La Usc di Ladins

Bondì, posto te prejentà n curt?
Roberto Me clame Roberto, è 32 agn e è na boteiga a Reba.

Ce posto ne contà de tuo laor?
Mane nnavánt chësta boteiga – che à dalviert mia mere del 1978 – da cánche è fenì le scole aute a la Ila del 2006; spo l é catordesc agn che son chilò. Davánt deve na mán, po l'ativité l'é passada a mio inom de mei del ann passé e è dezedù de fè na restruturazion, de fè dut nuof nte boteiga; son ence passei co la ciadëna Despar. Mia mere la l ava dalviert come supermercato, po del 2002 l eva sté restruturé plu per vëne spezialité da mangé e ades mi è renové fora da nuof. Con chi del Despar on troc de prodoc da cierne fora e on tres n canton per i souvenir, ajache lauron trop coi turisć e, nte chësta maniera, podon ie perferì n frëgo de dut.

Donca puoch darè che avé fat fora l é ruà l Covid: come ve l'aveo cavada?
On lauré polito dai pruns de dezember del 2019, co on tourné a giourì, fin a la fin de faurè; po i sciori i é sciampei, ma nos on tignù dalviert fin a la fin dei mei e on lauré polito co la jent da Fodom: on sarè doi setemane a la fin de mei per se paussé e po on giourì ndavò fin a mez de otober. D'istè on lauré polito, forache de jugn, senza le manife­stazions; per l inviern, vedaron.

Deplù te la edizion dl 18 de dezember