Manifestazions atuales

Data

17 de mei 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 17 de mei
Referac
17.05.
La 5 rujenedes dl amor
Nsnuet dala 20:30 te calonia a Urtijëi. Dr. Margarethe Profunser rujenerà dl amor, co sentì, giapé amor, co scinché amor te familia y tl matrimone. Fej pert dla scumenciadiva "Tëmp per la families" dl'Unità cura d'anes de Gherdëina.
17.05.
Telesciaudamënt
La Lia per Natura y Usanzes nvieia duc i nteressei a vijité l mplant de telesciaudamënt a Tluses, n vënderdi ai 17.05. dala 16:30. L respunsabl Harald Pardatscher menerà tres l mplant y spligherà coche l funziunea. N furnea ora a Tluses cun la curiera de linea che muev dala 15:35 a Urtijëi.
17.05.
La reforma dl terzo setor: cunseguënzes per la lies
Dala 17:00 te Tublà da Nives te Sëlva, domesdì de nfurmazion per la lies de Gherdëina n con' dla mudazions per la lies d'ulentariat. I adatamënc sarà da fé nchin ai 3.8., perchël àn nvià la diretëura dl Ufize Cuestions de cabinet che deberieda cun l dr. Christoph Pichler stlarirà cie che l sarà da fé.
20.05.
I desturbs pervia dl sté cun festide
Referat cun la duturëssa Francesca Zucali, n lunesc dala 20:00 te Calonia de Sëlva basite. La referënta rujenerà de d'uni sort de tëmes, de chëles che l n ie for deplù tla sozietà d'al didancuei. Metù a jì dal KVW Sëlva.
22.05.
Jeans-workshop
N mierculdi dala 15:00 a Urtijëi tl local di jëuni Saut, workshop sun l tema Jeans, per capì la ndustria nternaziunela y la burta pertes de chësc marcià. N ti va do al viac che jeans fej, dal'Asia, te nosta butëighes nchin ti container dal vedl guant. L ie da se lascé nuté su danora cherdan su l 371 3164572 o scrijan a saut@njg.it.
23.05.
Recunëscer i uciei aldò dl sonn
La Grupa per la Defendura di Uciei y la Union di Ladins de Gherdëina nvieia al referat cun l espert Iacun Prugger n juebia dala 20.30 tla biblioteca tla Cësa di Ladins a Urtijëi. N sada danmesdì jiràn pona a Laion a usservé i uciei y a cialé de i recunëscer aldò se si sciblé (cëla sot a jites).

Leteratura

24.05.
„Ci che i ciüfs cunta"
En vëndres ai 24 de ma dales 20:00 él te biblioteca da La Ila la presentaziun dl liber „Was Blumen erzählen–Sagen aus der Pflanzenwelt" de Margareta Fuchs. Al sará na presentaziun cun acompagnamënt musical.

Teater

18.05
Naval-gei a teater
L Comun de Moena endreza la rassegna "Naval-gei a teater". En sabeda ai 18 de mé da les 20:30 la Filodramatica "L. Deflorian" e la scola de musega "Il Pentagramma" porta dant "Gli aristoMatti". Info Ofize Perle Alpine 0462 565038 o eventi@visitmoena.it.
19.05.–02.06.
„Stachio n'ó nia partí"
Teater por pici y gragn, cun Silvia Costabiei, Silvia Liotto y Roland Pizzinini. Regia de Erika Castlunger y scenografia de Gabi Mutschlechner. Les prömes rapresentaziuns é: 19.05 dales 14:30 y 16:30 tl Museum Ladin a San Martin de Tor, 20.05 tl salf dles manifestaziuns a Corvara, 27.05 dales 18:00 tl salf dla Raiffeisen a Al Plan.´

Temp Lede

17. – 19.05.
Tëmp per la families
Fin dl'ena dedicà ala familia y metù a jì dal Cunsëi de Pluania dla unità cura d'anes Gherdëina y la Grupa uemes y fenans, cun referac, chino, ancunteda per umans cun mutons y mëssa per la families. La manifestazions ie a Urtijëi, te calonia. Cëla nce sot a "referac".
18.05.
Film "War room"
Duman sada dala 20:30 te calonia a Urtijëi. L film trata de n uem y na fëna che ie boni de uni ora de na crisa... n film de chino american, che fej pensé do y va a cuer. Da dedò stajeràn mo mpue deberieda a se bever zeche y s'la ciaculé.
18.05.
Cualificazion dl turnoi de raité O.v.Wolkenstein
Chësta sada dala 14:30 saràl la garejedes de cualificazion sun l col de Ciastel (Kalvarienberg). L sarà nce truepa scuadres nueves che purverà de se davanië la lerch per fé pea. Da maië y da bever giapeàn ënghe ntan dut l di, leprò nce de bela mujiga.
19.05.
Mëssa per la families y devertimënt per granc y pitli
Dala 9:00 te dlieja S. Durich a Urtijëi, mëssa per la families cun Sn. Pluan Vijo Pitscheider. Da dedò juesc y devertimënt per granc y pitli cun l VKE.
19.05.
"Hallo Jesus"
Dala 20:30 te calonia a Urtijëi, ancunteda per umans cun mutons deberieda cun la referënta dr. Margarethe Profunser.
23.05.
Pubquiz cun la lia Trix
Dala 20.30 tla ustaria Betula a Urtijëi. Vint dumandes, una na "picture round" y na cossa da ndeviné. Ciun sarà pa l team che respund drët a duta la dumandes y vënc l jackpot? Metëve adum te scuadres da 6 y unide tla Betula a Urtijëi a passé na blòta sëira de quiz te na bona cumpania.
25.05.
Room Escape
Unide pea n sada ai 25.05. a Hall (Austria) a na ventura de juech nueva! Per plu nfurmazions o per se lascé nuté su, cherdëde su dala Nëus Jëuni Gherdëina al 0471 799006. Metù a jì dala lia Trix.
25.05.
La Ila: domisdé por mituns a pié pësc
Organisé dala Uniun Pëiapësc Badia, en sabeda ai 25 de ma dales 14:00, pro le lech a La Ila (dlungia ciamp dal palé). Al gnará mostré tecniches desvalies dla pëscia y i mituns podará instësc porvé. Ai pó se tigní n pësc a ce y al gnará damané n contribut de 5,00€ (cun picia marëna). Infos y prenotaziuns anter i 24.05. pro Enrico Zona al 335 8398720 o Gilbert Irsara al 338 1807071.
Nchin ai 29.05.
Mont de Sëuc Balance
Manifestazions desferëntes che à da n fé cun muvimënt che fej bon a corp y ana, cun spëisa sana y se refé tla natura da d'ansciuda. Nfurmazions y l program plu avisa ie da udëi sota a www.seiseralm.it/balance.
29.05.–29.06.
„Momënc ladins" a La Val
Iniann vëgnel pité a La Val sides d'aisciöda, dai 29 de ma ai 29 de jügn, che da d'altonn dai 12.09 ai 16.10 l'iniziativa »Momënc ladins«. Vigni edema él de plü manifestaziuns liades al monn ladin: escurjiuns, ginastica por le jí a pe, curs de ladin, roda cun la e-bike y vijites ai artejans a Pidrô. Le program cun les informaziuns ciafon sön www.altabadia.org

RADIO

17.05.
Crëps dl Sela
La Banca dl Tëmp Gherdëina. Prejentazion de na scumenciadiva nueva. Trasmiscion de Simon Moroder
17.05.–23.05.
LADINIA LIVE
Microfons davierc sun atualità y cultura. La trasmiscion ie da audì uni merdi y mierculdi dala 13:45 ala 14:00 sun la frecuenzes de RAI LADINIA
17.05.–23.05.
Dai Crëps dl Sela
La trasmiscion "DAI CRËPS DL SELA" ie da audì uni di dala 19:05 ala 19:30 sun la frecuënzes de RAI LADINIA
19.05.
Per ne desmincë nia Louis Rifesser da Maciaconi
Da les 19:05. L ie avisa cënt ani ca dala mort de Louis Riffeser da Maciaconi. Ntan la Prima Gran Viera fovel unì pià dai rusc y tl Logher dlongia Mosca ti òvel–da perjunier–mandà truepa chertes a si familia. Chësta chertes ie śën da udëi te na mostra a Curvea. Hilda Insam conta dla vita de bera Louis, che fova n si parënt. Trasmiscion de Simon Moroder.
20.05.
Inuemes de crëps y montes autes te Gherdëina (4)
Da les 19:05. Cun l pruf. Edgar Moroder jons ala scuviërta dla ravises etimologiches y linguistiches dla montes plu cunesciudes de Gherdëina. Do avei nrescì l raion de Puez, Chedul y Cir, muvons deviers de Mezdì per cunëscer miec la grupa dl Sela y Saslong. Nce tlo iel inuems de pizes y montes urijineles che merita n aprufundimënt. Program de Leo Senoner.
21.05.
"L legn rebaltà per Notre Dame"
Da les 13:45. Na scomenzadiva particolèra sporc l bosch rebaltà l'uton passà per la recostruzion de Notre Dame. L'idea é de Stefen Dell'Antonio Monech. La scomenzadiva la è jà vegnuda touta sù da l'architet Renzo Piano e vèlch raion de la Elpes ma te la Ladinia pec à reponet enscin ades. En rejonon con Stefen Dell'Antonio. Conduzion Anna Mazzel.
22.05.
La Bolifa : Marion Boso la persones se palesa tel spilenèr
Da les 19:05. La bolifa tizèda te n ator/a soscedèa emozions soraldut se el/ela enstes ge cree te sie personaje e aló la persones se palesa dalbon ne à contà Marion Boso intervistèda da Cinzia Pistoia. Program de Anna Mazzel.
23.05.
Reformé le dërt dla familia?
Da les 19:05. D'agost 2018 ele gnü assegné ala comisciun »Giustizia del Senato« la proposta de lege 735, conosciüda sciöche »Ddl Pillon«. Na proposta dër contestada y debatüda suradöt do le congress mondial dles families. Na intervista ala avocata Manuela Obojes, che nes spliga deplü sön chësc dessëgn de lege. Program de Esther Videsott.

TELEVIJION

17.05.–23.05.
Informaziuns
Informaziuns plü menüdes söi programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota "Mediateca" y les trasmiscions radio sota "Podcast".
21.05.
dF: La legreza tel emparèr
Da les 20:50. L jech l'é la forma più naturèla de aprendiment e la sensibilità feminina l'à semper dat n gran contribut per svelupèr metodologies e struments didatics che se cruzia di bec e de sie davegnir portan inant la cultura del mond tras la scola. Program de Cinzia Pistoia, a cura de Anna Mazzel.
22.05.
Spëisa ladina: Gnoch da zigher sön le Lüch de Survisc
Da les 20:50. Adöm a Annemarie Vallazza–tl restorant Lüch de Survisc sö Cians a La Val–gnarál arjigné ca na derzada tradizionala: gnoch da zigher cun na salata de soni y chersciöm. Dla regia dla trasmisciun se fistidiëia Zak Mairhofer y Stefan Ghedina, le conzet y conduziun é de Concetta Bonaldi y la redaziun é de Anna Mazzel.
23.05.
Paisc dla Ladinia vita y storia: Maion – Anpezo
Da les 20:50. Maion é na fraziun dl comun d'Ampëz. Le ciastel y la dlijia é liá ala storia dla familia de Zanna, na familia cun origines nobles. A Maion de Sote él ince le stadium dla dlacia, olache tl 1956 él gnü fat l'inauguraziun dles Olimpiades. N program de Erika Castlunger, camera y tai de Hans Peter Karbon, a cura de Alessandro Dapunt.

Iadi y Jites

19.05.
Jita sun l Monte Pizoccolo al Garda
N dumënia mët la Lia da Mont de Gherdëina a jì chësta jita cun n deslivel de 830 m y da jì saràl n 6 ëura. Se scrì ite pòssen tla butëighes Ciofs Inge, Sport Malsiner y Sport Bruno Riffeser mo ncuei vënderdi 17.05.. Per plu nfurmazions pudëis cherdé su Jessica al 338 7925509.
25.05.
Usservé i uciei y i recunëscer aldò dl sciblé
Dala 07:15 nchin la 12.00. N se urta a Solaion sun la plaza dai auti dlongia la ustaria Hubertus. Chiche à na rola dë' la tò pea. Śën de mei, mëns de gran migrazion, saràl mesun fé de bela usservazions. La Grupa per la Defendura di Uciei, la Union di Ladins y la Lia da Mont nvieia a unì pea.
25. – 26.05.
Jita cun la roda ntëur ala Zugspitze
La Lia da Mont de Gherdëina mët a jì chësta jita. L sarà da fé za. 500 m de deslivel al di y da furné za. 4 ëura per na lunghëza de n 40 km al di. N possa se lascé nuté su da Ciofs Inge, Sport Malsiner y Sport Bruno Riffeser mo ncuei 17.05.. Per plu nfurmazions pudëis cherdé Theo al 338 3340111.
26.05.
Sun l "Maiser Waalweg"
La grupa "Nëus jon pa bel plan" dla Lia da Mont de Gherdëina mët a jì na jita da Riffian a Saltaus te Passeier y da iló, sun l "Maiser Waalweg" ora nchin a Obermais-Maran. L program plu avisa ie da giapè tla butëighes ulache l vën pià do la iscrizions. La jita ie saurida, adateda per duc.
7. – 10.06.
Cun l KVW a Dresden
L KVW de Urtijëi mët a jì n viac a Dresden per jì a ti cialé ala truepa marueies dla zità. N furnerà nce cun la berca sun la Elbe y fajerà na jita tl parch naziunel "Sächsische Schweiz". L viac ie daviert a duc! N possa apusté l viac da Raetiatours a Urtijëi, tel. 0471 798500, ulache n giapa nce l program plu avisa.

Dotors y Apoteches
Dutor Gherdëina
L dutor de servisc da n sada ai 18.5. dala 8.00 daduman nchin la 8.00 daduman de n lunesc ai 20.5. ie l dutor Valentin Tröbinger de Sëlva, tel. 0471/773073 o l 335 6844944.
Dotur Val Badia
Le dotur en sorvisc ti cin' comuns dla Val Badia, tl fin dl'edema di 18 y 19 de ma, é le dotur Edoardo Agreiter, San Martin de Tor, tel. 0474 523315 o 333 1380852.
Apoteca Gherdëina
L'apoteca che ie de servisc ora dl orar ordiner de giaurida, da n vënderdi ai 17.5. nchin n vënderdi ai 24.5. ie chëla de Sëlva, tel. 0471/795142 o 333/1776615, (davierta dala 8.30–12.30).
Apoteca Val Badia
L'apoteca en sorvisc fora dl orar ordinar, dal vëndres ai 17 de ma dales 19:00 al vëndres ai 24 de ma ales 19:00, é chëra da San Martin/Picolin, tel. 0474 523020.

Avisc

Atualmënter
Udiënzes dla Uniun di Ostis
La Uniun di Ostis HGV tëgn udiënzes ince tla Val Badia, vigni secundo y cuarto lönesc dl mëis, dales 16:00 ales 17:00 tla ciasa de Comun a Badia.
Atualmënter
L'Ofize de "Ëres dëida Ëres"
L'ofize a Bornech é da ciafé tla str. Paul von Sternbach nr. 6, info.bruneck@frauenhelfenfrauen.it. Al é davert dal lönesc al vëndres dales 8:30 ales 11:30. Fora de chësc orar, vëgnel tut sö termins sön prenotaziun. Tel. 0474 410303.
Atualmënter
Iniziativa di ëi de Puster–MIP
L'ofize dla MIP–Männerinitiative Pustertal dëida i ëi y peri pro caje de devorz, pîta aiüt te situaziuns de dificolté. L'ofize é tl Paternsteig nr. 1 a Bornech y é davert lönesc y mercui dales 14:00 ales 19:00, vëndres dales 8:00 ales 12:00. Tel. 0474 555848, info@mip-pustertal.it
15.05.
L Museum Gherdëina gëura per l instà
L Museum arà daviert dal lunesc al vënderdi, dala 10:00–12:30 y 14:00–18:00. De lugio y agost saràl nce daviert de sada y cun n orar plu lonch. N dumënia ai 19.05. tenirà l Museum Gherdëina si di de porta davierta cun vijites menedes dala 14:00 inant y ntreda debant.
17.05
Jion con la paroles
Anché vender ai 17 de mé da les 17:00 te senta del Museo Ladin de Fascia a Sèn Jan, vegn prejentà la verscion online de la publicazion "Mia pruma paroles". Duc i bec e sia familes é envié a tor pèrt.
18.05
Regoeta fer veie te Fascia
Doman sabeda ai 18 de mé i volontadives di gropes miscionaries Freinademetz e Operazione Mato Grosso i passa a Vich, Poza, Pera, Soraga, Mazin, Ciampestrin e Fontanac a tor sù fer veie e metèi per didèr la miscions. Per i etres paìjes o materiai encompres chiamèr Pietro al 338 1125392 o Franco al 335 5956009.
20.05
Audizions del conseier Luca Guglielmi
L conseier ladin Luca Guglielmi tol dant la jent de lunesc da les 9:15 te Comun de Mazin, da les 10:15 te Comun de Ciampedel, da les 11:15 te Comun de Cianacei; de vender da les 9:15 te Comun de Sèn Jan, da les 10:15 te Comun de Soraga e da les 11:15 te Comun de Moena.
21.05
Rosa Rizzi se prejenta con Fraccaro
La candidata del Moviment 5 Steiles Rosa Rizzi porta dant sie program per la litazions di 26 de mé en mèrtesc ai 21 da les 20:00 te Comun General a Sèn Jan. Tolarà pèrt ence l minister Riccardo Fraccaro e i conseieres provinzièi Filippo Degasperi e Alex Marini.
22.05
Cristina Donei a Sèn Jan
Cristina Donei, candidata ladina autonoma te la coalizion progressista Aleanza Democratica Autonomista te la supletives di 26 de mé, se prejenta a la jent de Fascia en mercol ai 22 da les 20:30 te sala del Consei de Comun de Sèn Jan. Duc é envié de cher.
22.05. y 24.05.
Sorvisc de consulënza y orientamënt
Le Sorvisc de consulënza y orientamënt por jogn, jones y geniturs sön temesc dla jonëza y dl'educaziun é vigni 2. y 4. mercui dl mëis dales 9:30 ales 11:30 tl Zënter Pedagogich a Picolin (alzada -1) y vigni 2. y 4. vëndres dl mëis dales 13:00 ales 15:00 tl SaJ.un a La Ila (Ciasa dla Cultura, alzada -2). An ne mëss nia prenoté y é debann. Infos: barbara@jogn.org o 342 8410721.
23.05
Festa di atlec del Ski College
En jebia ai 23 de mé te Sorastanza de la Scola Ladina de Fascia a Sèn Jan da les 10:30 l Ski College fèsc n bilanz de la sajon agonistica giusta fenida e vegn festejà i atlec che à abù de bie resultac.
30.05.
Nëus Jëuni Gherdëina, senteda generela straurdinera
N juebia ai 30.05. dala 19:00 la prima cherdeda y dala 20:00 la segonda. Pervia dla reforma per la lies d'ulentariat àn messù fé n valguna mudazions dl statut, che ie da dé pro. L sarà da lité danuef l cunsëi che vën smendrà a 7 cunselieres y sarà mo vel' nuvità. L sarà nce prejënt l notar dr. Crepaz.

Sport

Uni mierculdi
Sauté per sculeies cun i Gherdëina Runners
N à inò scumencià cun i alenamënc per mutons dala prima elementera ala terza mesana. Trainadëures ie chëst ann Herbert Stuffer y Elena Piazza y se n anconta uni merdi dala 18.00 dan la scola elementera a Urtijëi. Per nfurmazions cherdé su Frohwalt al 333 3552538.
26.05
Fascia Up & Down
L'Atletica Fassa08 endreza en domenia ai 26 de mé da les 9:30 la 7^ edizion de la Fascia Up & Down, na garejèda de corsa individuèla o a cobies che ponta demez e rua a Poza aló dal tendon de la manifestazions. Info www.atleticafassa08.com.
08.06.
Dolomites Saslong Half Marathon
I urganisadëures ulëssa ti fé a l savëi a duc i ladins che fajëssa gën pea de se scrì pernanche la va. N ie bele ruvei a 450 scric ite y l puderà fé pea al plu 600 atlec. La garejeda se sauté muev sun Mont de Pana per jì ntëur Saslonch y Sasplat y fina inò sun Pana. Plu nfurmazions sot a www.saslong.run.

Sozial
17.05.
Deberieda: jon a cialé coche i fej ciociul y a n luech da paur
Ncuei vënderdi dala 14:00 se ancuntons dan la Cësa de Paussa a Urtijëi, per furné deberieda a Tisens/Ciastel. "Deberieda" ie na grupa per se ancunté danter persones che à problems psichics o de sozialisazion cun ulenteres. Per infos tel. 0471 798015. (Respunsabla dla manifestazion: Silvia Schenk).
22.05
Portel de referiment sozièl
Ogne mercol da les 16:00 a les 18:00 te Comun general, te strèda di Pré de Lejia a Sèn Jan vegn metù a jir n portel de referiment sozièl, per problemes de dependenzes o de autra sort, avert a duc e no a paament. Ge vel se prenotèr. Per informazions chiamèr l 370 3004296 o scriver a: sportello.lerais@gmail.com.
23.05
Ledesc dal jech a risech
La sociazion A.M.A. endreza na lingia de encontres sul jech a risech con Giulia Tomasi esperta de dependenzes e Graziano Manica espert de bilanz de familia. La seconda é en jebia ai 23 de mé da les 20:00 a les 21:30 te sala del distret sanitarie de Pardac, corso Alcide Degasperi 12. Info www.noazzardo.beta-webs.com.

Religion

18.05.
Messa ladina dla Comunanza
Sciche al é usanza se enconta i Ladins de Bulsan y di luesc entournvia per la santa messa de mei. En chest ann sarala en esabeda, ai 18 de mei, da les 16:00, tla gliejia di Capuziners a Bulsan. Dedó saral aurela curta y la pitla marena.
24.05.
Da olá é pa gnü le Cristianejim?
Le Consëi de Cöra de Badia inviëia al referat cun siur Sepl Granruaz, dal titul »Da olá él pa gnü le Cristianejim? Al n'é nia parenté cun d'atres religiuns«. Le referat vëgn tigní en vëndres ai 24 de ma dales 20:00, tla Ciasa J. B. Runcher a Badia.
06.06.
Pelegrinaje a Karthaus
Tl santuar de »Unsere Frau«. Iade organisé dala Uniun dles Porsones Vëdues y Sores dla Val Badia, en jöbia ai 6 de jügn. Iade y marëna costa 50,00€. Da s'anunzié él pla rapresentanta de paisc o al nr. 0474 590069. Coriera nr. 1: 7:00 a San Ciascian, 7:15 a Calfosch, 7:20 a Corvara, 7:30 a La Ila y 7:40 a Pedraces. coriera nr. 2: 7:30 La Val, 7:40 Pidrô, 7:45 San Martin y 8:00 Longega.

Mostres y Ert

Atualmënter
Gherdëina y la Belle Époque
La Belle Époque ie stat n tëmp de bënsté ntëur l 1900, che à durà n 30 ani tl'Europa y Gherdëina à trat profit da chësc tëmp de bënsté. La fotografies de Albert de Sodlieja ie drët adatedes per mustré su chësc tëmp passà sot ala K.u.K. Monarchie y ie da udëi tl Café Surëdl a Urtijëi, str. Roma 101.
Atualmënter
Mostra de Guido Tavella a Bornech
Cina ai 31 de ma él da odëi tla Raiffeisen Galerie, str. Europa 19 a Bornech na mostra de Guido Tavella da La Val. Chisc é i orars: lönesc, mertesc, mercui y vëndres dales 8:00 ales 12:30 y dales 14:30 ales 16:30; la jöbia dales 8:00 ales 12:30 y dales 17:00 ales 18:30.
11.05. – 30.09.
Bivacco
Ntan la bienela de Unieja iel da udëi na nstalazion di artisć Hannes Egger, Simon Perathoner, Jacopo Candotti, Nicolò Degiorgis, Julia Frank, Leander Schönweger y Maria Walcher. Te n gran verzon sun l ijula de San Servolo iel da pudëi ti cialé uni di y da uni ëura al "bivacco", simbul de cuntat y barat danter jënt de paejes de cunfin.
20.05.
"Nebula" mostra di studënc dla Scola d'Ert "Cademia"
N lunesc ai 20.05. dala 16:00 tla sala dla Lia Mostra d'Ert/Circolo a Urtijëi saràl la giaurida dla mostra di studënc dla 5. tlasses, che lascerà udëi si lëures coche simbul de si percurs de maduranza di ultimi cin'ani. La mostra resterà davierta nchin ai 26.05. uni di dala 10:00-12:00 y 16:00-19:00.

Cursc

08.07. – 12.08.
Se njenië ca a parturì
Per ëiles che aspieta y genitores dl daunì, che à l terminn de setëmber/utober 2019. L'ancuntedes sarà tla palestra dla Cësa de Paussa a Urtijëi, uni lunesc dala 16:00 ala 18:00/19:00. Iscrizions: CUPP tel. 0471/457457, 8:00-16:00 dal lunesc al vënderdi; email vormerkung.bz@sabes.it; ëifoma 0471/797778, assistënta sanitera 0471/794290.

Chino
Uni vënderdi
Sëires de chino te bibliotech
De vënderdi sëira iel l LiteraKino dala 20.30 tla Bibliotech San Durich a Urtijëi. L program plu avisa di films che unirà mustrei ie da udëi te bibliotech, ulache l ie nce julantins da pudëi se tò pea.
Atualmënter
Chino de Pardac
Insnet, vender ai 17, en sabeda ai 18, en domenia ai 19 e en jebia ai 23 de mé, da les 21:15 se pel veder "Attenti a quelle due". En domenia ai 19 da les 17:00 vegn moscià enveze "A spasso con Willy". Da vender ai 24 per dut l fin de setemèna sarà en program "Aladdin".
Atualmënter
Chino de Tieser
Vender ai 17 de mé da les 21:15 vegn moscià "Cafarnao. Caos e miracoli"; en sabeda ai 18 da la medema ora e en domenia ai 19 da les 20:30 l'é "John Wick 3", en mercol ai 22 da les 21:15 "Aladdin". En vender ai 24 da les 20:30 e en sabeda ai 25 da les 17:00 l spetacol de fin de l'an de Non Solo Danza: "Maleficent".

Mujiga
17.05
Conzert d'Aisciuda a Vich
En vender ai 17 de mé da les 21:00 a Vich te tendon de le manifestazion la Musega de Vich endreza sie tradizional Conzert d'Aisciuda.
17.05.
Conzert d'aisciöda dla Müjiga Calfosch-Corvara
La Müjiga Calfosch-Corvara tëgn le conzert incö vëndres ai 17 de ma dales 20:30, tl salf dles manifestaziuns Franz A. Rottonara a Corvara. Sot ala bachëta dl dirighënt Gerhard Mohr gnarál porté dant toc tradizionai y plü moderns. Danter la pröma y la secunda pert gnarál surandé onoranzes.
18.05.
Cunzert dl Cor di Jëuni Urtijëi y dl Cor di Jëuni S. Cristina
Duman sada dala 20:00 tla Cësa de Cultura a Urtijëi cianterà 60 jëuni per l cunzert "Sometimes in our lifes" per l'ucajion di 25 ani dl cor de Urtijëi. L sarà n cunzert dedicà ala storia dl pop, ciantà da jëuni da na gran pascion y legrëza per la mujiga. Ntreda cun dunfierta liedia.
25.05.
Cunzert dl Ensemble Gherdëina
N sada ai 25.05. dala 20.30 te dlieja de Urtijëi tenirà l Ensemble Gherdëina l cunzert dal titul "Luminous light of the soul".
26.05.
L vën ciantà y sunà da mont cun la "Grödner Geigenmusig"
N dumënia ai 26.05. dala 9:00 s.mëssa te dlieja de Urtijëi, dala 10:00 furnons sun Mont de Sëuc cun la furnadoia (priesc speziel de 10 €). Te ustaria sa la stazion dala 10:30 cianté, suné y balé, dala 16:30 "Hoangart". Dala 16:50 furnea l'ultima furnadoia.

Publizistica

22.05.
La Banca dl Tëmp Gherdëina
La sëira de nfurmazion n cont de chësta scumenciadiva nueva, metuda su śën nce te Gherdëina, unirà tenida n mierculdi ai 22.5. te Sëlva tla Bibliotech O.v. Wolkenstein.
Nchin ai 31.05.
Dessënies de vita, tla Bibliotech San Durich
Cie ie pa mpurtant tla vita y co ulons'a o messons'a viver? Chëstes ie dumandes che à for nteressà l'umanità. Persones de ciamps desfrënc se à dat ju limpea. Na gran vela de libri nueves sun chësta tematica, stories de vita y biografies, ie śën metui ora tla biblioteca a Urtijëi y ie unic metui a despusizion dala biblioteca Teßmann.

Galaria retrac