La Usc di Ladins

Marco, co te prejenteto a chi che no te cugnësc?
Son l Marco Crepaz »de Ventura«, nstouta complësce 33 agn. I pruns agn i è vivësć sun Chierz, auna co miei noni e po son rué nt'An­drac, ulache vive ncora ncuoi. Davò la scola mesana son jù a Belum, ulache è fat l Istitut Tec­nich »Segato«: son sté nánter i pruns che s'à diplomé co la specia­lisazion de termotecnico. De chi temp no desmentiarè mei i pruns doi agn nte colegio, pro i prevesc: no l é sté deldut saurì. Bel l é sté l isté che è fat l paster dei mánc sun Mont da Reba: nte cason se steva benon!

E po ci élo suzedù?
È scomencé tost a laoré: d'isté fajëve l manoval e d'inviern sui lifc. Po, foradenia, è dezedù de fè l'université e son jù a Trënt. L é sté na gran bela esperienza. È mossù me rángé nte dut: me cherì la facolté, me fité n cuartier, me fè da mangé... Al terzo ann è bù n cin de dificolté, ma son mpò sté bon de ciapé mia laurea trienala n »Ingegneria Civile«. (Ntervista de Denni Dorigo »del Moro«)

De plu tla edizion stampeda de La Usc di Ladins o sun l e-paper a paiament www.lausc.it/e-paper