Marilena Me clame Marilena e è bù per 42 agn na boteiga a Reba. Ades è lascé l'ativité a mio fiol, ma me ciape dagnëra velch da fè: mprumadedut ntel grop »Insieme si può« da Fodom, na sociazion de volontariat per daidé chi che ntel mondo stà peso de nos.
Ne conteto n frëgo de la tua esperienza nte chësta sociazion?
Mi son a ce del grop nta Fodom da vint agn; l onve metù auna mi e mio om del 2001. Dijonve: »Ci bel che fossa avei n pico grop de chesta sociazion ence chilò, nte nost Fodom, per daidé valgugn!«. Nlouta, l eva bele n grop de la Caritas che se deva da fè. N di m'é rué nte mán un de chi librec del »Insieme si può« che se clama »365 giorni«, ulache i descorëva de suoi projec per le scole e per daidé i tosac de le realté plu puore che on su sta Tiera: è pensé che l eva chël che nos jonve a cherì. Ie n è descorëst a mio om e, auna con autre persone che cugniscionve, on metù su chëst grop: on descorëst col diretor de la sociazion – che a chël temp l eva Piergiorgio da Rold – e on metù mán co nvalgugn projec che ncora ades porton nnavánt.
De plu tla edizion stampeda de La Usc di Ladins o sun l e-paper a paiament www.lausc.it/e-paper