Manifestazions atuales speziales

Data

19 de auril 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 19 de auril
"I Polemici" y "Cose di famiglia"
Conzert tl Saj.un a La Ila. La proscima 1.st.friday.live.session@saj.un sará ai 3 de má dales 21.00
Giacomo y Mauro Da Ros, dui fredesc da Vittorio Veneto, á fat esperiënzes desvalies tl ciamp dla musiga. Trami á fat fora de na pasciun süa profesciun. Da plü agn se presentëii sön paladina sot al inom "Cose di famiglia", cun n repertore de stil new folk. Do avëi davagné de plü pesć sciöche ciantauturs, portarái dant tl SaJ.un cianties fora de so album nü "Doana".
Dedô sonará "I Polemici", n grup de musizisć da Balsan che á da püch dé fora n album nü. Al sará da aldí cianties de stil hiphop, rap y crossover. L'entrada é debann.

Reuniun generala dla SEA
En lönesc ai 29 d'aurí dales 19:30, tl salf dl Istitut Ladin a San Martin de Tor
Pro la reuniun generala dla SEA - Sorvisc Energia Ambiënt, söl program en lönesc ai 29 d'aurí dales 19:30 tl salf dl Istitut Ladin a San Martin de Tor, gnarál traté n ordin dl de de 3 punc:
1) Relaziun dl presidënt Martin Clara sön l'ativité dl 2018; 2) Aprovaziun dl bilanz di 31.12.2018 y destinaziun dl ütl (che é a desposiziun tl ofize dla SEA a San Martin o söla plata internet www.sea.bz.it); 3) Desvalies

"Fajëde chësc per mi lecort" (Luca 22:19)
Cumemorazion dla mort de Gejù Crist n vënderdi ai 19.4. dala 20.00 tla Cësa de Cultura a Urtijëi
Coche uni ann, sëis nviei de cuer n ucajion dla Cumemorazion dla mort de Gejù Crist.
L se trata de na zelebrazion scëmpla ma plëina de denità, zënza rituai cumplichei, che nsënia truep n cont dl'umeltà, dl ardimënt y dl amor de Gejù Crist. Per l'Ultima Cëina ova Gejù tëut pan zënza levà y vin cueciun: chisc simboi, che reprejentea si sanch y si corp perfet, nes lecorda l valor dl priesc de lujonga de Gejù Crist y renforza nosta speranza.
Pudon mustré recunescënza per l amor che Die y Gejù Crist nes à mustrà cun nosta prejënza.
Nëus Testemonesc de Iehova se ncunferton sun Vosc unì y saron cuntënc de pudëi Ve dé l bënunì ntan la sëira che ie per nëus la plu mpurtanta dl ann.

Azion de rumé su l luech a Urtijëi
N sada ai 27.4. dala 8.00 se ùrten dan la cësa de chemun a Urtijëi
Coche bele ti ani passei vëniel nce chëst ann inò metù a jì la azion de rumé su l luech de Urtijëi.
L Chemun prëia bel i zitadins y la zitadines, reprejentanc y cumëmbri dla lies y duc chëi che à a cuer l cialé ora de nosc luech y nosc ambient, de judé pea pra chësta azion.
N se urta n sada ai 27 de auril dala 8 daduman dan la cësa de chemun, per se spartì su te grupes y jì ora per l luech a tlupé su la pestaria lasceda ncantëur.
Duc chëi che à judà pea ie da dedò nviei a jì a marënda tla ustaria Terrazza.

"Cie che é mparà dala cëures"
Prejentazion dl liber sun Egon Rusina n vënderdi ai 3.5. dala 19.00 tl "Kunsthaus" a Maran
L fotograf Peter Schatzer y la scritëura Martina Mantinger de Funes à nrescì do doi ani alalongia n con' dl'atività y la vita de Egon Rusina, per jì ite te si maniera de pensé y de sentì.
Tl liber vëniel purtà dant la biografia de Egon pian via da si nfanzia, ruvan a si atività artistica tl tëmp dla prutestes soziel-politiches dal '68 ai ani '80 y si maniera de viver tl tëmp d'al didancuei.
L fotograf y l'autëura à cialà de caraterisé i aspec dl artista, che ne uel nia unì numinà artista.
L liber, che vën dat ora dal editëur "Raetia", unirà prejentà deberieda cun proiezions de fotografies, de lëures d'ert y performances, n vënderdi ai 3 de mei dala 7 da sëira tl "Kunsthaus Meran", sala Cassa dl Sparani, Laubengasse 163. Duc ie nviei de cuer.