Manifestazions atuales

Data

19 de auril 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 19 de auril
Avisc
Audizions del conseier ladin Luca Guglielmi
L conseier ladin Luca Guglielmi tol dant la jent de lunesc h. 9.15 te Comun de Mazin, h. 10.15 te Comun de Ciampedel, h. 11.15 te Comun de Cianacei; de vender h. 9.15 te Comun de Sèn Jan, h. 10.15 te Comun de Soraga e h. 11.15 te Comun de Moena.
Azion da Pasca dl KVW
N dumënia de Pasca dan la gran mëssa dala 9.30 mët l KVW a jì la azion da Pasca, ulache l vën vendù cësć cun ueves ntënc, fuiacia y jiëut. Chël che n trajerà ite, jirà a fin de bën a na familia che à de bujën.
L ie da pensé ala detlarazion dla chëutes
Nteressei possa fé ora n tiermul pra l KVW per se lascé mëter ju la detlarazion dla chëutes (Mod. 730/2019 o Mod. davani 19). L ufize dl KVW per la assistënza n cont dla chëutes ie a despusizion per chësc, apustan n tiermul sot a www.mycaf.eu.
Udiënzes dla Uniun di Ostis
La Uniun di Ostis HGV tëgn udiënzes ince tla Val Badia, vigni secundo y cuarto lönesc dl mëis, dales 16.00 ales 17.00 tla ciasa de Comun a Badia.
L'Ofize de "Ëres dëida Ëres"
L'ofize a Bornech é da ciafé tla str. Paul von Sternbach nr. 6, info.bruneck@frauenhelfenfrauen.it. Al é davert dal lönesc al vëndres dales 8.30 ales 11.30. Fora de chësc orar, vëgnel tut sö termins sön prenotaziun. Tel. 0474/410303.
Iniziativa di ëi de Puster - MIP
L'ofize dla MIP - Männerinitiative Pustertal dëida i ëi y peri pro caje de devorz, pîta aiüt por ciafé na soluziun te situaziuns de dificolté. L'ofize é da ciafé tl Paternsteig nr. 1 a Bornech y é davert lönesc 14-19h, mercui 14-19h y vëndres 8-12h, telefon: 0474/555848, info@mip-pustertal.it
Corsc de respirazion e meditazion
Fin ai 30 de mé Frida Vian endreza corsc de Hata Yoga, Pilates, Piloga, ginatica posturala, tecniches de respirazion e meditazion te palestra de Pera de mèrtesc e de jebia con lezions privates e personalisèdes. Info: 338.3690654 o 345.3584410. Mail: mente.corpo.benessere@gmail.com.
Cors de Qi Gong e Tai Chi Fu Style
Disciplines energetiches orientèles te palestra de la populères a Vich. De mercol h. 18.00-19.00 Qi Gong; de lunesc h. 17.00-18.00 Qi Gong e 18.00-19.00 Tai Chi Fu Style. Ejercizies per equilibrèr e armonisèr adaté a duc. Info e enscinuazions: Irene Deflorian Biotrainer 3493264800 - mail info@irenedeflorian.it
Prejentazion del liber de P. Frumenzio Ghetta
En lunesc ai 22 de oril, tel 5° cedean de la mort de P. Frumenzio, h. 18.00 te Oratorie de Vich, Ciasa de Martin, l'Istitut Cultural Ladin prejenta l liber "La valle di Fassa nelle Dolomiti. Preistoria, romanità, Medioevo", neva edizion rencurèda da Cesare Bernard. Compagnament musical de Stefano Merighi.

Cursc
Pastelné cun Ines per i sculeies dla elementeres de Gherdëina
N mierculdi domesdì ai 8.5. pastelnons na scincunda per l di dl'oma. Per nfurmazions y per se lascé nuté su, cherdé su la Nëus Jëuni Gherdëina al 0471 799006 o scrì n sms a 339 5208685.
La Ila: ginastica sana 50+
Curs por porsones dai 50 agn insö, organisé dal KVW La Ila cun la US La Ila. Referënt é Thomas Valentini, y al vëgn tigní tla picera palestra dla Scora mesana da La Ila. Pröm iade en jöbia ai 2 de ma dales 16:30 ales 17:30, y al vá inant les jöbies cina ai 20 de jügn. Cost: 79,00€ + 20,00€ de iscriziun ala US La Ila. Infos y prenotaziuns al 0471/847200 o 338/3078479, anter i 30 d'aurí.
La Ila: Curs da soné i orghi da bocia
Organisé dal Consëi Cultural tl Comun de Badia, cun le referënt Paolo Vinati, por chi che á bele tut pert ai cursc o sá bele n pü' da soné. Al mët man en mertesc ai 23 d'aurí dales 20:30 ales 21:30, te biblioteca a La Ila. Al döra indöt 4 leziuns y costa 25,00€. Iscriziuns pro Paolo al 339/3053699.
La Ila: Curs de Step Aerobica
Dai 2 de ma inant, vigni jöbia por indöt 8 iadi. Dales 19:00 ales 20:00, te palestra grana da La Ila. Referënt é Thomas Valentini. Prenotaziuns al 339/1433016 cun messaje, don dant "Curs Step + inom y cognom".
La Ila: Curs de Cross Fitness
Dai 2 de ma inant, vigni jöbia por indöt 8 iadi. Dales 20:00 ales 21:00, te palestra grana da La Ila. Referënt é Thomas Valentini. N bun alenamënt por döt le corp: cardio, agilité, coordinaziun y potenziamënt di muscui dles iames y dla pert alta dl corp, cun eserzizi dl crossfit y functional training. Les prenotaziuns gnará tutes sö pro la pröma incuntada te palestra.
Al Plan: Curs da cujiné patüc arestí
En lönesc ai 6 de ma dales 14:00 ales 17:00, tla ostaria Garsun a Al Plan. Referënta é Loise Kastlunger. Informaziuns y iscriziuns pro Cristina al 335/8366018.
La Ila: Modern dance por mitans y mituns dla elementara
Curs cun la istruturia Alessia Demartin. Dai 6 de ma dales 15:00, vigni lönesc y vëndres por 6 iadi indöt, te palestra dla scora mesana da La Ila. Al gnará fat plü turnus aladô dla eté. Prenotaziuns al 338/8970289 tres messaje cun scrit "Curs modern dance + inom y cognom + ann de nasciüda".
Badia: decoraziuns por la festa dla uma
La Uniun dles Patrones de Badia organisëia ai 3 de ma n curs da fá na decoraziun por la festa dla uma. Al vëgn fat trëi röses cun la tecnica dl carciofe (Artischokentechnik). Prenotaziuns anter i 28 d'aurí pro Rita al 339/6870829. Le curs gnará tigní te Stüa di paurs a Badia, dales 8:30 inant.
Bulsan: Curs da cujiné speisa ladina fodoma
La Comunanza Ladina a Bulsan organiseia l curs con les paures da La Plié de Fodom ai 27 d'auril, da les 3 domesdí tla Cooperativa soziala Manu, Strada San Quirino 20/C, a Bulsan. Da se anunzié: enchin ai 24 d'auril pro Waltraud Obwexer al numer 338 6412947.

Sozial
Scontrèdes de auto mutuo aiut
La sociazion Rencureme, col patrozinie del Comun de Sèn Jan, à endrezà na lingia de scontrèdes de auto mutuo aiut con la psicologa Cristina Rizzi per familières e care giver de persones con demenza. L'enconter che vegn sarà en mercol ai 15 de mé h. 20.30 te Ciasa de Noscia Jent a Poza.
N percors per lascèr de fumèr
L Servije Dependenzes de Fascia e Fiem, col sostegn de l'APSS, endreza n percors per lascèr ló de fumèr: dai 6 ai 9 de mé a Ciampestrin te Caserma di Studafech, h. 20.00-21.30. Info e iscrizions: donatella.vanzetta@apss.tn.it o martina.volcan@gmail.com.
Portel de referiment sozièl
Ogne mercol da les 16:00 a les 18:00 te Comun general, te strèda di Pré de Lejia a Sèn Jan vegn metù a jir n portel de referiment sozièl, per problemes de dependenzes o de autra sort, avert a duc e no a paament. Ge vel se prenotèr. Per informazions chiamèr l 370.3004296 o scriver a: sportello.lerais@gmail.com.
Marcé de patüc de secunda man
La Uniun di Ëi da Lungiarü organisëia n marcé de patüc de secunda man por mituns y mitans, ai 28 de aurí dales 9:00 ales 15:30 te palestra da Lungiarü. Chi che á val' da vëne pó se prenoté cina ai 20 de aurí al 340/3242376 (18:00-21:00) o 380/5145840 (10:00-13:00).
Deberieda: jon a ti cialé ai verzons de Trauttmansdorff
N vënderdi ai 3.5. dala 13.15 se ancuntons dan la Cësa de Paussa a Urtijëi, per furné deberieda a Maran. La ntreda (14€) muessa uniun nstës se paië. "Deberieda" ie na grupa per se ancunté danter persones che à problems psichics o de sozialisazion cun ulenteres. Per nfurmazions tel. 0471 798015. (Respunsabla dla manifestazion: Rita Faltner).
Prevenzion de l'Alzheimer
APSP de Fascia e Fiem, Comun General e Comunità de Fiem con la sociazion Rencureme e la Fondazion Il Sollievo met a jir scontrèdes sui stii de vita per prevegnir la malatìes degeneratives. En sabeda ai 4 de mé h. 20.30 te Comun general rejona la d.ra Simona Gardini.

Musiga
Cunzert da Pasca
Mujiga sacrela dala Scandinavia cun l Cor de Dlieja y l'Urchesta de S. Cristina y l cor Flat Chaps. "Lascionse ispiré dal vënt dl nord!", chësc l pensier dl dirighënt Aaron Demez, che mëina nce l cor Flat Chaps de Bulsan y à ulù fé zeche de nuef per l cunzert da Pasca da chëst ann.
La mëssa y mo d'autri pec dla Scandinavia sarà da audì n Pasca, ai 21.4. dala 20.00 te dlieja de S. Cristina.
JEMM Music Project presentëia so CD nü
Le grup musical "JEMM Music Project" cun ala pert ince Max Castlunger da San Martin presentëia so album nü "Hive", plü avisa en Lönesc de Pasca ai 22 d'aurí dales 11:00 pro la Matinée Culturala a San Martin de Tor y ai 27 d'aurí dales 20:30 tl Music LAB da Sterzing. www.jemm.eu
Beicher da Pèsca col Coro Nosc a Soraga
En domenia ai 21 de oril, dì de Pèsca, da les 6 da doman l Coro Nosc da Soraga porta dant n pìcol conzert te gejia de Barbida. Sobito dò l Grop Folk dèsc fora da disnèr con cafè de orc e bracel. L Grop Folk endreza ence la Pechenada sobito dò messa grana.

Referac
San Martin: Baratada de ciüfs y pelzes, cun referat
Les Patrones dl Comun da San Martin inviëia ai 8 de ma dales 20:00 tl salf di stödafüch da San Martin, por n referat cun Alexander Huber dal titul "Wie gelingt mir ein guter Start ins neue Gartenjahr? Tipps und Tricks vom Biogärtner für einen gesunden, erntereichen und schönen Garten". Dedô sarál la baratada de ciüfs y pelzes (da dé jö dan le referat).
Badia: nostes vaces y la cualité dl lat
En sabeda ai 27 d'aurí dales 8:30 ales 12:30 él tla Ciasa J. B. Runcher a Badia le referat "Manajé miú ch'ara vá nostes vaces da lat y aumenté la cualité dl lat", cun le prof. Matthias Gauly dla Université de Balsan.

Mostres y Ert
"Die anderes Seite"
Jakob De Chirico, Leonardo De Lafuente, Markus Delago, Hannes Egger, Pierangelo Giacomuzzi, Arnold Holzknecht, Marko Kostner, Andreas Linder, Leander Piazza, Franz Pichler, Gregor Prugger, Manuel Riz, Egon Rusina, Barbara Tavella y Sara Welponer à fat ora de n liber na opra d'ert aldò se si fantajia y nmaginazion. La mostra tla Lia Mostra d'Ert a Urtijëi, Plaza S. Antone, ie da udëi nchin ai 5.5. uni di dala 10.00-12.00 y 16.00-19.00.
Cuntreda de crëps
Sigmund Holzknecht de Urtijëi mët ora si chedri tl local dl ciulé dal vin Peter Sölva a Kaltern, Goldgasse 33, che ie daviert uni di, ora che la dumënies, dala 10.00 ala 12.00 y dala 15.00 ala 20.00, nchin a mez mei.
Aron Demetz tl dialogh cun Alexander Tinei
Tla Galaria Doris Ghetta a Puntives Sud 8 iel da udëi nchin ai 20.5. i lëures de scultura de Aron Demetz y la pitures de Alexander Tinei. La galaria ie davierta da merdi nchin vënderdi ala 15.00 ala 18.00 o sun apusteda, tel. 366 1500243.
Gherdëina y la Belle Époque
La Belle Époque ie stat n tëmp de bënsté ntëur l 1900, che à durà n 30 ani tl'Europa y Gherdëina à trat profit da chësc tëmp de bënsté. La fotografies de Albert de Sodlieja ie drët adatedes per mustré su chësc tëmp passà sot ala K.u.K. Monarchie. La mostra tl Café Surëdl a Urtijëi, str. Roma 101 ie da udëi de lunesc dala 13.00-19.30 y da merdi nchin sada dala 10.00-19.30 (stlut dai 19. ai 22.4., ai 25.4. y ai 1.5.).
"Mort y Ressurezion" de Viktor Senoner
L artista de Urtijëi se à dat ju te n valgun chedri cun l tema "mort y ressurezion" aposta per chësta mostra, che ie da udëi tla Catedrela de San Vigilio a Trënt, tla Aula San Giovanni nchin ai 30.4., uni di dala 9.00 ala 12.00 y dala 14.30 ala 20.00.
"Ita est": mostra de Lois Anvidalfarei a Balsan
L'artist de Badia mët fora cina ai 18 de ma 2019 dal lönesc al vëndres dales 10:00 ales 12:30 y dales 15:00 ales 19:00, y sabeda dales 10:00 ales 12:30, tl Urt di Capuzineri y tla galaria d'ert dlungia de Alessandro Casciaro na mostra de scultöres sot al titul "Ita est".

Religion
Pelegrinaje a Vals
N mierculdi domesdì ai 24.4. nvieia la Paures de Gherdëina a fé pea l pelegrinaje dla paures dl raion dla Val dl Isarch a Vals cun Sn. Peter Irsara. Per se lascé nuté su nchin duman sada ai 20.4. y per nfurmazions plu avisa cherdé su Beatrix, tel. 335 6598647.
Mëssa per l di dl laurant
N mierculdi ai 1.5. dala 8.00 nvieia l KVW de Sëlva ala mëssa cun benedescion dla massaria y di auti.
Iade da Padre Pio dala Val Badia demez
Al vëgn pié ia tla Val Badia la sabeda ai 27 d'aurí 2019 dales cater da doman da Corvara demez, por jí cina a San Giovanni Rotondo, olache an stará cina en mertesc ai 30 d'aurí 2019. Por informaziuns y prenotaziuns: tel. 0474 520013.

Temp lede
Peché cun i Jëuni de Sëlva
N Pasca ai 21.4. do mëssa, sce ëis ueia de ve la ciaculé, po unide sun plaza de dlieja cun i jëuni a peché!

Televijion y Radio
RADIO
"LADINIA LIVE": Microfons davierc sun atualità y cultura
La trasmiscion ie da audì uni merdi y mierculdi dala 13:45 ala 14:00 sun la frecuenzes de RAI LADINIA
Mertesc, 23 de aurí - Aisciuda Ladina 2019 – Festival del lengaz
En rejonon con Sabrina Rasom responsabola di servijies linguistics del Comun General de Fascia. Conduzion Anna Mazzel.
La trasmiscion "DAI CRËPS DL SELA" ie da audì uni di dala 19:05 ala 19:30 sun la frecuënzes de RAI LADINIA
Vender, 19 de aurí - Te stua de sn. Eugen Runggaldier
Trasmiscion de Simon Moroder.
Domenia, 21 de aurí - L ciantarin y musizist Ivan Schenk
Ntan la trasmiscion audions nce valguna cianties "dal vif" de Ivan. Trasmiscion de Tobias Dellago.
Mercui, 24 de aurí - La Bolifa: Marco Mattia la musega l'è emozion biota
Cinzia Pistoia per la Bolifa é ruèda insnet tel studio de produzion e registrazion de Marco Mattia olache somea che dalbon la musega sibie n strument per se arvejinèr al maraveous e jir sorafora vigni confin. Program de Anna Mazzel.
TELEVIJION
Mertesc, 23 de aurì dala 20:50 - Cult rituai da inier y incö: San Merch
Program de Daria Valentin y Hanspeter Karbon, a cura de Alessandro Dapunt.
Mercui, 24 de aurì dala 20:50 - Trail spezial - Mancianza de vocaziuns: La dlijia tla crisa, al ne vëgn nia do ca proi jogn.
De ci vers dess pa jí la dlijia, la sozieté? N Trail spezial se dá jö cun la chestiun: tröpes domandes, püces respostes. Redaziun: Mateo Taibon.
Juebia, 25 de aurì dala 20:50 - Euro – trasmisciun d'economia dles valades ladines
De Diego Clara y Hartmann Mairhofer, a cura de Leo Senoner.
Mertesc, 30 de aurì dala 20:50 - Natura e ambient: La ousc del bosch
Trasmiscion de Luciana Detomas, a cura de Anna Mazzel.
Mercui, 01 de má dala 20:50 - Vision for Africa, proiet de aiut umaniter (segonda pert)
Scoles, cëses per mutons, spediei, dliejes y n adum de strutures per judè, dantaldut, i mutons y la families plu melciafiedes. Leo Senoner y l cameraman Jan Piere Karbon à documentà per RAI Ladinia l'esperienza africana dla grupa de Gherdëina.
Juebia, 02 de má dala 20:50 - Scenar ert y cultura
Tesć y cunzet de Lena Mulser, camera y tai de Hanspeter Karbon, a cura de Alessandro Dapunt.

Informaziuns plü menüdes söi programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota "Mediateca" y les trasmiscions radio sota "Podcast".

Dotors y Apoteches
Dotor
L dutor de servisc te Gherdëina da n sada ai 20.4. dala 8.00 daduman nchin la 8.00 daduman de n lunesc ai 22.4. ie l dutor Giuliano Piccoliori de S. Cristina, tel. 0471 792282 o 348 3301004.
N Lunesc de Pasca ai 22.4. ie de servisc l dutor Simon Kostner de Sëlva, tel. 347 2297492.
N mierculdi ai 24.4. dala 8.00 nchin la 8.00 daduman de n vënderdi ai 26.5. ie de servisc l dutor Valentin Tröbinger de Sëlva, tel. 0471/773073 o l 335 6844944.
N sada y dumënia ai 27. y 28.4. ie de servisc l dutor Michael Trocker de Urtijëi, streda Promeneda, tel. 388 2580002.
N merdi ai 30.4. nchin la 8.00 daduman de n juebia ai 2.5. ie de servisc la duturëssa Barbara Micoli de Sëlva, streda Nives 2, tel. 351 5544347.
Le dotur en sorvisc ti cin' comuns dla Val Badia, tl fin dl'edema di 20 y 21 de aurí, é le dotur Edoardo Agreiter, San Martin de Tor, tel. 0474/523315 o 333/1380852. En Lönesc de Pasca ai 22 d'aurí él en sorvisc la dotaría Margarete Mahlknecht, La Val, tel. 349/0667034 o 0474/523018. Sura la festa nazionala di 24 y 25 d'aurí él en sorvisc le dotur Alberto Caretta, Badia, tel. 0471/839706 o 380/3161999. Tl fin dl'edema di 27 y 28 d'aurí él en sorvisc le dotur Luca Galiazzo, tel. 342/5181295.
Apoteca
L'apoteca che ie de servisc per Gherdëina, ora dl orar ordiner de giaurida, da n vënderdi ai 19.4. nchin n vënderdi ai 26.4. ie chëla de Urtijëi, tel. 0471/796125 (orar de giaurida 9.00-12.00/15.00-19.00).
Da n vënderdi 26.4. nchin n vënderdi ai 3.5. ie de servisc la apoteca de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).
L'apoteca en sorvisc tla Val Badia, fora dl orar ordinar, dal vëndres ai 19 de aurí dales 19:00 al vëndres ai 26 de aurí ales 19:00, é chëra da San Martin/Picolin, tel. 0474/523020. Dai 26 d'aurí ai 3 de ma él en sorvisc l'apoteca d'Al Plan, tel. 0474/501240.

Iadi, jites y escurscions
Lech de Iseo y Bergamo Alta
Ai 25 y 26 de mei mët l KVW de Sëlva a jì n pitl viac al Lech de Iseo cun na jita a Monte Isola y l vën nce jit a ti cialé ala bela zità de Bergamo Alta. L se trata de na jita nia sfadiëusa, adateda per duc. N possa se lascé nuté su da Rudolf Mussner, tel. 335 6380973 o 0471 794375 (da sëira).
Instà cun l "Saut"
L local di jëuni Saut mët a jì per d'instà de plu viages: dai 20.6. ai 24.6. al Donauinselfest per i jëuni da 18 a 22 ani; dai 29.7. ai 2.8. viac cun l ABO+ per jëuni dla scoles mesanes; dai 26.8. ai 30.8. viac ne sé ulà, per jëuni y jëunes da 15 a 17 ani. La iscrizions vën tëutes su da Sabrina, tel. 371 3164572 o saut@njg.it.
Cun l KVW a Dresden
Dai 7. ai 10.6. (Pasca de Mei) mët l KVW de Urtijëi a jì n viac a Dresden per jì a ti cialé ala truepa marueies dla zità. N furnerà nce cun la berca sun la Elbe da Dresden a Pillnitz y fajerà na jita tl parch naziunel "Sächsische Schweiz". L viac ie daviert a duc! N possa apusté l viac diretamënter da Raetiatours a Urtijëi, tel. 0471 798500, ulache l ie nce da giapé l program plu avisa.

Teater
Naval-gei a teater
L Comun de Moena endreza la rassegna "Navalgei a teater". En sabeda ai 18 de mé h. 20.30 la Filodramatica "L. Deflorian" e la scola de musega "Il Pentagramma" porta dant "Gli aristoMatti". Info Ofize Perle Alpine 0462 565038 o eventi@visitmoena.it.
Cëna cun teater - "Sotissura te fligher"
Le Consëi de Formaziun dl Comun de Corvara mët a jí en sabeda 11 de ma dales 19.30 tl salf dles manifestaziuns a Corvara na cëna cun n teater criminal, olache le publich é invié da stomé l'assassin dla storia, che sará da odëi tratan cëna sön paladina. Regia de Erika Castlunger. Teater y cëna costa 40,00€. Ci che vëgn ite i vá en benefiziënza al Auto di dejiders - Wünschewagen. Infos y prenotaziuns: Sonia al 349/1588485 cina ai 6 de ma.

Chino
LiteraKino, sëires de chino te bibliotech
De vënderdi sëira dala 20.30 – ora che n Vënderdi Sant ­– tla Bibliotech San Durich a Urtijëi. L program plu avisa di films che unirà mustrei ie da udëi te bibliotech, ulache l ie nce julantins da pudëi se tò pea.
Chino de Cianacei
Insnet, vender ai 19 de oril h. 21.15 l'é "A un metro da te", en sabeda ai 20 e en domenia ai 21 h. 21.15 vegn dat "Ma cosa ci dice il cervello", en domenia ai 21 e en lunesc ai 22 h. 17.30 l'é "Wonder park", en lunesc ai 22 h. 21.15 "A un metro da te". En jebia ai 25 vegn serà sù la sajon, se pel jir ite a 4 euro e se pel veder "Dumbo" h. 17.30 e 21.15.
Chino de Pardac
Insnet, vender ai 19 h. 21.15 vegn dat "A un metro da te", en sabeda ai 20 e en domenia ai 21 h. 17.00 "Wonder park" e h. 21.15 "Book club", en lunesc ai 22 h. 16.00 l'é l conzert de Pèsca de la Musega de Pardac; en mèrtesc ai 23 h. 21.15 l'é "Book club", en mercol ai 24 h. 21.15 l'é "Il viaggio di Yao", en jebia ai 25, en vender ai 26 e en sabeda ai 27 h. 21.15 l'é "Avengers: endgame" che vegn dat ence en domenia ai 28 h. 16.00 e 21.15.
Chino de Tieser
Insnet, vender ai 19 e sabeda ai 20 h. 21.15 l'é "Ma cosa ci dice il cervello", en sabeda h. 17.00 "Dumbo", en domenia ai 21 h. 17.30 "Wonder park" e h. 21.00 conzert de la Musega de Tieser, en lunesc ai 22 h. 17.30 l'é "Wonder park"e h. 20.30 "Dumbo". En jebia ai 25 h. 21.15 l'é "Ma cosa ci dice il cervello", en sabeda ai 27 h. 21.15, en domenia ai 28 h. 16.30 e 20.30 (3D) e mèrtesc ai 30 h. 21.15 "Avengers: endgame".

Galaria retrac