La Usc di Ladins

Olà se troel pa la contenteza? Anchecondì, te noscia sozietà de consum pisson scialdi a fèr scioldi, chi che duron a se fèr fora cèsa, a se comprèr na bela machina, l guant firmà e sessaben a la moda, la vacanzes te na bela isola esotica, l fonin che ne fèsc mingol da secretèr personèl (che oramai zenza no saassane più nience can jir a dormir) e mile autres preziousc e caprizes.
L é n dit che tanta outes aon sentù te noscia vita: miec i aer che no i aer, ma »i scioldi no dèsc la contenteza«. Sarèl vera?
Él valgugn de voetres che se à amò pissà de jir te coprativa a se n comprèr n bossol, de contenteza? Tel liber che ve mete dant chest meis, chest dejiderie podessa vegnir encontentà. E ades che vivon anter pandemies e veres, no l fossa pa nience bonmarcià.

Podede saer de più sul liber “Il venditore di felicità“ de Davide Calì, dessegnà da Marco Somà su La usc stampèda de veder ai 27 de mé.  (Daniele Verra)