La Usc di Ladins

Che él pa la desvalivanza de culture, de lengac e de la jent se no le sfumadure de color che pel far doventar na teila biencia e veta n’opera d’art? Perché l é proprio chesta la vera richezza de l’Europa, la desvalivanza anter popui e l’armonia che pel esser anter chisc: perché per tant bel che n color pel esser, da soul no l podarà mai far n dessegn sun n cader dut valif. E se no se é assà averc a se confrontar con chi che l é desvalif da noi, no se podarà mai emparar zeche da nef. 

Chest, noi bec de la 3LSA de la Scola Ladina de Fascia, l aon bel emparà de gra a n projet endrezà dal professor Beppe Zorzi, pissà per noi joegn, che sion l davegnir de l’Europa. 

L projet, de inom »Schools beyond regions & borders« l é stat endrezà desche projet de zitadinanza europeana e l durarà 3 egn. Noi, bec da Trent e Maran ensema a le scole de Sarajevo e Dublin, aon lurà sun 3 temes chiaf per l davegnir: le mendranze (grop inclujion), le tecnologie (grop partezipazion) e l turism sostegnibol (grop sostegnibilità). 

Dut l articol é da poder lejer su la Piata de la Scola de La Usc stampèda de vender ai 27 de mé.  (Nicole Lozzer)