Dancà y da na pert

Data

11 de jené 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Michael "Michi" Prinoth Friser de Urtijëi
USC: Michael Prinoth, Vo sëis n friser che à viagià te truep Paejes dl mond per mparé Vosc lëur. Śën sëis inò de reviers te Gherdëina y pudëis nes cunté tan nteressanta y plëina de esperienzes mundieles che Vosta vita ie. Scumencion da Vosc lëur da friser. Pudëis'a Ve prejenté n curt cun l lëur che fajëis?
Michael Prinoth: Son stilista da 21 ani incà, sibe per ëi che per ëiles. É viagià tres mez l mond per mparé mi lëur. Tl Sudafrica, tla Sardegna, tl'Australia y a Londra.

Cie ie pa l plu mpurtant a fé sciche l se toca l lëur da friser?
L vën for a dì mpue' coche la tlientela ie. N muessa bele danora ntënder sce una o un uel se lascé cunsië o plutosc dì nstësc coche i ëssa gën i ciavëi. Cieche ie scialdi mpurtant, ie che duc che vën ite tl salon se sënte bën y che i posse paussé. L plu mpurtant de dut ie che n feje sentì bela la jënt, do che n ti à taià i ciavëi. Ajache sce n se sënt bel pona ie nce l tai o l culëur ti ciavëi mo ntan bel. Perchël ti éi nce dat l inuem "Pavon" a mi salon tlo te Nudadoia de Sureghes, ajache n dij per gherdëina: "Te ies pu fat/a su sciche n pavon!"

Deplù te la edizion ai 11 de jené

Galaria retrac