La Usc di Ladins

Podede ne dir vèlch de vosc lurier de ensegnanta de ladin?
Gé ensegne ladin a passa 300 bec de la scola mesèna e ensegnèr me sà bel. Dò l'università, acà 12 egn, aee fat la scola d'istà e aee fat ence n cors de spagnol per la Scola de Fascia; d'uton i me à chiamà a fèr na sostituzion de ingleis. Dapò é seghità a ensegnèr e ades da 6 egn fae demò ladin: me saessa bel ensegnèr ence etres lengac, ma dapò doventassa massa pesoch.

Che raport aede coi lengac?
I lengac me à semper piajù, jà en seconda mesèna son stata dotrei setemènes te l'Austria, a Villach e canche é fat l'Università son stata a Majorca te na cèsa olache el era todesch e ela talièna. La fia la sentìa rejonèr spagnol, todesch e talian e per mie cont la era n muie descedèda e ascorta apontin per chest. Fosc da aló é ciapà l'amor per l mescedament de cultures e lengac. Ence canche ensegne ladin fae semper confronc coi etres lengac, no é mai entenù la discriminazion anter lengac.

Deplù te la edizion dl 11 de dezember  (LG)