La Usc di Ladins

L é tempes senestres, olache l vent de la vera, mai destudà tel mond a despet de chel che la storia cognessa ne aer ensegnà, é ruà sun usc de l’Europa e se l sent semper più vejin. Vigni dì te noscia majons rua fegures e paroles che moscia l oror e i padimenc de la jent te l’Ucraina.

Che efet pelel aer dut chest sui più picoi? La domana é vegnuda fora ence te la scolines.

Per chest, ne à dit la coordenadora pedagogica de la Scola Ladina de Fascia Tatiana Soraperra, l Servije ativitèdes educative per l’infanzia de la Provinzia de Trent à endrezà na ocajion formativa con esperc, dal titol »Quali parole per parlare di guerra ai bambini?«

A chesta formazion, online e averta a duc i ensegnanc de la scolines provinzièles del Trentin à tout pèrt n muie de ensegnantes ence de noscia val.

Te vigni scola dapò l é stat e vegnarà portà inant percorsc desferenc vardan a sia realtà per compagnèr i bec zenza soscedèr cruzies rejonan de vera.

Podede lejer dut l articol su La Usc stampèda de vender ai 29 de oril.  (Lucia Gross)