Ntan l fin dl’ena à l Aiut Alpin Dolomites do la rata plu not, nsci nce chëst’ena passeda. Danter sada y dumënia àn messù fé na desëina de ntervënc. Danter l auter iesen jic a ti judé a na landa de Ahrntal che se ova fat mel a na giama, la fova jita su a passa 2.300 metri, da sëula, y ne fova nia plu bona de jì inant. N ël de trënt’ani ie frì cun si motor contra n mur. Cun n politrauma iel uni ciarià sun l joler, per julé pona de viers dl spedel de Bulsan. Dumënia daduman àn cherdà l AAD per julé a La Val, ulache n ëila de cincant’ani ne l’ova nia bona. N ne à nia plu pudù salvé l’ëila.
Deplù te la edizion stampada dl 22 de messel
