La Usc di Ladins

Te Fascia, l’é cater èlbres monumentai, doi sul tegnir del comun de Ciampedel e doi sun chel de Sèn Jan, te la frazion de Vich. L’an passà l CAI SAT Auta Fascia l’aea domanà de tor ite tel register etres doi èlbres, aboncont chisc no i é stac amò registré.

I èlbres monumentai de Vich i é de enteress provinzièl. L prum l’é n zirm e l se troa a 2050 metres sa Davide. L’é aut 19,5 metres e l’à na circonferenza de 341 centimetres.

Sun Pian del Bé, se troa enveze n pec de 413 centimetres de circonferenza e 22 metres de auteza.

Te val Duron, te località Dò Col d’Aura, se troa enveze n auter zirm, de enteress nazionèl. L’à na circonferenza de 2 metres e 20 e n’auteza de 10 metres. Chest l’é stat cernù desche èlber monuumental per l valor ecologich, la mesures, l’età (se peissa più che 200 egn) e la forma e l portament. Te la località Ronch enveze, semper te comun de Ciampedel, l’é n pec, chel co la circonferenza più grana che duc, che l’arjonc 4 metres e 61, con n’auteza de 25 metres e mez. Chest ultim à arjont sia »zelebrità« per la mesures, l’età (120 egn), la forma e l portament.

 (nr)