladins é inviés en mercui, ai 20 de merz 2019, da les 18:30 a la senteda generala (da les 17:30 pruma convocazion, da les 18:30 secunda convocazion) tl "Josef-Saal" dla Ciasa Kolping, streda Adolf Kolping 3, a Bulsan.
Iscriziuns ala Scora de Musiga Val Badia
Les iscriziuns por l'ann de scora 2019/20 pó gní fates tratan le mëis de merz cina ai 29.03.2019. I formulars é da ciafé tl secretariat dla Scora de Musiga a La Ila o te internet sot a www.musikschule.it. Por informaziuns telefonede al 0471/847748.
Udiënzes dla Uniun di Ostis
La Uniun di Ostis HGV tëgn udiënzes ince tla Val Badia, vigni secundo y cuarto lönesc dl mëis, dales 16.00 ales 17.00 tla ciasa de Comun a Badia.
L'Ofize de "Ëres dëida Ëres"
L'ofize a Bornech é da ciafé tla str. Paul von Sternbach nr. 6, info.bruneck@frauenhelfenfrauen.it. Al é davert dal lönesc al vëndres dales 8.30 ales 11.30. Fora de chësc orar, vëgnel tut sö termins sön prenotaziun. Tel. 0474/410303.
Iniziativa di ëi de Puster - MIP
L'ofize dla MIP - Männerinitiative Pustertal dëida i ëi y peri pro caje de devorz, pîta aiüt por ciafé na soluziun te situaziuns de dificolté. L'ofize é da ciafé tl Paternsteig nr. 1 a Bornech y é davert lönesc 14-19h, mercui 14-19h y vëndres 8-12h, telefon: 0474/555848, info@mip-pustertal.it
Le "Grup Sportif dl Cör Val Badia" s'incunta
La ginastica é vigni lönesc dales 18.00 a les 19.00, te palestra da San Martin. Le grup é por porsones cun problems al cör, aritmies, presciun alta, operaziuns, angina pectoris y ater. Düc pó gní pormez a odëi y porvé fora. Cost: 150,00€ al ann. Al vëgn garantí la presënza de n dotur. Referënt é Markus Winkler. Infos: Markus al 338/5867867 o le coordinadú Renato Paratscha al 348/7457309.

Musiga
Rock the Dolomites
Ai 16.3. scumencerà inò la lingia de cunzerc pra la uties da mont y ustaries te Sëlva. Uni di nchin n dumënia ai 24.3. saràl, per la gran pert do marënda via, na grupa che sona te una o l'autra utia o ustaria. Stluta ju vën la lingia de cunzerc pona cun la party dla fin de sajon n sada ai 30.3. dala 16.00 ta Col da Mulin te Sëlva. Program: www.rockthedolomites.com.
A Navalge Katia Ricciarelli
En sabeda ai 23 de mèrz h. 20.30 te teater Navalge a Moena la sociazion Prema Sai Organization onlus endreza "Music for love", conzert lirich de benefizenza con la sopran Katia Ricciarelli, l tenor Luca Canonici, l bariton Bruno Praticò, al piano Vincenzo Irelli. Prejenta l'ator Ivan Bellandi. Ge vel prenotèr al 333 3374768.

Religion
Prozesciun cun Les Staziuns da Badia a Oies
Organisada dai grups dla schira jonila y di ministranc, adöm cun le grup dles families dla Val Badia. An s'incunta dales 14:45 dan calonia de Badia. Dales 16:00 mëssa a Oies.

Dotors y Apoteches
Dotors
L dutor de servisc te Gherdëina da n sada ai 16.3. dala 8.00 daduman nchin la 8.00 daduman de n lunesc ai 18.3. ie l dutor Giuliano Piccoliori de S. Cristina, tel. 0471 792282 o 348 3301004.
Doturs Val Badia: Ti comuns de Corvara, Badia y La Val él en sorvisc tl fin dl'edema di 16 y 17 de merz le dotur Alberto Caretta, Badia, tel. 0471 839706 o 380 3161999. Ti comuns de Mareo y San Martin él en sorvisc le dotur Luca Galiazzo, tel. 342 5181295.
Apoteches
L'apoteca che ie de servisc per Gherdëina, ora dl orar ordiner de giaurida, da n vënderdi ai 15.3. nchin n vënderdi ai 22.3. ie chëla de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).
L'apoteca en sorvisc tla Val Badia, fora dl orar ordinar, dal vëndres ai 15 de merz dales 19:00 al vëndres ai 22 de merz ales 19:00, é chëra da La Ila, tel. 0471/847152.

Segres y festes
Festa de Sant Ujep a Runcadic
N dumënia ai 17.3., di de Sant Ujep y sant prutetëur dla dlieja de Runcadic, vëniel fat festa a Runcadic. Dala 10.00 saràl mëssa solene cianteda y suneda dal Cor y l'Urchestra y do mëssa ne manceràl nia i crafons da segra y velch da bever per sté mpue n cumpania.

Televijion y Radio
RADIO
"LADINIA LIVE": Microfons davierc sun atualità y cultura
La trasmiscion ie da audì uni merdi y mierculdi dala 13:45 ala 14:00 sun la frecuenzes de RAI LADINIA
Mertesc, 19 de merz dala 20:50 - Union di Ladins de Gherdëina, presidënta nueva
Ghest: Sofia Stuflesser. Conduzion Anna Mazzel.
La trasmiscion "DAI CRËPS DL SELA" ie da audì uni di dala 19:05 ala 19:30 sun la frecuënzes de RAI LADINIA
Vender, 15 de merz - Agorà: scioldi y cuntentëza (prima pert)
Argumënt de chësta trasmiscion ie i scioldi y dut cieche se raida ntëur al'economia. Iela pa propi nscila che scioldi porta daniëura cuntentëza o ie pa i scioldi la basa de nosta sozietà. A chësta y mo plu dumandes cëla l cumerzialist Hugo Perathoner de dé na resposta purtan argumënc cuncrec ma nce filosofics. Trasmiscion de Ivan Senoner.
Domenia, 17 de merz - Rock the Dolomites 2019
Bele dal 2012 incà vëniel metù a jì te Sëlva – per slungë la sajon da d'inviern – cunzerc de mujiga moderna pra la uties dl luech. Nce chëst ann iel sun l program na bela lingia de bands mpue d'uni sort cun mujiga per uni un. Te studio iel Diego Moroder, l cuordinatëur de chësta scumenciadiva.Trasmiscion de Tobias Dellago.
Lunesc, 18 de merz - UNI BZ tl radio ladin
L'Università tl radio: Rai Ladinia y l'Università de Bulsan/Persenon nvieia ala scuvierta dl mond academich te nosta Provinzia tres ntervistes, referac, proiec y scumenciadives cun i prutagonisć. Tla prima trasmiscion, l pruf. Paul Videsott, digan dla facultà de Scienzes dla Furmazion. Program de Leo Senoner.
Mercui, 20 de merz - Raides: La val de l'aisciuda
Claudia Conta ne mena tres chesta valèda ma ence tel raion sora l'Adesc con si ciastie e si cèsa noboles stravardèdes. Program de Anna Mazzel.

TELEVIJION

Mertesc, 19 de merz dala 20:50 - Deboriada: L sciaudamënt global
Ti ultimi ani à for plu persones scumencià a se dé ju cun la cuestion dl mudamënt dl tlima. Nosc planet à debujën de n mudamënt dla cuscienza ecologica dla persones y chësc mudamënt possa uniun de nëus scumencé te si pitl. Na grupa de jëuni de Gherdëina, la "Generazion tlima", cëla co sensibilisé la persones per n mond plu daujin ala natura, che feje nce manco refudam. Idea y cunzet: Ivan Senoner, produzion: Georg Penn, a cura de Leo Senoner.
Mercui, 20 de merz dala 20:50 - SunS Europe 2018
SunS Europe, l festival artistich cultural di lengac de mendranza, é ruà a si 4°edizion. Artisć e musizisć rué adalèrch da vigni cianton à viventà l festival che é ence ocajion per se cognoscer e baratèr fora idees ma l'é ampò ence mìngol de competizion. Chest an l pest é jit ai catalans Jansky. Documentèr de Marco d'Agostini, a cura de Anna Mazzel.
Juebia, 21 de merz dala 20:50 - Natura e ambient: L don del cerf
Duc i egn al scomenz de l'aisciuda, cò fenesc la sajon di amores, i cerves se pert i corgn, che dò i ge cresc sù endò da nef. N don prezious per duc chi che (e i é tras de più) va a i tor sù per i lurèr fora e i fèr doventèr de bie lurieres decoratives: mènesc per i cortìe, lampadères e lumes da desch, botons e trop auter, portan inant na tradizion veiora de nesc raions da mont. Program de Luciana Detomas camera y tai Fulvio De Martin, a cura de Anna Mazzel.

Informaziuns plü menüdes söi programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota "Mediateca" y les trasmiscions radio sota "Podcast".

Cursc
Curs de tudësch per chëi che sà bele n puech
Per chëi che à bele na bona basa y ulëssa miuré si cunescënzes de tudësch. Dai 26.3. ai 28.5. for de merdi y juebia dala 9.00 nchin la 11.00 cun Franziska Gasser, tla Bibliotech S. Durich a Urtijëi. Iscrizions ai 21.3. dala 9.00 ala 10.00 tla Bibiotech San Durich a Urtijëi. N cunlaurazion cun l Servisc Furmazion Gherdëina.
Curs de ladin per chëi che sà bele mpue
Dai 26.3. ai 28.5. for de merdi dala 18.00 ala 19.30, de ndut 8 ancuntedes, te Sëlva tl Istitut Ladin, cun Karin Comploj. L vën fat cunversazion y scrit nstësc de pitli tesć. Da se scrì ite iel nchin ai 19.3. for danmesdì pra l Servisc Furmazion Gherdëina, tel. 0471 773225, e-mail furmazion.gh@micura.it.
Purvé ora l'arpizeda sportiva
Da n mierculdi ai 27.3. inant per de ndut 8 iedesc mët l Gardenaclimb - AS Gherdëina a jì n „Schnupperkurs" de arpizeda sportiva per mutans y mutons nasciui tl 2010/2011. Per nfurmazions plu avisa pudëis gën cherdé su l 333 5235675 o l 0471 786181.
Curs per se njenië ca a parturì
Per ëiles che aspieta y genitores dl daunì, che à l terminn de juni/lugio/agost 2019. L'ancuntedes sarà tla palestra dla Cësa de Paussa a Urtijëi, dai 29.4. ai 3.6.2019 uni lunesc dala 16.00 ala 18.00/19.00. Iscrizions: CUPP tel. 0471/457457, 8.00-16.00 dal lunesc al vënderdi; email vormerkung.bz@sabes.it; ëifoma 0471/797778, assistënta sanitera 0471/794290.
Pastelné cun Ines per i sculeies dla elementeres de Gherdëina
I domesdis de pastelné cun Ines sarà for de mierculdi: ai 10.4. pastelné daviert, lascia jì ti fantajia y criatività; ai 8.3. pastelnons na scincunda per l di dl' oma. Per nfurmazions y per se lascé nuté su, cherdé su dala Nëus Jëuni Gherdëina al 0471 799006 o scrì a 339 5208685.
Introduziun al biatlon
En mercui ai 20 de merz dales 9:30 án a San Ciascian la poscibilité da imparé adöm cun n maester de biatlon les carateristiches de chësta disciplina. Iscriziuns ti ofizi turistics dl'Alta Badia o diretamënter pro le zënter de paslunch Saré a San Ciascian.
Lungiarü: Curs de LnB Motion
Le KVW da Lungiarü mët da jí n curs de LnB Motion cun Marisa Clara. An s'incunta en lönesc al 1. d'aurí dales 20:00, te palestra da Lungairü. Ara se trata de na ginastica por renforzé i muscui y les articolaziuns de döt le corp, por ti sciampé al me de spiné, me ai üfs, ales sciables, ai jenëdli y al col. Informaziuns y iscriziuns pro Marisa al 340/2756166 anter i 27 de merz.
Curs da cujiné salverjina
La Uniun dles Patrones da La Val mët da jí n curs da cujiné de döes sëres, ai 4 y 5 d'aurí, tl Hotel Pider a La Val, cun Markus Rubatscher. Informaziuns y prenotaziuns pro Valeria al 334/9327053.

Referac
Pröm aiüt cun l'ARTVA
En colaboraziun cun l'Aiüt Alpin Alta Badia vëgnel metü da jí en domënia ai 17 de merz a Corvara n de da jí cun les pels, olache al vëgn dé informaziuns de pröm aiüt tles lovines: l'ARTVA, le chirí cun la sonda, la tecnica dl ciavé tla nëi y le RECCO. Start: dales 8:30 pro la staziun a val dla sentadoia Punta Trieste. Infos: Roman al 339/4812296.
Omeopatia y meditaziun
En mertesc ai 19 de merz dales 20:00 él te biblioteca da Calfosch n referat cun Anneliese Obermann, dal titul "Omeopatia y meditaziun". Organisaziun: Consëi de Formaziun Corvara.

Mostres y Ert
N percors sciamanich tel bosch de Beuys
Tel Museo d'Èrt Contemporana de Ciavaleis l'é la mostra "Walking in Beuys woods" rencurèda da Antonella Palladino e Elio Vanzo: n percors de Hannes Egger sul troi de Joseph Bauys, anter om e natura, te n prozess de consaputa e varijon. Averta de sabeda e domenia h. 15.30-19.00.
Mostra di studenc de la Scola de Fascia
La mostra "Naufragio a Crycoal" de la Scola Ladina de Fascia resta averta te Sorastanza a Sèn Jan fin ai 22 de mèrz. Se pel jir a la veder, compagné dai studenc, ogne dì da les 16.00 a les 18.00.
"Mort y Ressurezion" de Viktor Senoner
L artista de Urtijëi se à dat ju te n valgun chedri cun l tema "mort y ressurezion" aposta per chësta mostra, che ie da udëi tla Catedrela de San Vigilio a Trënt, tla Aula San Giovanni. La mostra resta davierta nchin ai 30.4. uni di dala 9.00 ala 12.00 y dala 14.30 ala 20.00.
Parassit
La Lia Mostra d'Ert/Circolo à metù a jì nce chëst ann na mostra dl cunsëi cun lëures de Adam Demetz, Sophie Eymond, Johannes Herster, Mirko Insam, Andreas Mayr Kondrak, Medea Moroder, Fabio Perathoner, Simon Perathoner, Christine Runnggaldier y Sofia Stuflesser, chëst iede cun l argumënt "parassit". La mostra a Urtijëi ie da udëi nchin ai 24.3. uni di dala 10.00-12.00 y 16.00-19.00.
Mostra de Gustav Perathoner
Nchin ai 5.4. iel da udëi na mostra de dessënies y pitures de tieres dla Elpes, ma nce de portrec y dessënies "act" fac dal artista de Urtijëi Gustav Perathoner. La mostra ie tl Café Surëdl, tla streda Roma 101 a Urtijëi, daviert de lunesc dala 13.00 ala 19.30 y da merdi nchin sada dala 10.00 ala 19.30.
La operes de Schweizer a Tanart
A la galarìa Tanart, te Strèda Roma 66 a Cianacei, enscin ai 31 de mèrz l'é fora la operes del cognosciù artist da Primier Riccardo Schweizer. La galarìa é averta dal mèrtesc a la domenia da les 10.30 a les 12.30 e da les 16.00 a les 19.30. Info: 0462 602428 o 3408194060.

Iadi, jites y escurscions
Jita de schi alpinism tla valeda de Valgrata
N sada y dumënia ai 23. y 24.3. mët la Lia da Mont de Gherdëina a jì doi dis de jites cun la peves. L unirà fat la pizes aldò dla cundizions dla nëif. Da se nuté su iel da Ciofs Inge y Sport Malsiner ai 18, 19, 20 de merz. Per nfurmazions plu avisa pòssen cherdé su Arnold, tel. 333 4377171.
Cures y palsa a Abano Terme
Al vëgn organisé n iade de 8 dis a Abanto Terme, dai 5 ai 12 de ma. Le cost é de 620,00€ a ce te ciamena dopla (690,00€ te ciamena da un n let). Prenotaziuns anter i 20 d'aurí pro Monica Costa al 0474/590069.

Sport
24ejim Sellaronda Skimarathon
N vënderdi ai 22.3. dala 18.00 pieràl via te Sëlva 1200 schi alpinisć per fé la raida ntëur al Sela, sun de ndut 42 km de purtoies cun 2700 metri de deslivel. Garejà vëniel for a pères, sibe pra i ëi che pra l'ëiles y n jega che chëst ann saràn boni de resté sot ala 3 ëura per fé duta la raida. I miëur schialpinisć sarà ënghe inò leprò y ntëur la 21.00 aspiteràn sun Plaza Nives te Sëlva bele a ti fé festa ai prims che ruverà te travert.

Temp lede
Jí cui schi da sëra y La Falda
En mercui ai 20 de merz dales 20:00 ales 22:00, án la poscibilité da jí cui schi ince da sëra, sön la pista Doninz tl zënter da La Ila. Te chësta ocajiun vëgnel ince metü da jí le secundo apuntamënt d'La Falda, por düc i amisc dl telemark (ciarede gran info a pert!).
Spring Race Party
N sada ai 23.3. saràl inò la garejeda cun juesc da Secëda ju nchin a Urtijëi. La grupes pierà via dala 12.30 inant y se fermerà pra la uties a fé juesc drët da rì. Tl travert sun la pitla plaza S. Antone saràl dala 14.30 inant la Race Party cun DJ Ondy y DJ Simon y n giaperà nce da bever y vel' piculëza da maië. Duc ie nviei a unì a cialé, fé pea y a se devertì deberieda.
La Ila: l'ora dles stories
En lönesc ai 18 de merz dales 15:00 s'incunton te biblioteca a La Ila, olache al vëgn lit dant stories a mitans y mituns da 2 a 5 agn.

Chino
Chino de Pardac
Insnet, vender ai 15 de mèrz h. 21.25 l'é l film "La paranza dei bambini", en sabeda ai 16 h. 21.00 l'é l conzert de Dolomiti Ski Jazz, en domenia ai 17 h. 17.00 "Captain Marvel" e h. 21.15 "Modalità aereo" che vegn dat ence en lunesc ai 18. En mercol ai 20 h. 20.30 per la rassegna "Tutti nello stesso piatto" l'é "The milk system", en jebia ai 21 e en vender ai 22 h. 21.15 l'é "Copia originale".
Chino de Tieser
Insnet, vender ai 15 de mèrz h. 21.15 en 3D se pel veder "Captain Marvel" che l vegn moscià ence en domenia ai 17 h. 20.30. En sabeda ai 16 h. 21.00 e en domenia ai 17 h. 17.00 l'é l spetacol de la filo de Tieser con la scola de musega Il Pentagramma "Gli aristogmatti"; en jebia ai 21 h. 21.15 l'é "Il corriere – The mule" e en vender ai 22 h. 21.15 l'é "Un uomo tranquillo".

Teater
Teater te Sëlva
Bele da n pez incà vëniel fat proes per l pez tla rujeneda tudëscia dl autor Daniel Glattauer dal titul "Die Wunderübung". La regia ie de Emanuel Demetz y i atëures ie Mjriam Novelli, Emanuel Demetz y Ingrid Mussner. L pez vën purtà dant te calonia de Sëlva cun la prima n juebia ai 28.3, pona mo ai 30.3., 2.4., 4.4., 6.4. y 7.4. for dala 20.30. Chertes danora da Minishop te Sëlva, tel. 0471 794085. Segurëve l post bele danora che l ie mé 80 posć.

Sozial
Scontrèdes de auto mutuo aiut
La sociazion Rencureme, col patrozinie del Comun de Sèn Jan, à endrezà na lingia de scontrèdes de auto mutuo aiut con la psicologa Cristina Rizzi per familières e care giver de persones con demenza. L'enconter che vegn sarà en mercol ai 20 de mèrz h. 20.30 te Ciasa de Noscia Jent a Poza.
Portel de referiment sozièl
Ogne mercol da les 16:00 a les 18:00 te Comun general, te strèda di Pré de Lejia a Sèn Jan vegn metù a jir n portel de referiment sozièl, per problemes de dependenzes o de autra sort, avert a duc e no a paament. Ge vel se prenotèr. Per informazions chiamèr l 370.3004296 o scriver a: sportello.lerais@gmail.com.
Se dajon na man
Istituzions de Fascia e Fiem endreza 3 scontrèdes de formazion sul sostegn te la comunità. Ai 22 de mèrz te sala del Consei de Comun de Moena su l'acolienza; ai 29 al Zenter Charlie Brown a Pardac sul volontariat e ai 5 de oril, endò te Comun de Moena, sul se meter en jech. Info e enscinuazions al Servije sozièl del Comun General.
Orar nü dla "Portina por l'assistënza y la cura te Raiun Sozio-Sanitar Val Badia"
L'ofize dla "Portina por l'assistënza y cura", tl'alzada a tera é davert da aurí 2019 inant trëi iadi al'edema: le lönesc dales 14:00 ales 16:00, le mercui y la jöbia dales 10:00 ales 12:00, tel. 0474 586123 tratan chisc orars. An ciafa informaziuns de düc i sorvisc, dles poscibilités de sostëgn y alisiramënt, di aiüc esistënc, di dërc y dovëis, dl sostëgn finanziar, yii. y dëida fá de vigni sort de domandes y d'atres pratiches burocratiches.
Vëdui, vëdues y porsones sores: incuntada a Porsenú
51a Incuntada di vëdui, vëdues y porsones sores tl KVW en domënia, ai 31 de merz, dales 9:30 a Porsenú tl Forum, cun mëssa da festa, referat de Rudi Gamper cun le moto "Sag einfach danke". Domisdé aurela cörta cun le grup de teater. Prenotaziuns cina ai 27 de merz pro les surastantes dl KVW de paisc. La marëna costa 15€.
Orar dl bus: Corvara 7:00, la Ila 7:10, Pedraces 7:20, Pidrô 7:30, Picolin 7:40, Longega 7:50.
Deberieda: jon a ti cialé al joler dl Aiut Alpin
N vënderdi ai 22.3. dla 14.00 se urtons dan la Cësa de Paussa a Urtijëi, per furné ora Puntives tla sënta dl Aiut Alpin. "Deberieda" ie na grupa per se ancunté danter persones che à problems psichics o de sozialisazion cun ulenteres. Per nfurmazions tel. 0471 798015. (Respunsabla dla manifestazion: Rita Faltner).

Galaria retrac