La Usc di Ladins

Elena, podësseto n curt te prejenté?
Me clame Elena Moskvitina, è 24 agn. È passé i pruns 17 agn de mia vita a Syktyvkar, na picola zité ntel nord-est de la Ruscia europea. Po, per jì davò ai studi, son ruada a 1000 km da cesa, a Mosca: ilò m’è laureé n Lingue. M’è po scrit ite nte l’Univescité de Trënt, ulache son drio a me laureé n Lettere. M’è trasferì a Salejei de Sot ntel 2021.

T’as dit che te vegne da na picola zité. Ci ntendeto, ti, per ‘picola zité’?
Dighe tres che l’é picola ma, a dì l vera, no l é propio coscita: l’à 250.000 abitánc. Mpò, l é da tegnì da cont che, ilò damprò, no n é nia: chësta l’é na particola­rité tipica de la Ruscia. Mia zité la fesc pert de na region che se clama »Republica dei Komi«; l’é na region trop grana, se no me fale, ence plu grana de la Ger­mania! Purempò, la conzentrazion demografica l’é assè bassa: pensé che on apëna dies zité. Per arjonje n auter zenter l é da visé per almánco 400 km: per chëst motif no n è mei vijité deguna autra zité de mia region. Mplù, nte la pert nord, se rua a temperature de -50°C, spo na mascia de jent s’à trat a vive plu nju. (Ntervista de Milly Crepaz, per l Istitut Ladin Cesa de Jan)

De plu tla edizion stampeda de La Usc di Ladins o sun l e-paper a paiament www.lausc.it/e-paper