La Usc di Ladins

Scilla, t'es na mama dër jona. Can t'aste pa maridé y tan de mituns aste pa?
Scilla I m'á maridé cun 25 agn, sëgn n'ái 31 y i á trëi mituns: Giorgia de 5 agn, Filippo de 3 agn y Tommaso che á 4 mëisc. Avëi trëi mituns é dagnora sté mi some, i sun dër contënta.

Avëi trëi mituns é dessigü n gran impëgn. Co é pa cambiada tüa vita da canche t'es deventada na mama?
Degüna ëra ne nasc uma. Al é sciöche n laur, che an mëss imparé de por de. Al müda i ritms, an mëss se mëte da pert y se organisé. I mëssi dí che les maius dificoltés ái albü canche al é nasciü Giorgia. Al ê döt nü por me. Cun le pröm möt él düc che te cunta ma les beles cosses, nia les dificoltés. Cun Filippo savôi bele n pü' plü co fá. I m'á fat plü saurí. En chësc isté él spo nasciü Tommaso y al é indó sté n gran cambiamënt. An adora tröpes energies, al é tröp da fá, cis canche ai é tan pici, mo i arati che an se fejes plü saurí cun trëi che cun un.

Deplù te la edizion dl 30 de otober