Manifestazions atuales speziales

Data

12 de auril 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 12 de auril
Reuniun generala dla SEA
En jöbia ai 29 d'aurí dales 19:30, tl salf dl Istitut Ladin a San Martin de Tor
Pro la reuniun generala dla SEA - Sorvisc Energia Ambiënt, söl program en jöbia ai 29 d'aurí dales 19:30 tl salf dl Istitut Ladin a San Martin de Tor, gnarál traté n ordin dl de de 4 punc:
1) Relaziun dl presidënt Martin Clara sön l'ativité dl 2018; 2) Aprovaziun dl bilanz di 31.12.2018 y destinaziun dl ütl (che é a desposiziun tl ofize dla SEA a San Martin o söla plata internet www.sea.bz.it); 3) Desvalies

Step aerobica y cross fitness
La U.S La Ila/seziun Fitness mët a jí da d'aisciöda 2 cursc de fitness cun l'istrutur Thomas Valentini
I 2 cursc mët man ai 2 de ma y jará inant vigni jöbia por indöt 8 iadi, tres tla palestra grana da La Ila.
Curs de Step Aerobica
Dales 19:00 ales 20:00. Prenotaziuns al 339/1433016 cun messaje, don dant "Curs Step + inom y cognom".
Cross Fitness (High Intensity Interval Training)
Dales 20:00 ales 21:00. N bun alenamënt por döt le corp: cardio, agilité, coordinaziun y potenziamënt di muscui dles iames y dla pert alta dl corp, cun eserzizi dl crossfit y functional training. Les prenotaziuns gnará tutes sö pro la pröma incuntada te palestra.

Lech de Iseo y Bergamo Alta
Ai 25 y 26 de mei, cun l KVW de Sëlva
L KVW de Sëlva mët a jì n pitl viac de doi dis al bel Lech de Iseo, dai 25 nchin ai 26 de mei 2019, cun na jita a Monte Isola y pona vëniel nce jit a ti cialé ala bela zità de Bergamo Alta.
L prugram avisa ie da giaté te de plu butëighes de Sëlva y nce tla Stua di Seniores. L se trata de na jita nia sfadiëusa, adateda per duc.
N possa se lascé nuté su da Rudolf Mussner, cherdan su l 335 6380973 o 0471 794375 (da sëira).

"Himmelen" cunzert da Pasca
Mujiga sacrela dala Scandinavia cun l Cor de Dlieja y l'Urchesta de Santa Cristina y l Cor Flat Chaps
"Lascionse ispiré dal vënt dl nord!", chësc l pensier de Aaron Demez, dirighënt dl Cor y Urchestra de Dlieja de S. Cristina, che à ulù fé zeche de nuef per l cunzert da Pasca da chëst ann.
Cun si sensibltà de nsenië ju ciantarins y ciantarines, àn mparà ite la "Missa Popularis" de Marten Jansson, cumponist cuntemporan dla Svezia nasciù tl 1965. La mëssa ie permò stata da audì un n iede tla Talia, plu avisa a Milan. Davia che Aaron mëina nce l cor "Flat Caps" de Bulsan, iela unida s'l dé de fé velch deberieda. I cores à mparà ite i pec y se à pona ancuntà per l'ultima proes deberieda cun i sunadëures di strumënc a archët dl'urchestra de S. Cristina, che vën nseniei ju da Erwin Moroder.
La mëssa y mo d'autri pec dla Scandinavia sarà da audì n dumënia dl Ulif, ai 14.4. dala 18.00 tla dlieja de St. Pauls y coche tradizion n Pasca, ai 21.4. dala 20.00 te dlieja de S. Cristina.
Unide duc y lascëve mené te vosc pensieres cun mujiga nueva.

"Die andere Seite"
Giaurida dla mostra n dumënia ai 14.4. dala 17.00 tla sala dla Lia Mostra d'Ert a Urtijëi
Bele dan trëi ani à la Lia Mostra d'Ert abù l'idea de mëter a jì na mostra pra chëla che n valgun artisć ova giapà n ciauzel da jì cun i schi che i pudova pona trasfurmé, ti dajan n cialé ora y n senificat nuef, o nce n'autra funzion. Chëst ann à l cunsëi dl Circolo inò tëut su chësc cunzet, ma chëst iede ti iel unì sëurandat n liber a 15 artisć dl Trentin-Südtirol, che se à dat ju cun l cuntenut o la forma dl liber, svilupan ideies defin desferëntes y uniches. L ie libri che fej paruda sun na curona, libri mé da ti cialé, libri da liejer, libri da giaurì y stlù bel snel, libri da nia giaurì, libri che fej muever zech, libri che porta a n mudamënt, libri che nes fej jì inant, libri che nes mët sotsëura...
I artisć che fej pea ie: Jakob De Chirico, Leonardo De Lafuente, Markus Delago, Hannes Egger, Pierangelo Giacomuzzi, Arnold Holzknecht, Marko Kostner, Andreas Linder, Leander Piazza, Franz Pichler, Gregor Prugger, Manuel Riz, Egon Rusina, Barbara Tavella y Sara Welponer.
La mostra sarà da udëi nchin ai 5.5. uni di dala 10.00-12.00 y 16.00-19.00.