L romann de Roland Verra: "Jan sul troi dla desmincënza”

Data

09 de otober 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Do na lingia de libri de poejies, dal "Cudejel di dis y dla sajons" dl 1989 nchin a "Flistres" dl 2018, se à Roland Verra dat ju ultimamënter cun la scritura n prosa. Ai 10 de utober uniràl prejentà tla Cësa di Ladins a Urtijëi si romann nuef dal titul "Jan sul troi dla desmincënza". L se trata dla storia de Jan, che viv plutosc de zes dala cumenanza y muessa se fé pea dla dutes te n sistem de pudëi ntort y fauz, ulache l lëura, zënza gran legrëza y sudesfazion. Scebën che l sibe bon de mantenì si post, do che l sistem toma ndalauter per gaujes de coruzion, ne se n stàl nia bën te si posizion y damanda trasferimënt te na gran zità, ulache l ie mo plu ijulà, tant che ala fin ti réstel mé plu la desmincianza de dut cant. La minonghes de chësc personaje sun la vita y la jënt, si pensieres y jaghedes filosofiches, si cunflic sentimentei y ideologics: chësc vën a lum te plu episodes, a luesc ironiches, a luesc tragicomiches. L liber ie nce ilustrà cun pitures dl autor nstës y vën dat ora tla verscion ladina y taliana dal Istitut Ladin “Micurá de Rü”. N ucajion dla prejentazion, n juebia sëira ai 10 de utober 2019, dala 20:30, tla Cësa di Ladins a Urtijëi, saràl Rut Bernardi che purterà dant si usservazions n cont de chësc romann y la grupa “Tel Tipes” acumpanierà la sëira cun si cianté a plu ujes.

FOTO Roland Verra, l autor dl liber.