La Usc di Ladins

Enstadì un de chi 25 letores che d’ogni tant cuca ite te la rubrica ‘Paroles fora de crigna’ me à domanà: »Ma chi él chest Calligari che te seghites a trèr ca? dant no se l’aea sche mai sentù nominèr…«. L’é vera: a respet di etres scritores fascegn de l’Ot e del Nefcent, Amadio Calligari l’é restà te la scurenta ombrìa per cent e passa egn: epura se trata de una de la fegures de maor emportanza per la storia culturèla de noscia comunanza. Demò dal 1987 en ca so inom à scomenzà a sutèr fora man a man su la piates de ‘Mondo Ladino’, ma ades i tempes é madures per ge fèr cognoscer delvers ai ladins una de la personalitèdes più interessantes de la letradura ladina de Fascia.

N apel a la jent per troèr na foto de Amadio Calligari
Ultimamenter si scric é stac stucié fora tant sot l profil linguistich che folclorich, n melaur che tost vegnarà binà a una e dat fora coche carenea. Ma enlouta sun dut chest material sarà da ge lurèr sora amò per n pez. Endèna, per portèr a compiment chest prum vèrech, menciassa demò n retrat. Chi sà mai che valgugn de voetres, fidei letores de ‘la Usc di Ladins’, fosse bogn de n bater fora un o l’auter. Coscita, giusta per ge dèr n mus a un de nesc scritores de maor enteress…

Podede lejer dut l scrit de Fabio Chiocchetti del Goti su La Usc stampède de vender ai 11 de november.