L oroscop de "La Usc di Ladins"

Data

09 de setember 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Enjigné per chesta edema da la astrologa Gabriella Welponer. I l ciafeis edema per edema tla edizion stampeda de La Usc di Ladins!
Aries
Per i nascius sot l segn dl mot (aries) é chesta edema dut ater che da stufé. Al é ence meso che al dae ca na mudazion fondamentala te vos, dantaldut tl amor, ajache l planet Venus passa en sabeda tla ciasa partnera. Pro i pers vegnel indó n temp fresch, y i singles pó se inamoré danuef.

Taurus
Soredl, Mercur, Venus y Mars é te na posizion armonica y deida l manz jí inant bon –  zenza che al messe lascé sté les persones che ti é dlongia. Sce al varieia con respet sun i autri, arjonjel truep de plu che sce al vá inant da soul con si cef.

Gemini
Per i jomelins (gemini) porta l’edema varieté y variazion. De chest festidieia Iupiter y da en sabeda inant Mercur y Venus. L jomelin é sen l zenter che slomina, al á bona luna y sá avisa co fé plu bel l temp.

Cancer
L creibes (cancer) á sen les mioures chertes per jí con de vedli avanc te troi. N influs á per chest fin ence la luna colma tl Pesc. L creibes dess lascé regore dut l bel y important sciche al vá, y se intene dles bones energies che é entourn el via.

Leo
Canche al passa en sabeda Venus tl segn dla stadiera, spo é l amor sun l iade dl vers dl Lion. Con Venus tl Sestil él feter imposcibl che ala passe dlongia via. Sce i seis te na relazion amorousa, pona viveise sen n renfrescament, per singles dl lion podessel ester n temp da flirts.

Virgo
Soredl y Neptun se abina en oposizion per la Vergine. Chest vuel dí p.ej. che ala é bona de desfiré via compic con gran creativité, ala dess lascé jolé la fantasia. Chi sá pa, magari sautel fora chisc dis na ocajion lucrativa per i nascius sot l segn dla Vergine?

Libra
Per i nascius tl segn dla stadiera podess ester l’edema che vegn n pue stafiousa. Al ti convegn de lascé passé dut via con pazienza. Al é indere ence Venus y Mercur che deida con energia y cherieia contac nuefs. Per plu "stadieres" anter vos podessel mete man na relazion nueva.

Scorpio
L scorpion á i dis che vegn n bon timing per se realisé si programs y i tré tres zenza bate sun i atri y sun sforc. Al sá sen avisa cie che al vuel. L scorpion á sen ence la poscibelté de romené fora de troi malentenudes.

Sagittarius
L scizer (sagittarius) á chesta edema cater planec tl cuadrat: Soredl, Mercur, Venus y Mars. Chest ti tol l coraje, ajache dut stenta. Ence la puecia conzentrazion y la nervosité ti dá da sćiampí. L miour él da se dediché al essenzial.

Capricornus
La luna colma ti Pesc é per l Stambech indó n temp interessant. Chesta luna é per i nascius tl Capricornus na fontana de forza da anuzé. Ence n som pó sen se realisé, sce al vegn manifesté. Demé ester lesiers y creatifs, enscí fej la vita plajei!

Aquarius
La fin dla edema é Venus passeda tl segn dl’aria parenté dla stadiera. Per l acuare se mostra dut te na lum clera y lesiera. Les beles cosses comparesc te sia ment. Te chesta spana de temp él assé meso che al vegne l gran amor.

Pisces
I pesc á de bones chertes per na bela edema. I eis a desposizion n grum de energia. Soredl, Mercur, Venus y Mars é tres ciamó tla ciasa partnera "Vergine". Anuzede chest temp, per ejempl per bate tres na cossa per vos importanta, y dut garatará a na maniera che l Pesc vuel y se aoda!