Maestra de musiga y dirighënta

Data

13 de fauré 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Dancá y da na pert... Na ciacolada con Stefanie Watschinger, co ensëgna tla Scora de Musiga Val Badia y é belo da plü agn encá dirighënta dla Musiga dal Sest.
Podesste pa te presenté en cört a nüsc leturs?
Iu sun Stefanie Watschinger y i sun nasciüda a Le Sest. I viri belo da plü dio a Al Plan y da 10 agn encá ensëgni tla Scora de Musiga Val Badia.

Töa vita se roda trep encër la musiga. Co é pa nasciüda cösta pasciun?
Te nosta familia á la musiga dagnora albü na gran emportanza. Belo da picera ensö aldii tres musiga, porchël ne fossera gnanca jüda atramonter: mia mama ciantâ, mio tata ea pla musiga, al sonâ y ascutâ musiga da fle y é sté codio dirighënt. Ensciö ái ince iu tosc motü man da emparé da soné en stromont pla scora de musiga, fabló y clarinet.

An pó feter dí che i dirighënc dla Musiga dal Sest é na chestiun de familia...
Avisa. Empröma é mio nene sté 30 agn dirighënt, spo mio tata 17 agn. Y iu l’á sorantut da ël.

Ci ó pa dí por te la musiga?
Musiga é por me variaziun, tres endó descorí val’ de nö. Al é na pasciun che i ti trasmëti dër ienn ai atri. Al é na gran fortüna che i pó endertant le fá por laur tla Scora de Musiga, y spo ince pla Musiga dal Sest. Al é döes metodes de laur daldöt desvalies, mo a me mo vára bun sce i pó dé ennant ci che i sonti desco pasciun y i feji ienn.


Döta la intervista podëise lí t’La Usc di Ladins di 14.02.2020
 (pablo)