La Usc di Ladins

Julia, poste nes cunté valch de te?
Julia Frenademez Iö sun Julia Frenademez, i á 20 agn y i viri a San Ciascian. Mia plü gran pasciun é la musiga, porchël ái tut la dezijiun, do la scora alta, da jí a studié tl conservatore da Balsan.

Ci stüdieste pa tl conservatore y can aste pa tut la dezijiun da jí chësc tru?
I feji le stüde trienal de fagot. Do les scores altes, che i á fat a Bornech, ái tut la dezijiun da jí inant a studié musiga. I sonâ te na orchestra, la musiga me savô tan bela, ara me emozionâ tan tröp che i á capí che i ess orü fá musiga por döta mia vita. Bele tratan la scora alta ái fat n stüde pre-academich y dedô me ái scrit ite tl conservatore.

Can y co nasc pa tüa pasciun por la musiga?
Bele canche i ê tla elementara âi tut pert a deplü musicals che ê gnüs organisá da Antje Castlunger a La Ila. Tla terza elementara ái spo metü man da frecuenté la scora de musiga. Tl pröm sonâi le fabló y i fajô le curs da cianté. (Intervista: Katia Pizzinini)

De plu tla edizion stampeda de La Usc di Ladins o sun l e-paper a paiament www.lausc.it/e-paper