La Usc di Ladins

Sarah, poste te presenté en cört?
Sarah I sun Sarah, i viri a Cor­vara y i laori te na agenzia de iadi a San Ciascian. Rodé é mia gran pasciun, porchël ái daurí n blog te chël che i cunti de iadi, jites y escurjiuns, en particolar tles Dolomites.

Ci aste pa studié?
I á fat le Lizeum Linguistich a La Ila y dedô sunsi jüda a lauré, impröma tl'Assoziaziun Turistica, spo tla Scora de Schi y i á ince fat na sajun te n hotel. Da ot agn incá laori a San Ciascian te na agenzia che organisëia iadi y vacanzes tles Dolomites.

Can te él pa gnü l'idea da daurí n blog?
L'idea é nasciüda dan dui agn, tratan le pröm lockdown. Sciöche tröpes porsones sunsi ince iö restada a ciasa zënza laur y i á messü me inventé val' de nü. Chësc monn me á dagnora afasciné, en particolar la jënt che roda le monn y publichëia spo stories y fotografies de sü iadi. I â odü sön Facebook n curs online y i m'á atira scrit ite. Dedô ái fat ciamó tröc cursc lapró, ince de informatica y da lauré sö fotos. I á realisé da sora mi blog, che é online da merz 2021 incá. (Intervista de Katia Pizzinini)

De plu tla edizion stampeda de La Usc di Ladins o sun l e-paper a paiament www.lausc.it/e-paper