La Usc di Ladins

Bondì Giacomo, ce posto ne contà de ti?
Ai inom Giacomo, son da Col, ai vint agn e studie a l'università de Padova.

Ce studieto a l'università?
Studie ingegneria del ambient: ai dezijo de fà chest per jì inavant con chel che ai studié a le scole aute al Istitut Minerario de Agort, soraldut la gestion del teritorio. N prima no save da me dezide anter sta facoltà e ingegneria civile, che la se con­centra de pi su le infrastruture, ma po ai dezijo de fà chesta ajache l é na roba nuova e incia parceche pense cha la posse me dà pi oportunità de laor ntel davignì. Ades ai da finì la laurea de trei agn e po vedarai ce fà, ajache dute le lauree specialistiche ilò i é fate domà per ingleje. N prima voleva jì a Trent, ma no ai zafié a jì ite e alora son jù a Padova e son restà ilò, che l é incia pi comodo da jì e vignì.

Come ela juda co l'università sto an cujì particolare?
Dijon che ai bù de le dificoltà, ajache co ai scomenzé i studi no l eva ncora ruà l Covid e avevane bele mitù auna n grop de studio con de auter studenc, che per mi l é stat fondamental ajache a studié n grop se produs dies ote tant che da soi. Po no aon pi pudù se ciatà e alora sion duc jui inavant istesso, ma pi adajio e con pi strussie. (Intervista de Martino Pezzei)

De plu tla edizion stampeda de La Usc di Ladins o sun l e-paper a paiament www.lausc.it/e-paper