Mattia Ai inom Mattia Dimai Lustro e ai disnuof agn. Faje l prim an de università e studie ingegneria a Trent: n pi son darè a fà l cors per deventà maestro de paslonch e incia l cors per deventà socoridor de la Cros Biancia. Davan de jì a l'università inveze ai fat l liceo classico a San Vido de Ciadore.
Come te ciateto a l'università?
Me ciate pulito, ma ai apena scomenzé e no ai ncora n idea completa del ambient universitario. Le leziogn le fon dute n prejenza come davan dal Covid, ma se un l vol l pol se le vardà da dalonz: a mi la m'é juda incia pulito ajache ai finì la scola n an davant e alora ai fat puoch insegnament
View the embedded image gallery online at:
https://www.lausc.it/spezial/17643-danca-y-da-na-pert#sigProId867cba65f7
https://www.lausc.it/spezial/17643-danca-y-da-na-pert#sigProId867cba65f7
Come asto fat a finì la scola n an davant?
Ai fat i ultimi doi agn n un, con na formula che se ciama »scurtà per merito«. Praticamente i studenc che à na zerta media, che l à da ester pi auta del 8 n cuarta e senza degun voto sota l 7 nte le pagele del prim, secondo e terzo an, i pol domandà de fà la matura »scurtada«: i studia da soi l programa del cuinto an intan che va al cuarto, e i fà la matura coi studenc del an davant. L é difizile zafié a fà cujì ajache l é da avè bù semper de bogn voti duc i agn: ai provà a vede se l eva auter jovegn che abe fat la medema roba n Italia ma i eva davero de puoz, l é na rarità. Mi ai dezijo de provà, la é juda pulito e son vignù fora con 95, e donca son content. (Intervista de Martino Pezzei)
De plu tla edizion stampeda de La Usc di Ladins o sun l e-paper a paiament www.lausc.it/e-paper
De plu tla edizion stampeda de La Usc di Ladins o sun l e-paper a paiament www.lausc.it/e-paper