Son de Sëlva, mut de Marion Demetz y Filippo Bussolino, é doi de majera surans. La scola auta éi fat a Urtijëi, tla sezion turistica dl Istitut Tecnich Economich Raetia. Al mumënt sons tl segondo ann de mi stude de dërt a Dispruch. Mi hobbies ie la mujiga sun plata, fé y taië videos, d'inviern vedi gën cun i schi y d'instà feji gën a golf.
La mujiga sun plata ie dessegur na pascion particulera ncueicundì. Da ulà iela pa nasciuda?
L ie na pascion che me à dat inant mi pere. É scumencià a scuté su la plates cun ël. Cun l tëmp éi pona metù adum na mi culezion. Rate che l sibe na maniera de scuté su mujiga scialdi bela, nce sce la ne ne n'ie nia propi pratica. Ma l se trata mpo de na esperienza de audida che ie per mé plu plajëula che no autres.
De plu tla edizion stampeda de La Usc di Ladins o sun l e-paper a paiament www.lausc.it/e-paper
