Marugiana Weiss, da Vich a Toronto

Data

29 de otober 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Dancà y da na pert
Ne diste valch de te?
Gio son Marugiana, son la fia de Oto Pech e de Teresina Rizzi, son del '54 e son da Vich. É na sor Cristina, de cater egn più joena e n fra, Tita, che l é mort sot na levina del 1991.
Mia mare la é morta canche aee 5 egn e ajache ere na beza n muie viva, mie pare canche é abù 7 egn l me à metù te colegio de le Dame inglesi de Persenon, per emparar todesch. Gio son semper stata demez a scola, ma d'istà lurae te boteiga del pan de mie pare e coscita cognoscee duc chi da Vich. Do le mesane é fat doi egn de liceo classich ma dapò é lascià su e mie pare me à manà al Mariengarten a Sèn Paul da le monie, chiò é fat le scole aute. Dapò son vegnuda deretorn te Fascia ma no me saea bel, l era dut massa strent, no me troae. Coscita ge é dit a mie pare che volee jir a studiar ingleis te l'Inghiltera, ma el me à dit che l ge aessa domanà al barba Checo, l fra de mia mare che l era a Toronto tel Canada, se aesse podù jir aló. E coscita del '75 son jita via da Checo e Wally.

Tu ere joena, co te aste troà e che aste fat tel Canada?

Sobito é troà lurier desche chinzidier per na chiromante, l era na situazion mingol certa, no me saea bel. Coscita ge é dit a Wally che volee me n jir, é ciapà mia valisc e son peada demez, é troà na cambra a fit e n lurier desche chinzidier te n'autra familia. Enlouta é cogno­sciù mie om Nicholas, che l era l vejin de ciasa. Do 6 meisc però l goern canadeis no me dajea più l permes de sojor­nanza e coscita é cognù vegnir deretorn. Nicholas l é vegnù a me troar d'istà del '76 e d'uton se aon maridà sa Vich. (MCI)

De plu tla edizion stampeda de La Usc di Ladins o sun l e-paper a paiament www.lausc.it/e-paper

Galaria retrac