La Usc di Ladins

Posses’a prëibel te prejenté n curt?
Martin Stuflesser Ie son Martin Stuflesser, é 17 ani y vive a Urti­jëi. Feje la scola auta ITE Raetia a Urtijëi, tla sezion aministrazion, finanza y marketing. Al mumënt ne sons nia te chësta scola ajache bele dan n valgun mënsc éi tëut la dezijion de ulëi fé mez n ann ora­decà. Al mumënt sons tl Cana­da, a Squomish, na pitla zità cun feter 20mile zitadins y che ie da abiné tla region de Bri­tish Columbia, daujin a Van­couver.

Ciuldì es’a ulù jì oradecà a scola?
Sambën ulovi miuré mi nglëisc y avëi nce l mesun de mparé d’autra materies y cosses che ne on nia te scola a Urtijëi. Ma l plu mpurtant ie dessegur che é l mesun de mparé truepa cosses per mi vita, co me deriejer tl mond, co cialé de me nstës. Mparé a cunëscer persones y situa­zions nueves, crëscer y de­venté nce na miëura persona. N’autra rejon per unì tlo ca fova nce chëla de jì cun la roda da mont. Bele dai ani incà ie chësta mi pascion, feje downhill, enduro y freeride. L me sà bel a furné juvier, fé sauc y nsci inant. L’enes passedes éi abù l’ucajion de miuré mi tecnica. Śën ie la sajon feter fineda, śën me ncunforti a jì cun i schi. Squomish ie cunesciuda per avëi truep mesuns de furné cun la roda da mont y perchël vën nce truep apasciunei tlo ca. (SPM)