La Usc di Ladins

Bondì Greta, ce posto ne contà de tuo laor?
Greta Laore bele dal 2019 per Luxottica, che l à un dei suoi stabilimenc prinzipai chilò n Agort: co ave scomenzé me cruziave del mercà francese de l'azienda, po l an passà de auril, canche l é stat l momento pejo per la crisi del Covid-19, no i podeva me sprelongé l contrat e alora son tornada a laurà nten hotel a La Ila ulà che sonve bele stada canche jive a l'università. Po i m'à tornà a ció n Agort e ades laore come »sales analyst«, che vol dì che me cruzie de analizà i dati de chel che ven vendù ntei paisc de la penisola araba, del Egitto e da marz incia del Messico: chest l é n frego n problema canche l é da se sentì con chi auter gauja l fujo orar. Descore soraldut per ingleje e spagnolo e duore manco i lengaz che ave studié a l'università, todesch e franzeje; ma nte sto ultimo an ai imparà davero tant incia se no ai fat n percors de studi che m'à paricé per l laor che faje ades. L bel de laurà per na realtà come chesta l é che l é semper possibilità de miliorà; l'azienda la ne fas fà incia tanta formazion parceche restone elastici e i lauranc no i se ferme domà al suo, l é giornade intiere che ven dedicade domà a chel. Ades son che faje incia n cors de cineje: l é n langaz saldi difizile da imparà ma ades almanco calche parola sai da la dì. (Intervista de Martino Pezzei)

De plu tla edizion stampeda de La Usc di Ladins o sun l e-paper a paiament www.lausc.it/e-paper