Iu sun Roland Daverda, i á 49 agn y viri a Al Plan. I sun maridé, á trëi mituns y sun laorant pal Comun de Mareo.
Tan d’agn fejte pa belo cösc laur y ci fajêste pa denant?
Motü man ái dal 2005, porchël él 15 agn. Denant sunse sté n pér d’agn postin, y ciamó denant portâi fora boandes cole camion y laurâ te magazînn.
Co s’ára pa porté pro che t’es roé pal Comun?
I orea cambié laur. I á damané te plü posć y danter chisc ince pal Comun de Mareo, olache al ea la poscibilité da ciafé en bel laur, en post sogü y ince te mio paisc.
Desco laorant aste sambën ince da jí cola cadria. Éra plü calma sën, do les gran noeres?
Io, chël pón dí. Ci co se dëida nos, é canche le tomp müda y al lascia da noëi. Enló vára bel plan da roé do. Cina che al nëi de y net mëssunse tres rodé, mo canche al lascia podunse bel plan romené do, condü demez nëi y se fá lerch. Por fortüna él sté trec privac co á daidé empara chi dis, sides tai paîsc co dles perts fora. Enló vára mefo.
Döta la intervista ciafëise t’La Usc di Ladins di 23 de dezëmber
(Intervista: Pablo Palfrader)